Pʉɔ-Lɔ́mɑ 1:24 - Kɑɑ Fí

²⁴ Ɛ́ yúu mi ɛ́ kɑ ɡɛnɛ Sɛ́ nɑ́ wɔ́p pɔ́p ɡɛ mɛnu shẅɛt shẅɛtnɛ mi tʉ́m yɔ́p kɑ pɔ́ ńtsɑ́ɑ ńdɔk nɛɡɛ pɔ́Ꞌɔ, ɛ́shɔtnɛ ḿbʉ́ʉpɛ mɛmbʉʉ mɔ́p, ńdɔk ɛ́shɔtnɛ ńtɛ́m sʉ́ʉ nǔu pɔ́p.

Pʉɔ-Lɔ́mɑ 1:24 Marejeleo ya Msalaba

Mɑtʉ̈ɔ 15:14

Pʉʉ nɑ́ wɔ́p! Pɔ́p pɛfʉmík pínɛ pɔ́p ɡẅɛɛnɛ pɔ́ pɛcɔ́. Fʉmík lɑɑ ŋ́ɡẅɛɛ pɔ́ wɛcɔ́, mbɔ pɔ́pmɛ pɛ́pɑ́ ɡʉ ńcʉ́ɔ tsɛt ɡɛm.

ŊwɑꞋnɛ-Gɑŋntúu Yɛ́su Kɛlístɔ 14:16

A ḿbɔ́ ŋkɑ́mbi, ńnɑ́ túu nɛ́ túu nǔu mɛzuŋ mɛzuŋ, pɔ́p nɛn nǔu mɛsɛ̂ndúŋ mi pɔ́p kɔŋnɛ.

ŊwɑꞋnɛ-Gɑŋntúu Yɛ́su Kɛlístɔ 7:42

Pɔ́p kɑ ɡɛ pɔ́Ꞌɔ, Sɛ́ tɛ́m ŋkwɛn yɛ, ńnɑ́ wɔ́p. Pɔ́p zɛ nɛɡúꞋlɛ yúu mi ɛ́ nɛpú. Ndʉ́ŋndʉŋ pɑ́Ꞌ pɛŋɡɛ́mndʉ̈ɔꞋ-Sɛ́ kɑ pɔ́ ŋ́ɡʉ ńtɑ́ɑ ńdɛꞋlɛ nu yɔ́p ŋɡɔ: «Pɔ́ɔ-pɑíslɑyɛ̂l, pʉʉ kɑ nɛn kɔ̂ŋtɛt ŋɡuꞋlɑ́Ꞌ mɛɡɛ́mɛ́nɛ́kwɑ pɛ́Ꞌɛ, ŋ́ɡwɑt mɛyúumɛku ŋ́ɡɑ́ yúujʉ́ ńdɔk ŋ́ɡúꞋlɛ mɔ Sɛ́ wɔ?»

Pʉɔ-Lɔ́mɑ 6:12

Pɔ́Ꞌɔ lɑ́, ɛ́ kɑ́ pɔ́ ḿbíkŋɛ ŋɡɔ nu kɛpɔŋ pɛn ɛ́sɑ́Ꞌ mbʉʉ yʉʉ yi ɛ́ ɡʉ ŋ́ɡɛ ḿpfú pɔ́, pʉʉ pɑ́ɑ nɛpɛn ńnɑ́ mbʉʉ yʉʉ ɛ́ tsʉ́ʉnɛ wʉ́ʉ ńníꞋ tsɛt kɛɡʉ̈ɔꞋ.

1 Kɔlɛ̂ŋtɛ 6:13

Pʉʉ pɛn ḿbɔ́ ńcú ŋɡɔ: «Pɛ́ kɑ ɡɛ yúupɛ́jʉ́ mbíꞋ nɛpɛm, ŋ́ɡɛ nɛpɛm mbíꞋ yúupɛ́jʉ́.» Ɛ́ nu nɛ́nẅín lɑ́ Sɛ́ ŋ́ɡɛ ɛ́sɑt yúupɛ́jʉ́ mɛꞋ, ḿbɛn ɛ́sɑt nɛpɛm. Mbɑ pɔ́Ꞌɔ, mbɔ ŋu pɔɔ lɔk mbʉʉ yɛ́ ŋ́ɡɛ mbɑ kʉ̈ɔ́ lɑ́ yi ɑ tsɑ́ɑnɛ pɔ́, mbíꞋŋɡɔ mbʉʉ-ŋu yɛ Tsɑpʉɔ, Tsɑpʉɔ líŋɛ́nɛ nu ŋ́ɡɑ́ nǔu.

1 Kɔlɛ̂ŋtɛ 6:18

Pʉʉ niitɛ ḿbɑ́ɑ nɛlɔk mbʉʉ yʉʉ ŋ́ɡɛ kʉ̈ɔ́ lɑ́ yi pʉʉ kɔŋnɛ. Mɛcɔ́ mɛnu kɛpɔŋ mi pʉɔmɛsɔŋ ɡɛnɛ, ɛ́ nǔu pɔ́p ḿbɔ́ pɔ nzɛmpíi. Lɑ́ ḿbɔ́ yi ŋu lɑɑ ńdɔk mbʉʉ yɛ́ ŋ́ɡɛ kʉ̈ɔ́ lɑ́, mbɔ ɑ shɔtnɛ ŋ́ɡɛ nu kɛpɔŋ pɔ nǔu yɛ́.

Ɛ́fɛ̂zɛ 2:3

Pɛkŋɛ pɛtsʉʉ kɑ zɛɛ ḿbɔ́ pɔ pɑ́Ꞌ pɔ́p, ḿbɔ́ ŋ́ɡɛ pɔ yúu mi tʉ́m-ŋumɛsɔŋ sɛ́ ńtsɑ́ɑ, mɛyúu mi tʉ́m-ŋumɛsɔŋ pɔ́p kwɑŋɛ yɛ́ tʉ́ʉnɛ nǔu, mbɔ pɛ́ kɑ pí wɛkŋɛ pɛkŋɛ pɔ́ pɔ pʉɔ pi Sɛ́ sɛ́ ńzɑ́ŋ lɔ́ŋ nǔu pɔ́p pɑ́Ꞌ ɑ sɛ́ ńzɑ́ŋ lɔ́ŋ nǔu pɛcɔ́ pʉɔ.

1 Tɛsɑlɔník 4:4

ŋɡɔ mbɑ wɔ̌ lɑ́ tsɛtsɛt pʉʉ ɡuutɛ mbʉʉ yɛ nǔu ntɛ́ yi Sɛ́ sɛ́ ŋ́kɔŋ, nǔu ntɛ́ yi ɛ́ ɡẅɛɛnɛ mɛkuꞋ.