Jɑ̂ŋ 6:39 - Kɑɑ Fí

³⁹ Yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, ɛ́ pɔ́ pɔ ŋɡɔ kɔɔ mɔ nɑ́ tɛ wɛcɔ́ tɑ́Ꞌ nǔu pʉɔ pí ɑ kɑ ɡɑ́nɛ mbɔ̌ mɔ pɛ́. Ndẅiknzʉʉ lɛ́Ꞌlɑ́Ꞌ ńdɑ́Ꞌ ḿbɔ́, n zẅíimɛ wɔ́p nǔu nɛvú.

Jɑ̂ŋ 6:39 Marejeleo ya Msalaba

Mɑtʉ̈ɔ 10:15

Mɔ ɛ́sẅíi wʉ́ʉ, kwɑꞋ nɛ́nẅín, lɛ́Ꞌ yi Sɛ́ ɡʉ ńdɑ́Ꞌ ḿbɔ́ ńzɑ́Ꞌ mɛtsɑŋ-pʉɔmɛsɔŋ, ŋɡʉ̈ɔ́Ꞌ-pîpɑ́ pʉɔ zɑ́ɑ ńtsɑ yɛ́ pʉɔ-Sɔdɔ́m pɔ́p yɛ́ pʉɔ-Ŋɡɔmɔ̂ɔ.

Mɑtʉ̈ɔ 18:14

Ɛ́ kɛ ḿbɔ́ pɔ pɔ́Ꞌɔ nǔu Tɑ̌ɑ wʉʉ ẅí ɑ tʉ́nɛ́pú, ɑ kɑ́ kɔŋ ŋɡɔ wɛcɔ́ tɑ́Ꞌ nǔu mbɔ́ŋkʉ̈ɔ́ pɛ́ pɛ́ pɔ́.

Lúkɑ́shi 12:32

Pʉɔ pɑ́ɑ, pʉʉ pɔ́ pɔ mbɔ́ntɑ́Ꞌ, lɑ́ kɔɔ pʉʉ pɔ́k! MbíꞋŋɡɔ Tɑ̌ɑ wʉ́ʉ Sɛ́ kɑ jʉ́ɔ ŋɡɔ ɑ ɡɛ ŋ́ɡɑ́ mbɔ́tnɛ-nɛfɔɔ mbɔ̌ pʉʉ.

Jɑ̂ŋ 12:48

Ŋu lɑɑ ḿmɛꞋ wɑ́ɑ, ńdʉꞋ sẅiŋɛ yɑ́ɑ, mbɔ ŋɡɑŋ ɡẅɛɛ ŋu ẅí ɑ ɡʉ ŋ́ŋɑk wɛ́. Sẅiŋɛ yí ŋ kɑ cúnɛ ɡʉnɛ ńdɑ́Ꞌ ŋ́ŋɑk wɛ́ ndẅiknzʉʉ lɛ́Ꞌ.

Jɑ̂ŋ 17:12

Ɛ́ m̄bɔ́ ŋkɑ́ yi pɛk pɛ́ pɔ́p kɑ pɔ́nɛ, m bɔ́ ńdɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p. Ŋ kɑ tʉ̈ɔ́Ꞌlɛ wɔ́p tɛ wɛcɔ́ tɑ́Ꞌ ŋu nǔu pɔ́p pɔɔ pɛ́. Ŋu ẅí ɛ́ kɑ pɔ́ ḿbíkŋɛ ŋɡɔ ɑ pɛ́ kɑ pɛ́nɛ. Ɛ́ lɔk ḿbuutɛ nǔu nu yí pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ.

Jɑ̂ŋ 17:2

Ɔ kɑ ɡɑ́ mɛtʉʉ mbɔ̌ wɛ́ nɛlɔk ńdíŋɛ pʉɔmɛsɔŋ, ńjí ŋɡɔ ɑ ɡʉ ŋ́ɡɑ́ luk kɛ́ mɛ, mbɔ̌ pʉɔ tsʉʉ pí ɔ kɑ ɡɑ́nɛ mbɔ̌ wɛ́.»

