Jɑ̂ŋ 8:15 - Kɑɑ Fí

¹⁵ Pʉʉ ŋɑk pʉɔ pɔ nǔu ntɛ́ yɛ́ pʉɔmɛsɔŋ. Ɛ́ ɡʉ nǔu mɔ, mbɔ n dɔɔ ŋ́ŋɑk ŋu pɔ́.

Jɑ̂ŋ 8:15 Marejeleo ya Msalaba

Lúkɑ́shi 12:14

Yɛ́su tsɔ́Ꞌ mbɔ̌ wɛ́ ŋɡɔ: «Wɔ̌ kɑ zɑ́pnɛ wɑ́ɑ nɛŋɑk mɛntsɑŋ mʉ́ʉ, kɛ pɔ nɛɡɑp yúu pʉ́ʉ ŋ́ɡɑ́ mbɔ̌ pʉʉ?»

Jɑ̂ŋ 12:47

Ŋu lɑɑ zúꞋ sẅiŋɛ yɑ́ɑ mbɔɔ ɡẅɛɛ, mbɔ mɔ kɛ́nɛ ŋɑk wɛ́ pɔ́. MbíꞋŋɡɔ mɔ ŋkɑɑ tɔ́ ndǔmbí nɛŋɑk pʉɔ pɔ́. Ŋ kɑ tɔ́ nɛɡɛ pʉɔ luk.»

Jɑ̂ŋ 18:36

Yɛ́su tsɔ́Ꞌ ŋɡɔ: «Nɑ́ɑ nɛfɔɔ kɑ́ pɔ́ nɛ́ yɔ mbí pɔ́. Nɛfɔɔ nɑ́ɑ pɛ́Ꞌnɛ ḿbɔ́ nɛ́ yɔ mbí, mbɔ pʉɔ pɑ́ɑ lɑ́Ꞌ mbɔɔ nɑ́ nzʉʉ yɑɑ, tɛ pɛ́ níꞋ wɑ́ɑ mbɔ̌ pɛkɛ́m-Pɑyúdɑ pɔ́. Lɑ́, n zɛɛ ńcú ŋɡɔ nɑ́ɑ nɛfɔɔ kɑ́ pɔ́ nɛ́ ndǔmbí yɔ pɔ́.»

Jɑ̂ŋ 3:17

Mbɑ pɔ́Ꞌɔ, Sɛ́ ŋkɑɑ zɛɛ ńtúu Mɔ́ɔ nɛ ndǔmbí ŋɡɔ ɑ ɡʉ ŋ́ŋɑk pʉɔmɛsɔŋ pɔ́. A kɑ túu wɛ́ nɛpɔ́ yi ɑ ɡʉ ŋ́ɡʉ ŋ́ɡɛ pʉɔmɛsɔŋ luk.

Jɑ̂ŋ 7:24

Kɔɔ pʉʉ ŋɑk nu-ŋu kɛ́ jí nɛtsɛ́n, pʉʉ ŋɑk pɔ tsɛt nu nɛ́nẅín.»

Jɑ̂ŋ 8:11

A pʉ̈ɔt mbɔ̌ wɛ́ ŋɡɔ: «Sɑ̌ɑ ŋu mbɑ̌ɑ Ndɛ.» Yɛ́su cú mbɔ̌ wɛ́ ŋɡɔ: «Mbɑ mɔ yɑ́ɑ, ŋ kɛ́ tɛ́m wú pɔ́. Gʉ, kɔɔ lɑ́Ꞌ ḿbɛn ŋ́ɡɛ nu kɛpɔŋ.»

Pʉɔ-Lɔ́mɑ 2:1

Mbɔ ŋu zɛ nɛtɔ́ lɔ́Ꞌ-pʉɔ pi pɔ́p ɡɛnɛ yîyɑ́ ntɛ́ mɛnu, ɡu ẅí mbɔ ɔ tɔ́, jí ŋɡɔ mbɔ ɔ pɔɔ nɑ́ kɛ́ vu yú ntsɑŋ vunɛ pɔ́, tɛ pɑ́Ꞌ ɔ lɑɑ ńzɛɛ ḿbɔ́ pɔ wɔ̌ lɑ́. Pɔ́Ꞌɔ mbíꞋŋɡɔ ɔ sɛ́ ńtɔ́ lɔ́Ꞌ-pʉɔ lɑ́ ḿbɛn ḿbɔ́ ŋ́ɡɛ yú pɔ pɑ́Ꞌ pɔ́p ńdɔk ɛ́shɔtnɛ ńtɔ́k pɔ lʉɔ ńdɔk ŋ́kút mbʉʉ yu.

1 Kɔlɛ̂ŋtɛ 2:15

Ŋu ẅí Zẅikŋɛ Lɛ́ɛnɛ́nɛ nǔu wɛ́, ɑ kuꞋ nɛtɑꞋ mbɑ yɛ́tɛ́ nu lɑ́ tsʉʉ ńdíŋɛ. Lɑ́ ŋ́ɡʉ nǔu wɛ́, mbɔ ɛ́ lɑɑ ḿbɔ́ wɛcɔ́ ŋu pɔɔ yɛ́ nu líŋɛ.

2 Kɔlɛ̂ŋtɛ 5:16

Pɑ́Ꞌ ɛ́ pɔ́Ꞌɔ lɑ́, pɛk nǔu ŋkɔ̂ɔnɛ ńtsʉ́Ꞌ ḿbɔ́ɔ ńjí ŋu pɔ nǔu ntɛ́ yi pʉɔmɛsɔŋ lɔknɛ ńjí ŋu pɔ́. Ɛ́ lɑɑ ḿbɔ́ yi pɛk kɑ zɛɛ ńjí Kɛlístɔ nǔu yîyɑ́ ntɛ́, mbɔ pɛk ŋkɔ̂ɔnɛ ḿbɔɔ ḿbɛn ḿbɔ́ ńjí wɛ́ pɔ́Ꞌɔ pɔ́.

Jɑ̂k 2:4

Pʉʉ lɑɑ ŋ́ɡɛ pɔ́Ꞌɔ, pʉʉ pɔɔ ńdɔk ŋ́ɡẅɛɛ tɔŋ tsɛtsɛt pʉʉ pɔ́ ɔɔ? Pʉʉ pɔɔ ńdɔk pɔ kwɑŋɛ kɛpɔŋ ńdíŋɛ pʉɔ pɔ́ ɔɔ?