Pʉɔ-Lɔ́mɑ 2:21 - Kɑɑ Fí

²¹ Ɛ́ pʉ́ɔlɑ́ tɛ ḿbɔŋ. Lɑ́ mɛlɑ́Ꞌ kʉ̈ɔ́ ɡu ẅi ɔ sɛ́ ńzíꞋ pɛcɔ́ pʉɔ nɛ́ yúu, ɔ kɛ́ mbɔɔ ɡɛ pɑ́Ꞌ yîyɑ́ yúu sɛ́ ḿbíkŋɛ pɔ́ ɔɔ? Ɔ sɛ́ ɛ́sɑ́Ꞌ mbɔ̌ lɑ́Ꞌ ŋɡɔ kɔɔ pɛ́ jʉ̈ɔ, ḿbɛn ḿbɔ́ ńjʉɔ.

Pʉɔ-Lɔ́mɑ 2:21 Marejeleo ya Msalaba

Mɑtʉ̈ɔ 21:13

ŋ́ɡɔ́ɔ ńcú mbɔ̌ pɔ́p ŋɡɔ: Ɛ́ tsɛt ŋwɑꞋnɛ-Sɛ́, Sɛ́ cú ŋɡɔ: «pɛ́ ɡʉ ńdɑ́Ꞌ ɛ́fúŋ ndɑ́ yɑɑ ŋɡɔ: Ndɑ́-cɛꞋlɛ Sɛ́ lɑ́ pʉʉ sɛ́ ńdɔk ŋ́ɡɛ ŋkɑɑ-pɛtsɔ́ŋ.»

Lúkɑ́shi 11:46

Yɛ́su pɑ́Ꞌ ŋɡɔ: «Tɛ mbɑ pʉʉ yʉ́ʉ pɑkyɛ́Ꞌtɛ nɛpʉ́ʉ-Mɔ̌sɛ̂ɛ, pʉʉ kɑ́ pɔ́ sʉ́Ꞌnɛ pɔ́. Ndɔ́ɔ tú pʉʉ, mbíꞋŋɡɔ pʉʉ lɔ ńtíi piꞋ, ńzɑ́p tú-pʉɔmɛsɔŋ ɛ́ pɔ́ ńtsɑ wɔ́p, pʉʉ pɔɔ lɔk mɔ́ncɛꞋ tɔ́pɔ́ ńdɔk ŋ́kẅiꞋ ńcẅɛ́lɛ́ wɔ́p pɔ́.»

Lúkɑ́shi 12:47

ŊɡɑŋfɑꞋ ẅí ɑ jí yúu mi tɑ̌ɑfɑꞋ wɛ sɛ́ ŋ́kɔŋ, ḿbɛn ŋ́kɛ́ ḿbɔɔ yɛcɔ́ yúu niitɛ, ŋ́kɛ́ ḿbɔɔ ɡɛ yúu mi tɑ̌ɑfɑꞋ wɛ sɛ́ ŋ́kɔŋ pɔ́, pɛ́ ɡɛ ńdɑ́Ꞌ ńtswɑ́ɑ wɛ́ tɛꞋ.

Lúkɑ́shi 19:22

Fɔɔ tsɔ́Ꞌ mbɔ̌ wɛ́ ŋɡɔ: Ɔ ŋu ŋɡɑŋfɑꞋ kɛpɔŋ. Ŋ ɡɛ ńdɔk pɔ ntsu wú ŋ́ŋɑk wú. Ɔ kɑ jí ŋɡɔ mbɑk-nu yɑɑ tɛn tɛꞋ, ŋɡɔ n dɔ ḿbɛ́ɛ yúu zʉꞋ yi ŋ kɑ́ nɔŋ, ńtsɔ́Ꞌ yúu zʉꞋ yi ŋ kɑ́ pi.

Lúkɑ́shi 4:23

Yɛ́su pʉ̈ɔt mbɔ̌ pɔ́p ŋɡɔ: «Pʉʉ ɡʉ ŋ́ɡẅɛɛ kwɑŋɛ-sɑknɛkɛt nɛcú ŋɡɔ: Ŋɡɛmɛfu zɔŋ tú mbʉʉ yu! Pɛk zúꞋ ndɑɑkɑ́jʉ́ɔ mɛnu ɔ ŋ́ɡɛnɛ Kɑpɛɛnɑwûm, pɛn ŋ́ɡɛ zɑꞋnɛ lɑ́Ꞌ pʉʉ lɑ́.»

1 Kɔlɛ̂ŋtɛ 9:27

Mɔ sɛ́ ŋ́ɡẅɛɛ mbʉʉ yɑɑ pɑ́ꞋtɛꞋ, ŋ́kúꞋlɛ tɛ ńjí yúu mi ŋ ɡɛnɛ, ḿbɔ́k nɛcẅi Ŋkʉʉ Sʉ́Ꞌnɛ mbɔ̌ pʉɔ, pɛ́ pɛn ŋ́ɡɛ ḿbɑꞋnɛ wɑ́ɑ ŋ́ɡɑ́ nzʉʉ.

Ŋɡɑlɑ̂t 6:13

Pʉɔ pi pɔ́p fyɛ́tnɛ wʉ́ʉ pɔ́Ꞌɔ, kwɑꞋ pɔ́p yɔ́p zɛɛ mbɔɔ ŋ́kúꞋlɛ nɛpʉ́ʉ-pɑyúdɑ tsʉʉ pɔ́. Lɑ́ ŋ́kɛ́ ḿbɔ́ ŋ́kɔŋ pɔ ŋɡɔ pɛ́ púꞋ wʉ́ʉ púꞋnɛ. Pɔ́Ꞌɔ pɔ́p lɔk pɑ́Ꞌ pɔ́p ɡɛ tɛ pɛ́ púꞋ wʉ́ʉ, ńdɔk ŋ́ŋɑ́Ꞌtɛ mbi pɑyúdɑ,