Pʉɔ-Lɔ́mɑ 16:5 - Kɑɑ Fí

⁵ Pʉʉ pɛn ḿbúꞋ mbɔ́ mbɔ̌ cúꞋlɛ-pʉɔ-Kɛlístɔ yi ɛ́ ndɑ́ pɔ́p. Pʉʉ cɛꞋlɛ Ɛpɛ́nɛt, mɔ́ɔmɑ́ wɑ́ɑ wɛ tʉʉndɛn. A nduŋmbi ŋu nɛzɑ́p tʉ́m nǔu Kɛlístɔ tsɛt pɑk-ŋɡɔŋ-Azîi.

Pʉɔ-Lɔ́mɑ 16:5 Marejeleo ya Msalaba

Mɑtʉ̈ɔ 18:20

ZʉꞋ yí pʉɔ pɛ́pɑ́ kɛ pʉɔ pɛtɑ́t zúꞋu, ńcúꞋlɛ zúꞋu nǔu lík yɑ́ɑ, mbɔ ŋ ɡʉ ḿbɔ́ tsɛtsɛt pɔ́p.»

ŊwɑꞋnɛ-Gɑŋntúu Yɛ́su Kɛlístɔ 16:6

Pɔ̂l pɔ́p Sílɑs kɛ ḿbɔ́ ńnɛn nɛnnɛ, Zẅikŋɛ-Sɛ́ ɡɛ ńtɔꞋ wɔ́p nɛɡʉ tsɛt pɑk-ŋɡɔŋ Azîi ɛ́sẅíi nu-Sɛ́, Pɔ́p tsʉ́Ꞌ ńjɛ́Ꞌ tsɛt pɑk-ŋɡɔŋ Filíjîi pɔ́p wɛ Ŋɡɑlɑ̂t jɛ́Ꞌnɛ,

ŊwɑꞋnɛ-Gɑŋntúu Yɛ́su Kɛlístɔ 18:12

Ɛ́ ɡɔ́ ḿbɔ́ yɛcɔ́ ŋkɑ́, Ŋɡɑlíyɔn tsʉ́Ꞌnɛ ŋɡɔ́mnɑɑ nǔu pɑk-ŋɡɔŋ-Pɑlɔ́mɑ yi pɛ́ fúŋnɛ ŋɡɔ Akɑ̂y. Pɑyúdɑ nɑ́ŋ tɛ ńdɔ sɛ́ nzʉʉ Pɔ̂l, ŋ́ɡẅɛɛ wɛ́ ńdɔk ŋ́ɡʉ zʉꞋ yi pɛ́ ŋɑknɛ ntsɑŋ zúꞋu, ɛ́fɛn wɛ́,

ŊwɑꞋnɛ-Gɑŋntúu Yɛ́su Kɛlístɔ 18:27

Apɔlɔ́s ɡɛ ḿbɔ́ ńtsɑ́ɑ nɛfú Ɛ́fɛ̂zɛ ŋ́ɡʉ nǔu pɑk-ŋɡɔŋ-Akɑ́y, pɔ́ɔpɛ́mɑ́ zúꞋ ńníꞋ mɛtʉʉ mɛ́, ŋ́ŋwɑꞋnɛ ŋwɑꞋnɛ ŋ́ɡɑ́ mbɔ̌ wɛ́, nɛpɔ́ yi ɑ ɡʉ ŋ́kúu zúꞋu, ŋ́ɡɑ́ mbɔ̌ pʉɔ-Kɛlístɔ pi pɔ́p zúꞋu pɔ́p kúkŋɛ wɛ́ sʉ́Ꞌnɛ. A ɡʉ tɛ ŋ́kúu zúꞋu, ńcẅɛ́lɛ́ pʉɔ-Kɛlístɔ pɑ́ꞋtɛꞋ, mbíꞋŋɡɔ Sɛ́ kɑ pɔ́ ńtɔ́ɔtɛ wɛ́,

ŊwɑꞋnɛ-Gɑŋntúu Yɛ́su Kɛlístɔ 2:9

Pʉɔ pinɛ pɔ́p fúnɛ Pɑ́ltɛ mbɑ pɛ́ Mɛdɛs, ŋ́ɡɛ pɛ́ Ɛlɑm tsɛtsɛt pɛkŋɛ zɑꞋnɛ. Mbɑ pʉɔ pinɛ pɔ́p nɑ́ŋnɛ Mɛzɔpɔtɑmîi ŋ́ɡɛ pi pɔ́p Judɛ̂. Pʉɔ-Kɑpɑdɔs mbɑ pʉɔ-Pɔ̂ŋ ŋ́ɡɛ pʉɔ nǔu pɑk-ŋɡɔŋ Azîi pɔ́ pɔ sɛ́.

