Jɑ̂ŋ 4:48 - Kɑɑ Fí

⁴⁸ Yɛ́su cú mbɔ̌ wɛ́ ŋɡɔ: «Pʉʉ lɑɑ mbɔɔ jʉ́ɔ mɛnu mɑ̌ɑmɑɑnɛ mi ɛ́ nyɛtnɛ mɛtʉʉ-Sɛ́ pɔ́, pɔ́p mɛŋkʉꞋnɛ nu pɔ́, pʉʉ pɔɔ lɑ́Ꞌ ńzɑ́p tʉ́m nǔu mɔ pɔ́!»

Jɑ̂ŋ 4:48 Marejeleo ya Msalaba

Mɑtʉ̈ɔ 16:1

Pɑfɑlísɑy pɔ́p pɑsɑdukɑy tɔ́ ńzẅíꞋ ntsu-Yɛ́su, ḿbíkŋɛ wɛ́ ŋɡɔ ɑ ɡɛ tɑ́Ꞌ ŋkʉꞋnɛ nu yí ɛ́ nyɛtnɛ ŋɡɔ Sɛ́ túunɛ wɛ́.

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɑtʉ̈ɔ 27:42

«A kɑ ɡɛ pɛcɔ́ pʉɔ luk, lɑ́ ɑ kɑ́ kuꞋ nɛcẅɛ́ɛ yɛ́ tú mbɔ̌ nɛvú pɔ́! A lɑɑ ḿbɔ́ fɔɔ-pɑíslɑyɛ̂l, ɑ ɛ́fú nǔu tʉ́ mbɑ́ŋtɛ pɑ́ŋtɛ́nɛ ŋkɔ̂ɔnɛ ḿpfúu pɛk jʉ́ɔ, ńzɑ́p tʉ́m yʉ́k nǔu wɛ́.

Mɑ́lɛ́kúshi 13:22

Mbíꞌŋɡɔ ɡɑŋ-cɔtnu ɡʉ ŋ́ɡɛ ńcẅɛt, pɛcɔ́ cú ŋɡɔ: «Mɔ nzɑ́Ꞌŋkʉ Sɛ́ kɑ kɑꞋnɛ, pɛcɔ́ pɔ́ ŋɡɔ pɔ́p pɛŋɡɛ́mndʉ̈ɔꞋ-Sɛ́, ńnyɛt mɛlii, ŋ́ɡɛ mɛŋkʉꞋnɛ mɛnu nɛlɔk ḿbʉ́ʉpɛ tú-pʉɔ, tɛ ḿbɔ́ mbɔ pɔ́p lɔk ḿbʉ́ʉpɛ mbɑ yɛ pʉɔ pi Sɛ́ kɑ tsɔ́Ꞌnɛ.

Lúkɑ́shi 10:18

Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ sẅíi nu, n dɑ́Ꞌ ḿbɔ́ ńdíŋɛ, ńjʉ́ɔ pɑꞋ Sɑ́ttɑ ŋwɑŋɛ́nɛ pɑꞋ mɛnɛ́ɛ-mbʉŋ lɑ́, ɛ́fú tʉ́nɛ́pú ńtsɔ́Ꞌnɛ ḿvu sɛ́.

Lúkɑ́shi 16:31

Lɑ́ Ábɛlɛhɑ̂m cú mbɔ̌ wɛ́ ŋɡɔ: «Pɔ́p lɑɑ ḿbɔɔ zúꞋ sẅiŋɛ-Mɔ̌sɛ̂ɛ mbɑ yi pɛŋɡɛ́mndʉ̈ɔ́Ꞌ-Sɛ́ pɔ́, mbɔ ŋu lɑɑ ńzɛɛ ńzẅíimɛ zẅíimɛnɛ, ńtɔ́ ɛ́sẅíi wɔ́p pɔ kʉ̈ɔ́ lɑ́, mbɔ pɔ́p kɛ́ pɛ́m.»

Jɑ̂ŋ 12:37

Yɛ́su kɑ pɔ́ ŋ́ɡɛ mɛnu mɑɑnɛ tɛꞋ mbi pʉɔ lɑ́, pɔ́p kɛ́ mbɔɔ ńzɑ́p tʉ́m nǔu wɛ́ pɔ́.

