Mɑtʉ̈ɔ 13:11 - Kɑɑ Fí

¹¹ Yɛ́su pʉ̈ɔt mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ-Sɛ́ ni ɛ́ kɑ lʉɔmɛ́nɛ, ŋ́ɡʉ nǔu pɔ́p ɑ pɔɔ ɡɛ ŋɡɔ pɔ́p jí pɔ́.

Mɑtʉ̈ɔ 13:11 Marejeleo ya Msalaba

1 Kɔlɛ̂ŋtɛ 2:14

Ŋumɛsɔŋ lɑɑ ḿbɛ́t ḿbɔ́ pɔ nǔu ntɛ́ yi pɛ́ kɑ pínɛ wɛ́ ɑ pɔ́, mbɔ ɛ́ lɑɑ ḿbɔ́ ɑ pɔɔ zúꞋ yúu mi ɛ́ fúnɛ mbɔ̌ zẅikŋɛ-Sɛ́ pɔ́. Ɛ́ mbɔ̌ yɛ́ ḿbɔ́ pɔ mɛnu-pɑ́lɛ. A kɛ́ kuꞋ nɛzúꞋ nu yi ɑ cúnɛ pɔ́. MbíꞋŋɡɔ Zẅikŋɛ Lɛ́ɛnɛ́nɛ ɡɛnɛ lɑ pɛ́ zúꞋ nu yi yîyɑ́ yúu lɔknɛ ńcú.

Mɑtʉ̈ɔ 19:11

Yɛ́su tsɔ́Ꞌ mbɔ̌ pɔ́p ŋɡɔ: «Pʉɔ tsʉʉ kɑ́ nɛkuꞋ nɛpɛ́m yɔ nu pɔ́. ŃdíꞋ ndɑꞋ pʉɔ pí Sɛ́ tɔ́ɔtɛ́nɛ wɔ́p.»

Jɑ̂k 1:5

Ŋu lɑɑ ḿbɔ́ tsɛtsɛt pʉʉ, ńtʉ́ʉ nǔu nu, jínu jɑ́k wɛ́, ɑ lɔ́ɔ mbɔ̌ Sɛ́, mbɔ Sɛ́ ɡʉ ŋ́ɡɑ́. Ɛ́ mbíꞋŋɡɔ Sɛ́ zɛɛ ńdɔk pɔ tʉ́m sʉ́Ꞌnɛ ŋ́ɡɑ́ yúu mbɔ̌ mbɑ wɔ̌ lɑ́ kɛ́ lɛmtɛ.

1 Jɑ̂ŋ 2:27

ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ yɛ́ mbɔ̌ pʉʉ. Yîyɑ́ Zẅikŋɛ pɛn ŋ́kɛ́ ḿbɔ́ pɔ nǔu pʉʉ, ɛ́ yúu mi ɛ́ ɡɛnɛ, ɛ́ kɑ́ pɔ́ ḿbíkŋɛ ŋɡɔ ŋumɛsɔŋ zíꞋ wʉ́ʉ nɛ́ yúu pɔ́, mbíꞋŋɡɔ Zẅikŋɛ Lɛ́ɛnɛ́nɛ sɛ́ ńzíꞋ wʉ́ʉ nɛ́ mbɑ kʉ̈ɔ́ lɑ́, yúu mi ɛ́ lɛ́Ꞌlɛ́nɛ pɛn ḿbɔ́ nɛ́nẅín, ɛ́ kɑ́ pɔ́ cɔtnu pɔ́. Pɔ́Ꞌɔ lɑ́, pʉʉ kɛ́ ńdɑt pɔ mbʉʉ yʉʉ nǔu Kɛlístɔ pɑ́Ꞌ Zẅikŋɛ Lɛ́ɛnɛ́nɛ kɑ zíꞋnɛ wʉ́ʉ lɑ́.

