Pʉɔ-Lɔ́mɑ 12:11 - Kɑɑ Fí

¹¹ Kɔɔ pʉʉ pɔ́ pɛlɔ́ŋ, pʉʉ pɔ́ pɔ ɡɑŋfɑꞋ. Pʉʉ lɔk tʉ́m yʉ́ʉ tsʉʉ ɛ́fɑꞋ mbɔ̌ Tsɑpʉɔ.

Pʉɔ-Lɔ́mɑ 12:11 Marejeleo ya Msalaba

Mɑtʉ̈ɔ 24:12

Mɛnu kɛpɔŋ kẅiꞋ ńzɑ́ɑ, tɛ ŋ́ɡɛ ŋɡɔ nɛzɑ́ɑ pʉɔ pɔɔ pɛn ŋ́kɔŋ Sɛ́ tɛ ŋ́kɔŋ pɔ́.

Mɑtʉ̈ɔ 25:26

Lɑ́, tɑ́t wɛ pʉ̈ɔt mbɔ̌ wɛ́ ŋɡɔ: «Ɔ ŋɡɑŋfɑꞋ kɛpɔŋ, ḿbɔ́ ndɔ́ŋ, ɔ kɑ pɔ́ ńjí ŋɡɔ n dɔ ŋ́kɑ́p yúu zʉꞋ yí mɔ ŋ́kɑɑ zúꞋu mɑꞋ, ḿbʉ̈ɔ́Ꞌ yúu zʉꞋ yí mɔ ŋ́kɑɑ zúꞋu pi.

ŊwɑꞋnɛ-Gɑŋntúu Yɛ́su Kɛlístɔ 18:25

Mbɔ pɛ́ kɑ zíꞋ wɛ́ nɛ́ nu ŋ́ɡɑ́ nǔu sɛ̂ndúŋ-Tsɑpʉɔ Yɛ́su. A pɔ́ ńníꞋ tú kwɑꞋ sʉ́Ꞌnɛ ɛ́sẅíi yîyɑ́ nu ḿbɛn ńzíꞋ pʉɔ nɛ́ nu-Yɛ́su pɔ ndʉ́ŋndʉŋ pɑ́Ꞌ ɛ́ pɔ́nɛ. Lɑ́ ŋ́ɡʉ nǔu nu cẅɛ́ɛ ŋki, ɑ jí yɛ́ pɔ pɑ́Ꞌ Jɑ̂ŋ kɑ pɔ́ ńnuꞋ pʉɔ ŋki.

ŊwɑꞋnɛ-Gɑŋntúu Yɛ́su Kɛlístɔ 20:19

Ŋ kɑ fɑꞋ fɑꞋ-Tsɑpʉɔ kɛ́ ŋɑ́Ꞌ mbʉʉ, ŋ́ɡɔ fɑꞋ ḿbɔ́ ńdɑɑ, ḿbɔ́ ńjʉ́ɔ ŋɡʉ̈ɔ́Ꞌ, mbíꞋŋɡɔ pɑyúdɑ kɑ pɔ́ ndɔɔ nɛjẅí wɑ́ɑ.

1 Kɔlɛ̂ŋtɛ 7:22

Pʉʉ jí ŋɡɔ ŋu ẅí Tsɑpʉɔ kɑ ɡɔ́ fúŋ wɛ́, ɑ pɔ́ ŋkwɑɑ, ɑ cẅɛt ndɑ́-kwɑɑ nu kɛpɔŋ, ńtsʉ́Ꞌ ḿbɔ́ pɔ ŋu-Tsɑpʉɔ. Ɛ́ pɛn ḿbɔ́ pɔ ndʉ́ŋndʉŋ nǔu ŋu ẅí pɛ́ kɑ ɡɔ́ fúŋ wɛ́ ɑ pɔ́ ndúunút, ŋɡɑŋ ńtsʉ́Ꞌ ŋkwɑɑ Kɛlístɔ, ńdɔk ḿbɔ́ yɛ́ ŋu-Kɛlístɔ.

