Pʉɔ-Lɔ́mɑ 13:7 - Kɑɑ Fí

⁷ Pɔ́Ꞌɔ lɑ́, ɛ́ ɡʉ nǔu pɑsɑ́Ꞌŋɡɔŋ, pʉʉ ɡɑ́ yúu mi ɛ́ sɛ́ ḿbíkŋɛ ŋɡɔ pʉʉ ɡɑ́ mbɔ̌ mbɑ wɛ́tɛ́ ŋu lɑ́ mbɔ̌ wɛ́. Ɛ́ lɑɑ ḿbɔ́ ntsup-ŋɡɔŋ, pʉʉ ɡɑ́ mbɔ̌ ŋu ẅí ɑ cẅɛ́ɛnɛ ntsup-ŋɡɔŋ, ḿbɔ́ ŋkɑ́p yi nɛpʉ́ʉ sɛ́ ḿbíkŋɛ mbɔ̌ pʉʉ nǔu yɛcɔ́ nu, pʉʉ ɡɑ́ mbɔ̌ ŋu ẅí ɑ cẅɛ́ɛnɛ. Pʉʉ zúꞋ ntsu-ŋu ẅí ɛ́ sɛ́ ḿbíkŋɛ ŋɡɔ pɛ́ zúꞋ ntsu wɛ́, ŋ́ɡɑ́ mɛkuꞋ ŋu ẅí ɛ́ sɛ́ ḿbíkŋɛ ŋɡɔ pɛ́ ɡɑ́ mɛkuꞋ mɛ́.

Pʉɔ-Lɔ́mɑ 13:7 Marejeleo ya Msalaba

Mɑtʉ̈ɔ 17:25

Pyɛ̂ tsɔ́Ꞌ ŋɡɔ: A ɡɑ́ ɡɑ́nɛ, ńcú pɔ́Ꞌɔ, ŋ́kúu ndɑ́, ḿbɛ́t pɔ kɛ́ ŋɑ́Ꞌ ntsu wɛ́, Yɛ́su cú mbɔ̌ wɛ́ ŋɡɔ: «Símɔ, ɔ kwɑŋɛ yú ŋɡɔ kʉ̈ɔ́. Ɛ́ ndǔ mbí yɔ pɛ́Ꞌɛ, pɛ́ wɔ̌ mɑꞋnɛ ntsup-ntʉ̈ɔꞋ pɔ́p mɛcɔ́ mɛntsup, mbɔ̌ pɛfɔɔ? Pɑlɑ́Ꞌ pɛ́ kɛ pɑlɑ́Ꞌ-ntʉɔꞋ?»

Mɑtʉ̈ɔ 22:21

Pɔ́p pʉ̈ɔt mbɔ̌ wɛ́ ŋɡɔ: “Ɛ́ shʉ́-Kɑ́sɑ, lík pɛn ḿbɔ́ pɔ yɛ́.” Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: “Ɛ́ lɑɑ ḿbɔ́ pɔ́Ꞌɔ, pʉʉ ɡɑ́ yúu mi ɛ́ yɛ́ Kɑ́sɑ mbɔ̌ Kɑ́sɑ, ŋ́ɡɑ́ yɛ́ Sɛ́ mbɔ̌ Sɛ́.”»

Mɑ́lɛ́kúshi 12:17

A cú mbɔ̌ pɔ́p ŋɡɔ: «Ɛ́ lɑɑ ḿbɔ́ pɔ́Ꞌɔ, pʉʉ ɡɑ́ yúu-Kɑ́sɑ mbɔ̌ Kɑ́sɑ, ŋ́ɡɑ́ yɛ́ Sɛ́ mbɔ̌ Sɛ́.» Pɔ́p zúꞋ ntɛ́ yi ɑ lɔknɛ ḿbʉ̈ɔt, ɛ́ kʉꞋnɛ wɔ́p tɛꞋ. Ntsu wɔ́p zúu.