1 Jɑ̂ŋ 2:20

ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ. Ɛ́ yúu mi ɛ́ ɡɛnɛ pʉʉ pɛtsʉʉ jí nu nɛ́nẅín.

Mɑtʉ̈ɔ 16:17

Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Símɔ mɔ́ɔ-Jɑ̂ŋ, ɔ pɔ́ttú, mbíꞌŋɡɔ ŋumɛsɔŋ kɑ́ nɛ ɡɛ, lɑ́ ɔ jí yɔ nu nɛ́nẅín pɔ́. Tɑ̌ɑ mɔ ẅí ɑ tʉ́nɛ́pú nyɛtnɛ wú.»

Ɛ́fɛ̂zɛ 1:9

Ɛ́ yɛ́tɛ́ lɑ pɛkŋɛ jí yúu mi ɑ kɑ zɑ́pnɛ, mbɔ ɛ́ kɑ zɛɛ ḿbɔ́ pɔ yi lʉɔmɛ́nɛ. Yîyɑ́ yúu pɔ́ yi ɑ kɑ zɑ́Ꞌnɛ njí, ɛ́ pɔŋ wɛ́ pɔŋnɛ, ɑ zɑ́p ŋɡɔ ɑ ɡʉ ńdɑ́Ꞌ ńdɔk Kɛlístɔ ŋ́ɡɛ ɛ́ puutɛ,

Ɛ́fɛ̂zɛ 5:32

Yɔ ntsɛm ɡú tɛꞋ, n cú pɑ́Ꞌɑ nǔu Kɛlístɔ mbɑ nǔu cúꞋlɛ-pʉɔ pɛ́.

Pʉɔ-Lɔ́mɑ 16:25

Pɛkŋɛ ɡúꞋlɛ Sɛ́. Jʉ́ kuꞋnɛ nɛɡɛ pʉʉ tɛntɛ tɛntɛ́nɛ nzʉʉ wɛ́. Ŋkʉʉ Sʉ́Ꞌnɛ ẅí n cẅinɛ ɛ́ cú nu nǔu Yɛ́su Kɛlístɔ, ɛ́ ɡʉ ḿbɔ́ ɛ́fɑꞋ yîyɑ́ fɑꞋ. Sɛ́ lɔk wɔ Ŋkʉʉ Sʉ́Ꞌnɛ, ńnyɛt yúu mi ɑ kɑ zɑ́pnɛ nǔu Kɛlístɔ, mbɔ ɛ́ kɑ zɛɛ ḿbɔ́ yi lʉɔmɛ́nɛ tɛ ɛ́fú tɛ mɛŋɡuꞋ.

Lúkɑ́shi 8:10

A cú mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ jí nu nɛ́nẅín nǔu nɛfɔɔ-Sɛ́ yí ɛ́ kɑ lʉɔmɛ́nɛ. Lɑ́ ɛ́ ɡʉ nǔu pɛcɔ́ pʉɔ pɔ́p zúꞋ yɔ́p pɔ ndɑꞋ sɑknɛkɛt nɛɡɑɑ wɛ́, ŋ́kɛ́ ḿbɔɔ zúꞋ yúu mi pɛ́ lɔknɛ ńcú pɔ́. Ɛ́ lɔk ḿbuutɛ nǔu pɑ́Ꞌ pɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ ŋɡɔ: Pɔ́p ɡɛ ḿbɔ́ ńdíŋɛ zʉꞋ ḿbɔɔ jʉ́ɔ, ḿbɔ́ ńzúꞋ, lɑ́ ḿbɔɔ zúꞋ tɛ ńzúꞋ pɔ́.»

