Jɑ̂ŋ 6:70 - Kɑɑ Fí

⁷⁰ Yɛ́su pʉ̈ɔt mbɔ̌ pɔ́p ŋɡɔ: «Pʉʉ wɔ ntsɔ̌ppɑ́ nɛ́ nɛɡɛ́m, mɔ ŋkɑɑ nɛ tsɔ́Ꞌ wʉ́ʉ pɔ́ ɔɔ? Wɛcɔ́ ŋu kɛ́ ḿbɔ́ tsɛtsɛt pʉʉ, ḿbɔ́ ŋu-Sɑ́ttɑ.»

Jɑ̂ŋ 6:70 Marejeleo ya Msalaba

Jɑ̂ŋ 13:18

Ŋ kɑ́ kɛ́ ńcú yɔ nu mbɔ̌ pʉʉ pɛtsʉʉ pɔ́, mɔ sɛ́ ńjí pʉɔ pí ŋ kɑ tsɔ́Ꞌnɛ wɔ́p. Lɑ́ ɛ́ pɔŋ ŋɡɔ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ puutɛ. Pɛ́ kɑ ŋwɑꞋnɛ ŋɡɔ ŋu ẅí pɛkŋɛ sɛ́ ńtɛmtɛ yúu pɛjʉ́ ńjʉ́ kɑ tsʉ́Ꞌnɛ ŋɡɑŋmbuu wɑɑ.

Jɑ̂ŋ 13:2

Ntsuŋkẅɛ́Ꞌ ɡɛ ḿbɔ́, pɔ́p pɛ́ pɔ́p nɑ́ŋ sɛ́ nɛjʉ́ yúu. Ɛ́ ɡɔ́ ḿbɔ́, mbɔ Sɑ́ttɑ lɑ́Ꞌ mɔ ńníꞋ kwɑŋɛ nɛfɛn Yɛ́su tsɛt tʉ́m Júdɑs Iskɑlyɔt, mɔ́ɔ-Símɔ.

Jɑ̂ŋ 13:21

Yɛ́su cú pɔ́Ꞌɔ, lɛ́m yɛ́ sɑ́ɑnɛ tɛꞋ, ɑ sɑ́ɑnɛ sɑ́ɑnɛ́nɛ ńcú ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, wɛcɔ́ tɑ́Ꞌ ŋu nǔu pʉʉ ɡʉ ɛ́fɛn wɑ́ɑ.»

Jɑ̂ŋ 13:27

Jẅidɑ pɔ́ tɛ ńcẅɛ́ɛ, Sɑ́ttɑ kúu tsɛt tʉ́m yɛ́. Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «ɛ́fɛ́Ꞌnɛ ŋ́ɡwɛtnɛ ŋ́ɡɛ yúu mi ɔ ɡẅɛɛnɛ nɛɡɛ.»

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

Jɑ̂ŋ 15:19

«Pʉʉ kɑ pɔ́ pɛ́Ꞌnɛ ḿbɔ́ pʉɔ-ndǔmbí, mbɔ ndǔmbí kɔŋ wʉ́ʉ tɛꞋ, mbíꞋŋɡɔ ndǔmbí kɔŋ yúu mi ɛ́ yɛ́. Lɑ́ pʉʉ kɛ́ mbɔɔ pʉɔ-ndǔmbí pɔ́, mɔ kɑ tsɔ́Ꞌnɛ wʉ́ʉ, ɛ́fyɑk wʉ́ʉ nǔu pʉɔ-ndǔmbí. Ɛ́ yúu mi ɛ́ ɡɛnɛ ndǔmbí pɑɑ wʉ́ʉ.»

Jɑ̂ŋ 17:12

Ɛ́ m̄bɔ́ ŋkɑ́ yi pɛk pɛ́ pɔ́p kɑ pɔ́nɛ, m bɔ́ ńdɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p. Ŋ kɑ tʉ̈ɔ́Ꞌlɛ wɔ́p tɛ wɛcɔ́ tɑ́Ꞌ ŋu nǔu pɔ́p pɔɔ pɛ́. Ŋu ẅí ɛ́ kɑ pɔ́ ḿbíkŋɛ ŋɡɔ ɑ pɛ́ kɑ pɛ́nɛ. Ɛ́ lɔk ḿbuutɛ nǔu nu yí pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ.

Jɑ̂ŋ 2:2

Pɛ́ pɛn ɛ́fúŋ Yɛ́su ɡúu pɔ́p ɡɑŋku pɛ́, zʉꞋ-lɑ́ɑndɑ́ ɛ̂yɑ́.

Jɑ̂ŋ 20:24

Wɛcɔ́ ŋu nǔu pʉɔ ntsɔ̌ppɑ́, lík yɛ́ pɔ́ ŋɡɔ Tɔmɑ́shi, ńdɔk ńcú ŋɡɔ mɔ́ɔnɛfɑ́k, ɑ ŋkɑɑ jí ŋkɑ́ yi Yɛ́su kɑ tɔ́nɛ pɔ́.

