Pʉɔ-Lɔ́mɑ 1:14 - Kɑɑ Fí

¹⁴ Sɛ́ kɑ ɡɑ́ yɔ fɑꞋ mbɔ̌ mɔ, ɛ́ yɛ́tɛ́ lɑ ŋ ɡẅɛɛ nɛcẅi Ŋkʉʉ Sʉ́Ꞌnɛ mbɔ̌ pʉɔ pɛtsʉʉ, mbɔ̌ pʉɔ pi pɔ́p kɑ zíꞋnɛ jínu mbɑ pinɛ pɔ́p ŋkɑɑ zíꞋ, mbɑ pɑjí ŋwɑꞋnɛ mbɑ pɑkɛ́jí.

Pʉɔ-Lɔ́mɑ 1:14 Marejeleo ya Msalaba

Mɑtʉ̈ɔ 11:25

Yɛ́su ɡɛ ńcú ŋɡɔ: «Tɑ̌ɑ mɔ, Tsɑpʉɔ, ɡu ẅí ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ, ŋ ɡɑ́ pɑ́Ꞌlɑ́ mbɔ̌ ɡu pɑ́Ꞌ ɔ kɑ nyɛtnɛ mɔnɛ mɛnu mbɔ̌ pɛɡɛɡʉʉ, ńdʉɔ mbɔ̌ pɑjínu pɔ́p pʉɔ pínɛ pɔ́p kɑ zíꞋnɛ.

Lúkɑ́shi 10:21

Yɛ́su ḿbɔ́ ńcú yɔ nu, zẅikŋɛ Lɛ́ɛnɛ́nɛ ɡɛ tʉ́m yɛ́ ńtsɑ́ɑtɛ tɛꞋ, ɑ cú ŋɡɔ: «Tɑ̌ɑ mɔ, Tsɑpʉɔ, ɡu ẅi ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ. Ŋ ɡɑ́ pɑ́Ꞌlɑ́ mbɔ̌ ɡu pɑꞋ ɔ nyɛtnɛ mɔ mɛnu mbɔ̌ pɛɡɛɡʉʉ, ńdʉɔ mbɔ̌ ɡɑŋjínu pɔ́p pʉɔ pinɛ pɔ́p kɑ zíꞋnɛ ŋwɑꞋnɛ tɛꞋ lɑ́. Ɔ́ɔŋ mbɑ Tɑ̌ɑ mɔ, ɔ kɑ jʉ́ɔ ŋɡɔ ɔ ɡɛ ŋ́ɡɛ yɔ nu pɔ́ pɔ́Ꞌɔ.»

ŊwɑꞋnɛ-Gɑŋntúu Yɛ́su Kɛlístɔ 22:21

Lɑ́ Tsɑpʉɔ ńcú mbɔ̌ mɔ ŋɡɔ: Lu, n túu wú pɑ́Ꞌɑ ŋɡɑ sɛsɑ, tsɛtsɛt pʉɔ ntɛ́ nɛ́ ntɛ́ pi pɔ́p kɑ́ pɔ́ pɑyúdɑ pɔ́.»

ŊwɑꞋnɛ-Gɑŋntúu Yɛ́su Kɛlístɔ 28:2

Pɑlɑ́Ꞌ ɛ̂pɑ́, ɡɛ nu sʉ́Ꞌnɛ nǔu pɛk tɛ ńniitɛ mɑ́mɑ́ múk, ɛ́fúŋ wɛ́k ŋɡɔ pɛk tɔ́ ńzɔ́k. Ɛ́ ɡɔ́ ḿbɔ́, mbɔ mbʉŋ zɛ nɛlɔ́, fɑ́k pɛn ḿbɔ́ ŋ́kɔ́.

ŊwɑꞋnɛ-Gɑŋntúu Yɛ́su Kɛlístɔ 28:4

Pʉɔ-lɑ́Ꞌ ɛ̂pɑ́ jʉ́ɔ pɑ́Ꞌ nɔ́ cʉŋɛ́nɛ nǔu pɔ́ yɛ́, ɛ́shɔtnɛ ńcú tsɛtsɛt pɔ́p ŋɡɔ: «Ŋu wɔ ɡʉ ŋ́ɡɛ ŋɡɔ́ku ɔɔ, ḿbɔ́ njẅíŋu. A luk ŋki lɑ́, sɛ́ wɛk Jẅitis jʉ́ɔ ŋɡɔ ɑ kɛ́ nɑ́ wɛ́ ɑ pɔ́ ɡú pɔ́.»

