Pʉɔ-Lɔ́mɑ 14:15 - Kɑɑ Fí

¹⁵ Pɔ́Ꞌɔ, ɛ́ lɑɑ ḿbɔ́ yi ḿbɔ́ ɔ lɛɛ nǔu nu-yúu mi ɔ kwɛ́tnɛ, ŋ́ɡɛ mbʉʉ-mɔ́ɔmɑ́ wu kʉ̈ɔ́, mbɔ ɔ kɑ́ pɔ́ ḿbɛn ŋ́ɡɛ nǔu ntɛ́ yi ɔ lɔk ŋ́kɔŋ mɔ́ɔmɑ́ ɡu pɔ́. Kɔɔ lɔk nu yúupɛjʉ́ ŋ́ɡɛ mɔ́ɔmɑ́ wu ẅí Kɛlístɔ kɑ pfúnɛ nǔu tú yɛ́ kúu pɛ́,

Pʉɔ-Lɔ́mɑ 14:15 Marejeleo ya Msalaba

Pʉɔ-Lɔ́mɑ 13:10

Ŋu lɑɑ ḿbɔ́ ŋ́kɔŋ mɔ́ɔmɑ́ wɛ ŋumɛsɔŋ, mbɔ ɑ kɑ́ pɔ́ ńdɔk ŋ́ɡɛ yɛcɔ́ nu kɛpɔŋ nǔu ŋɡɑŋ pɔ́, ɑ lɔk pɔ́Ꞌɔ, ŋ́kúꞋlɛ nɛpʉ́ʉ-Sɛ́ tsʉʉ.

Pʉɔ-Lɔ́mɑ 14:20

Kɔɔ pʉ́ʉpɛ fɑꞋ-Sɛ́ mbíꞋ nu yúupɛjʉ́. Ɛ́ nɛ́nẅín ŋɡɔ lɔ́Ꞌ kɑ́ pɔ́ nǔu yɛcɔ́ yúupɛjʉ́ pɔ́, lɑ́ ɛ́ pʉ́k nǔu ŋu nɛjʉ́ yɛcɔ́ yúu mi pʉɔ ɡʉ ńjʉ́ɔ ŋ́kɔɔtɛ nǔu ḿvu Sɛ́.

Pʉɔ-Lɔ́mɑ 15:2

Ɛ́ píkŋɛ ŋɡɔ mbɑ wɔ̌ lɑ́ tsɛtsɛt pɛkŋɛ lɔɔ pɑ́Ꞌ ɑ ɡʉ ŋ́ɡɛ yúu mi ɛ́ ḿbɔŋ pɛcɔ́ pʉɔ, pɔ́Ꞌɔ ńdɔk ńtsɑ́ɑ nu sʉ́Ꞌnɛ nǔu pɔ́p, ɛ́ lɔk cẅɛ́lɛ́ wɔ́p pɔ́p kẅiꞋ ńzɑ́p tʉ́m nǔu Sɛ́.

1 Kɔlɛ̂ŋtɛ 13:1

N dɑɑ ńjí nɛsẅíŋɛ mɛsẅíŋɛ mi pɛ́ sẅíŋɛ́nɛ tsɛt mɛŋɡɔŋ tsʉʉ tɛ mbɑ mi pɛcʉ̈ɔ́Ꞌ-Sɛ́ sẅíŋɛ́nɛ, lɑ́ ḿbɛn mbɔɔ kɔŋ ŋumɛsɔŋ pɔ́, mbɔ m bɑ́klɛ pɔ zʉꞋ pɑ́Ꞌ yúu tʉ́n yi pɛ́ púꞋnɛ, mbɑ pɑ́Ꞌ kẅǐꞌfɔɔ ẅí ɑ zɔtnɛ́nɛ lɑ́.