Jɑ̂ŋ 15:24

«Mɔ ḿbɔ́ pɛ́Ꞌnɛ ŋ́kɛ́ mbɔɔ ɡɛ mɛfɑꞋ mí wɛcɔ́ ŋu ŋkɑɑ zɛɛ ŋ́ɡɛ tsɛtsɛt pɔ́p pɔ́ pɔ́, mbɔ pɔ́p ŋkɑɑ ɡẅɛɛ mɛnu kɛpɔŋ pɔ́. Lɑ́ ɛ́ nǔu ŋkɔ̂ɔnɛ yí pɔ́p jʉ́ɔnɛ lɑ́, pɔ́p kɛ́ ḿbɛn ḿbɔ́ ḿbɑɑ wɑ́ɑ pɑɑnɛ mbɑ Tɑ̌ɑ mɔ.»

Jɑ̂ŋ 2:18

Pɑsɑ́Ꞌlɑ́Ꞌ-pɑyúdɑ ɡɔ́ɔ ŋ́kɛ́ ńcú mbɔ̌ Yɛ́su ŋɡɔ: «Gɛ ndɑɑkɑ́jʉ́ɔ nu mbi pɛk ńdɔk ńnyɛt wɛ́k ŋɡɔ pɛ́ kɑ ɡɑ́ wú nɛ́ mɛtʉʉ nɛɡɛ yúu mi ɔ ɡɛnɛ lɑɑ.»

Jɑ̂ŋ 20:29

Yɛ́su tsɔ́Ꞌ mbɔ̌ wɛ́ ŋɡɔ: «Ɔ ɡɔ́ɔ ŋ́kɛ́ ḿbɛ́m, mbíꞋŋɡɔ ɔ jʉ́ɔ wɑ́ɑ. Pɛpɔ́ttú sʉ́Ꞌnɛ pʉɔ pínɛ pɔ́p pɛ́m kɛ zɛɛ ńjʉ́ɔ.»

Jɑ̂ŋ 4:49

ŊɡɑŋfɑꞋ-ŋɡɔ́mnɑɑ ɛ̂wɑ́ cú mbɔ̌ wɛ́ ŋɡɔ: «Sɛ́sẅíi, Ndɛ, cúŋ ńjʉ́ɔ mɔ́ɔ wɑɑ lɑ ɑ pfú.»

ŊwɑꞋnɛ-Gɑŋntúu Yɛ́su Kɛlístɔ 14:3

Tɛ ŋ́ɡɛ pɔ ŋɡɔ́ku lɑ́, Pɔ̂l pɔ́p Pɑnɛpɑ́ɑshi zɛ ńnɑ́ŋ Ikɔnyɔm, ńtík pɔ Tsɑpʉɔ mbi, ḿbɔ́ ńdɛɛ lɛɛnɛ ńcú mbɔ̌ pʉɔ ŋɡɔ Tsɑpʉɔ kɔŋ wɔ́p. Tsɑpʉɔ pɛn ḿbɔ́ ńdɛɛ nǔu mɛnu mɑ̌ɑmɑɑnɛ nɛ́ ŋkʉꞋnɛ mɛnu mi ɑ lɔknɛ wɔ́p ŋ́ɡɛ, ńnyɛt ŋɡɔ nu yí pɔ́p cúnɛ nǔu pɑ́Ꞌ Yɛ́su kɑ ɡɑ́nɛ fu níinɛ-pʉɔ, ɛ́ nɛ́nẅín.

ŊwɑꞋnɛ-Gɑŋntúu Yɛ́su Kɛlístɔ 15:12

Pyɛ̂ cú tɛ ḿbɔ́tnɛ ńnɑ́ŋ, pʉɔ tsʉʉ nɑ́Ꞌ. Pɛ́ tsʉ́Ꞌ ńzẅíꞋlɛ pɔ nu yi Pɑnɛpɑ́ɑshi pɔ́p Pɔ̂l cúnɛ. Pɔ́p pɔ́ ḿbɛ́ɛtɛ mɛnu mɑ̌ɑmɑɑnɛ pɔ́p mɛŋkʉꞋnɛ mɛnu mi Sɛ́ kɑ lɔknɛ wɔ́p ŋ́ɡɛ, tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 2:19

