Lúkɑ́shi 1:1 - Kɑɑ Fí

¹ Nɛtʉʉndɛn Tɛɔfîl, ɔ jí ŋɡɔ pʉɔ tɛ ńzɑ́ɑ tíi mɔ́ fɑꞋ nɛcúꞋlɛ mɛnu mi ɛ́ kɑ lɛɛnɛ tsɛtsɛt pɛkŋɛ tɛ ŋ́ŋwɑꞋnɛ,

Lúkɑ́shi 1:1 Marejeleo ya Msalaba

Mɑ́lɛ́kúshi 16:20

Gɑŋku-Yɛ́su fú zúꞋu, ŋ́ɡʉ, ńzɛ nɛsẅíi nu-Sɛ́ zʉꞋ tsʉʉ. Tsɑpʉɔ pɔ́ ńdíŋɛ wɔ́p, ńcẅɛ́lɛ́ wɔ́p, ńtɔ́ɔtɛ wɔ́p, pɔ́p ɡɛ mɛŋkʉꞋnɛ mɛnu, mi ɛ́ nyɛtnɛ ŋɡɔ sẅiŋɛ yɔ́p fú mbɔ̌ Sɛ́.]

Jɑ̂ŋ 20:31

Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.

Pʉɔ-Lɔ́mɑ 14:5

Ɛ́ mbɔ̌ wɛcɔ́ ŋu, ɑ jí ŋɡɔ mɛcɔ́ mɛlɛ́Ꞌlɑ́Ꞌ lɛɛ mɛcɔ́, ḿbɔ́ mbɔ̌ wɛcɔ́ ŋu, ɑ jí yɛ́ ŋɡɔ mɛlɛ́Ꞌlɑ́Ꞌ pɔ́ pɔ ndʉ́ŋndʉŋ. Ɛ́ píkŋɛ ŋɡɔ mbɑ wɔ̌ lɑ́ tsuŋ ńniitɛ ńjí yúu mi ɑ tsɛt tʉ́m yɛ́ ḿbɔ́ ńjí.

Pʉɔ-Lɔ́mɑ 4:21

ḿbɔ́ ńtsuŋ ńjí ŋɡɔ Sɛ́ ɡẅɛɛ mɛtʉʉ nɛlɔk ŋ́ɡɛ yúu mi jʉ́ Sɛ́ kɑꞋnɛ ɛ́ puutɛ.

Kɔlɔsíyɛ̂ŋ 2:2

Mɔ ŋ́ɡɛ pɔ́Ꞌɔ, nɛlɔk ńníꞋ tʉ́m yɔ́p, ŋkɔŋɛ tɛmtɛ wɔ́p, mbɑ pɑ́Ꞌ pɔ́p ɡʉ niitɛ ńjí nu yi ɛ́ nǔu Kɛlístɔ, ɛ́fú nǔu ńjí ntsɛm-Sɛ́, yîyɑ́ ntsɛm pɔ́ pɔ kwɑꞋ jʉ́ Kɛlístɔ.

Kɔlɔsíyɛ̂ŋ 4:12

Ɛpɑfɑlɑs ẅí ɑ ŋu lɑ́Ꞌ wʉʉ, cɛꞋlɛ wʉ́ʉ. Yɔ ŋu ẅí ɑ fɑꞋnɛ fɑꞋ-Yɛ́su Kɛlístɔ, ńnɑ́ŋ ŋɡɔŋ ŋkɑ́ tsʉʉ ḿbɔ́ ńdɔk nɛcɛꞋlɛ Sɛ́, ḿmɑꞋ ntsɔ nǔu tú yʉ́ʉ. A ɡɛ pɔ́Ꞌɔ, nɛpɔ́ yi pʉʉ ɡʉ tɛntɛ nǔu nu-Yɛ́su, yɛcɔ́ yúu pɔɔ pɛn ńjɑ́k nǔu pʉʉ pɔ́, pʉʉ ńnɑ́ŋ ŋɡɔŋ ŋkɑ́ tsʉʉ, ḿbɛ́m pɔ nɛɡɛ yúu mi Sɛ́ sɛ́ ŋ́kɔŋ ŋɡɔ pʉʉ ɡɛ.

1 Tɛsɑlɔník 1:5

MbíꞋŋɡɔ pɛk ŋ́kɑɑ lɔk pɔ sẅiŋɛ ndɑꞋ ńcẅi Ŋkʉʉ Sʉ́Ꞌnɛ lɑ́Ꞌ pʉʉ pɔ́, pɛk kɑ lɔk pɔ mɛtʉʉ-Zẅikŋɛ Lɛ́ɛnɛ́nɛ, ḿbɛn ḿbɔ́ ńtsuŋ ńjí ŋɡɔ Ŋkʉʉ ẅi pɛk ḿbɔ́ ńcẅi kɑ pɔ́ nɛ́nẅín, pʉʉ sɛ́ ńjí yúu mi pɛk kɑ ɡɛnɛ ŋkɑ́ yi pɛk kɑ pɔ́nɛ tsɛtsɛt pʉʉ, ɛ́ kɑ pɔ́ pɔ nɛlɔk ńcẅɛ́lɛ wʉ́ʉ.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

2 Timɔtɛ́ɛ 4:17

Pɔ́p kɑ mɛꞋ wɑ́ɑ pɔ́Ꞌɔ, Tsɑpʉɔ pɔ́ ńtɔ́ɔtɛ wɑ́ɑ. Ɛ́fú ntsu-pɛpúꞋntʉʉ ńcẅɛɛtɛ wɑ́ɑ, ŋ́ɡɑ́ mɛtʉʉ mbɔ̌ mɔ, n cẅi Ŋkʉʉ wɛ́ pɑ́Ꞌ ɛ́ sɛ́ ḿbíkŋɛ ŋɡɔ pɛ́ cẅi, tɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ pɛtsʉʉ.

Ɛ́bɛlʉʉ 10:22

Pɔ́Ꞌɔ lɑ́, pɛkŋɛ pɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́, ŋ́ɡẅɛɛ tʉ́m ẅi ɛ́ nɛ́nẅín, ḿbɛn ńzɑ́p tʉ́m nǔu Sɛ́ kwɑꞋ sʉ́Ꞌnɛ, mbíꞋŋɡɔ Yɛ́su kɑ lɔk mɛci mɛ́ ɛ́suk tʉ́m yɛkŋɛ tɛ ɛ́ pɔɔ ḿbɛn ḿbɔ́ ŋ́ŋɑk wɛkŋɛ pɔ́, ɑ kɑ lɔk ŋki ẅi ɛ́ sɛ́ ńdɛ́ɛnɛ ɛ́suk mbʉʉ yɛkŋɛ.

Ɛ́bɛlʉʉ 6:11

Yúu mi pɛk kɛ́ ḿbɔ́ ńtsɑ́ɑ pɔ́ pɔ ŋɡɔ mbɑ wɔ̌ lɑ́ tsɛtsɛt pʉʉ, kɛ́ ḿbɔ́ ɛ́sɑ́Ꞌ tʉʉ pɔ pɔ́Ꞌɔ, ńdɔk ŋ́ɡʉ nɛ́ mbi, tɛ ńdɑ́Ꞌ ŋ́kúu ndẅiklɛ nɛpɔ́ ẅi mbɑ kʉ̈ɔ́ lɑ́ yi ɑ sɛ́ ńzẅíꞋlɛ mbɔ̌ Sɛ́ ɡʉ ŋ́ɡɛ ḿbuutɛ.