1 Kɔlɛ̂ŋtɛ 15:51

Tsʉ́Ꞌnɛ ɛ sẅíi wʉ́ʉ nɛ́ yɛcɔ́ nu yi ɛ́ kɑ zɛɛnɛ ḿbɔ́ yi lʉɔmɛ́nɛ, pɛkŋɛ pɛtsʉʉ kɛ́ lɑ́Ꞌ ńtɛmtɛ ḿpfú pɔ́, lɑ́ pɛkŋɛ pɛtsʉʉ ɡʉ ńdɑ́Ꞌ ńtɛmtɛ ɡẅɛɛ yɛcɔ́ mbʉʉ yi fí,

1 Kɔlɛ̂ŋtɛ 2:7

Ɛ́ ɡʉ nǔu pɛk, mbɔ pɛk lɛꞋlɛ yɛ́k pɔ jínu-Sɛ́ yi ɛ́ ŋkʉꞋnɛ nu yi ɛ́ kɑ pɔ́ yi lʉɔmɛ́nɛ, mbɔ Sɛ́ kɑ lɑ́Ꞌ mɔ́ ńniitɛ ńzɑ́p tɛ mbí pɛ́t kɛ́ pɔ́ ɡú, nɛpɔ́ yi ɑ ɡʉ ńdɑ́Ꞌ ńdɔk ŋ́ɡɑ́ nɛɡúꞋ wɛkŋɛ.

Jɑ̂ŋ 6:65

Yɛ́su pɛn ńcú ŋɡɔ, ɛ́ yúu mi ɛ́ ḿbɔ́ ŋ́ɡɛ lɑ n cú mbɔ̌ pʉʉ ŋɡɔ, ɛ́ lɑɑ ḿbɔ́ ŋu pɔɔ tɔ́ ŋ́kẅɛ́ɛtɛ wɑ́ɑ kɛ́ pɔ́ yi Tɑ̌ɑ mɔ ɡɛnɛ ŋɡɔ ŋɡɑŋ tɔ́ pɔ́.

1 Timɔtɛ́ɛ 3:9

Ɛ́ píkŋɛ ŋɡɔ pɔ́p kúꞋlɛ nu nɛ́nẅín yi ɛ́ kɑ pɔ́ yi lʉɔmɛ́nɛ, Sɛ́ nyɛt wɛkŋɛ, ŋ́kúꞋlɛ nǔu ntɛ́ yi mbʉʉ yɔp kɛ́ tswɑ́ɑ wɔ́p pɔ́.

1 Kɔlɛ̂ŋtɛ 13:2

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.

Mɑ́lɛ́kúshi 4:11

A cú mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ nɛ́ ni ɛ́ lʉɔmɛ́nɛ. Lɑ́ ɛ́ ɡʉ nǔu pɛcɔ́ pʉɔ pi pɔ́p kɑ́ pɔ́ nǔu yʉ́ʉ ku pɔ́, pɔ́p zúꞋ yɔ́p pɔ ndɑꞋ ŋɡɔ pɛ́ lɔk sɑknɛkɛt ńcú nu.»

Kɔlɔsíyɛ̂ŋ 2:2

Mɔ ŋ́ɡɛ pɔ́Ꞌɔ, nɛlɔk ńníꞋ tʉ́m yɔ́p, ŋkɔŋɛ tɛmtɛ wɔ́p, mbɑ pɑ́Ꞌ pɔ́p ɡʉ niitɛ ńjí nu yi ɛ́ nǔu Kɛlístɔ, ɛ́fú nǔu ńjí ntsɛm-Sɛ́, yîyɑ́ ntsɛm pɔ́ pɔ kwɑꞋ jʉ́ Kɛlístɔ.

Ɛ́fɛ̂zɛ 6:19

Pʉʉ púꞋ mbɔ́ mbɔ̌ wɛ́ mbɑ nǔu yɑ́ɑ tú nɛpɔ́ yi ɑ ɡʉ ńníꞋ sẅiŋɛ ntsu mɔ, ŋɡɔ ɑ ɡɛ pɔ́Ꞌɔ, nɛpɔ́ yi n dɑɑ ŋíɛꞋ ntsu wɑ́ɑ ŋkɑ́ kʉ̈ɔ́ lɑ́, n cú nu kɛ́ pɔ́k, nɛpɔ́ yi pʉɔ ɡʉ ńjí nu yi Ŋkʉʉ Sʉ́Ꞌnɛ kɑ lɔknɛ ńtɔ́, mbɔ ɛ́ kɑ zɛɛ ḿbɔ́ yi lʉɔmɛ́nɛ.

