Jɑ̂ŋ 5:46 - Kɑɑ Fí

⁴⁶ Pʉʉ kɑ zɛɛ ḿbɔ́ pɛ́Ꞌnɛ ḿbɛ́m nu yí Mɔ̌sɛ̂ɛ kɑ cúnɛ, mbɔ pʉʉ pɛ́m yɑ́ɑ, mbíꞋŋɡɔ ɑ kɑ ŋwɑꞋnɛ nu ntɛ́ wɑ́ɑ.

Jɑ̂ŋ 5:46 Marejeleo ya Msalaba

Lúkɑ́shi 24:27

Ńcú pɔ́Ꞌɔ, ńzɛ nɛkyɛ́Ꞌtɛ mɛnu tsʉʉ mi ɛ́ tsɛt ŋwɑꞋnɛ-Sɛ́ ḿbɔ́ ńdíŋɛ wɛ́, ɛ́sẅíi wɔ́p, ńzɛ nǔu mɛŋwɑꞋnɛ-Mɔ̌sɛ̂ɛ, ḿbɑ́ɑtɛ ŋ́kúu tsɛt mɛ́ pɛŋɡɛ́mndʉ̈ɔ́Ꞌ-Sɛ́.

Jɑ̂ŋ 1:45

Filîp ɡʉ ńjʉ́ɔ Nɑtɑnɑyɛ̂l, ńcú mbɔ̌ wɛ́ ŋɡɔ: «Pɛk jʉ́ɔ ŋu ẅí pɛ́ kɑ ŋwɑꞋnɛ́nɛ nu nǔu wɛ́ tsɛt ŋwɑꞋnɛ-nɛpʉ́ʉ-Mɔ̌sɛ̂ɛ, mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́ lɑ́. Pɛk jʉ́ɔ wɛ́, ɑ pɔ́ Yɛ́su, mɔ́ɔ-Yɔsɛ̂p, mɔ́ɔ-Nɑ̌zɑlɛt.»

Jɑ̂ŋ 5:47

Pɑ́Ꞌ pʉʉ kɑ́ pɔ́ ḿbɛ́m nu yí Mɔ̌sɛ̂ɛ kɑ ŋwɑꞋnɛ́nɛ pɔ́ lɑ́, pʉʉ ɡʉ ŋ́ɡɛ pɑ́Ꞌɑ lɑ́ ḿbɛ́m nu yí n cúnɛ?

ŊwɑꞋnɛ-Gɑŋntúu Yɛ́su Kɛlístɔ 26:22

Lɑ́ m bɛ́t ɡú lɔ́Ꞌnɛ pɑ́Ꞌɑ, Sɛ́ pɔ́nɛ ŋ́kẅíipɛ wɑ́ɑ. M bɛn ḿbɔ́ ɛ́sẅíi mbɑ kʉ̈ɔ́ lɑ́ yi n jínɛ nǔu wɛ́, mbɔ̌ pɛlʉ́m mbɑ mbɔ̌ mbɔ́ŋkʉ̈ɔ́. Pɛ́ kɑ zɑ́Ꞌ njí ńcú mɛnu mi ɛ́ ɡʉ ńdɑ́Ꞌ lɑ́ ńtɔ́ tsɛt ŋwɑꞋnɛ-pɛŋɡɛ́mndʉ̈ɔ́Ꞌ-Sɛ́, mbɑ tsɛt ŋwɑꞋnɛ-Mɔ̌sɛ̂ɛ. Mɔ ḿbɔ́ ńcú pɔ yɛ́tɛ́.

