Jɑ̂ŋ 8:59 - Kɑɑ Fí

⁵⁹ Pɔ́p zúꞋ pɔ́Ꞌɔ, ńdɑk mɛŋɡɔꞋ nɛlɔk ńtɛ́mtɛ Yɛ́su ńjẅí. A sɔ́ ḿbɛ́, ɛ́sɔ́ ɛ́fú tsɛt ndɑ́-nɔŋpɔꞋ ńcẅɛt.

Jɑ̂ŋ 8:59 Marejeleo ya Msalaba

Mɑtʉ̈ɔ 12:14

Ɛ́ tsɑ pɑfɑlísɑy, pɔ́p fú ndɑ́-cúꞋlɛ ńcẅɛt, ńcúꞋlɛ ńdɔɔ shʉ́ pɑ́Ꞌ pɔ́p ɡʉ ŋ́ɡɛ lɑ ńjẅí Yɛ́su.

Lúkɑ́shi 24:31

Pɔ́Ꞌ mík mɔ́p ɡɔ́ɔ ŋ́kɛ́ ńdɛ́ɛnɛ pɔ́p lii wɛ́, ɑ ɡɔ́ɔ ḿbɛ́.

Jɑ̂ŋ 11:54

Yɛ́su fú ŋkɑ́ yîyɑ́ mbɔɔ pɛn sɑ́ɑnɛ sɑ́ɑnɛ́nɛ ńdɛɛ tsɛtsɛt pɑyúdɑ pɔ́. A lɔk yɛcɔ́ lɑ́Ꞌ yi ɛ́ lʉɔmɛ́nɛ, shʉ́ kɔ̂ŋtɛt, ŋ́ɡʉ tsɛt yɛcɔ́ tʉ́sɔŋ yi pɛ́ fúŋnɛ ŋɡɔ Ɛ́fɛlɑyim, pɔ́p ɡɑŋku pɛ́ nɑ́ŋ zúꞋu.

Jɑ̂ŋ 11:8

Gɑŋku pɛ́ pʉ̈ɔt ŋɡɔ: «Cícɑ, ntí kɑ́ sɑk pɑ́Ꞌ pɑyúdɑ kɑ pɔ́ ńdɔɔ nɛlɔk mɛŋɡɔꞋ ńtɛ́m wú ńjẅí pɔ́. Ɔ ɡʉ ḿbɛn ḿbɛn zúꞋu ɔɔ?»

Jɑ̂ŋ 12:36

Kyɛꞌ lɑɑ ḿbɛ́t tsɛtsɛt pʉʉ, pʉʉ zɑ́p tʉ́m nǔu kyɛꞌ, ńdɔk ńtsʉ́Ꞌ pɔ́ɔ-kyɛꞋ. Yɛ́su cú yɔ nu tɛ ɛ́ kuꞋ, ɑ ɡʉ ńdʉ̈ɔmɛ nǔu zʉꞋ yi pɔ́p kɛ́ ɡɛ ńjʉ́ɔ wɛ́ pɔ́.»

Jɑ̂ŋ 18:31

Pilɑ́tɔ ɡɔ́ɔ ńcú mbɔ̌ pɔ́p ŋɡɔ: «Pʉʉ lɔk wɛ́ ŋ́ɡʉ ŋ́ŋɑk wɛ́ zɛ́nɛ pʉʉ, pɑ́Ꞌ nɛpʉ́ʉ nʉ́ʉ ŋ́kɔŋnɛ pɔ́Ꞌɔ.» Pɛkɛ́m tsɔ́Ꞌ ŋɡɔ: «Nɛpʉ́ʉ nʉkŋɛ kɑ́ pɛ́m ŋɡɔ pɛk jẅí ŋu pɔ́.»

Jɑ̂ŋ 5:13

Lɑ́ ŋu ẅí ɑ lɑ́Ꞌnɛ ɛ́fíitɛ lɑ́ kɛ́ ḿbɔɔ ḿbɔ́ ńjí ŋɡɑŋ pɔ́. MbíꞋŋɡɔ Yɛ́su lɑ́Ꞌ ńcú pɔ́Ꞌɔ, ḿbɛ́ tsɛtsɛt lɑ́Ꞌ yi ɛ́ ḿbɔ́nɛ zúꞋu.

Jɑ̂ŋ 9:1

Yɛ́su ɡɛ ḿbɔ́ ńdɛɛ yɛcɔ́ zʉꞋ, ńjʉ́ɔ wɛcɔ́ fʉmík, mbɔ pɛ́ kɑ pí wɛ́ ɑ pɔ́ pɔ fʉ.

ŊwɑꞋnɛ-Gɑŋntúu Yɛ́su Kɛlístɔ 7:57

Pɔ́p zúꞋ pɔ́Ꞌɔ, ńzʉʉnɛ mɛtúutɛ́ mɔ́p, ŋ́ɡíɛt nɛ́ tʉʉ, ńjɛ́Ꞌ ḿbʉ̈ɔtnɛ nǔu wɛ́,