1 Kɔlɛ̂ŋtɛ 4:7

Kʉ̈ɔ́ zɛɛnɛ ŋ́ɡɛ ɔ kwɑŋɛ ŋɡɔ ɔ lɛɛ pɛcɔ́ pʉɔ? Ɔ ɡẅɛɛ kʉ̈ɔ́ tɛ ɛ́ pɔɔ pɔ́ pɔ yi Sɛ́ kɑ ɡɑ́nɛ mbɔ̌ ɡu pɔ́ ɔɔ? Ɛ́ lɑɑ ḿbɔ́ yi Sɛ́ kɑ ɡɑ́ mbɔ̌ ɡu ɡɑ́nɛ, mbɔ ɔ pɛn ńdɔk ŋ́ŋɑ́Ꞌtɛ pɔ pɑ́Ꞌ ŋkɑ́ yi Sɛ́ ŋkɑɑ ɡɑ́ mbɔ̌ ɡu ɡɑ́nɛ pɔ́ mɛlɑ́Ꞌ kʉ̈ɔ́?

1 Kɔlɛ̂ŋtɛ 4:1

Pɔ́Ꞌɔ lɑ́, pʉʉ líŋɛ wɛ́k pɑ́Ꞌ pɑfɑꞋ fɑꞋ-Kɛlístɔ mbɑ pɑ́Ꞌ pʉɔ pi pɔ́p ɡẅɛɛnɛ nu nǔu nɛkyɛ́Ꞌtɛ nu-Sɛ́ yi ɛ́ kɑ pɔ́ yɛ lʉɔmɛ́nɛ ɛ́sẅíi pʉɔ.

Jɑ̂ŋ 7:17

Ŋu lɑɑ ḿbɔ́ ŋ́kɔŋ nɛɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ ɡʉ ńjí, kɛ yúu mi n zíꞋnɛ pʉɔ fú pɔ mbɔ̌ Sɛ́ ɔɔ, kɛ ɛ́ pɔ́ pɔ yɑ́ɑ sẅiŋɛ ɔɔ.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Ɛ́fɛ̂zɛ 1:18

Mɔ sɛ́ ḿbɛn ḿbúꞋ mbɔ́ mbɔ̌ wɛ́, ŋɡɔ ɑ ɡɛ tʉ́m yʉ́ʉ jí kyɛꞌ yɛ́ nɛpɔ́ yi pʉʉ ɡʉ tsuŋ ńjí yúu mi ɑ kɑ pɔ́ ɛ́fúŋ wʉ́ʉ ntɛ́ yɛ́tɛ́. Mbɑ pɑ́Ꞌ pʉʉ ɡʉ ńjí mɑ́mɑ́ nu sʉ́Ꞌnɛ yi pʉʉ pɛ́ pɛcɔ́ pʉɔ pi ɑ kɑ tsɔ́Ꞌnɛ wɔ́p ɡʉ ŋ́ɡɛ cẅɛ́ɛ, ɛ́ pɔ́ yúu mi ɑ kɑ niitɛ́nɛ ńzɑ́p mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 16:14

