Jɑ̂ŋ 5:36 - Kɑɑ Fí

³⁶ Lɑ́ mɔ, ŋ kɛ́ ḿbɔ́ pɑ́Ꞌɑ ŋ́ɡẅɛɛ yɛcɔ́ nu yí ɛ́ tsɑnɛ yɛ́ Jɑ̂ŋ: MɛfɑꞋ mí Tɑ̌ɑ mɔ kɑ ɡɑ́nɛ ŋɡɔ ɛ fɑꞋ, kwɑꞋ mɛfɑꞋ ɛ̂mɑ́ nyɛtnɛ ŋɡɔ Tɑ̌ɑ mɔ kɑ túunɛ wɑ́ɑ.

Jɑ̂ŋ 5:36 Marejeleo ya Msalaba

Mɑtʉ̈ɔ 11:4

Pɔ́p ɡʉ ńjʉ́ɔ Yɛ́su, ɑ pʉ̈ɔt mbɔ̌ pɔ́p ŋɡɔ: «Pʉʉ ɡʉ ḿbɛ́ɛtɛ yúu mi pʉʉ zúꞋnɛ mbɑ yi pʉʉ jʉ́ɔnɛ ɛ́sẅíi Jɑ̂ŋ,

Lúkɑ́shi 2:49

A pʉ̈ɔt mbɔ̌ pɔ́p ŋɡɔ: «Pʉʉ pɛn ńdɔ́ɔ wɑ́ɑ pɔ́Ꞌɔ, mɛlɑ́Ꞌ ku? Pʉʉ kɑ́ pɔ́ ńjí ŋɡɔ ɛ́ pɔ́ŋ ɛ shɛp mɛnu-Tɑ̌ɑ mɔ pɔ́ ɔɔ?»

Jɑ̂ŋ 10:25

Yɛ́su pʉ̈ɔt mbɔ̌ pɔ́p ŋɡɔ: «Mɔ ńdɑ́Ꞌ mɔ́ ɛ́sẅíi wʉ́ʉ, lɑ́ pʉʉ pɔɔ ḿbɔ́ ḿbɛ́m pɔ́. MɛfɑꞋ mí mɔ sɛ́ ńdɔk lík-Tɑ̌ɑ mɔ ŋ́ɡɛ ńdɛꞋlɛ ŋu ẅí mɔ jʉ́.

Jɑ̂ŋ 11:37

Pɛcɔ́ ntɑ́Ꞌ pʉɔ tsɛtsɛt pɔ́p pɔ́ ńcú yɔ́p pɔ ŋɡɔ: «Jʉ́ ẅi ɑ kɑ ŋíɛꞋnɛ mík-pɛfʉ, kʉ̈ɔ́ kɑ ɡɛnɛ, ɑ pɔɔ kuꞋ nɛɡɛ wɔ ŋu pɔɔ pfú pɔ́ ɔɔ?»

Jɑ̂ŋ 15:24

«Mɔ ḿbɔ́ pɛ́Ꞌnɛ ŋ́kɛ́ mbɔɔ ɡɛ mɛfɑꞋ mí wɛcɔ́ ŋu ŋkɑɑ zɛɛ ŋ́ɡɛ tsɛtsɛt pɔ́p pɔ́ pɔ́, mbɔ pɔ́p ŋkɑɑ ɡẅɛɛ mɛnu kɛpɔŋ pɔ́. Lɑ́ ɛ́ nǔu ŋkɔ̂ɔnɛ yí pɔ́p jʉ́ɔnɛ lɑ́, pɔ́p kɛ́ ḿbɛn ḿbɔ́ ḿbɑɑ wɑ́ɑ pɑɑnɛ mbɑ Tɑ̌ɑ mɔ.»

Jɑ̂ŋ 17:4

Ŋ kɑ ɡɛ pɛ́ jʉ́ɔ nɛɡúꞋ wu ndǔ tsɛ́tsɑ́Ꞌ. M mɛk fɑꞋ yí ɔ kɑ ɡɑ́nɛ mbɔ̌ mɔ.