Pʉɔ-Lɔ́mɑ 10:4

Kɛlístɔ kɑ zɛɛ ńtɔ́, ncẅɛtnɛ-ndɑ́ nɛpʉ́ʉ lɔk ḿbuutɛ. Pɔ́Ꞌɔ, ŋu zɑ́p tʉ́m nǔu Kɛlístɔ lɑ Sɛ́ tsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Ŋɡɑlɑ̂t 2:19

Ɛ́ kɑ pɔ́ ŋkɑ́ yi ŋ kɑ pɛ́tnɛ ḿbɔ́ ńdɔɔ ŋɡɔ Sɛ́ fú nǔu pɑ́Ꞌ n cúnɛ ŋɡɔ ŋ kúꞋlɛ nɛpʉ́ʉ, ńtsʉ́Ꞌ ńdíŋɛ wɑ́ɑ pɔ pɑ́Ꞌ ŋu ẅí ɑ ndʉ́ŋndʉŋ, n zúꞋ ŋɡɔ mbɔ ɛ́ pɔɔ pɔ́Ꞌɔ pɔ́, yɛ́tɛ́ ɡɛnɛ lɑ n tsʉ́Ꞌ ḿbɔ́ yɑ́ɑ nǔu nu nɛpʉ́ʉ ḿbɔ́ pɔ mpfú, pɔ́Ꞌɔ lɑ́, ńjí ŋɡɔ ŋ ɡʉ ḿbɔ́ mbi Sɛ́ ḿbɔ sʉ́Ꞌnɛ. Sɛ́ kɑ zɛɛ ńdɑt wɛ́k Kɛlístɔ pɛ́ tɛmtɛ wɛ́knɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ.

Ŋɡɑlɑ̂t 3:10

Sɛ́ zɛɛ ńníꞋ pɔ ndɔɔ tú-pʉɔ pi pɔ́p lɔknɛ nɛcú ŋɡɔ pɔ́p ɡẅɛɛnɛ nɛpʉ́ʉ ńdɔk ŋ́ɡɛ yɔ́p mbɑ kʉ̈ɔ́lɑ́, mbíꞋŋɡɔ ŋwɑꞋnɛ-Sɛ́ cú ŋɡɔ: Ŋu lɑɑ mbɔɔ kúꞋlɛ nɛpʉ́ʉ pɔ tsʉʉ pɔ́, ḿbɔ́ ŋɡɔŋ ŋkɑ́ tsʉʉ ḿbɔɔ ŋ́ɡɛ pɔ yúu mi ɛ́ tsɛt ŋwɑꞋnɛ-nɛpʉ́ʉ pɔ́, mbɔ ŋɡɑŋ tíi ndɔɔ.

Ŋɡɑlɑ̂t 3:13

Lɑ́, pɑ́Ꞌ sɛ̂ndúŋ-nɛpʉ́ʉ ɡɛ pɛkŋɛ tíi pɔ ndɔɔ lɑ́, Kɛlístɔ kɑ tɔ́ ŋ́ɡɛ pɛkŋɛ luk ndɔɔ ɛ̂yɑ́. A kɑ jɛ́p ńtíi ḿbiꞋ, ńtsʉ́Ꞌ ŋɡɑŋ ndɔɔ mbíꞋ wɛkŋɛ. Pɛ́ cú mbíꞋŋɡɔ pɛ́ kɑ ŋwɑꞋnɛ ŋɡɔ: Ndɔɔ tú-ŋu ẅí pɛ́ kẅiinɛ wɛ́ nǔu tʉ́.

Ŋɡɑlɑ̂t 3:24

Nɛpʉ́ʉ kɑ lɔk ḿbɔ́ pɑ́Ꞌ ŋu ẅí Sɛ́ kɑ túunɛ ɑ pɔ́ ńdíŋɛ wɛ́k tɛ ŋ́kúu ŋkɑ́ yi Kɛlístɔ kɑ tɔ́nɛ nɛpɔ́ yi pɛk ɡʉ ńzɑ́p tʉ́m nǔu wɛ́; Sɛ́ lɔk pɔ́Ꞌɔ, ńtsʉ́Ꞌ ńdíŋɛ wɛ́k pɔ pɑ́Ꞌ pʉɔ pi pɔ́p ndʉ́ŋndʉŋ mbi yɛ́ lɑ.