Ŋɡɑlɑ̂t 3:1 - Kɑɑ Fí

¹ Pʉʉ pʉɔ-Ŋɡɑlɑ̂t, jínu yʉ́ʉ pɛ́ kɛkʉ̈ɔ́? Wɔ̌ kɑ lɔknɛ nɛkɑŋ ḿbúunɛ wʉ́ʉ pɑ́Ꞌɑ? Lɑ, mbɔ pɛ́ kɑ niitɛ ɛ́sẅíi wʉ́ʉ nɛ́ nu nǔu nɛvú tɛ ɛ́ pɔ́ pɔ pɑ́Ꞌ ŋkɑ́ yi pʉʉ sɛ́ ńdɔk mík mʉ́ʉ ńjʉ́ɔ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Ŋɡɑlɑ̂t 3:1 Marejeleo ya Msalaba

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɑtʉ̈ɔ 7:26

Lɑ́ ŋu ẅí ɑ zúꞋnɛ sẅiŋɛ yɑ́ɑ, mbɔɔ ɡɛ pɑ́Ꞌ n cúnɛ pɔ́, mbɔ ŋɡɑŋ fí pɔ ɡʉɡʉʉ ŋu ẅí ɑ kɑ kútnɛ ndɑ́ yɛ́ kɛ́ túŋ cʉ́.

Lúkɑ́shi 24:25

Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Pʉɔ kɛ́ jínu. Pʉʉ kɑ́ pɔ́ ɛ́fɛ́Ꞌnɛ ḿbɛ́m mɛnu tsʉʉ mi pɛŋɡɛ́mndʉ̈ɔ́Ꞌ-Sɛ́ kɑ ŋwɑꞋnɛnɛ pɔ́.»

ŊwɑꞋnɛ-Gɑŋntúu Yɛ́su Kɛlístɔ 16:6

Pɔ̂l pɔ́p Sílɑs kɛ ḿbɔ́ ńnɛn nɛnnɛ, Zẅikŋɛ-Sɛ́ ɡɛ ńtɔꞋ wɔ́p nɛɡʉ tsɛt pɑk-ŋɡɔŋ Azîi ɛ́sẅíi nu-Sɛ́, Pɔ́p tsʉ́Ꞌ ńjɛ́Ꞌ tsɛt pɑk-ŋɡɔŋ Filíjîi pɔ́p wɛ Ŋɡɑlɑ̂t jɛ́Ꞌnɛ,

ŊwɑꞋnɛ-Gɑŋntúu Yɛ́su Kɛlístɔ 6:7

Sẅiŋɛ-Sɛ́ kɑ pɔ́ ŋ́kẅiꞋ ɛ́sɑt pɔ zʉꞋ. Nɔɔ-pɑzɑ́p tʉ́m nǔu Yɛ́su pɔ́ ŋ́kẅiꞋ ńzɑ́ɑ Yɛlúsɑlɛm. PɑnɔŋpɔꞋ tɛ ńzɑ́ɑ zɑ́p tʉ́m nǔu Yɛ́su.

Pʉɔ-Lɔ́mɑ 10:16

Lɑ́ pʉɔ pɛtsʉʉ ŋkɑɑ zúꞋ Ŋkʉʉ Sʉ́Ꞌnɛ ḿbɛ́m pɔ́. Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ kɑ zɛɛ ńcú ŋɡɔ: «Tsɑpʉɔ, pɛk kɑ cú nu yú wɔ̌ kɛ́ ḿbɛ́m»?

Pʉɔ-Lɔ́mɑ 2:8

Lɑ́ ŋ́kɛ́ ŋ́ɡʉ nǔu pʉɔ pi pɔ́p tʉʉ tú mbɔ̌ Sɛ́, ńdʉꞋ nu yi ɛ́ nɛ́nẅín, ńnɛn pɔ nǔu sɛ̂ndúŋ ẅi Sɛ́ kɑ́ pɔ́ ŋ́kɔŋ pɔ́, pɔ́p jʉ́ɔ pɑ́Ꞌ Sɛ́ zɑ́ŋnɛ lɔ́ŋ nǔu pɔ́p, mbɑ pɑ́Ꞌ nu yɔ́p pʉ́knɛ Sɛ́.