Lúkɑ́shi 20:22

Sẅíi wɛk: “Nɛpʉ́ʉ nɛkŋɛ pɛꞋnɛ ḿbɛ́m ŋɡɔ pɛkŋɛ mɑꞋ ntsup-kɑ́sɑ-Pɑlɔ́mɑ kɛ ŋɡɑ́ŋ?”»

Lúkɑ́shi 20:25

Yɛ́su kɛ́ ŋ́ɡɔ́ɔ ńcú mbɔ̌ pɔ́p ŋɡɔ: «Ɛ́ lɑɑ ḿbɔ́ pɔ́Ꞌɔ, pʉʉ ɡɑ́ yúu mi ɛ́ yɛ́ Kɑ́sɑ mbɔ̌ Kɑ́sɑ, ŋ́ɡɑ́ yɛ Sɛ́ mbɔ̌ Sɛ́.»

Lúkɑ́shi 23:2

Ńzɛ nɛfɛn wɛ́ ŋɡɔ: «Pɛk jʉ́ɔ ŋu wɔ pɔ́ ńjúk ŋ́kɑ́t tsɛt ŋɡɔŋ wɛk ḿbʉ́ʉpɛ tú-lɑ́Ꞌ, ńtɔꞋ wɔ́p nɛmɑꞋ ntsup-ntʉ̈ɔꞋ, ŋ́ɡɑ́ mbɔ̌ kɑ́sɑ-Pɑlɔ́mɑ. A pɛn ḿbɔ́ ńcú ŋɡɔ ɑ Nzɑ́Ꞌŋkʉ ẅí Sɛ́ kɑ kɑꞋnɛ mbɔ̌ pɛk, ńdɔk ńcú ŋɡɔ ɑ fɔɔ.»

Pʉɔ-Lɔ́mɑ 12:10

Pʉʉ lɔk pɑ́Ꞌ pʉʉ pɔ́ɔpɛ́mɑ́, ŋ́kɔŋɛ pʉʉ nɛ́ pʉʉ, ŋu wʉʉ piitɛ ŋ́ɡɑ́ mɛkuꞋ mɔ́ɔmɑ́ wɛ.

Pʉɔ-Lɔ́mɑ 13:6

Ɛ́ yúu mi ɛ́ pɛnnɛ ŋ́ɡɛ lɑ pʉʉ mɑꞋ ntsup-ŋɡɔŋ, mbíꞋŋɡɔ Sɛ́ kɑ zɑ́pnɛ pɑfɑꞋ yîyɑ́ fɑꞋ, pɑ́Ꞌ pɔ́p ɡʉ ńtsuŋ ńniitɛ ɛ́fɑꞋ fɑꞋ yɔ́p.

Ɛ́fɛ̂zɛ 5:33

Lɑ́ ŋ kɛ́ ḿbɛn ńcú pɑ́Ꞌɑ mbɑ nǔu pʉʉ yʉ́ʉ. Ɛ́ sɛ́ ḿbíkŋɛ ŋɡɔ mbɑ wɛ́tɛ́ ŋu mbɛ́ɛnɛ pɔ́ ŋ́kɔŋ nzwɛ́ wɛ pɑ́Ꞌ ɑ kɔŋnɛ túmbʉʉ yɛ́, mbɑ wɛ́tɛ́ mɑŋɡɛ́ lɑ́ pɔ́ ŋ́ɡɛ mɛkuꞋ ndúu mɛ.

Ɛ́fɛ̂zɛ 6:5

Ŋ́ɡʉ nǔu pʉʉ pɛkwɑɑ, pʉʉ zúꞋ ntsu-pʉɔ pi pɔ́p ɡẅɛɛnɛ wʉ́ʉ, ḿbɔ́ ŋ́ɡɑ́ mɛkuꞋ mɔ́p, ŋ́kɔk mbʉʉ yʉʉ ŋ́ɡɑ́ sɛ́ mbi pɔ́p, ŋ́ɡẅɛɛ tʉ́m sʉ́Ꞌnɛ nzʉʉ pɔ́p, ndʉ́ŋndʉŋ pɑ́Ꞌ pʉʉ zúꞋnɛ ntsu-Kɛlístɔ lɑ́.

