Pʉɔ-Lɔ́mɑ 13:11 - Kɑɑ Fí

¹¹ Pʉʉ sɑ́Ꞌ tʉʉ, ŋ́ɡɛ mîmɑ́ mɛnu mbíꞋŋɡɔ pʉʉ sɛ́ ńjí kɛm njí yi pɛkŋɛ nǔu. Yɔ ŋkɑ́ yi ɛ́ píkŋɛ́nɛ ŋɡɔ pʉʉ jʉɔmɛ. MbíꞋŋɡɔ ɛ́ ŋkɔ̂ɔnɛ, mbɔ ŋkɑ́ yi Sɛ́ ɡʉ ŋ́ɡɛ pɛkŋɛ luk, ɛ́ pɑ́ɑtɛ mɔ́, ńdɛɛ pɑ́Ꞌ ɛ́ kɑ pɔ́nɛ ŋkɑ́ yi pɛkŋɛ kɑ pɛ́t ńzɛ nɛzɑ́p tʉ́m nǔu Sɛ́.

Pʉɔ-Lɔ́mɑ 13:11 Marejeleo ya Msalaba

Mɑtʉ̈ɔ 16:3

Ɛ́ pɔ́ mbɑ́ꞋmbɑꞋɑ́ ẅi nɛpú pɑŋ ɛ́sʉ́ʉ sʉ́ʉnɛ pʉʉ cú ŋɡɔ: «lɛ́Ꞌlɑ́Ꞌ kɛ́ ɡɛ ńjúk ḿbɔŋ pɔ́.» Pʉʉ pɔ́ tɛ ńdíŋɛ nɛpú, ŋ́ɡɔ́ɔ ńjí pɑ́Ꞌ lɛ́Ꞌlɑ́Ꞌ ɡʉ ŋ́ɡɛ ḿbɔ́ pɔ́Ꞌɔ, lɑ́ ŋ́ɡʉ nǔu yúu mi Sɛ́ sɛ́ ńnyɛt ŋkɔ̂ɔnɛ pʉʉ pɔɔ jí yúu mi yîyɑ́ yúu lɔknɛ ńcú pɔ́ mɛlɑ́Ꞌ kʉ̈ɔ́?

Lúkɑ́shi 21:28

Mɔ mɛnu lɑɑ ńdɑ́Ꞌ ḿbɔ́ tɛ ńzɛ nɛtɔ́, pʉʉ zẅíꞋlɛ yʉ́ʉ pɔ kɛ́ pɔ́k, mbíꞋŋɡɔ ŋkɑ́ yi Sɛ́ ɡɛ ńcẅɛɛtɛ wʉ́ʉ tsɛt ŋɡʉ̈ɔ́Ꞌ sɛ́ ŋ́kuꞋ.

1 Kɔlɛ̂ŋtɛ 10:11

Mɔnɛ mɛnu kɑ ɡɛ wɔ́p pɑ́Ꞌɑ ńdɔk ńnyɛt fʉꞋ-nu. Pɛ́ kɑ pɛn ŋ́ŋwɑꞋnɛ pɑ́Ꞌ pɛkŋɛ pi pɛkŋɛ tsʉ́Ꞌ ḿbɔ́ pɔ nǔu ŋkɑ́ nɛlẅiklɛ lɑɑ ɡʉ ɛ́fú nǔu ńjínu.

1 Kɔlɛ̂ŋtɛ 15:34

Pʉʉ ɡẅɛɛ mbʉʉ yʉ́ʉ nǔu ntɛ́ yi ɛ́ ḿbɔŋ Sɛ́, kɔɔ pʉʉ pɛn ŋ́ɡɛ mɛnu kɛpɔŋ. N cú mbíꞋŋɡɔ mɔ sɛ́ ńjʉ́ɔ pɛcɔ́ pʉɔ pɔ́ tsɛtsɛt pʉʉ ḿbɔɔ Sɛ́ jí, n cú pɑ́Ꞌɑ ńtsɑ́ɑ ŋɡɔ sʉ́ʉ kɔ́ wʉ́ʉ.

Ɛ́fɛ̂zɛ 5:14

Ɛ́ zɛɛ mbɔɔ pɔ́ pɔ ndɑꞋ pɔ́Ꞌɔ pɔ́, yúu piitɛ tɛ ńcẅɛt zʉꞋ fúknɛ, ŋ́kúpmɛ, ńtsʉ́Ꞌ ŋ́kyɛꞋ pɔ zʉꞋ. Ɛ́ pɔ́Ꞌɔ lɑ́ pɛ́ cú ŋɡɔ: Gu ẅí ɔ sɛ́ ńdɛ́, jʉɔmɛ, fú tsɛtsɛt pɛpfú ńdɔ sɛ́, Pɔ́Ꞌɔ, Kɛlístɔ níꞋ kyɛꞌ yɛ́ nǔu ɡu.

Jɑ̂k 5:8

Mbɑ pʉʉ yʉ́ʉ, pʉʉ lɔk kɔkmbʉʉ ńzẅíꞋlɛ, kɔɔ pʉʉ citɛ mbʉʉ mbíꞋŋɡɔ ɛ́ tsʉ́Ꞌ pɔ mɔ́zʉꞋ, Tsɑpʉɔ tɔ́.

