Jẅidɛ 1:3 - Kɑɑ Fí

³ Pɛsúu pɑ́ɑ pɛ́ tʉʉndɛn, ŋ kɑ pɔ́ ńtsɑ́ɑ tɛꞋ nɛŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ nǔu pɑ́Ꞌ Sɛ́ ɡɛnɛ pɛkŋɛ pɛtsʉʉ luk, lɑ́ ŋkɔ̂ɔnɛ, ɛ́ píkŋɛ ŋɡɔ ŋ ŋwɑꞋnɛ ńdɔk ńníꞋ mɛtʉʉ mʉ́ʉ nɛmɑꞋ ntsɔ nǔu ntɛ́ yi yúu kɛ́ kẅiꞋ nǔu sẅiŋɛ-Sɛ́ yi pɛkŋɛ pɛ́mnɛ yi Sɛ́ ɡɑ́nɛ mbɔ̌ pɛkŋɛ pi pɛkŋɛ pʉɔ pɛ́ tɛ ɛ́fɛ́ɛ.

Jẅidɛ 1:3 Marejeleo ya Msalaba

ŊwɑꞋnɛ-Gɑŋntúu Yɛ́su Kɛlístɔ 17:3

Pɔ̂l pɔ́ ńniitɛ ŋ́kyɛ́Ꞌtɛ ɛ́sẅíi wɔ́p ŋɡɔ Nzɑ́Ꞌŋkʉ ẅí Sɛ́ kɑ kɑꞋnɛ, kɑ ɡẅɛɛ nɛjʉ́ɔ ŋɡʉ̈ɔ́Ꞌ, ḿpfú, ḿbɛn ńzẅíimɛ nǔu nɛvú. Nzɑ́Ꞌŋkʉ ɛ̂wɑ́ Yɛ́su ẅi ɑ sẅíinɛ wɔ́p lɑɑ.

ŊwɑꞋnɛ-Gɑŋntúu Yɛ́su Kɛlístɔ 18:28

pɔ́p pɛ́ pɑyúdɑ zɛɛ ńtʉ́ʉ mbi lɑ́Ꞌ, ńzɔŋ nu ŋ́ɡɑ́ nǔu Yɛ́su. A pɔ́ ńdɔk nu yi ɛ́ fúnɛ tsɛt ŋwɑꞋnɛ-Sɛ́ ńniitɛ nnyɛt ŋɡɔ Yɛ́su pɔ́nɛ Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ ńdɔk yɛ sẅiŋɛ ńjɔ́Ꞌ ntsu-pɑyúdɑ.

ŊwɑꞋnɛ-Gɑŋntúu Yɛ́su Kɛlístɔ 20:27

Ɛ́ zɛɛ ŋ́ɡɔ ḿbɔ́, mbɔ ŋ kɑ sẅíi wʉ́ʉ nɛ́ mbɑ kʉ̈ɔ́ lɑ́ yi Sɛ́ kɑ zɑ́pnɛ nɛɡɛ. Tɛ mɔ yɛcɔ́ yúu kɑ́ lʉɔ.

ŊwɑꞋnɛ-Gɑŋntúu Yɛ́su Kɛlístɔ 28:28

Pɔ̂l pɛn ńcú mbɔ̌ pɔ́p ŋɡɔ: «Pʉʉ ɡẅɛɛ nɛjí ŋɡɔ, ɛ́ kɛ́ ḿbɔ́ ŋkɔ̂ɔnɛ, mbɔ Sɛ́ kɑ túu Ŋkʉʉ Sʉ́Ꞌnɛ ẅi ɛ́ ɡɛnɛ pɛ́ luk, mbɔ̌ pʉɔ pi pɔ́p kɑ́ pɔ́ pɑyúdɑ pɔ́. Ŋ́ɡʉ nǔu pɔ́p, pɔ́p ɡʉ ńzúꞋ ḿbɛ́m.» [

ŊwɑꞋnɛ-Gɑŋntúu Yɛ́su Kɛlístɔ 4:12

«Pʉɔ kɛ́ ŋ́ɡẅɛɛ nɛlɛɛ pɔ nǔu Yɛ́su lɑ́ ńduk, mbíꞌŋɡɔ wɛcɔ́ ŋu ndɛꞋ kɑ́ pɔ́ ndǔ yɔ mbí ḿbɔ́ ẅi Sɛ́ kɑ ńzɑ́pnɛ wɛ́ nɛpɔ́ yi pɛkŋɛ ɡʉ ńdɛɛ nǔu wɛ́ ńduk pɔ́.»

