Pʉɔ-Lɔ́mɑ 12:9 - Kɑɑ Fí

⁹ Pʉʉ kɔŋ pʉɔmɛsɔŋ pɔ nɛ́ tʉ́m yʉ́ʉ tsʉʉ. Pʉʉ kʉ̈ɔ́ nu kɛpɔŋ tɛ ńtɔ́ŋ mɛkɑ́ɑ, ŋ́kúꞋlɛ pɔ nu sʉ́Ꞌnɛ tɛ ɛ́ tɛn.

Pʉɔ-Lɔ́mɑ 12:9 Marejeleo ya Msalaba

Mɑtʉ̈ɔ 26:49

Jẅidɑ tɔ́ ɛ́ pɔɔ lɑ́ɑtɛ ɑ ɡɔ́ɔ ńtsʉ́ʉtɛ mbʉʉ yɛ, ńtɔ́ nɛjɔ́ŋ Yɛ́su, ńcú ŋɡɔ: «Ndɛ, n cɛꞋlɛ,» ŋ́ɡɔ́ɔ ḿmɑ́ɑ wɛ́.

Jɑ̂ŋ 12:6

Júdɑs ŋ́kɑ́ɑ ḿbɔ́ ńcú pɔ́Ꞌɔ, síi ḿbɔɔ ńtsɑ́ɑ pɛpúŋ pɔ́, lɑ́ ɑ kɑ pɔ́ ntsɔ́ŋ, mbíꞋŋɡɔ jʉ́ m̄bɔ́nɛ ŋ́ɡẅɛɛ mɔ́ɔpɑɑ-ŋkɑ́p yɔp pɛ́ Yɛ́su, pɛ́ pɔ́ níꞋ ŋkɑ́p tsɛtú ɑ jʉ̈ɔ.

ŊwɑꞋnɛ-Gɑŋntúu Yɛ́su Kɛlístɔ 11:23

A ɡʉ tɛ ŋ́kúu zúꞋu, ńjʉ́ɔ yɛ́ pɑ́Ꞌ Sɛ́ líŋɛ́nɛ pʉɔ pi pɔ́ zɑ́pnɛ tʉ́m nǔu wɛ́ pɔ́Ꞌɔ, nu pɔŋ wɛ́ tɛꞋ. A níꞋ mɛtʉʉ mɔ́p pɛ́tsʉʉ, ŋɡɔ pɔ́p kɛ ńjí pɔ ndɑꞋ Tsɑpʉɔ, ḿbɛn ńcʉŋɛ pɔ nǔu wɛ́.

2 Kɔlɛ̂ŋtɛ 6:6

Pɛk sɛ́ ńdɔk wɛk mɑt ńnyɛt ŋɡɔ pɛk pɑfɑꞋ fɑꞋ-Sɛ́. Pɛk ɡẅɛɛ tʉ́m Lɛ́ɛnɛ́nɛ, mbɑ jínu yi ɛ́ fúnɛ mbɔ̌ Sɛ́, ŋ́ɡɛ kɔkmbʉʉ. Pɛk ɡẅɛɛ pɔ pɔŋtʉ́m nzʉʉ pʉɔmɛsɔŋ, ńzẅíꞋlɛ yɛ́k kʉ̈ɔ́ lɑ́ pɔ mbɔ̌ Zẅikŋɛ Lɛ́ɛnɛ́nɛ, ŋ́ɡẅɛɛ ŋkɔŋɛ yi ɛ́ kɑ́ pɔ́ ŋkɔŋ-mík pɔ́,

2 Kɔlɛ̂ŋtɛ 8:8

Ŋ kɑ́ pɔ́ ńcú pɑ́Ꞌɑ ńdɔk ńcú pɔ yɛcɔ́ nu yi pʉʉ ɡʉ ŋ́ɡɛ pɔ́. Ɛ sẅíi wʉ́ʉ pɔ pɑ́Ꞌ mɛcɔ́ mɛcúꞋlɛ-pʉɔ-Kɛlístɔ sɛ́ zɑŋɛ mbʉʉ ŋ́ɡɛ pɔ́Ꞌɔ, ńdɔk ŋ́ɡɑ́ wʉ́ʉ nɛ́ shʉ́ nɛɡɛ pɛ́ jí ŋɡɔ pʉʉ ɡẅɛɛ ŋkɔŋɛ tɛ ɛ́sẅíi nu.

1 Tɛsɑlɔník 2:3

Nu yi pɛk zɛɛ ḿbɔ́ ɛ́sẅíi pʉɔ, ɛ́ kɑ́ pɔ́ nu yi ɛ́ ɡwɑ́ŋɛnɛ pɔ́, pɛk ŋ́kɑɑ ɡẅɛɛ kwɑŋɛ kɛpɔŋ pɔ́, ŋ́kɛ́ ḿbɔɔ tɑ́ɑ pɔ mɛzúŋ pɔ́.