Pʉɔ-Lɔ́mɑ 11:16

Ŋu lɑɑ ńzɛɛ ḿbiitɛ ŋ́ɡɑ́ nduŋmbi kɛm-mbɛlɛ̂t mbɔ̌ Sɛ́, mbɔ mbɛlɛ̂ɛt tsʉʉ tsʉʉ pɔ́ pɔ yɛ́ Sɛ́. Mɛŋɑŋ-tɑ́Ꞌ tʉ́ lɑɑ ḿbɔ́ mbɔ̌ Sɛ́, ḿbɔ́ mbɔ tʉ́ pɛn ḿbɔ́ pɔ mbɔ̌ wɛ́.

Pʉɔ-Lɔ́mɑ 15:26

MbíꞋŋɡɔ pʉɔ-Kɛlístɔ pi pɔ́p Mɑsɛndwɑn mbɑ pɛ́ Akɑ̂y kɑ jʉ́ɔnɛ ŋɡɔ pɔ́p ɡʉ ḿmɑꞋ ŋkɑ́p ńdɔk cẅɛ́lɛ́ pʉɔ-Kɛlístɔ pi pɔ́p Yɛlúsɑlɛm, ḿbɔ́ pɛpúŋ.

Pʉɔ-Lɔ́mɑ 16:12

Pʉʉ cɛꞋlɛ Tilifɛn pɔ́p mɔ́ɔmɑ́ wɛ Tilifɔs, ɛ́ pɑŋɡɛ́ pi pɔ́p fɑꞋnɛ fɑꞋ-Tsɑpʉɔ tɛꞋ. Pʉʉ cɛꞋlɛ Pɛɛsidɛ. A tʉʉndɛn mɔ́ɔmɑ́ wɑ́ɑ wɛ mɑŋɡɛ́. A kɑ fɑꞋ yɛ́ fɑꞋ-Tsɑpʉɔ tɛꞋ.

Pʉɔ-Lɔ́mɑ 16:4

Ɛ́ kɑ tsʉ́Ꞌ mɔ́zʉꞋ pɔ́p pfú nǔu tú yɑ́ɑ. Mɔ kɑ́ pɔ́nɛ ndɑꞋ ŋu ẅí yɔ nu nɑ́ŋnɛ ḿbɔŋ wɛ́ pɔ́. Ɛ́ pɛn ḿbɔŋ mbɑ mɛcúꞋlɛ-pʉɔ-Kɛlístɔ mí ɛ́ tsɛt mɛlɑ́Ꞌ mi ɛ́ kɑ́ pɔ́ mɛ́ pɑyúdɑ pɔ́.

Pʉɔ-Lɔ́mɑ 16:6

Pʉʉ ńcɛꞋlɛ Mɑlíyɑ. A kɑ kíɛ ziꞋnɛ tɛꞋ mbíꞋ wʉ́ʉ.

Pʉɔ-Lɔ́mɑ 16:8

M bɛn ḿbúꞋ mbɔ́ mbɔ̌ Amplíyɑtus. A mɔ́ɔmɑ́ wɑ́ɑ wɛ tʉʉndɛn nzʉʉ Tsɑpʉɔ.

1 Kɔlɛ̂ŋtɛ 16:15

Pɔ́ɔpɛ́mɑ́ pɑ́ɑ, pʉʉ sɛ́ ńjí ŋɡɔ Stɛfɑnɑs pɔ́p tsɛ́nndɑ́ yɛ́, pɛluŋmbi-pɑzɑ́p tʉ́m nǔu Kɛlístɔ tsɛt ndɑ́ yʉʉ Akɑ̂y, pɔ́p sɛ́ ńníꞋ mɛtʉʉ ŋ́ɡɛ yúu mi cúꞋlɛ-pʉɔ-Kɛlístɔ ɡʉ ńdúꞋnɛ. Ɛ́ pɔ́Ꞌɔ, lɑ m bɛn ḿbɔ́ ḿbíkŋɛ wʉ́ʉ ŋɡɔ:

1 Kɔlɛ̂ŋtɛ 16:19

MɛcúꞋlɛ-pʉɔ-Kɛlístɔ mi ɛ́ nǔu shʉ́-Azîi cɛꞋlɛ wʉ́ʉ. Akilɑs pɔ́p Pɛlɛsɛkɑ mbɑ cúꞋlɛ-pʉɔ-Kɛlístɔ yi ɛ́ jʉ́nɛ ndɑ́ pɔ́p lɔk lík-Tsɑpʉɔ ńcɛꞋlɛ wʉ́ʉ tɛꞋ.