ŊwɑꞋnɛ-Gɑŋntúu Yɛ́su Kɛlístɔ 6:7

Sẅiŋɛ-Sɛ́ kɑ pɔ́ ŋ́kẅiꞋ ɛ́sɑt pɔ zʉꞋ. Nɔɔ-pɑzɑ́p tʉ́m nǔu Yɛ́su pɔ́ ŋ́kẅiꞋ ńzɑ́ɑ Yɛlúsɑlɛm. PɑnɔŋpɔꞋ tɛ ńzɑ́ɑ zɑ́p tʉ́m nǔu Yɛ́su.

ŊwɑꞋnɛ-Gɑŋntúu Yɛ́su Kɛlístɔ 9:13

Anɑníyɑs pʉ̈ɔt ŋɡɔ: «Tsɑpʉɔ, n zɛɛ ńzúꞋ pʉɔ tɛ ńzɑ́ɑ kẅíi ŋu ẅí ɔ cúnɛ lɑ́. Mɔ yɑ́ɑ ńjí nu kɛpɔŋ yi ɑ kɑ ɡɛnɛ nǔu pʉɔ pú Yɛlúsɑlɛm.

ŊwɑꞋnɛ-Gɑŋntúu Yɛ́su Kɛlístɔ 9:22

Sɔ̂l kɛ ńniitɛ ŋ́kẅiꞋ ńcú nu pɔ kɛ́ pɔ́k. Ńtsuŋ ńdɛꞋlɛ mbɔ̌ pɑyúdɑ pi pɔ́p Ndɑmɑs ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ŋ́ɡɛ pɔ́Ꞌɔ, pɔ́p pɔɔ pɛn ńjí yɛcɔ́ nu yi pɔ́p ɡʉ ńcú mbɔ̌ wɛ́ pɔ́.

1 Kɔlɛ̂ŋtɛ 15:3

N dyɑkŋɛ yúu mi pɛ́ kɑ zíꞋnɛ wɑ́ɑ ŋ́ɡɑ́ mbɔ̌ pʉʉ. Ɛ́ pɔ́ nǔu Ŋkʉʉ Sʉ́Ꞌnɛ ḿbɔ́ ŋɡút. Yîyɑ́ nu pɔ́ ŋɡɔ Kɛlístɔ kɑ pfú ntɛ́ nu kɛpɔŋ yɛkŋɛ, pɑ́Ꞌ ŋwɑꞋnɛ-Sɛ́ kɑ zɑ́Ꞌnɛ njí ńcú.

Ŋɡɑlɑ̂t 2:5

Lɑ́ pɛk ŋ́kɑɑ kɛ́ ḿbɛ́m yɛcɔ́ nu mbɔ̌ pʉɔ ɛ̂pɑ́ pɔ́, tɛ mbɑ nɛnɑ́Ꞌ ḿbɛ́m lɑ ḿbɛn ńdʉꞋ. Pɔ́Ꞌɔ, nǔu pɑ́Ꞌ Ŋkʉʉ Sʉ́Ꞌnɛ ɡʉ ńtʉ́ʉ pɔ ndʉ́ŋndʉŋ pɑ́Ꞌ mbɔ pʉʉ pɔɔ lúꞋnɛ.

Ŋɡɑlɑ̂t 3:28

Ɛ́ fú pɔ́Ꞌɔ, Sɛ́ pɔɔ pɛn ŋ́ɡɛ yɛcɔ́ tɔŋ nǔu pɑyúdɑ pɔ́p pʉɔ-Ŋɡɛlɛ́k pɔ́, ŋ́kɛ́ mbɔɔ pɛn ŋ́ɡɛ nǔu pɛkwɑɑ pɔ́p pɛndẅǐi pɔ́, ŋ́kɛ́ mbɔɔ pɛn ŋ́ɡɛ nǔu mbɛ́ɛnɛ pɔ́p pɑŋɡɛ́ pɔ́, mbíꞋŋɡɔ pʉʉ lɔk pɑ́Ꞌ pʉʉ lɑtnɛ mbʉʉ nǔu Yɛ́su Kɛlístɔ ńtsʉ́Ꞌ ḿbɔ́ pɔ tɑ́Ꞌ ntɛ́.