Pʉɔ-Lɔ́mɑ 6:17

Pɛkŋɛ kɛ́ ŋ́ɡɑ́ pɑ́Ꞌlɑ́ mbɔ̌ Sɛ́, mbíꞋŋɡɔ pʉʉ kɑ pɔ́ yɛcɔ́ ŋkɑ́ ḿbɔ́ ŋkwɑɑ-nu kɛpɔŋ, pʉʉ ŋkɔ̂ɔnɛ, mbɔ pʉʉ lɔk tʉ́m yʉ́ʉ tsʉʉ, ḿbɛ́m yúu mi pɛ́ kɑ zíꞋnɛ wʉ́ʉ. Ɛ́ pɔ́ yi ɛ́ sɛ́ ḿbíkŋɛ ŋɡɔ pʉʉ piitɛ ńjí,

1 Kɔlɛ̂ŋtɛ 11:26

Pʉʉ jí ŋɡɔ ŋɡɔŋ ŋkɑ́ tsʉʉ yi pʉʉ kwɛ́tnɛ yɔ mbɛlɛ̂ɛt, ḿbɛn ńnɔ́ yɔ ntúꞋ, pʉʉ lɔk pɔ́Ꞌɔ ɛ́sɑ́Ꞌ ŋɡɔ Tsɑpʉɔ kɑ́ pfú, ŋ́kɛ́ ńdɑ́Ꞌ ɛ́sɑ́Ꞌ pɔ pɔ́Ꞌɔ, tɛ ńdɑ́Ꞌ kúu lɛ́Ꞌ yi ɑ ɡʉ ńdɑ́Ꞌ ḿbɛn ńtɔ́.

1 Kɔlɛ̂ŋtɛ 2:2

MbíꞋŋɡɔ ŋ kɑ zɑ́p ŋɡɔ ŋ kɑ́ pɔ́ ŋ́ɡʉ ńjí yɛcɔ́ nu ndɛꞋ tsɛtsɛt pʉʉ tɛ ɛ́ pɔɔ pɔ́ pɔ nu-Yɛ́su Kɛlístɔ pɔ́, Yɛ́su Kɛlístɔ ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ pɔ́.

2 Kɔlɛ̂ŋtɛ 10:5

Pɛk sɛ́ ńnyɛt ŋɡɔ mɛsẅíŋɛ mi pʉɔ lɔknɛ ŋ́ŋɑ́Ꞌlɛ, ɛ́ pɔ́ ńtɔꞋ pʉɔ nɛjí nu-Sɛ́, ɛ́ kɑ́ pɔ́ yɛcɔ́ nu pɔ́, ɛ́sɑ́Ꞌ tʉʉ ŋ́kúpmɛ yúu mi pʉɔ ɡẅɛɛnɛ tʉ́m pɔ́p, ŋ́ɡɛ pîpɑ́ pʉɔ tsʉ́Ꞌ ńzúꞋ pɔ ntsu-Kɛlístɔ.

2 Kɔlɛ̂ŋtɛ 11:3

Lɑ́ ŋ kɑ pɔ́k pɔ ŋɡɔ, ɛ́ lɑɑ ḿbɔ́ wɛcɔ́ ŋu pʉ́ʉpɛ tú yʉ́ʉ pɑ́Ꞌ nɔ́ kɑ lɔknɛ mɛzúŋ ɛ́fúklɛ Ɛ́fɑ, pʉʉ pɔɔ pɛn ḿbɔ́ pʉɔ pi pɔ́p ɡɔ́ ńcú ŋɡɔ pɔ́p jí yɔ́p pɔ ndɑꞋ nu-Kɛlístɔ ńcú ɛ́sẅíi nu pɔ́.

Ŋɡɑlɑ̂t 1:2

Pɛk pɛ́ pɔ́ɔpɛ́mɑ́ pi pɛk pɛ́pɔ́p zɑꞋnɛ tɛmtɛ́nɛ ŋ́ɡɑ́ yɔ ŋwɑꞋnɛ mbɔ̌ mɛcúꞌlɛ-pʉɔ-kɛlístɔ mi ɛ́ tsɛt ŋɡɔŋ-Ŋɡɑlɑsîi.