Jɑ̂ŋ 17:24

Tɑ̌ɑ mɔ, ɔ kɑ ɡɑ́ wɔ́p mbɔ̌ mɔ. M bɛn ḿbɔ́ ŋ́kɔŋ ŋɡɔ pɔ́p pɔ́ zʉꞋ yí ŋ ɡʉnɛ nɛ́ zúꞋu, ńjʉ́ɔ wɑɑ nɛɡúꞋ, nɛɡúꞋ ẅi ɔ kɑ ɡɑ́nɛ mbɔ̌ mɔ, mbíꞋŋɡɔ ɔ kɑ kɔŋ wɑ́ɑ tɛ ńzɛɛ ḿbɛ́t pɔ kɛ́ niitɛ mbí.

Jɑ̂ŋ 17:6

Ɔ kɑ fú ndǔmbí, ɛ́fyɑk pʉɔmɛsɔŋ, ŋ́ɡɑ́ mbɔ̌ mɔ, ŋ kɑ zíꞋ wɔ́p nɛjí ŋu ẅí ɔ jʉ́. Pɔ́p kɑ pɔ́ pʉɔ pú, ɔ pɛn ŋ́ɡɑ́ wɔ́p mbɔ̌ mɔ. Pɔ́p kɑ kɛ́ ńzúꞋ sẅiŋɛ yú, ŋ́ɡẅɛɛ.

Jɑ̂ŋ 17:9

Mɔ pɑ́Ꞌnɛ ḿbúꞋ mbɔ́ mbɔ̌ ɡu nǔu tú yɔ́p, m búꞋ mbɔ́ mbɔ̌ ɡu pɔ nǔu tú-pʉɔ pí ɔ kɑ ɡɑ́nɛ mbɔ̌ mɔ, pɔ́p kwɑꞋ pʉɔ pú. Ŋ kɑ́ pɔ́ ḿbúꞋ mbɔ́ mbɔ̌ ɡu nǔu tú-pʉɔ-ndǔmbí pɔ́.

Jɑ̂ŋ 18:9

Ɛ́ kɑ pɔ́ pɔ́Ꞌɔ, sẅiŋɛ yí Yɛ́su lɑ́Ꞌnɛ ńcú mbɔ̌ Sɛ́ lɔk ḿbuutɛ. Ɛ́ pɔ ńcú ŋɡɔ: «Wɛcɔ́ tɑ́Ꞌ nǔu pʉɔ pí ɔ kɑ ɡɑ́nɛ mbɔ̌ mɔ lɑ́, ŋkɑɑ pɛ́.»

Jɑ̂ŋ 5:28

Lɑ́, kɔɔ ɛ́ kʉꞋnɛ wʉ́ʉ kʉꞋnɛ́nɛ, mbíꞋŋɡɔ ŋkɑ́ sɛ́ ŋ́kuꞋ pɑ́Ꞌ pɛpfúsɛ́ pɛtsʉʉ pinɛ pɔ́p nɔɔnɛ tsɛt mɛshi ɡʉ ńzúꞋ ŋɡi yɛ́,

Jɑ̂ŋ 6:37

Mbɑ wɔ̌ lɑ́ ẅi Tɑ̌ɑ mɔ ɡɑ́nɛ mbɔ̌ mɔ, ɑ ɡʉ ńtɔ́ ńtsɛ́t wɑ́ɑ. M bɛn ŋ́kɛ́ mbɔɔ lɑ́Ꞌ yɛcɔ́ lɛ́Ꞌ ńcẅɛɛtɛ ŋu ẅí ɑ tɔ́nɛ ńtsɛ́t wɑ́ɑ, ŋ́ɡɑ́ píi pɔ́.

