Jɑ̂ŋ 20:25 - Kɑɑ Fí

²⁵ A ɡɛ ńtɔ́, ɡɑŋku-Yɛ́su cú mbɔ̌ wɛ́ ŋɡɔ: «Pɛk lɑ́Ꞌ ńjʉ́ɔ Tsɑpʉɔ.» Tɔmɑ́shi tsɔ́Ꞌ mbɔ̌ pɔ́p ŋɡɔ: «Ŋ dɑɑ ḿbɛ́t kɛ́ jʉ́ɔ cʉ́ fʉ́ŋ yi mɛmbɑŋ kɑ ńníꞋnɛ nǔu mbɔ́ mɛ́ pɔ́, ḿbɛ́t kɛ́ ɛ́sɔ́klɛ tɔ̂pɔ́ wɑɑ nǔu zʉꞋ mɛmbɑŋ, ḿbɛ́t kɛ́ ɛ́sɔ́klɛ pɔ́ yɑ́ɑ nǔu ɡúŋ ŋɡíi wɛ́ pɔ́, m bɔɔ pɛ́m.»

Jɑ̂ŋ 20:25 Marejeleo ya Msalaba

Mɑtʉ̈ɔ 27:42

«A kɑ ɡɛ pɛcɔ́ pʉɔ luk, lɑ́ ɑ kɑ́ kuꞋ nɛcẅɛ́ɛ yɛ́ tú mbɔ̌ nɛvú pɔ́! A lɑɑ ḿbɔ́ fɔɔ-pɑíslɑyɛ̂l, ɑ ɛ́fú nǔu tʉ́ mbɑ́ŋtɛ pɑ́ŋtɛ́nɛ ŋkɔ̂ɔnɛ ḿpfúu pɛk jʉ́ɔ, ńzɑ́p tʉ́m yʉ́k nǔu wɛ́.

Mɑ́lɛ́kúshi 16:11

Pɔ́p zúꞋ ŋɡɔ ɑ zẅíimɛ nǔu nɛvú tɛ Mɑlíyɑ jʉ́ɔ wɛ́ ɑ pɔ́ pɔ ntʉʉ, pɔ́p pɔɔ pɛ́m.

Mɑ́lɛ́kúshi 16:13

Pɔ́p jʉ́ɔ wɛ́ pɔ́Ꞌɔ, ḿbɛn nzʉʉ ɛ́sẅíi pɛcɔ́ pʉɔ, pɔ́p pɛn ŋ́kɛ́ mbɔɔ yɔ́p pɛ́m.

Mɑ́lɛ́kúshi 16:14

Ŋ́ɡɔ́ ńdẅiklɛYɛ́su ɡɛ ḿbɛn ńnyɛt mbʉʉ yɛ mbɔ̌ ɡɑŋku pɛ́ ntsɔ̌pmɔꞋ nɛ́ nɛɡɛ́m pɛ́tsʉʉ. Pɔ́p pɔ́ ndɑ́ ŋ́kwɛ́t yúu. A kɑkŋɛ wɔ́p nǔu pɑ́Ꞌ pɔ́p lɑ́Ꞌ mbɔɔ pɛ́m, ḿbɛn ńdʉꞋ mbɑ nɛpɛ́m nu ntsu-pʉɔ pí ɑ zẅíimɛ́nɛ ńnyɛt mbʉʉ yɛ mbɔ̌ pɔ́p pɔ́.

Lúkɑ́shi 24:25

Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Pʉɔ kɛ́ jínu. Pʉʉ kɑ́ pɔ́ ɛ́fɛ́Ꞌnɛ ḿbɛ́m mɛnu tsʉʉ mi pɛŋɡɛ́mndʉ̈ɔ́Ꞌ-Sɛ́ kɑ ŋwɑꞋnɛnɛ pɔ́.»

Jɑ̂ŋ 1:41

Ndɛlɛ́yɑ ɛ̂wɑ́ ɡʉ ḿbiitɛ ɛ́sẅíi mɔ́ɔmɑ́ wɛ Símɔ̂ŋ, ńcú mbɔ̌ wɛ́ ŋɡɔ: «Pɛk jʉ́ɔ Nzɑ́Ꞌŋkʉ, ẅi Sɛ́ kɑ kɑꞋnɛ ɑ pɔ́ Kɛlístɔ.»

Jɑ̂ŋ 20:27

Ńcú mbɔ̌ Tɔmɑ́shi ŋɡɔ: «Ɛ́sɔ́klɛ mɔ́ɔ tɔ̂pɔ́ wu zɑꞋnɛ. Líŋɛ mbɔ́ mɑ́ɑ. Ɛ́sɔ́klɛ pɔ́ yú, ɛ́sɔ́klɛ nǔu ɡúŋ ŋ́ɡíi wɑ́ɑ. Kɔɔ pɛn ḿmʉ́Ꞌtɛ, pɛ́m ŋɡɔ ɑ kwɑꞋ mɔ.»

Jɑ̂ŋ 21:7

Ŋɡɑŋku ẅí Yɛ́su kɑ pɔ́ ŋ́kɔŋ wɛ́ tɛꞋ cú mbɔ̌ pyɛ̂ ŋɡɔ: «A pɑ́Ꞌɑ ḿbɔ́ Tsɑpʉɔ!» Pyɛ̂ zúꞋ ŋɡɔ ɑ Tsɑpʉɔ, ḿbɛ́ɛ ndẅí yɛ́ yi ɑ lɑ́Ꞌnɛ ɛ́sɔt, ḿmɑꞋ, ŋ́ɡɔ́ɔ ŋ́kɛ́ ńjɛ́Ꞌ ŋ́kúu ŋki.

Jɑ̂ŋ 6:30

Pɔ́p pɑꞋ ŋɡɔ: «Nu mɑ̌ɑmɑɑnɛ yi ɔ ɡʉ ŋ́ɡɛ pʉk jʉ́ɔ fú nǔu ńzɑ́p tʉ́m nǔu ɡu ɛ́ kʉ̈ɔ́? Yúu mi ɔ ɡʉ ŋ́ɡɛ ɛ́ ku?

Ɛ́bɛlʉʉ 3:12

Pɔ́Ꞌɔ lɑ́, mbɑ̌ɑ pɔ́ɔpɛ́mɑ́ pɑ́ɑ, pʉʉ lɑk tú yʉ́ʉ, kɔɔ tʉ́m wɛcɔ́ ŋu wʉ́ʉ tɛn ndʉꞋ tɛ ɛ́fú nǔu Sɛ́ ẅí ɑ pɔ́ pɔ ɡú ńjɛ́p tʉ́m yɛ́.

Ɛ́bɛlʉʉ 3:18

A pɛn ŋ́kɑɑ nǔu nu pɛ́ wɔ̌ tɛ ńcú ŋɡɔ pɔ́p kɛ́ lɑ́Ꞌ ŋ́kúu tsɛt mɔ́fíitɛ ẅi ɑ kɑ kɑꞋnɛ mbɔ̌ pɔ́p pɔ́ ɔɔ? Ɛ́ kɑ pɔ́ nǔu nu pʉɔ pi pɔ́p kɑ tʉʉnɛ tú mbɔ̌ wɛ́.