Wɛcɔ́ tɑ́Ꞌ pɔ́ tsɛtsɛt pɔ́p, pɛ́ fúŋ wɛ́ ŋɡɔ Lítíyɑ. Mbɔ ɑ kɑ fú tʉ́sɔŋ-Tiyɑtil. A tɑ́ŋtɛ yɛcɔ́ pɛpɑŋ ndẅí ɛ́ pɔŋ tɛꞋ. Mbɔ ɑ kɑ pɛ́m nu-Sɛ́-pɑyúdɑ. Pɛk pɔ́ ńcú nu, ɑ niitɛ ńzẅíꞋlɛ kwɑꞋ sʉ́Ꞌnɛ, mbíꞌŋɡɔ Tsɑpʉɔ kɑ tsɔ́Ꞌ tʉ́m yɛ́ pɑ́Ꞌ ɑ ɡʉ ńtʉ̈ɔ́ŋɛ nɛtúutɛ nɛ́ ńniitɛ zẅíꞋlɛ nu yí Pɔ̂l sɛ́ ńcú.

Mɑtʉ̈ɔ 13:10

Gɑŋku-Yɛ́su tɔ́ nɛjɔ́ŋ yɛ́ ḿbíkŋɛ wɛ́ ŋɡɔ: «Ɔ lɔk pɔ sɑknɛkɛt ńcú nu mbɔ̌ lɑ́Ꞌ Mɛlɑ́Ꞌ kʉ̈ɔ́?»

Mɑtʉ̈ɔ 20:23

Yɛ́su cú mbɔ̌ pɔ́p ŋɡɔ: «Ɔ́ɔŋ pʉʉ ɡʉ ŋ́ɡɛ ńnɔ́ ntúꞋ yɑɑ. Lɑ́, ŋ́ɡʉ nǔu nɛtsẅíkŋɛ ŋu nǔu ɡúŋ-pɔ́ yɑ́ɑ yɛ tʉʉ kɛ pɔ yɛ ŋkẅɛpmɛ ɔɔ, mbɔ mɔ kɑ́ nɛ́ ɡẅɛɛ nɛɡɑ́ mbɔ̌ ŋu pɔ́. Tɑ̌ɑ mɔ sɛ́ jínɛ pʉɔ pí ɑ kɑ niitɛ́nɛ yîyɑ́ zʉꞋ ńdɔk ḿbyɛ́p wɔ́p.»

Mɑ́lɛ́kúshi 10:40

Lɑ́, ɛ́ ɡʉ nǔu nɛtsẅíkŋɛ ŋu nǔu ɡúŋ-pɔ́ yɑ́ɑ yɛ tʉʉ kɛ pɔ yɛ ŋkẅɛpmɛ ɔɔ, mbɔ mɔ kɑ́nɛ ɡẅɛɛ nɛɡɑ́ mbɔ̌ ŋu pɔ́, yîyɑ́ zʉꞋ ɛ́ yɛ́ pʉɔ pi Sɛ́ kɑ niitɛ́nɛ ńdɔk ḿbyɛ́p wɔ́p.»

Pʉɔ-Lɔ́mɑ 11:25

Pɔ́ɔpɛ́mɑ́ pɑ́ɑ, mɔ sɛ́ ŋ́kɔŋ ŋɡɔ pʉʉ jí yúu mi ɛ́ nǔu yɔ nu, mbɔ ɛ́ kɑ zɛɛ ḿbɔ́ yi lʉɔmɛ́nɛ, ḿbɔ́k wʉ́ʉ nɛkwɑŋɛ ŋɡɔ pʉʉ pɑjínu. Yîyɑ́ yúu ŋɡɔ yɛcɔ́ ɡúŋ-pɑíslɑyɛ̂l sɛ́ ńtʉʉ tú mbɔ̌ Sɛ́ ŋkɔ̂ɔnɛ, lɑ́ ɛ́ kɛ́ lɑ́Ꞌ ḿbɔ́ pɔ pɔ́Ꞌɔ pɔ́. Pɔ́p ɡʉ ńtʉʉ tú tɛ kúu ŋkɑ́ yi pʉɔ tsʉʉ pi Sɛ́ kɑ tsɔ́Ꞌnɛ, pɔ́p pɛn mbɔɔ pɑyúdɑ pɔ́, ɡʉ ńcʉ́ɔ nzʉʉ wɛ́.