Pʉɔ-Lɔ́mɑ 14:11 - Kɑɑ Fí

¹¹ MbíꞋŋɡɔ ɛ́ tsɛt ŋwɑꞋnɛ-Sɛ́, ḿbɔ́ ŋɡɔ: «Mɔ Tsɑpʉɔ ẅí ɑ ntʉʉ cúnɛ ŋɡɔ: Pʉɔmɛ́sɔŋ tɛ ḿmɛ ɡʉ ńdɑ́Ꞌ ŋ́kẅíꞋlɛ mbi mɔ. Mbɑ wɔ̌ lɑ́ tsɔ́Ꞌ ntsu wɛ́, ɛ́sɑ́ɑnɛ sɑ́ɑnɛ́nɛ ḿbɛ́m ŋɡɔ mɔ Sɛ́.»

Pʉɔ-Lɔ́mɑ 14:11 Marejeleo ya Msalaba

Mɑtʉ̈ɔ 10:32

Jínɛ ŋɡɔ ŋu lɑɑ ńcú mbi lɑ́Ꞌ ŋɡɔ: «ɑ ŋu wɑɑ.» Mbɔ ŋ ɡʉ ńdɑ́Ꞌ ńcú yɑ́ɑ mbi Tɑ̌ɑ mɔ ẅí ɑ tʉ́nɛ́pú ŋɡɔ: «Ŋu wɑ́ wɑɑ ŋu.»

Pʉɔ-Lɔ́mɑ 10:9

Ɛ́ lɔk ḿbɔ́ ŋɡɔ ɔ lɑɑ ńtʉ́ʉ mbi lɑ́Ꞌ, sɑ́ɑnɛ sɑ́ɑnɛ́nɛ ńtsɔ́Ꞌ ntsu wú ńcú ŋɡɔ Yɛ́su Tsɑpʉɔ, ḿbɔ́ tsɛt tʉ́m yú ḿbɔ́ ḿbɛ́m ŋɡɔ Sɛ́ kɑ ɡɛ ɑ zẅíimɛ nǔu nɛvú, mbɔ Sɛ́ ɡʉ ŋ́ɡɛ ɔ luk.

Pʉɔ-Lɔ́mɑ 15:9

Kɛlístɔ kɑ pɔ́ ḿbɛn ńtɔ́ nɛpɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡʉ ŋ́ɡúꞋlɛ Sɛ́ mbíꞋ pɔŋtʉ́m yɛ́ nǔu pɔ́p. Ɛ́ zɛɛ ŋ́ɡɔ ḿbɔ́ ŋwɑꞋnɛ-Sɛ́ cú ŋɡɔ: «Ɛ́ yúu mi ɛ́ ɡʉ ŋ́ɡɛ n tʉ́ʉ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́ ŋ́ɡúꞋlɛ wú ḿbɛn ńzɔp ŋ́ɡúꞋlɛ lík yú.»

1 Jɑ̂ŋ 4:15

Ŋu lɑɑ ḿbɛ́m ŋɡɔ Yɛ́su mɔ́ɔ-Sɛ́, mbɔ Sɛ́ ɡʉ ńdɑt mbʉʉ yɛ nǔu ŋɡɑŋ, ŋɡɑŋ pɛn ńdɑt yɛ nǔu Sɛ́.

2 Jɑ̂ŋ 1:7

Pɑcɔtnu sɑt mɔ́ ndǔmbí tɛ ńzɑ́ɑ. Pɔ́p kɑ́ pɔ́ ḿbɛ́m ŋɡɔ Yɛ́su Kɛlístɔ kɑ tsuŋ ɛ́shɔtnɛ ńtsʉ́Ꞌ ŋumɛsɔŋ pɔ́, pɔ́p kwɑꞋ ɡɑŋcɔtnu, ḿbɔ́ pɛɡɑŋmbuu-Kɛlístɔ.

Mɛnu ɛ́ ńdɑ́Ꞌ ńcẅɛt 5:14

Pɛ́ zɔp pɔ́Ꞌɔ, mɛyúumɛku mɑ́ mɛ́nɛ́kwɑ ɡɔ́ɔ ŋ́kɛ́ ŋɡɔ ɛ́ pɔ́Ꞌɔ. Pɛlʉ́m pɑ́ ɡɔ́ɔ ŋ́kɛ́ ŋ́kẅíꞋlɛ sɛ́, ŋ́ɡúꞋlɛ Sɛ́.