Pʉɔ-Lɔ́mɑ 1:21 - Kɑɑ Fí

²¹ Pɔ́p jí Sɛ́, lɑ́ pɔ́p kɑ́ pɔ́ ŋ́ɡúꞋlɛ wɛ́ pɔ́, ŋ́ɡɛ́mtɛ wɛ́ pɑ́Ꞌ ɛ́ sɛ́ ḿbíkŋɛ ŋɡɔ pɛ́ ɡɛ nǔu Sɛ́ pɔ́. Tɛ ńtsʉ́Ꞌ pɔ́Ꞌɔ, mbɔ jínu yɔ́p kɑ fúklɛ wɔ́p pɔ́p fɑɑnɛ ndúŋ, tʉ́m yɔ́p yi ɛ́ ɡẅɛɛ pɔ ɡʉɡʉʉ jínu ɡɛ pɔ́p vu tsɛt nzɛ́nzʉ́ʉ.

Pʉɔ-Lɔ́mɑ 1:21 Marejeleo ya Msalaba

Jɑ̂ŋ 3:19

Pɛ́ ńdɑ́Ꞌ ŋ́ŋɑk pʉɔmɛsɔŋ ntɛ́ nu-kyɛꞋ yi ɛ́ kɑ tɔ́nɛ ndǔmbí, lɑ́ pʉɔmɛsɔŋ kɔŋ pɔ nzɛ́nzʉ́ʉ ńtsɑ kyɛꞌ ɛ̂yɑ́, mbíꞋŋɡɔ ŋɡɛnɛ mɛnu mɔ́p kɑ́ pɔŋ.

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

Pʉɔ-Lɔ́mɑ 1:19

mbíꞋŋɡɔ yúu mi mbɔ pɛ́ jí nǔu Sɛ́, pɔ́p pɛn ḿbɔ́ ńjí yɔ́p. Sɛ́ kɑ sɑ́ɑnɛ sɑ́ɑnɛ́nɛ ńnyɛt wɔ́p nɛ́ yúu ɛ̂mɑ́.

Pʉɔ-Lɔ́mɑ 1:28

Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.

Pʉɔ-Lɔ́mɑ 11:10

Ɛ́ pɔŋ ŋɡɔ Sɛ́ tsɛ́t mík mɔ́p tɛ pɔ́p pɔɔ pɛn ńjʉ́ɔ zʉꞋ pɔ́, ŋ́ɡɛ pɔ́p jʉ́ɔ ŋɡʉ̈ɔ́Ꞌ tɛ ŋkwɛn yɔ́p tsʉ́Ꞌ ŋ́ŋɔ́Ꞌnɛ ŋɔ́Ꞌnɛ́nɛ ŋkɑ́ tsʉʉ.»

Pʉɔ-Lɔ́mɑ 15:9

Kɛlístɔ kɑ pɔ́ ḿbɛn ńtɔ́ nɛpɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡʉ ŋ́ɡúꞋlɛ Sɛ́ mbíꞋ pɔŋtʉ́m yɛ́ nǔu pɔ́p. Ɛ́ zɛɛ ŋ́ɡɔ ḿbɔ́ ŋwɑꞋnɛ-Sɛ́ cú ŋɡɔ: «Ɛ́ yúu mi ɛ́ ɡʉ ŋ́ɡɛ n tʉ́ʉ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́ ŋ́ɡúꞋlɛ wú ḿbɛn ńzɔp ŋ́ɡúꞋlɛ lík yú.»

2 Timɔtɛ́ɛ 3:2

N cú mbíꞋŋɡɔ, pʉɔmɛsɔŋ ɡʉ ŋ́ɡɛ ḿbɔ́ ɡɑŋŋyɛ́p, ŋ́kɔŋ pɔ ŋkɑ́p, ḿbɔ́ ɡɑŋnyɛt mbʉʉ, ḿbɔ́ ɡɑŋŋɑ́Ꞌtɛ, ḿbɔ́ ńzɔɔtɛ Sɛ́ zɔɔtɛnɛ, ńtʉʉ tú mbɔ̌ pɛtɑ́t pɔ́p, ḿbɔ́ pɑjʉ́ntukntsu, pɔ́p kɑ́ pɛn ńdɔk yúu mi ɛ́ yɛ́ Sɛ́ ńdɔk ɛ́fúŋ yɛcɔ́ yúu pɔ́.

