Pʉɔ-Lɔ́mɑ 15:18 - Kɑɑ Fí

¹⁸ MbíꞋŋɡɔ n dɑɑ ńcú kʉ̈ɔ́ lɑ́ yi ŋ kɑ ɡɛnɛ nǔu fɑꞋ-Sɛ́, mbɔ ɛ́ pɔ́ pɔ yi Kɛlístɔ kɑ lɔknɛ wɑ́ɑ ŋ́ɡɛ. Pɔ́Ꞌɔ, nɛɡɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ ntsu-Sɛ́, ɛ́ lɛɛ nǔu sẅiŋɛ yi n cúnɛ mbɑ nǔu mɛfɑꞋ mi ɛ fɑꞋnɛ,

Pʉɔ-Lɔ́mɑ 15:18 Marejeleo ya Msalaba

Mɑtʉ̈ɔ 25:16

ŊɡɑŋfɑꞋ ẅí pɛ́ kɑ nɑ́nɛ ŋkɑ́p pɑk ŋkʉ yɛ́tɑ́ɑ mbɔ̌ wɛ́, tsʉ́Ꞌ ŋ́ɡɔ́ɔ fɛ́ꞌnɛ ńtɑ́ŋ yɛ́, tɛ ńjʉ́ yɛcɔ́ pɑk ŋkʉ yɛ́tɑ́ɑ.

Mɑ́lɛ́kúshi 16:20

Gɑŋku-Yɛ́su fú zúꞋu, ŋ́ɡʉ, ńzɛ nɛsẅíi nu-Sɛ́ zʉꞋ tsʉʉ. Tsɑpʉɔ pɔ́ ńdíŋɛ wɔ́p, ńcẅɛ́lɛ́ wɔ́p, ńtɔ́ɔtɛ wɔ́p, pɔ́p ɡɛ mɛŋkʉꞋnɛ mɛnu, mi ɛ́ nyɛtnɛ ŋɡɔ sẅiŋɛ yɔ́p fú mbɔ̌ Sɛ́.]

ŊwɑꞋnɛ-Gɑŋntúu Yɛ́su Kɛlístɔ 14:27

Pɔ́p ɡʉ tɛ ŋ́kúu zúꞋu, ńcúꞋlɛ nɔɔ-pʉɔ-Kɛlístɔ tsʉʉ, ḿbɛ́ɛtɛ mbɑ kʉ̈ɔ́ lɑ́ yi Sɛ́ lɛɛnɛ nǔu pɔ́p ŋ́ɡɛ, ɛ́sẅíi wɔ́p. Nɛzɑ́ɑ mɛnu pɔ́p ḿbɔ́ ńcú pɑ́Ꞌ Sɛ́ kɑ ɡɑ́nɛ shʉ́ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ nɛzɑ́p tʉ́m nǔu Yɛ́su.

ŊwɑꞋnɛ-Gɑŋntúu Yɛ́su Kɛlístɔ 15:12

Pyɛ̂ cú tɛ ḿbɔ́tnɛ ńnɑ́ŋ, pʉɔ tsʉʉ nɑ́Ꞌ. Pɛ́ tsʉ́Ꞌ ńzẅíꞋlɛ pɔ nu yi Pɑnɛpɑ́ɑshi pɔ́p Pɔ̂l cúnɛ. Pɔ́p pɔ́ ḿbɛ́ɛtɛ mɛnu mɑ̌ɑmɑɑnɛ pɔ́p mɛŋkʉꞋnɛ mɛnu mi Sɛ́ kɑ lɔknɛ wɔ́p ŋ́ɡɛ, tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 15:4

Pɔ́p ɡʉ tɛ ŋ́kúu Yɛlúsɑlɛm, ɡɑŋntúu-Yɛ́su pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ mbɑ pʉɔ-Kɛlístɔ tsʉʉ kúkŋɛ wɔ́p. Pɔ̂l pɔ́p Pɑnɛ́pɑ́ɑshi pɛ́ɛtɛ mbɑ kʉ̈ɔ́ lɑ́ yi Sɛ́ kɑ lɔknɛ wɔ́p ŋ́ɡɛ, ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 21:19

Pɔ̂l cɛꞋlɛ wɔ́p tɛ ɛ́ kuꞋ, ɑ kẅiꞋ ńdɛꞋlɛ mɛnu wɛmɔ́Ꞌ wɛ́mɔ́Ꞌ mi Sɛ́ kɑ lɔknɛ wɛ́ ŋ́ɡɛ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́ ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 26:20

Tɛ ńtsʉ́Ꞌ pɔ́Ꞌɔ, mbɔ ŋ kɑ zɛ nǔu pʉɔ-Ndɑ́mɑ́s nɛcú nu yɛ́, ḿbɑ́ɑtɛ ŋ́kúu pʉɔ-pɛ́ Yɛlúsɑlɛm, ɛ́fú zúꞋu ŋ́kúu nǔu pɑk-ŋɡɔŋ-Judɛ̂ tsʉʉ, ɛ́fú zúꞋu ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́, ḿbɔ́ ńcú mbɔ̌ pʉɔ tsʉʉ ŋɡɔ pɔ́p kúpmɛ mɑt wɔp, ḿbɛn mbɔ̌ Sɛ́, ḿbɔ́ ŋ́ɡɛ mɛnu mi ɛ́ nyɛtnɛ ŋɡɔ Pɔ́p kúpmɛ mɑt.