ŊwɑꞋnɛ-Gɑŋntúu Yɛ́su Kɛlístɔ 9:15

Lɑ́ Tsɑpʉɔ cú mbɔ̌ Anɑníyɑs pɔ ŋɡɔ: «Gʉ ńjʉ́ɔ ŋu ɛ̂wɑ́ ńjʉ́ɔ, mbíꞌŋɡɔ ɑ mbɔ̌ mɔ ḿbɔ́ kwɑꞋ yúu-fɑꞋ. A ɡʉ ŋ́ɡɛ ŋɡɔ pʉɔ pi pɔ́p kɑ́ pɔ́ pɑíslɑyɛ̂l pɔ́ jí wɑ́ɑ, mbɑ pɛfɔɔ, tɛ mbɑ pɔ́ɔ-Íslɑyɛ̂l.

Pʉɔ-Lɔ́mɑ 1:22

Pɔ́p tɔ́ pɔ nɛsɑ́Ꞌ ŋɡɔ pɔ́p jí nu, ńtsʉ́Ꞌ pɛpɑ́lɛ́.

Pʉɔ-Lɔ́mɑ 11:25

Pɔ́ɔpɛ́mɑ́ pɑ́ɑ, mɔ sɛ́ ŋ́kɔŋ ŋɡɔ pʉʉ jí yúu mi ɛ́ nǔu yɔ nu, mbɔ ɛ́ kɑ zɛɛ ḿbɔ́ yi lʉɔmɛ́nɛ, ḿbɔ́k wʉ́ʉ nɛkwɑŋɛ ŋɡɔ pʉʉ pɑjínu. Yîyɑ́ yúu ŋɡɔ yɛcɔ́ ɡúŋ-pɑíslɑyɛ̂l sɛ́ ńtʉʉ tú mbɔ̌ Sɛ́ ŋkɔ̂ɔnɛ, lɑ́ ɛ́ kɛ́ lɑ́Ꞌ ḿbɔ́ pɔ pɔ́Ꞌɔ pɔ́. Pɔ́p ɡʉ ńtʉʉ tú tɛ kúu ŋkɑ́ yi pʉɔ tsʉʉ pi Sɛ́ kɑ tsɔ́Ꞌnɛ, pɔ́p pɛn mbɔɔ pɑyúdɑ pɔ́, ɡʉ ńcʉ́ɔ nzʉʉ wɛ́.

Pʉɔ-Lɔ́mɑ 12:16

Pʉʉ ɡẅɛɛ tɑ́Ꞌ ntsu tsɛtsɛt pʉʉ, kɔɔ pʉʉ tsɑ́ɑ pɔ mɛntsu-fɑꞋ-pɛlʉ́m, pʉʉ pɛ́m nɛɡɛ mɛfɑꞋ mi ɛ́ kuꞋ kuꞋnɛ, kɔɔ pʉʉ kwɑŋɛ ŋɡɔ pʉʉ jí nu.

Pʉɔ-Lɔ́mɑ 13:8

Kɔɔ ŋu wʉʉ ɡẅɛɛ yɛcɔ́ nzɔ́ ndɛꞋ tɛ ndíꞋ ndɑꞋ nɛkɔŋ ŋu, ɛ́ nzɔ́ yi pɔ́ɔpɛ́mɑ́ ɡẅɛɛnɛ nɛtɔŋɛ tsɛtsɛt pɔ́p mbíꞋŋɡɔ ŋu lɑɑ ŋ́kɔŋ pɛcɔ́ pʉɔ, mbɔ ɑ lɔk ŋ́kúꞋlɛ nɛpʉ́ʉ-Sɛ́ tsʉʉ.

Pʉɔ-Lɔ́mɑ 16:19

Ɛ́ ɡʉ nǔu pʉʉ, pʉɔ pɛtsʉʉ sɛ́ ńjí ŋɡɔ pʉʉ zúꞋ ntsu-Tsɑpʉɔ. Lɑ́ tʉ́m yɑ́ɑ nɑ́ŋ ńtsɑ́ɑtɛ tsɑ́ɑtɛ́nɛ nǔu yúu mi pʉʉ sɛ́ ŋ́ɡɛ. Lɑ́ mɔ sɛ́ ńtsɑ́ɑ ŋɡɔ pʉʉ ɡẅɛɛ jínu sʉ́Ꞌnɛ nɛlɔk ŋ́ɡɛ nu sʉ́Ꞌnɛ, ḿbɛn ńnɑ́ŋ ḿbɔ́ pʉɔ pi pɔ́p lɔk nɛkʉɔ nu kɛpɔŋ ḿbɔ́ pɑ kɛ́ ɡẅɛɛ lɔ́Ꞌ.