Mɔ ńdɑ́Ꞌ ŋ́ɡɛ ndɑɑkɑ́jʉ́ɔ nu cẅɛt tʉ́nɛ́pú. Mɛnu mɑ̌ɑmɑɑnɛ cẅɛt ndǔ tsɛ́tsɑ́Ꞌ. Pɛ́ jʉ́ɔ mɛci, ńjʉ́ɔ múk, ńjʉ́ɔ pɑ́Ꞌ ndíndí lɑ́ɑmɛ́nɛ,

ŊwɑꞋnɛ-Gɑŋntúu Yɛ́su Kɛlístɔ 2:22

Pyɛ̂ pɛn ńcú ŋɡɔ: «Pɑíslɑyɛ̂l, pʉʉ tík mɛtúutɛ́ mʉ́ʉ ńzúꞋ nu yɔ yí mɔ ńcú lɑɑnɛ. Yɛ́su mɔ́ɔ-Nɑ̌zɑlɛt, ɑ pɑꞋnɛ ḿbɔ́ ŋu ẅí Sɛ́ kɑ tsuŋnɛ ńnyɛt mbɔ̌ pʉʉ ŋɡɔ jʉ́ kɑ túunɛ wɛ́. A kɑ lɔk pɑ́Ꞌ ɑ kɑ lɛɛnɛ nǔu wɛ́ ŋ́ɡɛ mɛnu mɑ̌ɑmɑɑnɛ tsɛtsɛt pʉʉ, ŋ́ɡɛ ndɑɑkɑ́jʉ́ɔ, ḿbɛn ńnyɛt wʉ́ʉ nɛ́ mɛlii-mɛnu ntɛ́ nɛ́ ntɛ́. Tɛ pʉʉ tsuŋ ḿbɔ́ ńjí.

ŊwɑꞋnɛ-Gɑŋntúu Yɛ́su Kɛlístɔ 2:43

Sɛ́ kɑ pɔ́ ńdɔk ɡɑŋntúu ŋ́ɡɛ mɛnu mɑ̌ɑmɑɑnɛ mbɑ mɛŋkʉꞋnɛ mɛnu. Pʉɔ tsʉʉ jʉ́ɔ pɔ́Ꞌɔ, ŋ́ɡɑ́ mɛkuꞋ Sɛ́.

ŊwɑꞋnɛ-Gɑŋntúu Yɛ́su Kɛlístɔ 4:30

Sɛn pɔ́ yú nɛlɔk ŋ́ɡɛ pʉɔ fíitɛ, nɛlɔk ŋ́ɡɛ mɛnu mɑ̌ɑmɑɑnɛ pɔ́p mɛŋkʉꞋnɛ nǔu lík-Yɛ́su, ŋɡɑŋfɑꞋ wu ẅí ɔ kɑ tsɔ́Ꞌnɛ.»

ŊwɑꞋnɛ-Gɑŋntúu Yɛ́su Kɛlístɔ 5:12

Gɑŋntúu kɑ pɔ́ ŋ́ɡɛ mɛnu mɑ̌ɑmɑɑnɛ pɔ́p mɛŋkʉꞋnɛ mɛnu mɛntɛ́ mɛntɛ́ tsɛtsɛt lɑ́Ꞌ. Pɔ́p pʉɔ-Kɛlístɔ pɛtsʉʉ kɑ pɔ́ ńtɔ́ ńcúꞋlɛ nǔu zʉꞋ yí pɛ́ kɑ pɔ́ ɛ́fúŋ ŋɡɔ tɛtɑ́ɑ-Sɑlɛmɔ.

ŊwɑꞋnɛ-Gɑŋntúu Yɛ́su Kɛlístɔ 6:8

Ɛtiyɛ̂n ẅí pɛ́ kɑ tsɔ́Ꞌnɛ wɛ́ lɑ́, ɑ m̄bɔ́ ŋu, mbɔ Sɛ́ kɑ tẅiktɛ pɔ́ yɛ́, ḿbɔ́ ŋ́ɡɑ́ wɛ́ nɛ́ mɛtʉʉ. A lɔk ŋ́ɡɛ mɛŋkʉꞋnɛ mɛnu pɔ́p mɛnu mɑ̌ɑmɑɑnɛ tsɛtsɛt pʉɔ.