Pʉɔ-Lɔ́mɑ 1:5

Sɛ́ kɑ lɛɛ pɔ nǔu jʉ́ Kɛlístɔ ŋ́ɡɑ́ fuꞋ níinɛ yɑ́ɑ, ńdɔk wɑ́ɑ ŋ́ɡɛ ŋɡɑŋntúu-Yɛ́su Kɛlístɔ nɛpɔ́ yi mɔ ŋ́ɡʉ ɛ́sẅíi nu-Sɛ́, tsɛt mɛŋɡɔŋ tsʉʉ. Pʉɔ zɑ́p tʉ́m nǔu wɛ́, ńzúꞋ ntsu wɛ́, ɛ́ lɛɛ pɔ́Ꞌɔ, pɔ́p ɡɑ́ mɛkuꞋ mbɔ̌ Yɛ́su Kɛlístɔ.

Pʉɔ-Lɔ́mɑ 16:26

Ɛ́ pɛn ḿbɔ́ ŋkɔ̂ɔnɛ, mbɔ ɛ́ cẅɛt mɔ́ mɑ́ntɑ́ɑ. Pɑ́Ꞌ Sɛ́ kɑ cúnɛ lɑ́, pɛ́ ŋkɔ̂ɔnɛ ḿbɔ́ ɛ́fú nǔu yúu mi pɑcẅiŋkʉʉ-Sɛ́ kɑ ŋwɑꞋnɛ́nɛ, ḿbɔ́ ɛ́sɑ́Ꞌ nɛpɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡʉ ńjí Kɛlístɔ, ńzɑ́p tʉ́m nǔu wɛ́, ńzúꞋ ntsu wɛ́.

Pʉɔ-Lɔ́mɑ 6:17

Pɛkŋɛ kɛ́ ŋ́ɡɑ́ pɑ́Ꞌlɑ́ mbɔ̌ Sɛ́, mbíꞋŋɡɔ pʉʉ kɑ pɔ́ yɛcɔ́ ŋkɑ́ ḿbɔ́ ŋkwɑɑ-nu kɛpɔŋ, pʉʉ ŋkɔ̂ɔnɛ, mbɔ pʉʉ lɔk tʉ́m yʉ́ʉ tsʉʉ, ḿbɛ́m yúu mi pɛ́ kɑ zíꞋnɛ wʉ́ʉ. Ɛ́ pɔ́ yi ɛ́ sɛ́ ḿbíkŋɛ ŋɡɔ pʉʉ piitɛ ńjí,

2 Kɔlɛ̂ŋtɛ 11:31

Sɛ́ ẅi ɑ tɑ́t pɛ́ Ndɛ wɛkŋɛ Yɛ́su Kɛlístɔ, jʉ́ Sɛ́ ẅi ɑ sɛ́ ḿbíkŋɛ ŋɡɔ pɛ́ ɡúꞋlɛ wɛ́ kɛ́ zɑ́Ꞌ nɛpɑt, ɑ sɛ́ ńjí ŋɡɔ ŋ kɑ́ pɔ́ ńcú pɑ́Ꞌɑ ńdɔk ńcʉ̈ɔt nu pɔ́.

2 Kɔlɛ̂ŋtɛ 12:6

Mɔ ḿbɔ́ pɛ́Ꞌnɛ ńdɔk túmbʉʉ yɑ́ɑ ŋ́kɑꞋmɛ, mbɔ ŋ kɑ́ pɔ́ ńdɔk ḿbɑ́ pɑ́nɛ pɔ́, mbíꞋŋɡɔ ŋ ɡʉ ńcú pɔ nu nɛ́nẅín. Lɑ́ ŋ kɑ́ pɔ́ ŋ́ɡʉ ŋ́kɑꞋmɛ pɔ́, ḿbɔ́k pɛ́ nɛjʉ́ɔ wɑ́ɑ ńdɛɛ yúu mi pɛ́ sɛ́ ńjʉ́ɔ ŋ ɡɛ, tɛ mbɑ yi mɔ sɛ́ ńcú.

2 Kɔlɛ̂ŋtɛ 3:5

Pɛk kɑ́ pɔ́ ńcú pɑ́Ꞌɑ ŋɡɔ mbɔ pɛk lɔk kwɑꞋ mʉ́k mɛtʉʉ ŋ́ɡɛ yɛcɔ́ yúu pɔ́. Mɛtʉʉ mi pɛk lɔknɛ ŋ́ɡɛ yɔ fɑꞋ fú pɔ mbɔ̌ Sɛ́.

2 Kɔlɛ̂ŋtɛ 6:1

Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.