Ŋɡɑlɑ̂t 6:11

Pʉʉ jʉ́ɔ pɑ́Ꞌ mɔnɛ mík-ŋwɑꞋnɛ ɡʉ ŋ́ɡúꞋlɛ ɡúꞋlɛ́nɛ. KwɑꞋ mɔ Pɔ̂l lɔknɛ pɔ́ yɑ́ɑ ŋ́ŋwɑꞋnɛ yɔ zʉꞋ!

Ɛ́fɛ̂zɛ 1:1

Yɔ ŋwɑꞋnɛ fú mbɔ̌ mɔ pɔ̂l, Sɛ́ kɑ kɔŋnɛ ŋɡɔ m bɔ́ ŋɡɑŋntúu-Yɛ́su Kɛlístɔ. Ŋ ɡɑ́ mbɔ̌ pʉʉ pʉɔ-Sɛ́ pi pʉʉ nɑ́ŋnɛ Ɛ́fɛ̂zɛ, mbɔ pʉʉ kɑ zɑ́p tʉ́m nǔu Yɛ́su Kɛlístɔ, ŋ́kɛ́ ńjí pɔ ndɑꞋ nu yɛ́.

Filipɛ 1:1

Yɔ ŋwɑꞋnɛ fú mbɔ̌ mɔ Pɔ̂l ŋ́ɡɛ Timɔtɛ̂ɛ. Pɛknɛ tɛmtɛ́nɛ ɛ́fɑꞋ nzʉʉ Yɛ́su Kɛlístɔ. Ɛ́ yʉ́ʉ pʉʉ pʉɔ-Yɛ́su Kɛlístɔ pi pɔ́p tʉ́sɔŋ-Filip. Ɛ́ pɛn ḿbɔ́ yʉ́ʉ, pʉʉ pɑlíŋɛ cúꞋlɛ-pʉɔ-Kɛlístɔ pɔ́p pʉʉ pɑfɑꞋ tsɛt yîyɑ́ cúꞋlɛ.

Filipɛ 1:27

Yúu ɡwɛ́ yi pʉʉ ɡẅɛɛnɛ nɛɡɛ ɛ́ ŋɡɔ, pʉʉ nɛn pɔ pɑ́Ꞌ Ŋkʉʉ Sʉ́Ꞌnɛ-Yɛ́su Kɛlístɔ sɛ́ ḿbíkŋɛ. Nǔu ntɛ́ yi n dɑɑ ńtɔ́ ńjʉ́ɔ wʉ́ʉ, ńzɛɛ mbɔɔ tɔ́, ŋ kɛ́ ḿbɔ́ ńzúꞋ pɔ pɑ́Ꞌ pɛ́ cúnɛ ŋɡɔ pʉʉ pɛ́t ŋ́ɡẅɛɛ pɔ tɑ́Ꞌ ntsu, ḿbɔ́ ńdɔk pɔ tɑ́Ꞌ tʉ́m ńdʉ̈ɔ́Ꞌ ntsɔ-pɛ́mtʉ́m, nɛpɔ́ yi pʉʉ ɡʉ ńdɑt mbʉʉ yʉʉ nǔu nu yi pʉʉ kɑ pɛ́mnɛ, yi ɛ́ fúnɛ nǔu Ŋkʉʉ Sʉ́Ꞌnɛ.

Kɔlɔsíyɛ̂ŋ 1:2

mbɔ̌ pʉʉ pʉɔ-Sɛ́ pi pʉʉ nɑ́ŋnɛ Kɔlɔs. Pʉʉ tɛmtɛ ḿbɔ́ pɔ́ɔpɛ́mɑ́ nǔu nu-Kɛlístɔ, pʉʉ kɛ́ ńjí pɔ ndɑꞋ yɛ́tɛ́. Tɑ́t wɛkŋɛ Sɛ́ pɔ́ mbɔ̌ nɛ́ pʉʉ, ḿbɔ́ ńníꞋ mbɔ́tnɛ pɔ́p mɔ́fíitɛ tʉ́m pʉʉ.