1 Tɛsɑlɔník 5:15

Pʉʉ pɑ́ɑ nɛlɔk nu kɛpɔŋ ḿbɑꞋ nu kɛpɔŋ. Pʉʉ ɡɛ pɔ nu sʉ́Ꞌnɛ tsɛtsɛt pʉʉ kɛ́ tɔŋ.

1 Tɛsɑlɔník 5:21

ŋ́ɡʉ nǔu kʉ̈ɔ́ lɑ́, ńtsɑꞋ ḿbɛ́ɛ pɔ yɛ sʉ́Ꞌnɛ,

1 Timɔtɛ́ɛ 1:5

Ɔ cú yîyɑ́ nu mbɔ̌ pɔ́p nɛpɔ́ yi pɔ́p ɡʉ ŋ́kɔŋ pɛcɔ́ pʉɔ tɛ ɛ́sẅíi nu. Nɛkɔŋ ŋu tɛ ɛ́sẅíi nu, ɛ́ píkŋɛ nɛɡẅɛɛ tʉ́m Lɛ́ɛnɛ́nɛ, ḿbíkŋɛ nɛɡɛ yúu mi mbʉʉ yu kɛ́ tswɑ́ɑ wú nǔu pɔ́, ḿbɛn ḿbíkŋɛ nɛzɑ́p tʉ́m nǔu Sɛ́, kwɑꞋ nɛ́nẅín.

Ɛ́bɛlʉʉ 1:9

Ɔ kɔŋ nu yi ɛ́ tʉ́ʉnɛ ndʉ́ŋndʉŋ, ḿbɑɑ yi ɛ́ kɑ́ tʉ́ʉ.» Ɛ́ yúu mi ɛ́ ɡɛnɛ pɛ́ jí, mɔ Sɛ́ wu kɑ zɔ́Ꞌnɛ wú ńdɔk wú ŋ́ɡɛ yúu, mbʉʉ yu pɔŋ nǔu tɛꞋ. Ŋ kɑ ɡɑ́ fuꞋ yú ńdɛɛ yɛ́ ɡɑŋku pú.

Ɛ́bɛlʉʉ 12:14

Pʉʉ lɔɔ pɑ́Ꞌ pʉʉ pɛ́ pʉɔ tsʉʉ ɡʉ ńnɑ́ŋ nɛ́ mbɔ́tnɛ. Pʉʉ lɔɔ mbɑ pɑ́Ꞌ pʉʉ ɡʉ ŋ́ɡɛ yúu mi Sɛ́ kɛ́ jʉ́ɔ lɔ́Ꞌ nǔu pɔ́. MbíꞋŋɡɔ ŋu lɑɑ ŋ́ɡɛ yúu mi Sɛ́ ɡʉ jʉ́ɔ lɔ́Ꞌ nǔu, mbɔ ŋɡɑŋ ńdɑ́Ꞌ ńjʉ́ɔ Tsɑpʉɔ pɔ́.

Jɑ̂k 3:17

Lɑ́ ŋu ẅí ɑ ɡẅɛɛnɛ jínu yi ɛ́ fúnɛ tʉ́nɛ́pú, ɑ zɛɛ ḿbiitɛ ḿbɔ́ ŋu ẅí yɛcɔ́ lɔ́Ꞌ kɑ́ pɔ́ nǔu ŋɡɛnɛ mɛnu mɛ́ pɔ́, ḿbɑ́ɑtɛ ńnɛn pɔ nɛ́ mbɔ́tnɛ, ḿbɑ́ɑtɛ ḿbɔ́ ŋu ḿbɔ́tnɛ pɔ́tnɛ́nɛ, ŋ́ɡɛ nu ɛ́ kuꞋ kuꞋnɛ, ńjí nɛtsɑ́ɑ mɛjʉ́ŋ tɛꞋ, ɛ́fɑꞋ mɛfɑꞋ sʉ́Ꞌnɛ pɔ pɔ́Ꞌɔ. A kɑ́ ɡɛ tɔŋ pɔ́, ŋ́kɛ́ mbɔɔ ŋkɔŋmík pɔ́.

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

1 Pyɛ̂ 4:8

Nduŋmbi yúu mi pʉʉ ɡʉ ŋ́ɡɛ, ɑ pʉʉ nɛɡẅɛɛ ŋkɔŋɛ tsɛtsɛt pʉʉ, mbíꞋŋɡɔ ŋkɔŋɛ píknɛ nɛlʉ́m mɛnu kɛpɔŋ.