Jɑ̂ŋ 6:64

Tɛ mbɑ pɔ́Ꞌɔ, pɛcɔ́ pʉɔ tsɛtsɛt pʉʉ kɑ́ pɔ́ ḿbɛ́m pɔ́. Ɛ́ ɡɔ́ ḿbɔ́, mbɔ Yɛ́su kɑ lɑ́Ꞌ mɔ́ ńjí pʉɔ pinɛ pɔ́p kɑ́ pɔ́ ńzɑ́p tʉ́m nǔu wɛ́ pɔ́, ḿbɛn ńjí ŋu ẅí ɑ ɡʉ ŋ́ɡɛ ɛ́fɛn wɛ́.

Jɑ̂ŋ 6:67

Yɛ́su ɡɛ ńcú mbɔ̌ pʉɔ ntsɔ̌ppɑ́ nɛ́ nɛɡɛ́m ŋɡɔ: «Pʉʉ kɑ́ pɔ́ ŋ́kɔŋ yʉ́ʉ nɛɡʉ pɔ́ kɛ?»

Jɑ̂ŋ 6:71

Yɛ́su cú pɔ́Ꞌɔ, ńdɑ́Ꞌ Jẅidɑ, mɔ́ɔ-Símɔ Iskɑlyɔt. Jʉ́ kɑ pɔ́nɛ ŋ́ɡʉ ŋ́ɡɛ ɛ́fɛn Yɛ́su, tɛ mbɑ pɑ́Ꞌ ɑ m̄bɔ́nɛ tsɛtsɛt pʉɔ ntsɔ̌ppɑ́ nɛ́ nɛɡɛ́m.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

ŊwɑꞋnɛ-Gɑŋntúu Yɛ́su Kɛlístɔ 1:17

Lɑ mbɔ Jẅidɑ ɛ̂wɑ́ ḿbɔ́ wɛcɔ́ tɑ́Ꞌ ŋu nǔu nɔɔ wɛk pɑpɛ́m Yɛ́su. Tɛ ḿbɛn ŋ́ɡẅɛɛ yɛ́ túfɑꞋ yi ɑ ɡʉ ŋ́ɡɛ tsɛtsɛt pɛkŋɛ.

ŊwɑꞋnɛ-Gɑŋntúu Yɛ́su Kɛlístɔ 13:10

ńcú mbɔ̌ wɛ́ ŋɡɔ: «Mɔ́ɔ-Sɑ́ttɑ, ɔ ŋɡɑŋ cɔtnu. Ɔ jí pɔ nɛfʉ́klɛ pʉɔ. Ɔ ŋɡɑŋmbuu-nu sʉ́Ꞌnɛ tsʉʉ, mbɑ kʉ̈ɔ́ lɑ́ yi Tsɑpʉɔ Sɛ́ ɡɛnɛ ɛ́ tʉ́ʉ ndʉ́ŋndʉŋ, ɔ ɡɔ́ɔ ŋ́kɛ́ ńtɑ́ɑ, ŋ́ŋɔ́Ꞌtɛ. Tɛ ɔ kɑ nɑ́ wɑ́ ndɛn pɑ́Ꞌɑ pɔ́ ɔɔ?

1 Timɔtɛ́ɛ 3:11

Ɛ́ pɛn ḿbíkŋɛ ŋɡɔ pɛzwɛ́ pɔ́p pɛn ŋ́ɡẅɛɛ mɛkuꞋ, kɔɔ pɔ́p pɔ́ pɑzɑ́p sɔ́ɔ, kɔɔ pɔ́p ɡɛ yɛcɔ́ yúu tɛ ɛ́ lɛɛ, ḿbɔ́ pʉɔ pi ɛ́ lɑɑ ḿbɔ́ pɔ́p ɡɛ mbɑ kʉ̈ɔ́ lɑ́ yi pɛ́ níꞋnɛ mbɔ̌ pɔ́p tɛ pɛ́ pɔɔ lɔ́Ꞌ nǔu jʉ́ɔ.

Tîtɛ 2:3

Ɛ́ ndʉ́ŋndʉŋ pɑ́Ꞌ ɔ ɡʉ ńzíꞋ mbɔ̌ pɛlʉ́m pɑŋɡɛ́ ŋɡɔ pɔ́p ɡẅɛɛ mɑt ẅi ɛ́ pɔŋnɛ Sɛ́, ŋɡɔ kɔɔ pɔ́p sẅíitɛ nǔu mɛlík-pʉɔ, ŋɡɔ kɔɔ pɔ́p mɑꞋ mbʉʉ yɔp nǔu mɛluꞋ. Ɛ́ píkŋɛ ŋɡɔ pɔ́p zíꞋ pʉɔ nɛ́ mɑt sʉ́Ꞌnɛ,

1 Jɑ̂ŋ 3:8

Ŋu lɑɑ ŋ́kɛ́ ńnɑ́ŋ ŋ́ɡɛ yɛ́ pɔ nu kɛpɔŋ, mbɔ ɑ ŋu-Sɑ́ttɑ, mbíꞋŋɡɔ Sɑ́ttɑ ŋɡɑŋ mɛfɑɑnɛ tɛ ɛ́fú pɔ nzɛnɛ ŋɡɔŋ. Mɔ́ɔ-Sɛ́ kɑ zɛɛ ńtɔ́ pɔ nɛɡɛ kʉ̈ɔ́? A kɑ tɔ́ nɛpík mɛfɑꞋ-Sɑ́ttɑ.