Pʉɔ-Lɔ́mɑ 8:12

Pɔ́Ꞌɔ lɑ́, mbɑ̌ɑ pɔ́ɔpɛ́mɑ́ pɑ́ɑ, ɛ́ ɡʉ nǔu Zẅikŋɛ-Sɛ́, mbɔ nzɔ́ tú pɛkŋɛ, tɛ mbɔ pɛkŋɛ pɔɔ ńnɑ́ŋ pɔ pɑ́Ꞌ mbʉʉ yɛkŋɛ sɛ́ ɛ́sẅíi wɛkŋɛ pɔ́.

1 Kɔlɛ̂ŋtɛ 14:11

Lɑ́ ḿbɔ́ yi ŋu lɑɑ ḿbɔ́ ńcú nu mbɔ̌ mɔ, m bɛn mbɔɔ ḿbɔ́ ńjí sẅiŋɛ yɛ́ pɔ́, mbɔ mɔ mbi yɛ́ ḿbɔ́ pɔ ŋɡʉʉ, ɑ pɛn ḿbɔ́ yɛ́ mbi mɔ, ḿbɔ́ pɔ ŋɡʉʉ.

1 Kɔlɛ̂ŋtɛ 14:16

mbíꞋŋɡɔ ŋu lɑɑ ḿbɔ́ pɛ́Ꞌnɛ ŋ́ɡɛ́mtɛ Sɛ́ pɔ ndɑꞋ nǔu ntɛ́ yi Zẅikŋɛ tsʉ́ʉnɛ́nɛ wɛ́ ŋɡɔ ɑ ɡɛ, mbɔ ŋu ẅí ɑ nɑ́ŋnɛ sɛ́ mbɔɔ ḿbɔ́ ńjí nu nǔu yîyɑ́ ntɛ́ pɔ́, ɡʉ ŋ́ɡɔ cú ŋɡɔ ɛ́ pɔ́Ꞌɔ, ńdɔk cɔ́kŋɛ nu yi ŋɡɑŋ lɔknɛ ŋ́ɡɛ́mtɛ Sɛ́, ɛ́ ɡɛ ŋɡɔ́ku pɑ́Ꞌ ɑ kɑ́ pɔ́ ńzúꞋ nu yi ɑ cúnɛ pɔ́ ɔɔ?

1 Kɔlɛ̂ŋtɛ 2:13

Pɛkŋɛ kɑ́ pɔ́ ŋ́ɡɔ́ ńcú nu nǔu mîmɑ́ mɛyúu mi Sɛ́ kɑ ɡɑ́nɛ mbɔ̌ pɛkŋɛ ńdɔk pɔ sẅiŋɛ yi pʉɔmɛsɔŋ kɑ lɔknɛ jínu yɔ́p ńzíꞋ wɛkŋɛ pɔ́. Pɛkŋɛ lɔk pɔ sẅiŋɛ yi Zẅikŋɛ-Sɛ́ zíꞋnɛ wɛkŋɛ lɑ ńcú nu nǔu. Ɛ́ lɛɛ pɔ́Ꞌɔ, pɛkŋɛ tsʉ́Ꞌ nɛɡɔ́ ŋ́kyɛ́Ꞌtɛ nu nǔu yúu mi ɛ́ fúnɛ mbɔ̌ Zẅikŋɛ-Sɛ́, ńdɔk pɔ sẅiŋɛ yi ɛ́ fú mbɔ̌ Zẅikŋɛ-Sɛ́ lɑ ŋ́kyɛ́Ꞌtɛ.

1 Kɔlɛ̂ŋtɛ 3:18

Ḿbɑ́ɑ ŋu nɛfʉ́klɛ túmbʉʉ yɛ́. Ŋu lɑɑ ḿbɔ́ tsɛtsɛt pʉʉ ḿbɔ́ ŋ́kwɑŋɛ ŋɡɔ pʉɔ-ndǔmbí sɛ́ ńjʉ́ɔ ŋɡɔ ɑ jínu, ɑ zɛɛ ḿbiitɛ ɛ́shɔtnɛ ńtsʉ́Ꞌ ŋu lɑ ḿbɔ́ kwɑꞋ njínu.

