Pʉɔ-Lɔ́mɑ 11:23 - Kɑɑ Fí

²³ Ɛ́ ɡʉ nǔu pɑyúdɑ, mbɔ pɔ́p lɑɑ ḿmɛꞋ tʉʉtú, ńzɑ́p tʉ́m nǔu Kɛlístɔ, mbɔ ɑ ɡʉ ńdɑt wɔ́p nǔu zʉꞋ yi pɔ́p kɑ zɛɛnɛ ḿbɔ́ zúꞋu. MbíꞋŋɡɔ jʉ́ Sɛ́ ɡẅɛɛnɛ mɛtʉʉ nɛlɑt wɔ́p fí nɛ́ fí.

Pʉɔ-Lɔ́mɑ 11:23 Marejeleo ya Msalaba

Mɑtʉ̈ɔ 23:39

Ɛ́ yɛ́tɛ́ lɑ́ ŋ ɡʉ ɛ́sẅíi wʉ́ʉ ŋɡɔ: «Tɛ ɛ́fú ŋkɔ̂ɔnɛ, pʉʉ kɛ́ pɛn ńjʉ́ɔ wɑ́ɑ pɔ́, tɛ ńdɑ́Ꞌ ŋ́kúu lɛ́Ꞌ yi pʉʉ ɡʉ ńcú ŋɡɔ: Sɛ́ pɔ́ nɛ́ ŋu ẅí ɑ tɔ́nɛ nǔu lík yɛ́.»

Pʉɔ-Lɔ́mɑ 11:17

Lɑ́ pɑíslɑyɛ̂l pɑ́Ꞌ tʉ́-mɛɡwɛ́t-ɔliivɛ-ŋu, mbɔ ŋɡɑŋ kɑ kʉ́ɔꞋ mɛcɔ́ mbɔ́ nǔu ḿmɛꞋ. Gu ẅí ɔ kɑ́ pɔ́ ŋu-Yúdɑ pɔ́, ɔ pɑ́Ꞌ pɛpɔ́tʉ́ mɛɡwɛ́t-ɔliivɛ yi ɛ́ pɔ́ pɔ mbɛ́n, mbɔ pɛ́ kɑ lɔk wú ńtɔ́ ńdɑt tsɛtsɛt mbɔ́ mi ɛ́ kɑ pɛ́tnɛ ḿbɔ́ nǔu tʉ́ ɛ̂yɑ́. Ɔ nǔu ŋkɔ̂ɔnɛ ḿbɔ́ ńdúꞋnɛ mɛci-tʉ́ mi ɛ́ fúnɛ nǔu mɛŋɑŋ ŋ́kúu nǔu pʉʉ pɛpɔ́p pɛtsʉʉ.

Pʉɔ-Lɔ́mɑ 11:24

Ɔ kɑ zɛɛ ḿbɔ́ pɔ pɔ́tʉ́-mɛɡwɛ́t-ɔliivɛ-mbɛ́n. Sɛ́ zɑ́Ꞌ wú, ńtɔ́ ńdɑt nǔu tʉ́-mɛɡwɛ́t-ɔliivɛ-ŋkɑ́Ꞌ, ɛ́ pɔ́ ŋkʉꞋnɛ nu. Ɛ́ kɛ́ ŋ́ɡʉ nǔu pɑyúdɑ, mbɔ pɔ́p mbɔ́tʉ́-mɛɡwɛ́t-ɔliivɛ-ŋkɑ́Ꞌ. Sɛ́ lɑɑ ḿbɛn ŋ́ɡɛ ḿbɛn wɔ́p nǔu tʉ́ ɛ̂yɑ́, mbɔ ɛ́ ɡʉ ńzɑŋɛ tɛꞋ, mbíꞋŋɡɔ pɔ́p kɑ zɛɛ ɛ́fú pɔ nǔu.

2 Kɔlɛ̂ŋtɛ 3:16

Lɑ́ ŋu lɑɑ ḿbɔ́ tɛ ɛ́shɔt mbʉʉ ńdíŋɛ Tsɑpʉɔ, ŋkwɑ́ jɛ́pmɛ,

Ɛ́bɛlʉʉ 3:19

Pɛkŋɛ lɔk ńjʉ́ɔ ŋɡɔ pɔ́p ŋ́kɑɑ ŋ́kúu tsɛt mɔ́fíitɛ ẅi Sɛ́ kɑ kɑꞋnɛ mbɔ̌ pɔ́p pɔ́, mbíꞋŋɡɔ pɔ́p ŋkɑɑ zúꞋ nu yi ɑ kɑ cúnɛ, tɛ ḿbɛ́m pɔ́.