2 Kɔlɛ̂ŋtɛ 1:1

Yɔ ŋwɑꞋnɛ fú mbɔ̌ mɔ pɔ̂l ẅi Sɛ́ kɑ kɔŋ kɔŋnɛ ńtsɔ́Ꞌ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ. Pɛk mɔ́ɔmɑ́ wɛkŋɛ Timɔtɛ̂ɛ ŋwɑꞋnɛ́nɛ yɔ ŋwɑꞋnɛ, ŋ́ɡɑ́ mbɔ̌ cúꞋlɛ-pʉɔ-Sɛ́ tʉ́sɔŋ-Kɔlɛŋntɛ. M bɛn ŋ́ŋwɑꞋnɛ ŋ́ɡɑ́ mbɑ mbɔ̌ pʉɔ-Sɛ́ pɛtsʉʉ, pi pɔ́p nǔu shʉ́-Akɑ̂y tsʉʉ.

2 Kɔlɛ̂ŋtɛ 9:2

MbíꞋŋɡɔ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m nǔu yɔ nu, lɑ́ mbɔ ŋ kɑ lɔk nu yʉ́ʉ ŋ́kɑꞋmɛ mbi pʉɔ-Kɛlístɔ pi pɔ́p Mɑsɛndwɑn. Ŋ kɑ sẅíi wɔ́p ŋɡɔ pʉɔ-Kɛlístɔ pi pɔ́p nǔu pɑk-ŋɡɔŋ-Akɑ̂y, tʉ́ʉ nɛɡɑ́ yúu tɛ ɛ́fú ŋɡuꞋlɑɑ. Wʉʉ nɛzɑŋɛ mbʉʉ ŋ́ɡɑ́ yúu kɑ ɡɛ nɛzɑ́ɑ pʉɔ nǔu pɔ́p ɡẅɛɛ pɔŋtʉ́m nɛɡɑ́ yɔ́p yúu.

Kɔlɔsíyɛ̂ŋ 4:15

Pʉʉ cɛꞋlɛ pɔ́ɔpɛ́mɑ́ pi pɔ́p tʉ́sɔŋ-Lɑwɔdisɛ̂, ńcɛꞋlɛ Nimfɑ mbɑ cúꞋlɛ-pʉɔ-Kɛlístɔ yi ɛ́ ndɑ́ yɛ́.

Filɛmɔ̂ŋ 1:2

Ɛ́ yú, ḿbɛn ḿbɔ́ yɛ́ Apíyɑ, mɔ́ɔmɑ́ wɛk wɛ mɑŋɡɛ́, mbɑ yɛ́ Alɛshipɛ, ŋɡɑŋku wɛkŋɛ tsɛt ntsɔ, ŋ́ɡɛ cúꞋlɛ-pʉɔ-Kɛlístɔ yi ɛ́ kúunɛ ndɑ́ ɡu.

Jɑ̂k 1:18

Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.

3 Jɑ̂ŋ 1:1

Mɔ ńcẅɛ́ɛmbi tsɛt cúꞋlɛ-pʉɔ-Kɛlístɔ, ŋ ɡɑ́ yɔ ŋwɑꞋnɛ mbɔ̌ ɡu Gɑẅîs, súu wɑ́ɑ wɛ tʉʉndɛn. Ŋ kɔŋ wú mbíꞋŋɡɔ pûu tɛmtɛ ńtʉ́ʉ nǔu nu nɛ́nẅín.

Mɛnu ɛ́ ńdɑ́Ꞌ ńcẅɛt 14:4

pʉɔ pí pɔ́p pɑŋɡɛ́ ŋkɑɑ ɡɛ mɛnu ndǔmbí pɔ́, pɔ́p pɔ́ pɔ pʉɔ pi pɔ́p ŋkɑɑ mɑŋɡɛ́ jí. Mɔ́ɔ-Njinjɔ ɡʉ ɡɔ́ lɑ́, pɔ́p cʉ́ɔ pɔ nzʉʉ yɛ́. Pʉɔ pi pɛ́ kɑ ɡʉnɛ tsɛtsɛt pʉɔmɛsɔŋ ńtsuꞋ wɔ́p, pɔ́p ḿbɔ́ mbi Sɛ́ mbɑ mbi Mɔ́ɔ-Njinjɔ, ḿbɔ́ pɔ pɑ́Ꞌ ntú-yúu mi ɛ́ fúnɛ ŋkɑ́Ꞌ lɑ́,