1 Timɔtɛ́ɛ 5:13

Pɔ́p lɑɑ mbɔɔ ɡẅɛɛ yúu pɔ́p ŋ́ɡɛ pɔ́, pɔ́p tsʉ́Ꞌ pɛlɔ́ŋ, ḿbɔ́ ŋ́kɑ́t tsɛt mɛndɑ́, ɛ́ ɡɔ́ mɛkŋɛ ḿbʉ́k pɔ́p mɛꞋ ńtíi mɛlík-pʉɔ, ŋ́kɑ́t ŋ́kíɛꞋ mɛnu mi pɛ́ lɔɔ ŋ́kíɛꞋ pɔ́, ńcú nu nǔu mɛnu mi ɛ́ kɑ́ pɔ́ ńdíŋɛ wɔ́p pɔ́.

1 Timɔtɛ́ɛ 5:17

Ɛ́ ɡʉ nǔu pʉɔ pi pɔ́p cẅɛ́ɛnɛ mbi nǔu cúꞋlɛ-pʉɔ-Kɛlístɔ, ḿbɔ́ ɛ́fɑꞋ sʉ́Ꞌnɛ, pɛ́ ɡɛ mɛkuꞋ mɔ́p, ŋ́ɡɑ́ tsɔ́ꞋfɑꞋ yi ɛ́ píkŋɛ́nɛ mbɔ̌ pɔ́p, ńtsuŋ ŋ́ɡɛ mɛ́ pʉɔ pi pɔ́p sẅíinɛ nu-Sɛ́ ḿbɛn ńzíꞋ pʉɔ nɛ́ yúu.

1 Timɔtɛ́ɛ 6:1

Ɛ́ ɡʉ nǔu pʉɔ pi pɔ́p ndɑ́-kwɑɑ, mbɔ ɛ́ sɛ́ ḿbíkŋɛ ŋɡɔ pɔ́p jí ŋɡɔ pɔ́p ɡẅɛɛ nɛɡɛ mɛkuꞋ pʉɔ pi pɔ́p ɡẅɛɛnɛ wɔ́p, ńjí ŋɡɔ pɛ́ kɛ́ ɡɛ ŋ́kẅíi lík-zẅikŋɛ kɛpɔŋ pɔ́, ŋ́kɛ́ mbɔɔ ɡwɑ́k nu yi pɛ́ zíꞋnɛ pʉɔ nǔu Yɛ́su Kɛlístɔ pɔ́.

1 Pyɛ̂ 3:7

Mbɑ pʉʉ yʉ́ʉ mbɛ́ɛnɛ pʉʉ ɡẅɛɛ pɛzwɛ́ pʉ́ʉ sʉ́Ꞌnɛ, ŋ́kẅíitɛ pɑ́Ꞌ pɑŋɡɛ́ pɔ́ pɔ pʉɔ zɔ́plɛ zɔ́plɛ́nɛ. Pʉʉ ɡɑ́ mɛkuꞋ mɔ́p, mbíꞋŋɡɔ Sɛ́ kɑ ɡɑ́ fuꞋ yʉ́ʉ pɛpɔ́p pɛtsʉʉ, ŋ́ɡɛ pɑ́Ꞌ pʉʉ ɡʉ ńdɑ́Ꞌ ŋ́ɡẅɛɛ kwɑꞋ nɛpɔ́. Pʉʉ ɡɛ pɔ́Ꞌɔ, ńcɛꞋlɛ Sɛ́, yɛcɔ́ yúu pɔɔ wʉ́ʉ tɑɑtɛ.