Ɛ́fɛ̂zɛ 4:28

Pʉɔ pi pɔ́p ɡẅɛɛnɛ mɑt nɛjɔ mɛꞋ tsɔ́ŋ, ńtsʉ́Ꞌ ńdɔk mbɔ́ mɔ́p, ɛ́fɑꞋ tɛ ŋ́kíɛ ziꞋnɛ ńjí ŋɡɔ pɔ́p ɡʉ ŋ́ɡẅɛɛ yúu tɛ ńdɔk yɛcɔ́ ńcẅɛ́lɛ́ pʉɔ pi pɔ́p sɛ́ ńjɑ́k yɔ́p,

Kɔlɔsíyɛ̂ŋ 4:1

Pʉʉ pɛtɑ́t-puꞋ, pʉʉ pɔ́ ndʉ́ŋndʉŋ mbi pɛkwɑɑ pʉ́ʉ, ḿbɛn ŋ́ɡɛ pɔ yúu mi ɛ́ píkŋɛ́nɛ ŋɡɔ pɛ́ ɡɛ, ḿbɔ́ ŋ́kẅíitɛ ŋɡɔ pʉʉ yʉ́ʉ ɡẅɛɛ wʉ́ʉ Tɑ́fɑꞋ tʉ́nɛ́pú.

1 Timɔtɛ́ɛ 5:13

Pɔ́p lɑɑ mbɔɔ ɡẅɛɛ yúu pɔ́p ŋ́ɡɛ pɔ́, pɔ́p tsʉ́Ꞌ pɛlɔ́ŋ, ḿbɔ́ ŋ́kɑ́t tsɛt mɛndɑ́, ɛ́ ɡɔ́ mɛkŋɛ ḿbʉ́k pɔ́p mɛꞋ ńtíi mɛlík-pʉɔ, ŋ́kɑ́t ŋ́kíɛꞋ mɛnu mi pɛ́ lɔɔ ŋ́kíɛꞋ pɔ́, ńcú nu nǔu mɛnu mi ɛ́ kɑ́ pɔ́ ńdíŋɛ wɔ́p pɔ́.

Ɛ́bɛlʉʉ 12:28

Pɑ́Ꞌ pɛkŋɛ ɡʉ ńdɑ́Ꞌ ḿbɔ́ tsɛt nu nɛfɔɔ ni yɛcɔ́ yúu kɛ́ ńnʉꞋnɛ ńzɔŋɛ pɔ́ lɑ, pɛkŋɛ ɡɛ́mtɛ Sɛ́, ɛ́fɑ́Ꞌ mbɔ̌ wɛ́ nǔu ntɛ́ yi ɑ sɛ́ ŋ́kɔŋ, ŋ́ɡɑ́ mbʉʉ sɛ́, ḿbɔ́k wɛ́.

Jɑ̂k 5:16

Pɔ́Ꞌɔ lɑ́, ŋu pɛ́m mɛfɑɑnɛ mɛ́ mbɔ̌ mɔ́ɔmɑ́ wɛ, mɔ́ɔmɑ́ wɛ pɛ́m mɛ́ mbɔ̌ wɛ́. Ŋu wʉʉ púꞋ mbɔ́ mbɔ̌ Sɛ́ nǔu tú-mɔ́ɔmɑ́ wɛ. Ɛ́ lɛɛ pɔ́Ꞌɔ, pʉʉ fíitɛ. CɛꞋlɛ-ŋu ẅí ɑ ndʉ́ŋndʉŋ mbi Sɛ́, nɛn tɛꞋ.

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

1 Pyɛ̂ 4:8

Nduŋmbi yúu mi pʉʉ ɡʉ ŋ́ɡɛ, ɑ pʉʉ nɛɡẅɛɛ ŋkɔŋɛ tsɛtsɛt pʉʉ, mbíꞋŋɡɔ ŋkɔŋɛ píknɛ nɛlʉ́m mɛnu kɛpɔŋ.

Mɛnu ɛ́ ńdɑ́Ꞌ ńcẅɛt 2:4

Lɑ́, ŋ kɛ́ ḿbɔ́ ńdɑ́Ꞌ wʉ́ʉ ntɛ́ nu yi pʉʉ kɑ́ pɛ́t ŋ́kɔŋ wɑ́ɑ pɑ́Ꞌ pʉʉ kɑ piitɛ́nɛ ḿbɔ́ ŋ́kɔŋ wɑ́ɑ pɔ́Ꞌɔ pɔ́.