Ŋɡɑlɑ̂t 4:30 - Kɑɑ Fí

³⁰ ŊwɑꞋnɛ-Sɛ́ zɛɛ ńcú ŋɡɔ kʉ̈ɔ́ lɑ́ɑ? Ɛ́ cú ŋɡɔ: Zuŋ mɑŋɡɛ́ ẅí ɑ ŋkwɑɑ pɔ́p mɔ́ɔ nɛ. MbíꞋŋɡɔ mɔ́ɔ-ŋkwɑɑ kɑ́ ɡẅɛɛ yɛcɔ́ nu nǔu tʉ̈ɔt-tɑ́t wɔp pɑ́Ꞌ mɔ́ɔ mɑŋɡɛ́ ẅí pɛ́ kɑ tɑ́tnɛ pɔ́.

Ŋɡɑlɑ̂t 4:30 Marejeleo ya Msalaba

Jɑ̂ŋ 8:35

Ŋkwɑɑ kɛ́ lɑ́Ꞌ ńtswɛ́ pɔ njɛ́Ꞌ ŋu ẅí ɑ ɡẅɛɛnɛ wɛ́ pɔ́, Mɔ́ɔ-njɛ́Ꞌ ńdɑ́Ꞌnɛ ńtswɛ́ zúꞋu.

Pʉɔ-Lɔ́mɑ 11:2

Sɛ́ kɑ́ mɛꞋ pʉɔ pɛ́ pi ɑ kɑ zɑ́Ꞌnɛ njí ńtsɔ́Ꞌ wɔ́p pɔ́. Ɛ́ ɡʉ ŋ́ɡɛ pɑ́Ꞌ lɑ pʉʉ pɔ́ ńjí zʉꞋ-ŋwɑꞋnɛ-Sɛ́ yi ɛ́ zúꞋu Ɛlîi pɔ́ ɛ́sẅíi Sɛ́ nɛ́ yúu mi pɑíslɑyɛ̂l ɡɛnɛ,

Pʉɔ-Lɔ́mɑ 4:3

ŊwɑꞋnɛ-Sɛ́ zɛɛ ńcú ŋɡɔ kʉ̈ɔ́? Ɛ́ cú ŋɡɔ: «Ábɛlɛhɑ̂m kɑ zɑ́pnɛ tʉ́m yɛ́ nǔu Sɛ́, Sɛ́ fú nǔu ńtsʉ́Ꞌ ńdíŋɛ wɛ́, ɑ pɔ́ mbi yɛ́ ḿbɔ́ pɔ́ ndʉ́ŋndʉŋ».

Ŋɡɑlɑ̂t 3:22

Lɑ́ ŋwɑꞋnɛ-Sɛ́ nyɛt ŋɡɔ mbɑ wɛ́tɛ́ ŋu lɑ́ pɔ́ pɔ ŋkwɑɑ mbɔ̌ nu kɛpɔŋ. Ɛ́ pɔ́Ꞌɔ lɑ yúu mi Sɛ́ kɑ kɑꞋnɛ puutɛ nǔu pʉɔ pi pɔ́p lɛɛnɛ nǔu Yɛ́su Kɛlístɔ ńzɑ́p tʉ́m yɔ́p nǔu wɛ́.

Ŋɡɑlɑ̂t 3:8

ŊwɑꞋnɛ-Sɛ́ kɑ zɛɛ ńzɑ́Ꞌ njí ńnyɛt ŋɡɔ: Sɛ́ ɡʉ ńdɑ́Ꞌ ɛ́fú nǔu pɑ́Ꞌ pʉɔ pi pɔ́p kɑ́ pɔ́ pɑyúdɑ pɔ́, ɡʉ ńdɑ́Ꞌ ńzɑ́p tʉ́m nǔu wɛ́ ɑ pɛ́m wɔ́p pɑ́Ꞌ pʉɔ pi pɔ́p mbi yɛ́ ḿbɔ́ ndʉ́ŋndʉŋ. Ɛ́ yɛ́tɛ́ lɑ ŋwɑꞋnɛ-Sɛ́ kɑ zɑ́Ꞌ njí ńcẅi wɔ Ŋkʉʉ Sʉ́Ꞌnɛ mbɔ̌ Ábɛlɛhɑ̂m ŋɡɔ: Sɛ́ ɡʉ ńdɑ́Ꞌ ńdɛɛ nǔu ɡu ńníꞋ mbɔ́tnɛ nǔu mɛlɑ́Ꞌ tsʉʉ mi ɛ́ ndǔ tsɛ́tsɑ́Ꞌ.

Ŋɡɑlɑ̂t 4:22

Pɛ́ kɑ ŋwɑꞋnɛ tsɛt ŋwɑꞋnɛ-nɛpʉ́ʉ ɛ̂nɑ́ ŋɡɔ: Ábɛlɛhɑ̂m kɑ ɡẅɛɛ mbɔ́ŋkʉ̈ɔ́ pɛ́pɑ́, tɑ́Ꞌ pɔ́ ẅí ɑ kɑ pínɛ nǔu mɑŋɡɛ́ ẅí ɑ kɑ pɔ́ ŋkwɑɑ, wɛcɔ́ pɔ́ ẅí ɑ kɑ pínɛ nǔu mɑŋɡɛ́ ẅí ɑ kɑ tɑ́tnɛ.

Ŋɡɑlɑ̂t 4:31

Pɔ́ɔpɛ́mɑ́ pɑ́ɑ, ɛ́ yúu mi ɛ́ ɡɛnɛ pɛkŋɛ pɔɔ mbɔ́ŋkʉ̈ɔ́ mɑŋɡɛ́ ẅí ɑ ŋkwɑɑ pɔ́, pɛkŋɛ pɔ́ pɔ mbɔ́ŋkʉ̈ɔ́-mɑŋɡɛ́ ẅí pɛ́ kɑ tɑ́tnɛ.

Jɑ̂k 4:5

Pʉʉ kwɑŋɛ ŋɡɔ ŋwɑꞋnɛ-Sɛ́ cú ŋɡɔ: Sɛ́ kɑ́ pɛ́m ŋɡɔ pɛkŋɛ nɑ́ wɛcɔ́ ŋu jʉ́ zʉꞋ-zẅikŋɛ yi ɑ kɑ níꞋnɛ nǔu pɛkŋɛ pɔ́ pɛ́Ꞌɛ, ḿmɛɛ, mɛɛnɛ ńcú kii?