Pʉɔ-Lɔ́mɑ 15:12 - Kɑɑ Fí

¹² Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ kɑ ŋwɑꞋnɛ yɛ́ ŋɡɔ: «Ŋu nǔu njẅɛtndɑ́-Jɛsɛ́ ɡʉ ńdɑ́Ꞌ ńtɔ́. Ḿbɔ́ ŋu ẅí ɑ ɡʉ ɛ́sɑ́Ꞌ pʉɔ pi pɔ́p kɑ́ pɔ́ pɑyúdɑ pɔ́. Pɔ́p tík mík mɔ́p pɔ nǔu wɛ́, ḿbɔ́ ńzẅíꞋlɛ ŋɡɔ ɑ ɡɛ pɔ́p pɔ́ ɡú.»

Pʉɔ-Lɔ́mɑ 15:12 Marejeleo ya Msalaba

Mɑtʉ̈ɔ 12:21

Mɛŋɡɔŋ tsʉʉ ndǔ mbí tsʉ́Ꞌ ńdɔk pɔ wɛ́ ńnɑ́ŋ.»

1 Kɔlɛ̂ŋtɛ 15:19

Ɛ́ lɑɑ ḿbɔ́ yi pɛkŋɛ ńzẅíꞋlɛ yúu mi ɛ́ ɡʉ ɛ́fú mbɔ̌ Kɛlístɔ, mbíꞋ pɔ ndɑꞋ ŋkɔ̂ɔnɛ yi pɛkŋɛ pɛ́t ndǔ tsɛ́tsɑ́Ꞌ lɑɑ, mbɔ pɛkŋɛ tsɛtsɛt pʉɔmɛsɔŋ ḿbɔ́ kwɑꞋ pɛɡɑŋ ŋɡʉ̈ɔ́Ꞌ.

2 Timɔtɛ́ɛ 1:12

Yɛ́tɛ ɡɛnɛ n jʉ́ɔ yɔ ntɛ́ ŋɡʉ̈ɔ́Ꞌ ŋkɔ̂ɔnɛ pɑ́Ꞌɑ mbíꞋ pɔ pɔ́Ꞌɔ. Lɑ́, sʉ́ʉ kɛ́ ḿbɔɔ ŋ́kɔ́ wɑ́ɑ nǔu pɔ́, mbíꞋŋɡɔ mɔ sɛ́ ńjí ŋu ẅi n zɑ́pnɛ tʉ́m nǔu wɛ́. N tsuŋ ḿbɔ́ ńjí ŋɡɔ ŋɡɑŋ ɡẅɛɛ mɛtʉʉ nɛlɔk ŋ́kúꞋlɛ nu yi ɑ kɑ lẅɛꞋnɛ mbɔ̌ mɔ, tɛ ŋ́kúu lɛ́Ꞌ yi Yɛ́su ńdɑ́Ꞌ ńtɔ́.

1 Pyɛ̂ 1:21

Pʉʉ lúꞋnɛ pɔ wɛ́ lɑ ńzɑ́p tʉ́m nǔu Sɛ́ ẅi ɑ kɑ zẅíimɛnɛ wɛ́ nǔu nɛvú, mbɑ pɑ́Ꞌ ɑ kɑ ɡɑ́nɛ wɛ nɛɡúꞋ tɛ pʉʉ ɡɔ́ ńzɑ́p tʉ́m nǔu Sɛ́, ḿbɛn ḿbɔ́ ḿbyɛ́p yúu mi Sɛ́ kɑꞋnɛ, jʉ́ ɡɛnɛ.

1 Jɑ̂ŋ 3:3

Mbɑ wɔ̌ lɑ́ ẅi ɑ nɑŋnɛ ḿbɔ́ ńzẅíꞋlɛ ŋɡɔ Kɛlístɔ ɡɛ yɔ nu, ɑ nɑ́ŋ ḿbɑ́ɑ pɑ́Ꞌ mbɔ lɔ́Ꞌ pɔ́ nǔu wɛ́, mbíꞋŋɡɔ Kɛlístɔ kɛ́ lɔ́Ꞌ.

Mɛnu ɛ́ ńdɑ́Ꞌ ńcẅɛt 22:16

Yɛ́su sɛ́ ńcú ŋɡɔ: N túu cʉ̈ɔ́Ꞌ wɑɑ ŋɡɔ ɑ ɡʉ ńcẅi mɔnɛ mɛnu mi ɛ́ nɛ́nẅín mbɔ̌ pʉʉ, ńjí ŋɡɔ pɛ́ ɡʉ ńcú mbɔ̌ mɛcúꞋlɛ-pʉɔ pɑ́ɑ. Mɔ Yɛ́su, lík-yúu mi ɛ́ fúnɛ nǔu nɛŋɑŋ-fɔɔ Ndɑvît, ḿbɔ́ cʉ̈ɔ́Ꞌ-sɑŋ ẅi ɑ kɔ́Ꞌnɛ ńjí ɡɔ́ɔ ŋ́kiɛ.

Mɛnu ɛ́ ńdɑ́Ꞌ ńcẅɛt 5:5

Lɑ́ wɛcɔ́ ŋu nǔu pɛlʉ́m pɑ́ tɔ́ ńcú mbɔ̌ mɔ ŋɡɔ: Kɔɔ pɛn ńdɑɑ. Ŋu sɛ́. PúꞋntʉʉ ẅí ɑ fɔɔ nǔu tsɛ́nndɑ́-Jẅídɑ, ɛ́ lík-yúu mi ɛ́ fúnɛ nǔu nɛŋɑŋ-fɔɔ Ndɑvît, ɑ kɑ kɛ́ ńdʉ̈ɔ́Ꞌ ntsɔ tɛ ńtsɑ nu kɛpɔŋ. A ɡʉ ńdɔk pɔ́Ꞌɔ, ŋ́kuꞋ ŋu ẅí ḿbɔ́ ɑ kyɛꞌ ŋɛmɛ-ŋwɑ́Ꞌ yi pɛ́ kɑ lɑtnɛ nǔu mɛzʉꞋ sɑɑmbɑ́, ḿbɛn ɛ́fii tɑ́Ꞌ sɛsɑ pɑk-ŋwɑꞋnɛ.