Lúkɑ́shi 21:23 - Kɑɑ Fí

²³ Yɛ́ɛ ŋɡʉ̈ɔ́Ꞌ ɛ́! Tɛ pɑŋɡɛ́ pinɛ pɔ́p ɡʉ ńdɑ́Ꞌ ḿbɔ́ shǔutɛ, mbɑ pinɛ pɔ́p ɡʉ ńdɑ́Ꞌ ḿbɔ́ ńnɔ́ŋ pɔ́ɔmbɔ́t nǔu mîmɑ́ mɛlɛ́Ꞌ ɡʉ ńdɑ́Ꞌ ḿbɔ́ ŋɡɔ ku? Sɛ́ ɡʉ ńdɑ́Ꞌ ńzɑ́ŋ lɔ́ŋ nǔu pʉɔ lɑ́Ꞌ pɔ. Pʉɔ tsʉʉ jʉ́ɔ kwɑꞋ mɑ́mɑ́ ŋɡʉ̈ɔ́Ꞌ.

Lúkɑ́shi 21:23 Marejeleo ya Msalaba

Mɑtʉ̈ɔ 21:16

ŋ́ɡɔ́ɔ ŋ́kɛ́ ḿbíkŋɛ Yɛ́su ŋɡɔ: «Tɛ ɔ sɛ́ ńzúꞋ yúu mi mbɔ́ŋkʉ̈ɔ́ sɛ́ ńcú lɑ́?» Yɛ́su tsɔ́Ꞌ mbɔ̌ pɔ́p ŋɡɔ: «Mɔ sɛ́ ńzúꞋ!» Ḿbɛn ŋɡɔ: Pʉʉ ŋkɑɑ mɔ́ ɛ́fúŋ ŋkɑŋ-ŋwɑꞋnɛ-Sɛ́ yi ɛ́ cúnɛ ŋɡɔ: «mbɔ́ŋkʉ̈ɔ́ tɛ mbɑ pɔ́ɔ mbɔ́t, ḿbɔ́ ńdɔk ntsu wɔ́p ŋ́ɡúꞋlɛ wú pɑ́Ꞌ ɔ kɑ tsɑ́ɑnɛ pɔ́ kɛ?»

Mɑtʉ̈ɔ 21:41

Pɛ́ pʉ̈ɔt ŋɡɔ: «A ɡʉ ńtɔ́ ŋ́ɡɛ pɛ́ jẅítɛ pɛfút ɛ̂pɑ́, ḿbɛn ńníꞋ ŋkɑ́Ꞌ mbɔ̌ pɛcɔ́ pʉɔ pɛndɛꞋ, pínɛ ɛ́ ɡʉ ŋ́ɡɛ kuꞋ ŋkɑ́ yi pɛ́ kíɛnɛ mɛluꞋ, pɔ́p ɡɑ́ mɛ́.»

Mɑtʉ̈ɔ 21:44

ŊɡɔꞋ ɛ̂yɑ́ yi ŋu lɑɑ ḿvu nǔu, mbɔ ŋɡɑŋ ɡʉ ḿbʉ̈ɔ́Ꞌtɛ, ɛ́ pɛn ḿvu nǔu ŋu, mbɔ ɛ́ ɡʉ ŋ́ɡɔꞋ ŋɡɑŋ.]

Mɑtʉ̈ɔ 24:19

Yɛ̌ɛ ŋɡʉ̈ɔ́Ꞌ pɑŋɡɛ́ pínɛ pɔ́p ɡʉ ńdɑ́Ꞌ ḿbɔ́ shǔutɛ, mbɑ pínɛ pɔ́p ɡʉ ńdɑ́Ꞌ ḿbɔ́ ńnɔ́ŋ pɔ́ɔmbɔ́t nǔu mîmɑ́ mɛlɛ́Ꞌ ɛɛ!

Mɑ́lɛ́kúshi 13:17

Yɛ̌ɛ ŋɡʉ̈ɔ́Ꞌ ɛɛ! Tɛ pɑŋɡɛ́ pi pɔ́p ɡʉ ńdɑ́Ꞌ ḿbɔ́ shǔutɛ, mbɑ pi pɔ́p ɡʉ ńdɑ́Ꞌ ḿbɔ́ ńnɔ́ŋ pɔ́ɔmbɔ́t nǔu mîmɑ́ mɛlɛ́Ꞌ ɡʉ ńdɑ́Ꞌ ḿbɔ́ pɑꞋɑ!