Jɑ̂ŋ 6:40

Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»

Jɑ̂ŋ 6:44

Wɛcɔ́ ŋu lɑɑ ḿbɔ́ ɑ pɔɔ tɔ́ ńtsɛ́t wɑ́ɑ kɛ́ pɔ́ yi Tɑ̌ɑ mɔ ẅí ɑ kɑ túunɛ wɑ́ɑ zɛɛnɛ ɛ́shuŋ wɛ́ pɔ́. Mɔ, m bɛn ńdɑ́Ꞌ nǔu ndẅiknzʉʉ lɛ́Ꞌlɑ́Ꞌ, ńzẅíimɛ wɛ́ nǔu nɛvú.»

Jɑ̂ŋ 6:54

Ŋu lɑɑ ŋ́kwɛ́t mbɑp-mbʉʉ yɑɑ, ńnɔ́ mɛci mɑ́ɑ, ɑ ɡẅɛɛ luk kɛ́mɛ. Ŋ ɡɛ ńzẅíimɛ ŋɡɑŋ nǔu nɛvú ndẅiknzʉʉ lɛ́Ꞌ.

Pʉɔ-Lɔ́mɑ 8:11

Ɛ́ lɑɑ ḿbɔ́ yi Zẅikŋɛ-Sɛ́ ẅí ɑ kɑ zẅíimɛ́nɛ Yɛ́su nǔu nɛvú nǔu pʉʉ, mbɔ jʉ́ ẅi ɑ kɑ zẅíimɛ́nɛ Kɛlístɔ nǔu nɛvú, ɡʉ ŋ́ɡɛ mbʉʉ yʉʉ yi ɛ́ yi pfúnɛ ńdɔk Zẅikŋɛ yɛ́ yi ɛ́ nǔu pʉʉ ḿbɔ́ yɛ́ ɡú.

1 Kɔlɛ̂ŋtɛ 6:14

Líkcɔ́ pʉʉ likŋɛ ŋɡɔ Sɛ́ ẅi ɑ kɑ zẅíimɛ́nɛ Tsɑpʉɔ nǔu nɛvú, ɑ ɡʉ ŋ́ɡɛ ńdɔk mɛtʉʉ mɛ́ ḿbɛn zẅíimɛ wɛkŋɛ ɡúu nǔu nɛvú.

2 Timɔtɛ́ɛ 2:19

Tɛ mbɑ pɔ́Ꞌɔ, cʉ́ndɑ́ yi Sɛ́ kɑ nɔŋnɛ pɛ́t ńtɛn tɛnnɛ. Pɛ́ kɑ ŋwɑꞋnɛ ndǔ ŋɡɔ: «Tsɑpʉɔ sɛ́ ńjí pʉɔ pɛ́, ḿbɛn ŋ́ŋwɑꞋnɛ ŋɡɔ: Ŋu lɑɑ ŋɡɔ ɑ ŋu-Tsɑpʉɔ, ɑ kʉɔ nu kɛpɔŋ.»

Jɑ̂k 5:15

CɛꞋlɛ yi pɛ́ ɡɔ́ ŋ́ɡɛ, ńzɑ́p tʉ́m nǔu Sɛ́, ɛ́ ɡɛ ɑ fíitɛ. Tsɑpʉɔ pʉꞋ wɛ́, ḿbɔ́ yi ɑ kɑ zɛɛ ŋ́ɡɛ pɔ nu kɛpɔŋ, mbɔ Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́.

1 Pyɛ̂ 1:5

ɛ́ yúu yʉ́ʉ, pʉʉ pʉɔ pi Sɛ́ sɛ́ ńdɔk mɛtʉʉ mɛ́ ḿbyɛ́p wʉ́ʉ, ɛ́ pɔ́ pɑ́Ꞌ pʉʉ sɛ́ ńzɑ́p tʉ́m nǔu wɛ́. Jʉ́ pyɛ́pnɛ wʉ́ʉ pɑ́Ꞌ pʉʉ ɡʉ ŋ́ɡɛ ŋ́ɡẅɛɛ luk yi ɛ́ ɡʉ ńdɑ́Ꞌ ndẅiknzʉʉ lɛ́Ꞌ ŋ́ɡɛ pɛ́ jʉ́ɔ.

Jẅidɛ 1:1

Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.