Jɑ̂ŋ 20:19 - Kɑɑ Fí

¹⁹ Ɛ́ pɔ́ ŋkɑ́ ntsuŋkẅɛ́Ꞌ, pɔ lɛ́Ꞌ ɛ̂yɑ́ yi ɛ́ kɑ pɔ́ sɔ́ndii, nduŋmbi lɛ́Ꞌlɑ́Ꞌ nǔu ŋɡɑp lɑ́Ꞌ, ɡɑŋku-Yɛ́su nɑ́ŋ ndɑ́, mbɔ pɔ́p lɑ́Ꞌ ńjʉ́ɔꞋ ntsundɑ́, ḿbɔ́k Pɑyúdɑ. Yɛ́su cẅɛt ńtʉ́ʉ tsɛtsɛt pɔ́p, ńcú nɛ́ pɔ́p ŋɡɔ: «Mbɔ́tnɛ pɔ́ nɛ́ pʉʉ.»

Jɑ̂ŋ 20:19 Marejeleo ya Msalaba

Mɑtʉ̈ɔ 10:13

Pʉɔ pínɛ pɔ́p tsɛt yîyɑ́ ndɑ́ lɑɑ ŋ́kúkŋɛ wʉ́ʉ, mbɔ Sɛ́ ɡʉ ńníꞋ mbɔ́tnɛ nǔu pɔ́p! Lɑ́ ḿbɔ́ yi pɔ́p lɑɑ ḿbɔɔ wʉ́ʉ kúkŋɛ, mbɔ mbɔ́tnɛ yʉ́ʉ ɡʉ ḿbɛn nǔu pʉʉ.

Mɑtʉ̈ɔ 18:20

ZʉꞋ yí pʉɔ pɛ́pɑ́ kɛ pʉɔ pɛtɑ́t zúꞋu, ńcúꞋlɛ zúꞋu nǔu lík yɑ́ɑ, mbɔ ŋ ɡʉ ḿbɔ́ tsɛtsɛt pɔ́p.»

Mɑ́lɛ́kúshi 16:14

Ŋ́ɡɔ́ ńdẅiklɛYɛ́su ɡɛ ḿbɛn ńnyɛt mbʉʉ yɛ mbɔ̌ ɡɑŋku pɛ́ ntsɔ̌pmɔꞋ nɛ́ nɛɡɛ́m pɛ́tsʉʉ. Pɔ́p pɔ́ ndɑ́ ŋ́kwɛ́t yúu. A kɑkŋɛ wɔ́p nǔu pɑ́Ꞌ pɔ́p lɑ́Ꞌ mbɔɔ pɛ́m, ḿbɛn ńdʉꞋ mbɑ nɛpɛ́m nu ntsu-pʉɔ pí ɑ zẅíimɛ́nɛ ńnyɛt mbʉʉ yɛ mbɔ̌ pɔ́p pɔ́.

Jɑ̂ŋ 14:27

«Kɔɔ pʉʉ tsʉꞋ nzʉʉ tʉ́m yʉ́ʉ pɛn ḿvukŋɛ, kɔɔ pʉʉ cʉɔꞌ. Ŋ ɡʉ ńníꞋ mbɔ́tnɛ tsɛt tʉ́m yʉ́ʉ, ɛ́ pɔ́ mbɔ́tnɛ yi ɛ́ fúnɛ nǔu mɔ, ɛ́ kɑ́ pɔ́ yi pɛ́ lɔɔnɛ ndǔ yɔ mbí pɔ́.»

Jɑ̂ŋ 16:22

Ɛ́ ndʉ́ŋndʉŋ pɑ́Ꞌ pʉʉ ŋkɔ̂ɔnɛ ḿbɔ́ ḿmʉk mʉknɛ, lɑ́ ŋ ɡʉ ŋ́ɡɛ ḿbɛn ńjʉ́ɔ wʉ́ʉ, pʉʉ ɡɔ́ɔ ŋ́kɛ́ ńtsʉ́Ꞌ ńtsɑ́ɑtɛ tsɑ́ɑtɛ́nɛ. Wɛcɔ́ ŋu pɔɔ kuꞋ nɛsɑꞋ yʉ́ʉ tsɑ́ɑtɛ pɔ́.

