Jɑ̂ŋ 20:26 - Kɑɑ Fí

²⁶ Ɛ́ ɡɛ ńdɛɛ lɛ́Ꞌ pɛ́nɛ́fɔ́m, ɡɑŋku-Yɛ́su pɛn ńcúꞋlɛ sɛ́, Tɔmɑ́shi pɔ́ yɛ́ tsɛtsɛt pɔ́p, ɛ́ ɡɔ́ ḿbɔ́, mbɔ pɔ́p jʉ́ɔꞋ mɛntsu-ndɑ́, Yɛ́su cẅɛt ńtʉ́ʉ tsɛtsɛt pɔ́p ńcú mbɔ̌ pɔ́p ŋɡɔ: «Mbɔ́tnɛ pɔ́ nɛ́ pʉʉ.»

Jɑ̂ŋ 20:26 Marejeleo ya Msalaba

Mɑtʉ̈ɔ 17:1

Ɛ́ lɛɛ lɛ́Ꞌ pɛ́nɛ́ntúkú, Yɛ́su fɑk Pyɛ̂, ŋ́ɡɛ Jɑ̂k, nɛ́ Jɑ̂ŋ ɑ pɔ́ mɔ́ɔmɑ́ pɛ́ Jɑ̂k, ńdɔk wɔ́p ŋ́ɡʉ ŋ́kɔ́Ꞌ ndǔ nɛcɔ́ mɑ́mɑ́ nɛŋkɔ́Ꞌ. Pɔ́p pɛ́pɔ́p pɔ́ zúꞋu zɛnɛ pɔ́p.

Mɑ́lɛ́kúshi 16:14

Ŋ́ɡɔ́ ńdẅiklɛYɛ́su ɡɛ ḿbɛn ńnyɛt mbʉʉ yɛ mbɔ̌ ɡɑŋku pɛ́ ntsɔ̌pmɔꞋ nɛ́ nɛɡɛ́m pɛ́tsʉʉ. Pɔ́p pɔ́ ndɑ́ ŋ́kwɛ́t yúu. A kɑkŋɛ wɔ́p nǔu pɑ́Ꞌ pɔ́p lɑ́Ꞌ mbɔɔ pɛ́m, ḿbɛn ńdʉꞋ mbɑ nɛpɛ́m nu ntsu-pʉɔ pí ɑ zẅíimɛ́nɛ ńnyɛt mbʉʉ yɛ mbɔ̌ pɔ́p pɔ́.

Lúkɑ́shi 24:36

Pɔ́p pɛ́t ɛ́sẅíŋɛ sẅiŋɛnɛ, Yɛ́su ɡɔ́ɔ ńcẅɛt ńtʉ́ʉ tsɛtsɛt pɔ́p, ńcɛꞋlɛ wɔ́p ŋɡɔ: «Mbɔ́tnɛ pɔ́ nɛ́ pʉʉ!»

Lúkɑ́shi 9:28

Yɛ́su cú yɔ nu, ɛ́ ɡɛ ḿbɔ́ lɛ́Ꞌ pɛ́nɛ́fɔ́m, ɑ fɑk Pyɛ̂ ŋ́ɡɛ Jɑ̂ŋ pɔ́p Jɑ̂k, pɔ́p pɛpɔ́p kɔ́Ꞌ ndǔ nɛcɔ́ nɛŋkɔ́Ꞌ pɑꞋ ɑ ɡɛ ńcɛꞋlɛ Sɛ́;

Jɑ̂ŋ 11:16

Tɔ́mɑ́shi ẅí pɛ́ kɑ pɔ́ ḿbɛn ɛ́fúŋ wɛ́ ŋɡɔ mɔ́ɔnɛfɑ́k, cú mbɔ̌ pɛcɔ́ ɡɑŋku-Yɛ́su ŋɡɔ: «Pʉʉ tɔ́ pɛkŋɛ pɔ́p ɡʉ, ńtɛmtɛ ḿpfú.»