Jɑ̂ŋ 2:23

Yɛ́su pɛ́t ḿbɔ́ pɔ Yɛlúsɑlɛm, pɛ́ pɔ́ ńjʉ́ ndínɑ-pɑ́skɑ-pɑyúdɑ, lɑ́Ꞌ jʉ́ɔ mɛnu mɑ̌ɑmɑɑnɛ mi ɑ ɡɛnɛ, pʉɔ tɛ ńzɑ́ɑ zɑ́p tʉ́m nǔu wɛ́.

Jɑ̂ŋ 3:17

Mbɑ pɔ́Ꞌɔ, Sɛ́ ŋkɑɑ zɛɛ ńtúu Mɔ́ɔ nɛ ndǔmbí ŋɡɔ ɑ ɡʉ ŋ́ŋɑk pʉɔmɛsɔŋ pɔ́. A kɑ túu wɛ́ nɛpɔ́ yi ɑ ɡʉ ŋ́ɡʉ ŋ́ɡɛ pʉɔmɛsɔŋ luk.

Jɑ̂ŋ 3:2

A ɡɛ ńtɔ́ yɛcɔ́ nɛtúꞋ, ńjʉ́ɔ Yɛ́su, ńcú mbɔ̌ wɛ́ ŋɡɔ: «Cícɑ, pɛk jí ŋɡɔ Sɛ́ kɑ túunɛ wú ŋɡɔ ɔ ɡʉ ńzíꞋ pʉɔ nɛ́ yúu. MbíꞋŋɡɔ ɛ́ lɑɑ ḿbɔ́ ŋu pɔɔ ɡɛ mɛnu mɑ̌ɑmɑɑnɛ mi ɔ ɡɛnɛ lɑɑ kɛ́ pɔ́ yi Sɛ́ túunɛ wɛ́ pɔ́.»

Jɑ̂ŋ 4:34

Yɛ́su cú mbɔ̌ pɔ́p ŋɡɔ: «Yɑ́ɑ yúujʉ́ pɔ́ pɔ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, mbɑ nɛmɛkŋɛ fɑꞋ yí ɑ kɑ ɡɑ́nɛ mbɔ̌ mɔ.»

Jɑ̂ŋ 5:32

Ŋu ndɛꞋ cúnɛ nu yí ɑ jínɛ nǔu mɔ, m bɛn ḿbɔ́ ńjí ŋɡɔ nu yí ɑ cúnɛ nǔu mɔ ɛ́ nɛ́nẅín.

ŊwɑꞋnɛ-Gɑŋntúu Yɛ́su Kɛlístɔ 2:22

Pyɛ̂ pɛn ńcú ŋɡɔ: «Pɑíslɑyɛ̂l, pʉʉ tík mɛtúutɛ́ mʉ́ʉ ńzúꞋ nu yɔ yí mɔ ńcú lɑɑnɛ. Yɛ́su mɔ́ɔ-Nɑ̌zɑlɛt, ɑ pɑꞋnɛ ḿbɔ́ ŋu ẅí Sɛ́ kɑ tsuŋnɛ ńnyɛt mbɔ̌ pʉʉ ŋɡɔ jʉ́ kɑ túunɛ wɛ́. A kɑ lɔk pɑ́Ꞌ ɑ kɑ lɛɛnɛ nǔu wɛ́ ŋ́ɡɛ mɛnu mɑ̌ɑmɑɑnɛ tsɛtsɛt pʉʉ, ŋ́ɡɛ ndɑɑkɑ́jʉ́ɔ, ḿbɛn ńnyɛt wʉ́ʉ nɛ́ mɛlii-mɛnu ntɛ́ nɛ́ ntɛ́. Tɛ pʉʉ tsuŋ ḿbɔ́ ńjí.

1 Jɑ̂ŋ 5:9

Pʉɔmɛ́sɔŋ cú yúu mi pɔ́p jínɛ nǔu nu, pɛkŋɛ zúꞋ ḿbɛ́m ŋɡɔ ɛ́ nu nɛ́nẅín. Yúu mi Sɛ́ cúnɛ nǔu nu ɛ́ pɛn ńdɛɛ yi pʉɔmɛsɔŋ cúnɛ. A lɔk mɛnu mɛ́ntɑ́t mîmɑ́, ńcú nu nǔu nu-Mɔ́ɔ nɛ.