1 Tɛsɑlɔník 2:2

Pʉʉ pɛn ḿbɔ́ ńjí ŋɡɔ pɛk kɑ ɡɔ́ ńtɔ́, ɛ́fú nɛ́ Filipɛ, mbɔ pɛ́ nyɛt wɛ́k nɛ́ ŋɡʉ̈ɔ́Ꞌ zúꞋu tɛꞋ, ńzɔɔtɛ wɛ́k. Lɑ́ Sɛ́ ɡɑ́ wɛ́k nɛ́ nɛsʉk nɛcẅi Ŋkʉʉ sʉ́Ꞌnɛ yɛ́ mbɔ̌ pʉʉ tɛ mbɑ pɑ́Ꞌ pɛ́ kɑ pɛn ḿbɔ́ ńnyɛt wɛ́k pɔ nɛ́ ŋɡʉ̈ɔ́Ꞌ lɑ́.

1 Timɔtɛ́ɛ 1:18

Timɔtɛ̂ɛ, ɡu mɔ́ɔ wɑ́ɑ, ŋ ɡɑ́ yɔ sẅiŋɛ mbɔ̌ ɡu, ɛ́ pɔ́ pɑ́Ꞌ pɑcẅiŋkʉʉ-Sɛ́ kɑ zɑ́Ꞌnɛ njí ńcú nǔu ɡu. Nɑ́ŋ ḿbɔ́ ŋ́kẅíitɛ mɛnu mi pɔ́p kɑ cúnɛ lɑ́, ńjí ŋɡɔ ɛ́ ɡʉ ḿbɔ́ yú yúu nɛlɔk ńdʉɔ́Ꞌ ntsɔ sʉ́Ꞌnɛ nǔu lík-Sɛ́.

1 Timɔtɛ́ɛ 6:12

Kɛ́ ḿbɔ́ ḿmɑꞋ yú pɔ ntsɔ sʉ́Ꞌnɛ wɛ́ pɑzɑ́ptʉ́m nǔu Sɛ́. KúꞋlɛ luk kɛ́mɛ sʉ́Ꞌnɛ, mbíꞋŋɡɔ Sɛ́ kɑ fúŋ wú, ntɛ́ pɔ wɛ́tɛ́. Ɔ kɑ pɛn ńtʉ́ʉ mbi pʉɔ tɛ ńzɑ́ɑ ḿbɛ́m nu sʉ́Ꞌnɛ yi ɔ zɑ́pnɛ tʉ́m yú nǔu.

2 Timɔtɛ́ɛ 1:13

Timɔtɛ̂ɛ, pɛ́ɛ fʉꞋ nǔu sẅiŋɛ yi ɔ kɑ zúꞋnɛ ntsu mɔ ɛ́ pɔ́ nɛ́nẅín. Zɑ́p tʉ́m yú nǔu Sɛ́, ŋ́kɔŋ pʉɔmɛsɔŋ mbíꞋ pɑ́Ꞌ pɛkŋɛ lɑtnɛ mbʉʉ yɛkŋɛ nǔu Yɛ́su Kɛlístɔ lɑ́.

Tîtɛ 1:4

Ŋ ŋwɑꞋnɛ yɔ ŋwɑꞋnɛ, ŋ́ɡɑ́ mbɔ̌ ɡu Titɛ. Ɔ kwɑꞋ mɔ́ɔ wɑɑ mbíꞋŋɡɔ pǔu tɛmtɛ ńzɑ́p tʉ́m nǔu Yɛ́su Kɛlístɔ. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ pɔ́p Yɛ́su Kɛlístɔ, jʉ́ ẅi ɑ ɡɛnɛ pɛkŋɛ luk, ŋɡɔ pɔ́p pɔ́ ḿbɔ́ nɛ́ ɡu, ḿbɔ́ ńníꞋ mɔ́fíitɛ tʉ́m ɡu.

Ɛ́bɛlʉʉ 13:22

Pɔ́ɔpɛ́mɑ́ pɑ́ɑ pɛ́ mbɛ́ɛnɛ mbɑ pɛ́ pɑŋɡɛ́, mɔ sɛ́ ḿbúꞋ mbɔ́ mbɔ̌ pʉ́ʉ ŋɡɔ pʉʉ lɔk kɔkmbʉʉ, ńzẅíꞋlɛ yɔ sẅiŋɛ yi ŋ ɡɑ́nɛ mbɔ̌ pʉʉ, ńdɔk ńníꞋ mɛtʉʉ mʉ́ʉ lɑɑ. N zɛɛ ŋ́kɛ́ mbɔɔ ŋwɑꞋnɛ ɛ́ sɑk pɔ́.