Jɑ̂ŋ 16:33

N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.

Jɑ̂ŋ 20:21

Yɛ́su pɛn ńcú mbɔ̌ pɔ́p ŋɡɔ: «Mbɔ́tnɛ pɔ́ nɛ́ pʉʉ. Pɑ́Ꞌ Tɑ̌ɑ kɑ túunɛ wɑ́ɑ lɑ́, mɔ ńtúu wʉ́ʉ ɡúu.»

Jɑ̂ŋ 20:26

Ɛ́ ɡɛ ńdɛɛ lɛ́Ꞌ pɛ́nɛ́fɔ́m, ɡɑŋku-Yɛ́su pɛn ńcúꞋlɛ sɛ́, Tɔmɑ́shi pɔ́ yɛ́ tsɛtsɛt pɔ́p, ɛ́ ɡɔ́ ḿbɔ́, mbɔ pɔ́p jʉ́ɔꞋ mɛntsu-ndɑ́, Yɛ́su cẅɛt ńtʉ́ʉ tsɛtsɛt pɔ́p ńcú mbɔ̌ pɔ́p ŋɡɔ: «Mbɔ́tnɛ pɔ́ nɛ́ pʉʉ.»

Jɑ̂ŋ 21:1

Yɛ́su ɡɛ ḿbɛn ńnyɛt mbʉʉ yɛ́ mbɔ̌ ɡɑŋku pɛ́. Ɛ́ ɡɔ́ ḿbɔ́ pɔ́p pɔ́ nɛpɑt ŋki-Tibɛlíyɑ́dɛ. Yúu mi ɛ́ kɑ lɛɛnɛ ɛ́ pʉ́ɔ.

Jɑ̂ŋ 21:14

Yɛ́su nyɛt mbʉʉ yɛ́ mbɔ̌ ɡɑŋku pɛ́ pɑ́Ꞌnɛ, ɛ́ lɔk ḿbɔ́ ŋkɑ́ yɛ́tɑ́t pɑ́Ꞌ ɑ cẅɛtnɛ mbi pɔ́p tɛ ɛ́fú pɑ́Ꞌ ɑ kɑ zẅímɛ́nɛ nǔu nɛvú.

Jɑ̂ŋ 7:13

Lɑ́ ŋu kɛ́ ḿbɔɔ ńcú nu nǔu wɛ́ tɛ ŋɡi yɛ kɔ́Ꞌ tʉ́ pɔ́, ḿbɔ́k pɑsɑ́Ꞌlɑ́Ꞌ-pɑyúdɑ.

ŊwɑꞋnɛ-Gɑŋntúu Yɛ́su Kɛlístɔ 1:3

A kɑ jʉ́ɔ ŋɡʉ̈ɔ́Ꞌ lɑ ḿpfú, ŋ́ɡɛ ńzẅíimɛ nǔu nɛvú, ńdɔk mɛntɛ́ tɛ ńzɑ́ɑ, ńnyɛt mbʉʉ yɛ mbɔ̌ pɔ́p, ŋɡɔ ɑ ɡú, tɛ mbɔ ɛ́ pɔ́ pɔ́p pɔɔ pɛn ḿmʉꞋlɛ pɔ́, ńcẅɛt mbi pɔ́p cẅɛtnɛ nǔu mɛlɛ́Ꞌ mɛɡɛ́mɛ́nɛ́kwɑ, ḿbɔ́ ɛ́sẅíi wɔ́p nɛ́ nu nǔu nu-nɛfɔɔ-Sɛ́.

Pʉɔ-Lɔ́mɑ 15:33

Ɛ́ pɔŋ ŋɡɔ Sɛ́ ẅí ɑ ɡɑ́nɛ mɔ́fíitɛ pɔ́ ḿbɔ́ nɛ́ pʉʉ pɛtsʉʉ. Ɛ́ pɔ́Ꞌɔ.