1 Pyɛ̂ 1:18

Pʉʉ zɛɛ ḿbɔ́ ńjí tʉʉndɛn yúu mi Sɛ́ kɑ ɡɑ́nɛ lɑ ńdɔk ńcẅɛɛtɛ wʉ́ʉ nǔu ntɛ́ nɛnɑ́ŋ ẅi ɛ́ kɑ́ cẅɛ́lɛ́ pɔ́, yi pɛtɑ́t pʉʉ kɑ zíꞋnɛ wʉ́ʉ. Yîyɑ́ yúu kɑ́ pɔ́ pɑ́Ꞌ tʉ́n-ŋɡɔ̂l kɛ ŋkɑ́p ɔɔ, yi ndɛn wɛ́ ɡʉ ńdɑ́Ꞌ lɛ́Ꞌ ḿmɛ pɔ́.

1 Pyɛ̂ 2:9

Lɑ́ ŋ́ɡʉ nǔu pʉʉ, mbɔ pʉʉ njẅɛt-pʉɔ pi Sɛ́ kɑ kɑŋnɛ, ḿbɔ́ pɑnɔŋpɔꞋ-fɔɔ wɛ ɡwɛ́, ḿbɔ́ lɑ́Ꞌ yi ɛ́ yɛ́, ḿbɔ́ pʉɔ pi ɑ kɑ tsúꞋnɛ wɔ́p pɔ́p pɔ́ pɛ́, pɑ́Ꞌ pɔ́p ŋ́ɡɛ ŋ́ɡʉ ɛ́sẅíi mɛmɑ́ mɛnu mi ɑ kɑ ɡɛnɛ, jʉ́ ẅí ɑ kɑ fúnɛ tsɛt nzɛ́nzʉ́ʉ ńcẅɛɛtɛ wʉ́ʉ, ńníꞋ wʉ́ʉ nǔu zʉꞋ fúknɛ yi kyɛꞌ sʉ́Ꞌnɛ yɛ́ zúꞋu.

Mɛnu ɛ́ ńdɑ́Ꞌ ńcẅɛt 14:7

A ḿbɔ́ ńdɔk ŋɡi tɛnnɛ ńcú ŋɡɔ: «Pʉʉ pɔ́k Sɛ́, ŋ́ɡɑ́ nɛɡúꞋ mbɔ̌ wɛ́. MbíꞋŋɡɔ ŋkɑ́ yi ɑ ɡʉ ŋ́ŋɑk pʉɔmɛsɔŋ ɛ́ pɑ́Ꞌ mbɔ ɛ́ kuꞋ. Pʉʉ ɡúꞋlɛ ŋu ẅí ɑ kɑ niitɛ́nɛ nɛpú, ńniitɛ tsɛ́tsɑ́Ꞌ, ńniitɛ ŋki kɛ́ nɛpɑt, ńniitɛ mbɑ sɑ́Ꞌŋki.»

Mɛnu ɛ́ ńdɑ́Ꞌ ńcẅɛt 15:4

Tsɑpʉɔ, mbɔ wɔ̌ nɑ́ kɛ́ pɔ́k wú? Mbɔ wɔ̌ nɑ́ kɛ́ ɡúꞋlɛ lík yú. NdɑꞋ ɡu pɔ́nɛ Ndɛ́ɛnɛ Lɛ́ɛnɛ́nɛ; Mɛŋɡɔŋ tsʉʉ ɡʉ ŋ́ɡɛ ńtɔ́ ŋ́kẅíꞋlɛ mbi ɡu mbíꞋŋɡɔ mbɑ wɔ̌ lɑ́ ńjʉ́ɔ mɛfɑꞋ mú pɑ́Ꞌ ɛ́ tʉ́ʉnɛ ndʉ́ŋndʉŋ.»