Ɛ́bɛlʉʉ 6:9

Pɔ́ɔpɛ́mɑ́ pɛk pɛ́ tʉʉndɛn, pɛk kɛ́ ńcú pɑ́Ꞌɑ ḿbɔ́ ńjí kwɑꞋ sʉ́Ꞌnɛ ŋɡɔ pʉʉ nǔu sɛ̂ndúŋ wɛ sʉ́Ꞌnɛ ɛ́ pɔ́ ẅí pɛ́ lɛɛnɛ nǔu ńduk.

1 Pyɛ̂ 5:12

Sílɑs kɑ cẅɛ́lɛ́ wɑ́ɑ nɛŋwɑꞋnɛ wɔ mɔ́yúu ŋwɑꞋnɛ. A mbɔ̌ mɔ ḿbɔ́ mɔ́ɔmɑ́ ẅí ɑ jí yɛ́ pɔ ndɑꞋ nu-Yɛ́su. Ŋ ɡɑ́ yɔ ŋwɑꞋnɛ mbɔ̌ pʉʉ nɛlɔk ńníꞋ mɛtʉʉ mʉ́ʉ mbɑ nɛlɔk ńniitɛ ɛ́sẅíi wʉ́ʉ nɛ́ ntɛ́ yi Sɛ́ kɑ lɔknɛ mɛnu sʉ́Ꞌnɛ ŋ́ɡɑ́ fuꞋ níinɛ yɛkŋɛ, kwɑꞋ pɑ́Ꞌ ŋ ŋwɑꞋnɛnɛ lɑɑ. Pʉʉ tɛntɛ nǔu mɛnu ɛ̂mɑ́ sʉ́Ꞌnɛ.

2 Pyɛ̂ 1:1

A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

2 Pyɛ̂ 2:21

Mbii kɑ pɔ́ pɑ́Ꞌ ɛ́ lɑɑ ḿbɔ́ pɔ́p pɔɔ jí sɛ̂ndúŋ ndʉ́ŋndʉŋ pɔ́, ńtsɑ pɑ́Ꞌ pɔ́p ɡʉ ńjí nɛpʉ́ʉ-Sɛ́ ni n zíꞋnɛ wɔ́p ḿbɛn ḿmɛꞋ.

Jẅidɛ 1:1

Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.

Jẅidɛ 1:17

Lɑ́ ɛ́ ɡʉ nǔu pʉʉ mbɑ̌ɑ pɛsúu pɑ́ɑ pɛ́ tʉʉndɛn, pʉʉ kẅíitɛ mɛnu mi ɡɑŋntúu-Tsɑpʉɔ wɛkŋɛ Yɛ́su Kɛlístɔ kɑ zɑ́Ꞌnɛ njí ńcú mbɔ̌ pʉʉ.

Jẅidɛ 1:20

Lɑ́ ŋ́ɡʉ nǔu pʉʉ mbɑ̌ɑ pɛsúu pɑ́ɑ pɛ́ tʉʉndɛn, pʉʉ kẅiꞋ ńnɛn pɔ nǔu sẅiŋɛ yi pɛ́ kɑ zíꞋnɛ wʉ́ʉ ɛ́ fú mbɔ̌ Sɛ́ pʉʉ pɛ́m lɑ́. Pʉʉ lɔk mɛtʉʉ-Zẅikŋɛ Lɛ́ɛnɛ́nɛ ńcɛꞋlɛ Sɛ́.

Mɛnu ɛ́ ńdɑ́Ꞌ ńcẅɛt 12:11

Pɔ́ɔpɛ́mɑ́ pɛkŋɛ kɑ lɛɛtɛ nǔu mɛci-mɔ́ɔ-Njinjɔ, ḿbɛn ńdɛɛtɛ mbɑ nǔu sẅiŋɛ yi pɔ́p kɑ pɔ́ ńcú ńdɔk ńdɛꞋlɛ yúu mi pɔ́p jínɛ nǔu mɔ́ɔ-Njinjɔ, ńjʉ́ ẅîwɑ́ ŋu. Pɔ́p ŋkɑɑ lɔk tú yɔ́p ɛ́fúŋ yɛcɔ́ yúu tɛ ḿbɔ́k pɑ́Ꞌ ḿbɔ́ pɛ́ jẅí wɔ́p pɔ́.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.