1 Kɔlɛ̂ŋtɛ 15:5

A kɑ nyɛt mbʉʉ yɛ́ mbɔ̌ Pyɛ̂, mbɑ mbɔ̌ pɛcɔ́ ɡɑŋku pɛ́ nǔu pʉɔ ntsɔ̌ppɑ́,

Ɛ́fɛ̂zɛ 2:14

Kɛlístɔ kɑ pfú ńdɔk ńtɑ́ktɛ tɑ́ɑŋkɑ́Ꞌ ẅi ɛ́ ḿbɔ́ ɛ́fyɑk wɛkŋɛ. Pɛkŋɛ lúꞋnɛ pɔ wɛ́ ŋ́ɡẅɛɛ mbɔ́tnɛ tsɛtsɛt pɛkŋɛ. Mbɔ ɛ́ kɑ pɔ́ ŋkɑ́mbi pɑyúdɑ pɔ́p pɑtúu pɔ́ pɔ pɛɡɑŋmbuu. A kɑ kɛ́mɔ́ ńtɛmtɛ wɛkŋɛ ńdɔk wɛkŋɛ ŋ́ɡɛ pʉɔ tɑ́Ꞌ ŋu.

Ɛ́fɛ̂zɛ 6:23

Sɛ́ Tɑ́t, mbɑ Tsɑpʉɔ Yɛ́su Kɛlístɔ níꞋ mɔ́fíitɛ tsɛt tʉ́m pɔ́ɔpɛ́mɑ́ pi pɔ́p sɛ́ ŋ́ɡẅɛɛ ŋkɔŋɛ, ḿbɔ́ ńzɑ́p tʉ́m pɔ nǔu Sɛ́.

Filipɛ 1:2

Tɑ̌ɑ wɛkŋɛ Sɛ́ mbɑ Tsɑpʉɔ Yɛ́su Kɛlístɔ pɔ́ ḿbɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ.

2 Tɛsɑlɔník 3:16

Tsɑpʉɔ ẅí ɑ níꞋnɛ mɔ́fíitɛ tʉ́m-pʉɔ, kwɑꞋ jʉ́ nɛ́ túmbʉʉ yɛ́ sɛ́ nɛ ńníꞋ mɔ́fíitɛ tʉ́m pʉʉ ŋkɑ́ tsʉʉ, nǔu mɛshʉ́ tsʉʉ. Tsɑpʉɔ pɔ́ ḿbɔ́ nɛ́ pʉʉ pɛtsʉʉ.

Ɛ́bɛlʉʉ 7:2

A ɡɑptɛ yúu pi ɑ lɔknɛ ɛ́fú ntsɔ nji nɛɡɛ́m, ŋ́ɡɑ́ tɑ́Ꞌ nji mbɔ̌ wɛ́. Lík-Mɛlkisɛdɛk lɔk ńcú ŋɡɔ: «Fɔɔ-nu yi ɛ́ tʉ́ʉnɛ ndʉ́ŋndʉŋ», ɑ pɛn ḿbɔ́ fɔɔ-pʉɔ-Sɑlɛm pɔ́Ꞌɔ, ńdɔk ḿbɔ́ fɔɔ-mbɔ́tnɛ.

3 Jɑ̂ŋ 1:14

Mɔ sɛ́ ŋ́kwɑŋɛ nɛtɔ́ ńjʉ́ɔ wú, pûu nɑ́ŋ sɛ́ sẅiŋɛ.

Mɛnu ɛ́ ńdɑ́Ꞌ ńcẅɛt 1:4

Yɔ ŋwɑꞋnɛ fú mbɔ̌ mɔ Jɑ̂ŋ, ŋ ŋwɑꞋnɛ ŋ́ɡɑ́ mbɔ̌ mɛcúꞋlɛ-pʉɔ-Kɛlístɔ mi ɛ́ sɑɑmbɑ́, ḿbɔ́ tsɛt ŋɡɔŋ-Azîi. Sɛ́ ẅi ɑ ɡú, mbɔ ɑ kɑ pɔ́ ɡú, ɑ pɛn ḿbɔ́ ńtɔ́, pɔ́p mɛzẅikŋɛ sɑɑmbɑ́ mi ɛ́ mbi kɔꞋ-nɛfɔɔ nɛ́, pɔ́p pɔ́ ḿbɔ́ nɛ́ pʉʉ, ḿbɔ́ ŋ́ɡɑ́ fuꞋ níinɛ yʉ́ʉ ḿbɛn ḿbɔ́ ńníꞋ mɔ́fíitɛ tʉ́m pʉʉ.