Pʉɔ-Lɔ́mɑ 1:17 - Kɑɑ Fí

¹⁷ Ɛ́ zɛɛ ŋ́ɡɔ ḿbɔ́, Ŋkʉʉ Sʉ́Ꞌnɛ pɔ́ ŋ́ɡɛ pɛ́ jí pɑ́Ꞌ ɛ́ lɛɛnɛ pɔ́Ꞌɔ, lɑ Sɛ́ lɔk pʉɔmɛsɔŋ ɛ́fúŋ pʉɔ pi pɔ́p ndʉ́ŋndʉŋ mbi yɛ́. Ɛ́ lɛɛ pɔ ndɑꞋ nǔu pɑ́Ꞌ pɔ́p zɑ́pnɛ tʉ́m nǔu wɛ́. Wɛcɔ́ ndúŋ ndɛꞋ kɑ pɔ́ ɡú pɔ́. Ɛ́ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Ŋu ẅí ɑ mbi Sɛ́ ḿbɔ́ ndʉ́ŋndʉŋ mbíꞋŋɡɔ ɑ zɑ́p tʉ́m nǔu wɛ́ ɡʉ ndɑ́Ꞌ ḿbɔ́ ɡú.»

Pʉɔ-Lɔ́mɑ 1:17 Marejeleo ya Msalaba

Jɑ̂ŋ 3:36

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, ŋɡɑŋ ɡẅɛɛ luk kɛ́mɛ. Ŋu ẅí ɑ kɛ́ mbɔɔ zɑ́p tʉ́m yɛ́ nǔu mɔ́ɔ-Sɛ́ pɔ́, ɑ kɛ́ lɑ́Ꞌ ŋ́ɡẅɛɛ kwɑꞋ luk pɔ́. Sɛ́ kɛ́ ḿbɛ́t ŋ́kẅiꞋ ńzɑ́ŋ lɔ́ŋ nǔu wɛ́ zɑ́ŋnɛ.

Pʉɔ-Lɔ́mɑ 10:3

Ɛ́ pɔ́ mbíꞋŋɡɔ pɔ́p kɑ́ pɔ́ ŋ́kɔŋ nɛpɛ́m ntɛ́ yi Sɛ́ lɔknɛ ŋ́ɡɛ pʉɔ pɔ́ ndʉ́ŋndʉŋ mbi yɛ́ pɔ́ mbɑ mbíꞋŋɡɔ pɔ́p lɔɔ pɔ wɔp sɛ̂ndúŋ. Pɔ́p kɑ́ pɛ́m sɛ̂ndúŋ ẅi Sɛ́ fúnɛ nǔu ŋɡɔ pʉɔ pɔ́ ndʉ́ŋndʉŋ mbi yɛ́ pɔ́.

Pʉɔ-Lɔ́mɑ 3:21

Lɑ́ ɛ́ nǔu ŋkɔ̂ɔnɛ, mbɔ Sɛ́ kɛ́mɔ́ ńdɛꞋlɛ ntɛ́ yi ɑ ɛ́fú nǔu ńtsʉ́Ꞌ ńdíŋɛ ŋu ɑ pɔ́ pɔ ndʉ́ŋndʉŋ mbi yɛ́, ɛ́ kɛ́ mbɔɔ ntɛ́ yi ɛ́ fúnɛ nǔu nɛpʉ́ʉ pɔ́. ŊwɑꞋnɛ-nɛpʉ́ʉ-Mɔ̌sɛ̂ɛ tɛ mbɑ nɛ́ pɑncẅiŋkʉʉ-Sɛ́ kɑ cú nu ntɛ́ ẅîwɑ́ sɛ̂ndúŋ.

Pʉɔ-Lɔ́mɑ 3:22

Pɔ pɑ́Ꞌ ŋu lɑɑ ńzɑ́p tʉ́m nǔu Yɛ́su Kɛlístɔ, mbɔ Sɛ́ ɡʉ tsʉ́Ꞌ ńdíŋɛ ŋɡɑŋ, ɑ pɔ́ mbi yɛ́ ḿbɔ́ pɔ ndʉ́ŋndʉŋ. Ɛ́ ndɑꞋ ndúŋ mbɔ̌ pʉɔ tsʉʉ. Pɔ́p mbi Sɛ́ tɛꞋ ḿbɔ́ pɔ tɑ́Ꞌ yúu,

Pʉɔ-Lɔ́mɑ 3:3

Ɛ́ pɛn ŋ́ɡʉ nǔu pɑ́Ꞌ pɛcɔ́ pɑyúdɑ kɑ nyɛtnɛ yîyɑ́ sẅiŋɛ pɛ́Ꞌɛ, ɛ́ ɡɛ ńdɛɛ pɔ́Ꞌɔ, Sɛ́ nyɛt mɛnu mi ɑ kɑ kɑꞋnɛ mbɔ̌ pɔ́p kɛkʉ̈ɔ́?

