Mɑtʉ̈ɔ 19:9 - Kɑɑ Fí

⁹ Ɛ sẅíi wʉ́ʉ, ŋu lɑɑ ńzuŋ nzwɛ́ wɛ kɛ́ pɔ́ pɔ ŋɡɔ ɑ ɡɛ ɡɑp, ńzɔ́Ꞌ wɛcɔ́, mbɔ ŋɡɑŋ ɡɛ pɔ ɡɑp.»

Mɑtʉ̈ɔ 19:9 Marejeleo ya Msalaba

Mɑtʉ̈ɔ 5:32

Lɑ́ n cú yɑ́ɑ mbɔ̌ pʉʉ ŋɡɔ: «Ŋu lɑɑ ńzuŋ nzwɛ́ wɛ, kɛ́ pɔ́ yi mɑŋɡɛ́ ɡɛ ɡɑ́ɑ, mbɔ ɑ tsʉ́ʉnɛ wɛ́ nɛɡɛ ɡɑ́ɑ pɑ́Ꞌ ɑ lɑɑ ŋ́ɡʉ ńzɔ́Ꞌ wɛcɔ́ ŋu. Ŋu pɛn ńzɔ́Ꞌ mɑŋɡɛ́ ẅi ndúu mɛ zuŋnɛ wɛ́, mbɔ ɑ ɡɛ ɡɑ́ɑ.»

Lúkɑ́shi 16:18

«Ɛ́ pɔ́Ꞌɔ lɑ́ n dɔk ńcú ŋɡɔ: Ŋu lɑɑ ńzuŋ nzwɛ́ wɛ, ńzɔ́Ꞌ wɛcɔ́, mbɔ pɔ́p wîwɑ́ pɔ́ pɔ nǔu nu-ɡɑp. Ŋu ẅí ɑ pɛn ńzɔ́Ꞌ mɑŋɡɛ́ ẅi ndúu mɛ zuŋnɛ wɛ́, mbɔ ɑ ɡɛ pɔ ɡɑp.»

1 Kɔlɛ̂ŋtɛ 7:39

Ɛ́ ɡʉ nǔu mɑŋɡɛ́ ẅi ɑ zɔ́Ꞌnɛ ɑ kɛ́ ŋ́ɡẅɛɛ pɔ nɛlɑt mbʉʉ yɛ nǔu ndúu mɛ nǔu ŋkɑ́ yi ndúu mɛ pɛ́t ɡú. Ndúu mɛ kɛ́ ḿpfú, ɑ ɡẅɛɛ nɛzɔ́Ꞌ ŋu ẅi jʉ́ mɑŋɡɛ́ kɔŋnɛ. Nu pɔ́ pɔ ŋɡɔ ẅîwɑ́ ŋu mbɛ́ɛnɛ pɔ́ ŋu-Kɛlístɔ.

1 Kɔlɛ̂ŋtɛ 5:1

Pɛ́ sɛ́ ńzúꞋ pɛ́ pɔ́ ɡɔ́ lɑ́ ɛ́sẅíi ŋɡɔ ɛ́ tsɛtsɛt pʉʉ, wɛcɔ́ ŋu pɔ́ ɡú ɛ́fʉꞋ yɛcɔ́ ntɛ́ mɛnu tɛꞋ, yîyɑ́ ntɛ́ tsẅɛ́ pɛ́k pɛknɛ tɛ pɑkɛ́jí Sɛ́ zɛɛ mbɔɔ pɔ́Ꞌɔ ɡɛ. Mɔ sɛ́ ńzúꞋ ŋɡɔ wɛcɔ́ ŋu tsɛtsɛt pʉʉ ḿbɔ́ ɑ tíi nzwɛ́-tɑ́t wɛ.

1 Kɔlɛ̂ŋtɛ 7:4

Mɑŋɡɛ́ kɑ́ ɡẅɛɛ nɛlɔk mbʉʉ yɛ́ ŋ́ɡɛ yúu mi ɑ kɔŋnɛ pɔ́, mbʉʉ yɛ́ pɔ́ pɔ yɛ́ ndúu mɛ. Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ ŋu mbɛ́ɛnɛ kɑ́ ɡẅɛɛ nɛlɔk mbʉʉ yɛ́ ŋ́ɡɛ yúu mi ɑ kɔŋnɛ pɔ́, mbʉʉ yɛ́ pɔ́ pɔ yɛ́ nzwɛ́ wɛ.

Mɑtʉ̈ɔ 19:8

Yɛ́su tsɔ́Ꞌ mbɔ̌ pɔ́p ŋɡɔ: «Mɔ̌sɛ̂ɛ kɑ pɔ́ ńcú pɔ́Ꞌɔ, mbíꞋŋɡɔ ɑ kɑ jʉ́ɔ ŋɡɔ pʉʉ tʉʉ tú mbɔ̌ Sɛ́ tɛ ɛ́ tsɑ. Lɑ́ ɑ pɛ́m ŋɡɔ pʉʉ zuŋ pɛzwɛ́ pʉ́ʉ, mbɔ ɛ́ kɑ fú nɔŋnɛ ŋɡɔŋ ŋ́kɛ́ mbɔɔ pɔ́Ꞌɔ pɔ́.

Mɑtʉ̈ɔ 19:10

Gɑŋku-Yɛ́su cú mbɔ̌ wɛ́ ŋɡɔ: «Lɑ́ɑndɑ́ lɑɑ ḿbɔ́ pɔ pɑ́Ꞌɑ, mbɔ mbi ŋu nɛnɑ́ŋ kɛ́ zɔ́Ꞌ.»