Ŋɡɑlɑ̂t 1:6

Ɛ́ kʉꞋnɛ wɑ́ɑ tɛꞋ nǔu pɑ́Ꞌ Sɛ́ kɑ lɛɛnɛ nǔu Kɛlístɔ, ɛ́fúŋ wʉ́ʉ, ŋ́ɡɑ́ fuꞋ fɛ̌ɛ yʉ́ʉ, ŋ kɑ cẅɛt tsɛtsɛt pʉʉ, pʉʉ shɔtnɛ nzʉʉ wɛ́, tɛ ńtsʉ́Ꞌ ńzúꞋ pɔ yɛcɔ́ Ŋkʉʉ sʉ́Ꞌnɛ wɛ ndɛꞋ.

Ŋɡɑlɑ̂t 2:14

Lɑ́ ŋ kɑ pɔ́ tɛ ńjʉ́ɔ ŋɡɔ pɔ́p kɑ́ pɔ́ ńnɛn ndʉ́ŋndʉŋ nǔu pɑ́Ꞌ Ŋkʉʉ Sʉ́Ꞌnɛ zúꞋu ḿbɔ́ pɔ́Ꞌɔ pɔ́, ɛ sɑ́ɑnɛ sɑ́ɑnɛ́nɛ ńtʉ́ʉ mbi lɑ́Ꞌ, ńcú mbɔ̌ Pyɛ̂ ŋɡɔ: Gu ẅí ɔ ŋu-Pɑyúdɑ, ɔ kɑ́ nɑ́ŋ zɑꞋnɛ nǔu ntɛ́ yi pʉɔ pí pɔ́p kɑ́ pɔ́ pɑyúdɑ pɔ́ sɛ́ ńnɑ́ŋ pɔ́, lɑ́ ɔ ŋ́kɑɑ kɛ́ ńnɑ́ŋ pɑ́Ꞌ ŋu-Pɑyúdɑ pɔ́. Ɔ pɛn ńdɔɔ nɛfyɛ́t pʉɔ pí pɔ́p kɑ́ pɔ́ pɑyúdɑ pɔ́, nɛnɑ́ŋ pɑ́Ꞌ pɑyúdɑ mɛlɑ́Ꞌ kʉ̈ɔ́? Pɑyúdɑ, mbɑ pʉɔ pi pɔ́p kɑ́ pɔ́ pɑyúdɑ pɔ́ luk ńdɛɛ pɔ nǔu pɑ́Ꞌ pɔ́p zɑ́pnɛ tʉ́m nǔu Kɛlístɔ.

Ŋɡɑlɑ̂t 3:3

Jínu yʉ́ʉ ɡɛ pɑ́Ꞌɑ ḿbɔ́t pɔ ndɛn wɔ? Ɛ́ ɡɛ ŋɡɔ ku yúu mi pʉʉ kɑ lɔknɛ mɛtʉʉ-Zẅikŋɛ-Sɛ́ ńzɛ, pʉʉ pɛn ńtsʉ́Ꞌ ḿbɔ́ ŋkɔ̂ɔnɛ ḿbɔ́ ńdɔɔ nɛlɔk pɔ mʉ́ʉ mɛtʉʉ lɑ ḿmɛkŋɛ?

Ŋɡɑlɑ̂t 4:9

Ɛ́ pɛn ŋ́ɡʉ nǔu ŋkɔ̂ɔnɛ pʉʉ sɛ́ ńjí Sɛ́ tɛ n dɑ́Ꞌ ńzɛɛ ḿbɔ́ ŋ́ɡʉ ńcú pɔ ŋɡɔ Sɛ́ sɛ́ ńjí wʉ́ʉ. Ɛ́ pɛn ŋ́ɡɛ pɑ́Ꞌɑ lɑ pʉʉ pɛn ḿbɛn nzʉʉ, tsɛt mîmɑ́ mɛyúu mi ɛ́ kɑ́ ɡẅɛɛ mɛtʉʉ pɔ́, ŋ́kɛ́ mbɔɔ yɛcɔ́ yúu ɡẅɛɛ? Pʉʉ kɔŋ nɛpɛn ḿbɛn nzʉʉ ḿbɛ́m pɛkwɑɑ mbɔ̌ pɔ́p kɛkʉ̈ɔ́?

Ŋɡɑlɑ̂t 5:11

Pɔ́ɔpɛ́mɑ́ pɑ́ɑ, mɔ pɛ́Ꞌnɛ ḿbɛn ḿbɔ́ ɛ́sɑ́Ꞌ ŋɡɔ pʉɔ ɡɛ pɛ́ púꞋ wɔ́p, pɑyúdɑ pɛn ŋ́kʉ́ʉnɛ wɑ́ɑ pɔ mɛlɑ́Ꞌ kʉ̈ɔ́? Mbɔ nɛpɔ́ ẅí Kɛlístɔ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ kɑ́ pɛn ŋ́ɡɑ́ɑnɛ wɔ́p pɔ́.