Ŋɡɑlɑ̂t 2:8

Ɛ́ lɔk ḿbɔ́ ŋɡɔ Sɛ́ ẅí ɑ kɑ zɛɛnɛ ŋ́ɡɑ́ mɛtʉʉ mbɔ̌ Pyɛ̂, ńtúu wɛ́ mbɔ̌ pɑyúdɑ, jʉ́ kɑ pɛnnɛ ŋ́ɡɑ́ mɛtʉʉ mbɔ̌ mɔ, ńtúu wɑ́ɑ mbɔ̌ pʉɔ pí pɔ́p kɑ́ pɔ́ pɑyúdɑ pɔ́.

Kɔlɔsíyɛ̂ŋ 3:17

Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, kɛ ɛ́sẅíi pɔ kʉ̈ɔ́ lɑ́, pʉʉ tík pɔ lík-Tsɑpʉɔ Yɛ́su mbi, ḿbɔ́ ŋ́ɡɑ́ pɑ́Ꞌlɑ́ mbɔ̌ Tɑ́t wɛkŋɛ Sɛ́, ńdɛɛ nǔu Yɛ́su.

2 Tɛsɑlɔník 2:17

«Pɔ́p níꞋ mɛtʉʉ mʉ́ʉ, ŋ́ɡɑ́ wʉ́ʉ nɛ́ mɛtʉʉ pʉʉ lɔk ŋ́ɡɛ pɔ mɛnu sʉ́Ꞌnɛ, ḿbɛn ŋ́ɡẅɛɛ pɔ sẅiŋɛ sʉ́Ꞌnɛ.»

Ɛ́bɛlʉʉ 11:8

Ɛ́ kɑ fú pɔ nǔu pɑ́Ꞌ Ábɛlɛhɑ̂m kɑ zɑ́pnɛ tʉ́m yɛ́ nǔu Sɛ́, lɑ Sɛ́ fúŋ wɛ́ ɑ zúꞋ ntsu wɛ́, ŋ́ɡʉ nɛ́ tsɛt wɛcɔ́ ŋɡɔŋ ẅí ɛ́ kɑ pɔ́ ŋ́ɡʉ ŋ́ɡɛ tsʉ́Ꞌ ḿbɔ́ pɔ wɛ́, ńdɔ sɛ́ ŋ́ɡʉ kɛ́ jí zʉꞋ yi ɑ ɡʉnɛ tɛ ŋ́kúu zúꞋu.

Ɛ́bɛlʉʉ 5:9

ḿbɛn ńzúꞋ tɛ ŋ́kuꞋ ŋu ẅí ḿbɔ́ ɑ ɡɛ pʉɔ pi pɔ́p zúꞋnɛ ntsu wɛ́ tɛmtɛ ńduk ndɑꞋ ndɑꞋ.

Jɑ̂k 1:22

Kɔɔ pʉʉ pɔ́ pɑzúꞋ sẅíŋɛ-Sɛ́ zúꞋnɛ ndɑꞋ, pʉʉ ɡɛ yúu mi sẅiŋɛ ɛ̂yɑ́ cúnɛ ŋɡɔ pʉʉ ɡɛ. Tɛ ɛ́ pɔ́ɔ pɔ́Ꞌɔ pɔ́, mbɔ pʉʉ ɛ́shɔtnɛ fʉ́klɛ mɛmbʉʉ mʉ́ʉ.

1 Jɑ̂ŋ 3:18

Mbɔ́ŋkʉ̈ɔ́ pɑ́ɑ, kɔɔ pɛkŋɛ lɔk pɔ ndɑꞋ ntsu ńcú mbɔ̌ ŋu ŋɡɔ pɛkŋɛ kɔŋ wɛ́. Lɑ́ ɛ́ kɛ́ ḿbɔ́ pɔ ŋkɔŋɛ-mɛkup-ntsu. Pɛkŋɛ lɔk pɔ yúu mi pɛkŋɛ ɡɛnɛ, lɑ́ ɛ́ pɔ́ nu nɛ́nẅín ŋɡɔ pɛkŋɛ sɛ́ ŋ́kɔŋ wɛ́.

Jẅidɛ 1:9

Lɑ́ mbɔ Míshɛ̌ɛ, tɑ́tndɑ́ pɛcʉ̈ɔ́Ꞌ-Sɛ́ kɑ kɛ́ ḿbɔɔ pɔ́Ꞌɔ ɡɛ. Ɛ́ kɑ pɔ́ yɛcɔ́ lɛ́Ꞌ yi pɔ́p Sɑ́ttɑ kɑ pɔ́ ńzɔŋ nu nǔu pfú-Mɔ̌sɛ̂ɛ, ɑ kɛ́ mbɔɔ Sɑ́ttɑ zɔɔtɛ, ŋ́kɛ́ mbɔɔ fʉꞋ nɛcú nu-lɔ́Ꞌ yɛ́ ńdɔk ńzɔɔtɛ wɛ́ pɔ́. NdɑꞋ ŋɡɔ ɑ kɑ cú pɔ ŋɡɔ: «Tsɑpʉɔ ńdɑ́Ꞌnɛ ńníꞋ ŋɡʉ̈ɔ́Ꞌ tú ɡu.»