1 Kɔlɛ̂ŋtɛ 8:1

Ɛ́ ɡʉ nǔu nu-pfuꞋ-mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́, mbɔ ɛ́ nɛ́nẅín ŋɡɔ pʉʉ pɛtsʉʉ júk ńcú ŋɡɔ pʉʉ jínɛ nu nǔu. Lɑ́ yîyɑ́ ntɛ́ jínu ɡɛ ŋu ŋɑ́Ꞌlɛ ŋɑ́Ꞌlɛ́nɛ. Lɑ́ yúu mi ɛ́ ɡɛnɛ pɛ́ kẅiꞋ ńzɑ́p pɔ tʉ́m nǔu Sɛ́, ɑ ŋu nɛpɔ́ ŋ́kɔŋ mɔ́ɔmɑ́ wɛ.

Ŋɡɑlɑ̂t 5:13

Pɔ́ɔpɛ́mɑ́ pɑ́ɑ, ɛ́ ɡʉ nǔu pʉʉ, mbɔ Sɛ́ kɑ fúŋnɛ wʉ́ʉ pɑ́Ꞌ pʉʉ ɡʉ ńduk kwɑɑ-nɛpʉ́ʉ. Lɑ Kɔɔ pʉʉ lɛɛtɛ nǔu, ŋ́ɡɛ yúu mi mbʉʉ yʉʉ sɑ́Ꞌnɛ wʉ́ʉ pʉʉ ɡɛ. Tɛ ńtsʉ́Ꞌ pɔ́Ꞌɔ, pʉʉ ɡɛ ŋkɔŋɛ pɔ́ tsɛtsɛt pʉʉ, pʉʉ cẅɛ́lɛ́ mɛmbʉʉ mʉ́ʉ.

Ɛ́fɛ̂zɛ 5:2

Pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɔk pɔ ŋkɔŋɛ ndʉ́ŋndʉŋ pɑ́Ꞌ Kɛlístɔ kɑ kɔŋnɛ wɛkŋɛ tɛ ŋ́ɡɑ́ tú yɛ́ ńdɔk ńnɔŋ pɔꞋ mbi Sɛ́ ntɛ́ wɛkŋɛ lɑ́. PɔꞋ ɛ̂wɑ́ ẅí jɑ́k yɛ́ pɔŋnɛ mbɔ̌ Sɛ́.

2 Pyɛ̂ 2:1

Pɑcẅi Ŋkʉʉ-Sɛ́ pɛ́ cɔtnu kɑ pɔ́ yɛcɔ́ ŋkɑ́ ḿbɔ́ tsɛtsɛt pʉɔ-Íslɑyɛ̂l, ɛ́ ndʉ́ŋndʉŋ pɑ́Ꞌ pɑzíꞋ pʉɔ nɛ́ nu-Sɛ́ pɛ́ cɔtnu ɡʉ ŋ́ɡɛ ńcẅɛt tsɛtsɛt pʉʉ. Pɔ́p ɡʉ ŋ́ɡɛ ńdɔk pɔ ndɑ̌ɑ ndɑɑ ńzíꞋ pʉɔ nɛ́ cɔtnu, ɛ́ pɔ́ yi mbɔ ɛ́ pʉ́ʉpɛ tʉ́m-pʉɔ, ɛ́ pɔ́ pɔ́nɛ tɛ ḿmuŋɛ Ndɛ ẅí ɑ kɑ ɡɛnɛ pɔ́p luk, ŋ́ɡɛ pɔ́Ꞌɔ, ńdɔk ɛ́shuŋ ŋɡʉ̈ɔ́Ꞌ yi ɛ́ ɡʉ ḿbík wɔ́p, ɛ́ kɛ́ ḿbɔɔ líi nɛtɔ́ pɔ́.

1 Jɑ̂ŋ 2:2

A kɑ zɛɛ ńdɔk tú yɛ́, ńnɔŋ pɔꞋ pɑ́Ꞌ ɛ́ lɑɑ ḿbɔ́ Sɛ́ likŋɛ mɛnu kɛpɔŋ mɛkŋɛ. Pɑ́Ꞌ ɛ́ lɑɑ ḿbɔ́ ɑ pɔɔ likŋɛ pɔ ndɑꞋ mɛkŋɛ pɔ́, pɑ́Ꞌ mbɔ ɑ pɛn ńdikŋɛ mɛ́ pʉɔmɛsɔŋ tsʉʉ ndǔmbí.