Jɑ̂ŋ 14:27

«Kɔɔ pʉʉ tsʉꞋ nzʉʉ tʉ́m yʉ́ʉ pɛn ḿvukŋɛ, kɔɔ pʉʉ cʉɔꞌ. Ŋ ɡʉ ńníꞋ mbɔ́tnɛ tsɛt tʉ́m yʉ́ʉ, ɛ́ pɔ́ mbɔ́tnɛ yi ɛ́ fúnɛ nǔu mɔ, ɛ́ kɑ́ pɔ́ yi pɛ́ lɔɔnɛ ndǔ yɔ mbí pɔ́.»

Jɑ̂ŋ 20:19

Ɛ́ pɔ́ ŋkɑ́ ntsuŋkẅɛ́Ꞌ, pɔ lɛ́Ꞌ ɛ̂yɑ́ yi ɛ́ kɑ pɔ́ sɔ́ndii, nduŋmbi lɛ́Ꞌlɑ́Ꞌ nǔu ŋɡɑp lɑ́Ꞌ, ɡɑŋku-Yɛ́su nɑ́ŋ ndɑ́, mbɔ pɔ́p lɑ́Ꞌ ńjʉ́ɔꞋ ntsundɑ́, ḿbɔ́k Pɑyúdɑ. Yɛ́su cẅɛt ńtʉ́ʉ tsɛtsɛt pɔ́p, ńcú nɛ́ pɔ́p ŋɡɔ: «Mbɔ́tnɛ pɔ́ nɛ́ pʉʉ.»

Jɑ̂ŋ 20:21

Yɛ́su pɛn ńcú mbɔ̌ pɔ́p ŋɡɔ: «Mbɔ́tnɛ pɔ́ nɛ́ pʉʉ. Pɑ́Ꞌ Tɑ̌ɑ kɑ túunɛ wɑ́ɑ lɑ́, mɔ ńtúu wʉ́ʉ ɡúu.»

Jɑ̂ŋ 21:1

Yɛ́su ɡɛ ḿbɛn ńnyɛt mbʉʉ yɛ́ mbɔ̌ ɡɑŋku pɛ́. Ɛ́ ɡɔ́ ḿbɔ́ pɔ́p pɔ́ nɛpɑt ŋki-Tibɛlíyɑ́dɛ. Yúu mi ɛ́ kɑ lɛɛnɛ ɛ́ pʉ́ɔ.

Jɑ̂ŋ 21:14

Yɛ́su nyɛt mbʉʉ yɛ́ mbɔ̌ ɡɑŋku pɛ́ pɑ́Ꞌnɛ, ɛ́ lɔk ḿbɔ́ ŋkɑ́ yɛ́tɑ́t pɑ́Ꞌ ɑ cẅɛtnɛ mbi pɔ́p tɛ ɛ́fú pɑ́Ꞌ ɑ kɑ zẅímɛ́nɛ nǔu nɛvú.

ŊwɑꞋnɛ-Gɑŋntúu Yɛ́su Kɛlístɔ 1:3

A kɑ jʉ́ɔ ŋɡʉ̈ɔ́Ꞌ lɑ ḿpfú, ŋ́ɡɛ ńzẅíimɛ nǔu nɛvú, ńdɔk mɛntɛ́ tɛ ńzɑ́ɑ, ńnyɛt mbʉʉ yɛ mbɔ̌ pɔ́p, ŋɡɔ ɑ ɡú, tɛ mbɔ ɛ́ pɔ́ pɔ́p pɔɔ pɛn ḿmʉꞋlɛ pɔ́, ńcẅɛt mbi pɔ́p cẅɛtnɛ nǔu mɛlɛ́Ꞌ mɛɡɛ́mɛ́nɛ́kwɑ, ḿbɔ́ ɛ́sẅíi wɔ́p nɛ́ nu nǔu nu-nɛfɔɔ-Sɛ́.