ŊwɑꞋnɛ-Gɑŋntúu Yɛ́su Kɛlístɔ 7:36

Mɔ̌sɛ̂ɛ ɛ̂wɑ́ kɑ ɡʉ tɛ ŋ́kúu ŋɡɔŋ-Ɛɡíptɔ, ŋ́ɡɛ mɛŋkʉꞋnɛ nu, pɔ́p mɛnu mɑ̌ɑmɑɑnɛ. Jʉ́ ɡɔ́ɔnɛ ŋ́kɛ́ ŋ́ɡɛ ɛ́fú zúꞋu ńcẅɛɛtɛ wɔ́p, ḿbɛn ŋ́ɡɛ mɛcɔ́ mɛnu mɑ̌ɑmɑɑnɛ mbʉʉ pɑŋ ŋki, ńtɔ́ kɔ̂ŋtɛt, ŋ́ɡɛ yúu ŋɡuꞋ mɛɡɛ́mɛ́nɛ́kwɑ.

Pʉɔ-Lɔ́mɑ 15:19

ńdɛɛ nǔu mɛlii-mɛnu pɔ́p mɛnu mɑ̌ɑmɑɑnɛ, ḿbɛn ńdɛɛ nǔu mɛtʉʉ-Zẅikŋɛ-Sɛ́. Yɔ ntɛ́ yi ŋ kɑ lɔknɛ ńniitɛ ńcẅi Ŋkʉʉ Sʉ́Ꞌnɛ-Kɛlístɔ zʉꞋ tsʉʉ, nɛfú Yɛlúsɑlɛm ŋ́ɡʉ ŋ́kúu Ilylî.

1 Kɔlɛ̂ŋtɛ 1:22

Pɑyúdɑ nǔu yɔ́p ɡúŋ ḿbɔ́ ḿbíkŋɛ ŋɡɔ pɛ́ nyɛt yúu mi ɛ́ lɛ́Ꞌlɛ́nɛ mɛtʉʉ-Sɛ́. Pʉɔ-Ŋɡɛlɛ́k pɔ́ ḿbíkŋɛ yúu mi ɛ́ lɛ́Ꞌlɛ́nɛ kwɑꞋ jínu.

2 Kɔlɛ̂ŋtɛ 12:12

Ɛ́ kɑ pɔ́ ŋkɑ́ yi ŋ kɑ pɔ́nɛ tsɛtsɛt pʉʉ, pʉʉ tsuŋ ńjʉ́ɔ mɛlii mi ɛ́ lɛꞋlɛ́nɛ ŋɡɔ mɔ kwɑꞋ ŋɡɑŋntúu-Yɛ́su Kɛlístɔ. Ɛ́ pɔ́ pɑ́Ꞌ yîyɑ́ ŋɡʉ̈ɔ́Ꞌ pɔ́ ḿbɔ́ ŋ́kúu wɑ́ɑ ɛ sʉk sʉknɛ, ɛ́ pɔ́ pɑ́Ꞌ pʉʉ jʉ́ɔnɛ mɛlii-mɛnu mɑ̌ɑmɑɑnɛ, ḿbɛn ńjʉ́ɔ ndɑɑkɑ́jʉ́ɔ mɛnu.

2 Tɛsɑlɔník 2:9

Fɔɔ-mɛnu kɛpɔŋ ɡʉ ńdɑ́Ꞌ ŋ́ɡɔ ńtɔ́, Sɑ́ttɑ níꞋ mɛtʉʉ mɛ́ nǔu wɛ́, ɑ lɔk ŋ́ɡɛ mɛnu mɑ̌ɑmɑɑnɛ pɔ́p ndɑɑkɑ́jʉ́ɔ mɛnu mɛntɛ́ mɛntɛ́, ńdɔk ɛ́fúklɛ pʉɔ.

Ɛ́bɛlʉʉ 2:4

Sɛ́ pɛn ńtɔ́ɔtɛ wɔ́p nǔu nu yi pɔ́p sɛ́ ńcú, ńdɛɛ nǔu mɛlii, pɔ́p mɛnu mɑ̌ɑmɑɑnɛ, pɔ́p mɛndɑɑkɑ́jʉɔ́ mɛntɛ́ mɛntɛ́, ḿbɛn ńdɛɛ nǔu mɛfɑꞋ mi ɑ zɑ́pnɛ nǔu wɛ́ nɛkɔŋtɛ ŋɡɔ Zẅikŋɛ Lɛ́ɛnɛ́nɛ ɡʉ ŋ́ɡɑ́ fuꞋ níinɛ-pʉɔ pɔ́p kuꞋ nɛfɑꞋ.