2 Kɔlɛ̂ŋtɛ 10:12

Ɛ́ ɡʉ nǔu pʉɔ pi pɔ́p shɔtnɛ ńdɛꞋlɛ pʉɔ pi pɔ́p pɛ́tɛ, mbɔ pɛk kɑ́ ɡẅɛɛ sʉk nɛcú ŋɡɔ pɛk pɑ́Ꞌ pɔ́p pɔ́, ḿbɔ́ pɛk pɔɔ lʉŋtɛ ntí wɛ́k nǔu ntɛ́ pʉɔ ɛ̂pɑ́ pɔ́. Tú yɔ́p kɑ́ tʉ́ʉ. Pɔ́p pɛ́ɛ fʉꞋ wɔp pɔ nǔu pɔ́p, ńdʉŋtɛ mɛmbʉʉ mɔ́p tsɛtsɛt pɔ́p.

2 Kɔlɛ̂ŋtɛ 11:19

Pʉʉ sɛ́ ŋ́kwɑŋɛ ŋɡɔ jínu yʉ́ʉ ɡú, lɑ́ pʉʉ pɛ́mnɛ lɑ́ nu pɛpɑ́lɛ́!

Kɔlɔsíyɛ̂ŋ 3:11

Pɔ́Ꞌɔ lɑ́, kɔɔ tɔŋ pɛn ḿbɔ́ tsɛtsɛt pʉʉ tɛ ḿbɔ́ pɛ́ cú ŋɡɔ: «Yɔ ŋu-Ŋɡɛlɛk, yɔ pɔ́ ŋu-pɑyúdɑ pɔ́. Pɛ́ pɔɔ pɛn ńcú ŋɡɔ yɔ ŋu ẅí pɛ́ kɑ púꞋnɛ wɛ́, yɔ pɔ́ ŋu ẅí pɛ́ ŋ́kɑɑ wɛ́ púꞋ pɔ́. Kɛ pɔ nɛpɛn ńcú ŋɡɔ wɔ kɑ zíꞋ ŋwɑꞋnɛ, wɔ pɔɔ zíꞋ pɔ́. Pɛ́ kɛ́ ḿbɔɔ pɛn ńcú ŋɡɔ wɔ ŋu ŋkwɑɑ, wɔ pɔɔ ŋkwɑɑ pɔ́. Kɛlístɔ tsʉ́Ꞌ ḿbɔ́ yʉ́ʉ nu tsʉʉ, ḿbɔ́ tʉ́m pʉʉ pɛtsʉʉ.»

2 Timɔtɛ́ɛ 2:10

Ɛ́ yúu mi ɛ́ ɡɛnɛ m bɔ́ ńjʉ́ɔ ŋɡʉ̈ɔ́Ꞌ pɔ ŋɡɔ́ku ɔɔ, mbíꞋ pʉɔ pi Sɛ́ tsɔ́Ꞌnɛ wɔ́p ńdɔk ŋ́ɡɛ pʉɔ pɛ́, sʉk sʉknɛ, ńjí ŋɡɔ Yɛ́su Kɛlístɔ ɡʉ ŋ́ɡɛ pɔ́p luk yɔ́p. Pɔ́p fu pɔ́Ꞌɔ, ŋ́kúu tsɛt nɛŋwɑ́ŋɛ-luk kɛ́mɛ.

Tîtɛ 3:3

Ɛ́ kɑ pɔ́ yɛcɔ́ ŋkɑ́ pɛkŋɛ ɡúu pɔ́ pɑɡɛ nu kɛ́ sɑ́ŋ, ḿbɔ́ pɑtʉʉtú mbɔ̌ Sɛ́, ḿbɔ́ pʉɔ pi pɔ́p fɑɑnɛ́nɛ ndúŋ, ḿbɔ́ pɛkwɑɑ mbɔ̌ yúu tsʉʉ yi mbʉʉ yɛkŋɛ tsʉ́ʉnɛ́nɛ wɛkŋɛ nɛtsɑ́ɑ mbɑ nɛɡɛ. Pɛkŋɛ kɑ pɔ́ pʉɔ ńzɑ́ɑ sɔ́ɔ, ḿbɔ́ ɡɑŋkɛɡʉ̈ɔꞋ, ḿbɑɑnɛ mɛmbʉʉ mɛkŋɛ tɛꞋ.