Lúkɑ́shi 19:27

Ɛ́ ɡʉ nǔu ɡɑŋmbuu pɑ́ɑ, pʉɔ pɑ́ pinɛ pɔ́p kɑ pɔ́ ńdʉꞋ ŋɡɔ ŋ kɛ́ pɔ́ fɔɔ wɔp pɔ́ lɑ́, pʉʉ lɔk wɔ́p ńtɔ́ zɑ́Ꞌnɛ, ŋ́ɡwɑt wɔ́p mbi mɔ.

Lúkɑ́shi 19:43

Yɛcɔ́ ŋkɑ́ ɡʉ ŋ́ɡɛ ḿbɔ́, ɡɑŋmbuu pʉ́ʉ tɔ́, ŋ́kút ŋkɑ́Ꞌ ńdɔk kíitɛ wʉ́ʉ, ɛ́fú mɛshʉ́ mɛshʉ́ ńtɔ́ ńnɔꞋ wʉ́ʉ.

Lúkɑ́shi 23:29

Pʉʉ jí ŋɡɔ mɛlɛ́Ꞌ lɑ́Ꞌ sɛ́ ńtɔ́, yi pɛ́ ɡʉ ńcú ŋɡɔ: «Pɛpɔ́ttú pɛŋkɛ́n pɑŋɡɛ́, pɑꞋ pɔ́p ŋ́kɑɑ zɛɛ ḿbí pɔ́, mbɔ pɔ́p ŋ́kɑɑ mɔ́ mɔ́ɔ nɔ́ŋ.

1 Kɔlɛ̂ŋtɛ 7:26

Pɑ́Ꞌ yɔ kɛm-njí sɛ́ ńtɛn ndɛn wɔ lɑɑ, ŋ kwɑŋɛ yɑ́ɑ ŋɡɔ ɛ́ pɔŋ mbɔ̌ mbɑ wɔ̌ lɑ́ nɛnɑ́ŋ kɛ́ zɔ́Ꞌ. Ɔ́ɔŋ ɛ́ pɔŋ mbɔ̌ mbɑ wɛ́tɛ́ ŋu lɑ́ nɛnɑ́ŋ pɑ́Ꞌ ɑ pɔ́nɛ.

1 Tɛsɑlɔník 2:16

Pɔ́p sɛ́ ɛ́sɑ́Ꞌ tʉʉ ńtɔꞋ wɛ́k nɛsẅíi nu-Sɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ḿbɔ́k pɑ́Ꞌ ɛ́ ɡʉ ŋ́ɡɛ pɔ́p luk. Ɛ́ pɔ́Ꞌɔ, ńdɔk ŋ́kẅiꞋ ndɛnnú kɛpɔŋ yɔ́p kẅiꞋnɛ. Sɛ́ kɑ kɛ́ ńzɑ́ŋ lɔ́ŋ tɛ ńzɑ́p pɔ́ yɛ́ nǔu pɔ́p.

Ɛ́bɛlʉʉ 13:16

Kɔɔ pʉʉ likŋɛ nɛɡɛ nu sʉ́Ꞌnɛ mbɑ nɛlɔk yúu mi pʉʉ ɡẅɛɛnɛ ńcẅɛ́lɛ pʉɔ, mbíꞋŋɡɔ nɛɡɛ mîmɑ́ mɛnu ɛ́ lii-pɔꞋ yi ɛ́ pɔŋnɛ Sɛ́.

Jɑ̂k 5:1

Pʉʉ zẅíꞋlɛ ńzúꞋ! Pʉʉ ɡɑŋyúu, pʉʉ lɑɑ tɛ ŋɡi yʉʉ kɔ́Ꞌ tʉ́ ntɛ́ mɑ́mɑ́ ŋɡʉ̈ɔ́Ꞌ yi ɛ́ sɛ́ ńtɔ́ nǔu pʉʉ.

1 Pyɛ̂ 4:17

Ŋkɑ́ pɑ́Ꞌɑ, mbɔ ɛ́ kuꞋ pɑ́Ꞌ Sɛ́ ɡʉ ńzɑ́Ꞌ ntsɑŋ-pʉɔmɛsɔŋ, ɑ ɡʉ ńzɛ pɔ nǔu pʉɔ pɛ́. A lɑɑ ńzɛ nǔu pɛkŋɛ, mbɔ ɛ́ ɡʉ ńtsʉ́Ꞌ nɛlẅiklɛ ɛ́ pɔ́ ŋɡɔ́ku nǔu pʉɔ pi pɔ́p kɑ́ kɔŋ nɛpɛ́m Ŋkʉʉ Sʉ́Ꞌnɛ-Sɛ́ pɔ́ ɔɔ?