Pʉɔ-Lɔ́mɑ 9:30

Pɛkŋɛ fú nǔu yɔ nu ńjʉ́ɔ ŋɡɔ kʉ̈ɔ́? Pɛkŋɛ jʉ́ɔ ŋɡɔ tɛ mbɑ pɑ́Ꞌ pʉɔ pi pɔ́p kɑ́ pɔ́ pɑyúdɑ pɔ́ ŋkɑɑ ŋ́kɛ́ ḿbɔ́ ńdɔɔ shʉ́ nɛpɔ́ pʉɔ pi pɔ́p ndʉ́ŋndʉŋ mbi Sɛ́ pɔ́, shʉ́ kɑ cẅɛt mbɔ̌ pɔ́p. Ɛ́ pɔ́ pɑ́Ꞌ pɔ́p kɑ zɑ́pnɛ tʉ́m yɔ́p nǔu Kɛlístɔ, Sɛ́ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́,

2 Kɔlɛ̂ŋtɛ 3:9

Ɛ́ lɑɑ ḿbɔ́ yi nu nǔu fɑꞋ-nɛpʉ́ʉ ni tɛ mbɑ pɑ́Ꞌ ɛ́ ḿbɔ́ ŋ́ɡɛ pɛ́ pfú pfúnɛ, ɛ́ kɑ ɡẅɛɛ nɛŋwɑ́ŋɛ, mbɑ nu nǔu fɑꞋ yi ɛ́ ɡɛnɛ pʉɔ tʉ́ʉ ndʉ́ŋndʉŋ mbi Sɛ́ ɡʉ ŋ́kɛ́ ŋ́ɡẅɛɛ nɛŋwɑ́ŋɛ ńdɛɛ yîyɑ́,

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

Ŋɡɑlɑ̂t 3:11

Pɛ́ pɛn ńniitɛ ńnyɛt tsɛt ŋwɑꞋnɛ-Sɛ́ ŋɡɔ mbɔ ŋu pɔɔ lɔk pɑ́Ꞌ ɑ cúnɛ ŋɡɔ ɑ kúꞋlɛ nɛpʉ́ʉ ńdɔk ŋ́kuꞋ ŋu ẅí ɑ mbi Sɛ́ ḿbɔ́ ndʉ́ŋndʉŋ pɔ́, mbíꞋŋɡɔ pɛ́ kɑ ŋwɑꞋnɛ ŋɡɔ: Ŋu ẅí ɑ kuꞋ nɛpɔ́ mbi Sɛ́ ḿbɔ́ ndʉ́ŋndʉŋ mbíꞋŋɡɔ ɑ zɑ́p tʉ́m yɛ́ nǔu wɛ́, pɔ́nɛ ŋu ẅí ɑ ɡʉ ńdɑ́Ꞌ ńduk.

Filipɛ 3:9

nɛpɔ́ yi ŋ ɡʉ tsʉ́Ꞌ ḿbɔ́ pɔ nǔu mbɔ́ mɛ́, ḿbɔ́ m bɔɔ pɛn ńcú ŋɡɔ mɔ kɛ́fɑɑnɛ mbi Sɛ́, mbíꞋŋɡɔ n jí nɛpʉ́ʉ-pɑyúdɑ pɔ́. Mɔ mbi yɛ́ ḿbɔ́ kɛ́fɑɑnɛ mbíꞋ pɔ nu yi n zɑ́pnɛ tʉ́m yɑ́ɑ nǔu Kɛlístɔ, Sɛ́ ɡɛnɛ ŋɡɔ m bɔ́ ŋu nɛ́nẅín pɑ́Ꞌ wɛ́tɛ́ ŋu ẅí ɑ zɑ́pnɛ tʉ́m yɛ́ nǔu Kɛlístɔ lɑ́.

Ɛ́bɛlʉʉ 10:38

Wɑɑ ŋu ẅi n jʉ́ɔnɛ ŋɡɔ ɑ ndʉ́ŋndʉŋ mbi mɔ, ɡʉ ŋ́ɡɛ ńduk, ɛ́fú nǔu pɑ́Ꞌ ɑ zɑ́pnɛ tʉ́m nǔu mɔ. Lɑ́ ŋ́kɛ́ ḿbɔ́ yi ɑ lɑɑ ḿbɛn nzʉʉ, nu yɛ́ pɔɔ pɛn ḿbɔŋ wɑ́ɑ pɔ́.