1 Pyɛ̂ 4:7

Ndẅiknzʉʉ ŋkɑ́ yɛ mbɑ kʉ̈ɔ́ lɑ́ sɛ́ ŋ́kuꞋ. Pɑ́Ꞌ ɛ́ pɔ́Ꞌɔ lɑ́, pʉʉ pɔ́ pɑjínu. Kɔɔ pʉʉ ḿmɛꞋ mbʉʉ yʉʉ, ńjí ŋɡɔ pʉʉ ɡʉ ŋ́kuꞋ nɛcɛꞋlɛ Sɛ́.

2 Pyɛ̂ 3:11

Pɑ́Ꞌ yúu ɛ̂pɑ́ ɡʉ ŋ́ɡɛ ḿmɛ lɑɑ, ɛ́ lɔk ɛ́sẅíi wʉ́ʉ nɛ́ ntɛ́ yi ɛ́ pɔ́ŋnɛ ŋɡɔ pʉʉ nɑ́ŋ pɔ́Ꞌɔ. Ɛ́ sɛ́ ḿbíkŋɛ ŋɡɔ pʉʉ nɑ́ŋ pɔ nǔu ntɛ́ yi Sɛ́ sɛ́ ŋ́kɔŋ, ńjí pɔ ndɑꞋ wɛ́,

2 Pyɛ̂ 3:9

Tsɑpʉɔ ŋ́kɑɑ líi nɛɡɛ yúu mi ɑ kɑ kɑꞋnɛ nɛɡɛ pɑ́Ꞌ pɛcɔ́ pʉɔ sɛ́ ŋ́kwɑŋɛ pɔ́. A ɡẅɛɛ pɔ kɔkmbʉʉ mbíꞋ wʉ́ʉ, mbíꞋŋɡɔ ɑ kɑ́ pɔ́ ŋ́kɔŋ ŋɡɔ wɛcɔ́ tɑ́Ꞌ ŋu pɛ́ pɔ́, ɑ sɛ́ ŋ́kɔŋ pɔ ŋɡɔ pʉɔ pɛtsʉʉ ɡẅɛɛ shʉ́ nɛkúpmɛ mɑt.

1 Jɑ̂ŋ 2:18

Mbɔ́ŋkʉ̈ɔ́ pɑ́ɑ, ndẅiknzʉʉ ŋkɑ́ sɛ́ ŋ́kuꞋ. Pʉʉ kɑ zúꞋ pɛ́ cú ŋɡɔ, ŋɡɑŋmbuu-Kɛlístɔ ɡʉ ńdɑ́Ꞌ ńtɔ́. Ɛ́ ŋkɔ̂ɔnɛ, mbɔ ɡɑŋmbuu-Kɛlístɔ tɔ́ tɛ ńzɑ́ɑ zɑ́ɑnɛ. Ɛ́ yúu mi ɛ́ ɡɛnɛ pɛkŋɛ jí ŋɡɔ ndẅiknzʉʉ ŋkɑ́ sɛ́ ŋ́kuꞋ.

Mɛnu ɛ́ ńdɑ́Ꞌ ńcẅɛt 1:3

Pɔ́ttú ŋu ẅí ɑ ɡʉ fúŋ yɔ ŋwɑꞋnɛ. Pɛpɔ́ttú pɔ́ pʉɔ pi pɔ́p ɡʉ ńzúꞋ yɔ sẅiŋɛ yi ɛ́ fúnɛ mbɔ̌ Sɛ́, ŋ́ɡɛ yúu mi pɛ́ ŋwɑꞋnɛ́nɛ tsɛtú. MbíꞋŋɡɔ ŋkɑ́ yi mɔnɛ mɛnu ɡʉ ḿbuutɛ kẅɛ́Ꞌlɛ tɛ ḿbɔ́ ḿbɑ́ɑtɛ.

Mɛnu ɛ́ ńdɑ́Ꞌ ńcẅɛt 22:10

Mbɑ́ɑtɛ ńcú mbɔ̌ mɔ ŋɡɔ: Kɔɔ lʉɔ mɛnu mi pɛ́ cúnɛ tsɛt yɔ ŋwɑꞋnɛ, ɛ́ mɛnu mi ɛ́ ɡʉ ŋ́ɡɛ, mbɑ mi ɛ́ ɡʉ ńdɑ́Ꞌ lɑ ŋ́ɡɛ. Kɔɔ lʉɔ, mbíꞋŋɡɔ ŋkɑ́ yi mɔnɛ mɛnu ɡʉ ḿbuutɛ ɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.

Mɛnu ɛ́ ńdɑ́Ꞌ ńcẅɛt 22:12

Ɛ́ pʉ́ɔ, Yɛ́su kɛ́ ḿbɔ́ ńcú ŋɡɔ: Ŋ ɡʉ fɛ́Ꞌnɛ ńtɔ́, ŋ ɡẅɛɛ yúu mi ŋ ɡʉ ńdɔk ńtsɔ́Ꞌ fɑꞋ-pʉɔ, ɛ́ pɔ́ ŋ́ɡɑ́ yɛ́ mbɑ wɔ̌ lɑ́ pɔ pɑ́Ꞌ mɛfɑꞋ mɛ́ pɔ́nɛ.

Mɛnu ɛ́ ńdɑ́Ꞌ ńcẅɛt 22:20

Ŋu ẅi ɑ sɛ́ ńniitɛ ńcú mɔnɛ mɛnu, cú ŋɡɔ: KwɑꞋ nɛ́nẅín, mɔ ŋ ɡʉ fɛ́Ꞌnɛ ńtɔ́. Ɛ́ pɔ́Ꞌɔ. Tɔ́ mbɑ̌ɑ Tsɑpʉɔ Yɛ́su.