Ɛ́fɛ̂zɛ 3:8

Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.

Ɛ́fɛ̂zɛ 4:14

Ɛ́ lɛɛ pɔ́Ꞌɔ, pɛkŋɛ pɔɔ pɛn ḿbɔ́ pɛcʉcʉŋ mbɔ́ŋkʉ̈ɔ́ pi ɛ́ pɑ́Ꞌ kɑnúꞋ yi ŋki shuŋnɛ ńdɔk ŋ́ɡʉ zɑꞋnɛ, ŋ́ɡʉ zíꞋnɛ pɔ́. Pɛ́ pɔɔ pɛn ɛ́sẅíi wɛkŋɛ ŋɡɔ pɛkŋɛ pʉʉ pʉʉnɛ kɛ ŋɡɔ pɛkŋɛ cúŋ cúŋnɛ pɔ́, kɔɔ pɛkŋɛ zúꞋ mîmɑ́ mɛnu mi pɛ́ zíꞋnɛ pʉɔ ḿbɛ́m pɔ́. Ɛ́ fú pɔ́Ꞌɔ, pɛkŋɛ pɔɔ pɛn ḿbɔ́ pɑ́Ꞌ pɛcʉcʉŋ pi pɔ́p pɛ́mnɛ, pʉɔ kwɑŋɛ mɛnu ńdɔk ɛ́fúklɛ wɔ́p pɔ́p pɛ́m cɔtnu nu pɔ́.

Ɛ́fɛ̂zɛ 5:15

Pɔ́Ꞌɔ lɑ́ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɑk tú yʉ́ʉ sʉ́Ꞌnɛ. Pʉʉ pɑ́ɑ nɛnɑ́ŋ wɛ pɛɡʉɡʉʉ, pʉʉ ńnɑ́ŋ pɑ́Ꞌ ɡɑŋfɑ-jínu

2 Tɛsɑlɔník 1:8

A ɡʉ ńdɑ́Ꞌ ŋ́ɡɔ ńtɔ́ pɛkŋɛ jʉ́ɔ múk tʉ̈ɔ́Ꞌlɛ wɛ́ ńníꞋ sɔŋ, ɑ ɡɛ pʉɔ pi pɔ́p kɑ jí Sɛ́ pɔ́ ḿbɛn ńdʉꞋ Ŋkʉʉ Sʉ́ꞌnɛ wɛ́ jʉ́ɔ ŋɡʉ̈ɔ́Ꞌ.

1 Timɔtɛ́ɛ 6:4

mbɔ ŋɡɑŋ ŋɑ́Ꞌtɛ ŋɡɔ ɑ jí nu, lɑ́ ŋ́kɛ́ mbɔɔ ḿbɔ́ ńjí pɔ́. A jí yɛ́ pɔ nɛzɔŋ nu, ńjúk ɛ́fú yɛ́ pɔ nǔu nu yi pɛ́ cúnɛ, ńtsuꞋ tú-pʉɔ. Ɛ́ lɛɛ pɔ́Ꞌɔ, pʉɔ zɛ nɛɡẅɛɛ kɛ́ɡʉ̈ɔꞋ, ńzɛ nɛzɔŋ nu, ńzɛ nzɔɔmɛ, ńzɛ nɛkwɑŋɛ pɔ́ɔpɛ́mɑ́ pɔ́p nǔu nu kɛpɔŋ,

Ɛ́bɛlʉʉ 11:8

Ɛ́ kɑ fú pɔ nǔu pɑ́Ꞌ Ábɛlɛhɑ̂m kɑ zɑ́pnɛ tʉ́m yɛ́ nǔu Sɛ́, lɑ Sɛ́ fúŋ wɛ́ ɑ zúꞋ ntsu wɛ́, ŋ́ɡʉ nɛ́ tsɛt wɛcɔ́ ŋɡɔŋ ẅí ɛ́ kɑ pɔ́ ŋ́ɡʉ ŋ́ɡɛ tsʉ́Ꞌ ḿbɔ́ pɔ wɛ́, ńdɔ sɛ́ ŋ́ɡʉ kɛ́ jí zʉꞋ yi ɑ ɡʉnɛ tɛ ŋ́kúu zúꞋu.

Ɛ́bɛlʉʉ 5:9

ḿbɛn ńzúꞋ tɛ ŋ́kuꞋ ŋu ẅí ḿbɔ́ ɑ ɡɛ pʉɔ pi pɔ́p zúꞋnɛ ntsu wɛ́ tɛmtɛ ńduk ndɑꞋ ndɑꞋ.

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

1 Pyɛ̂ 4:17

Ŋkɑ́ pɑ́Ꞌɑ, mbɔ ɛ́ kuꞋ pɑ́Ꞌ Sɛ́ ɡʉ ńzɑ́Ꞌ ntsɑŋ-pʉɔmɛsɔŋ, ɑ ɡʉ ńzɛ pɔ nǔu pʉɔ pɛ́. A lɑɑ ńzɛ nǔu pɛkŋɛ, mbɔ ɛ́ ɡʉ ńtsʉ́Ꞌ nɛlẅiklɛ ɛ́ pɔ́ ŋɡɔ́ku nǔu pʉɔ pi pɔ́p kɑ́ kɔŋ nɛpɛ́m Ŋkʉʉ Sʉ́Ꞌnɛ-Sɛ́ pɔ́ ɔɔ?

2 Pyɛ̂ 2:18

Pɔ́p lɔk yúu mi pɔ́p zíꞋnɛ pʉɔ ŋ́ŋɑ́Ꞌlɛ, lɑ́ ɛ́ pɔ́ pɔ fɑ́k fɛ̌ɛ yi ɛ́ zɔtnɛ. Pɔ́p cú mbɔ̌ pʉɔ ŋɡɔ mbɔ ŋu ɡɛ kʉ̈ɔ́ lɑ́ yi ŋumɛsɔŋ tsɑ́ɑnɛ, lɑ́ ɛ́ pɔ́ nu sʉ́ʉ. Pɔ́p lɔk pɔ́Ꞌɔ, ɛ́shuŋ pʉɔ pi pɔ́p kɑ pɛ́t ńcẅɛt tsɛtsɛt pʉɔ pi pɔ́p nǔu sɛ̂ndúŋ kɛpɔŋ,

Mɛnu ɛ́ ńdɑ́Ꞌ ńcẅɛt 18:3

ḿvu sɛ́ pɔ́Ꞌɔ, mbíꞋŋɡɔ, mɛŋɡɔŋ tsʉʉ nɔ́ mɔ́ mɛluꞋ-mpfuꞋ ɛ̂mɑ́ tɛꞋ, mbíꞋŋɡɔ pɔ́p pɛfɔɔ ndǔ tsɛ́tsɑ́Ꞌ kɑ ɡɛ mɔ́ mpfuꞋ, mbɑ pɑ́Ꞌ pɑtɑ́ŋ mɛntɑ́ɑ pi pɔ́p ndǔ tsɛ́tsɑ́Ꞌ tsʉꞋ ɡɑŋŋkɑ́p, mbíꞋ pɑ́Ꞌ ɑ kɑ ɡẅɛɛnɛ-yúu-kẅii ɛ́ zɑ́ɑ tɛꞋ.»

Mɛnu ɛ́ ńdɑ́Ꞌ ńcẅɛt 2:20

Lɑ́, ŋ kɛ́ ḿbɔ́ ńdɑ́Ꞌ wʉ́ʉ, mbíꞋŋɡɔ Jizɑbɛl nɛjɔ́ŋ pʉʉ, pʉʉ pɛ́m pɛ́mnɛ. Mɑŋɡɛ́ ɛ̂wɑ́ sɛ́ ɛ́sẅíi pʉɔ ŋɡɔ ɑ cẅi Ŋkʉʉ ẅí ɛ́ fúnɛ mbɔ̌ Sɛ́, ńdɔk pɔ́Ꞌɔ, ɛ́fúklɛ ɡɑŋfɑꞋ pɑ́ɑ, ḿbɔ́ ńzíꞋ wɔ́p pɑ́Ꞌ mbɛ́ɛnɛ pɔ́p pɑŋɡɛ́ tsɛtsɛt pɔ́p lɑɑ ŋ́kẅɛ́ɛtɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ nɛkwɛ́t pfuꞋ-mbɑp yi pɛ́ lɔknɛ ḿmɑꞋ mɛsɛ́.