Jɑ̂ŋ 20:15 - Kɑɑ Fí

¹⁵ Yɛ́su cú nɛ́ jʉ́ ŋɡɔ: «Mɑ́mɔ́ɔ, ɔ kíi ku? Ɔ lɔɔ wɔ̌?» Lɑ́ ɑ ŋ́kwɑŋɛ ŋɡɔ kɛ ɑ pɔ́ pɔ ŋu ẅí ɑ pyɛ́pnɛ ŋkɑ́Ꞌŋɡɑ́ɑtɛ ɔɔ, ńcú nɛ́ jʉ́ ŋɡɔ: «Ndɛ, ɛ́ lɑɑ ḿbɔ́ yi ɡu lɑ́Ꞌnɛ tíi pfú-Yɛ́su, ɔ lɛꞋlɛ wɑ́ɑ nɛ zʉꞋ yí ɔ nɔŋnɛ zúꞋu, ŋ ɡʉ, tíi.»

Jɑ̂ŋ 20:15 Marejeleo ya Msalaba

Mɑtʉ̈ɔ 12:34

Njẅɛt-mɛnɔ́, mbɔ pʉʉ pɔ́ pʉɔ kɛpɔŋ pɑ́Ꞌɑ, ńcú nu sʉ́Ꞌnɛ ŋɡɔ́ku? Ŋu cú pɔ nu yí ɛ́ tsɛt tʉ́m yɛ́.

Mɑtʉ̈ɔ 28:5

Cʉ̈ɔꞋ-Sɛ́ cú mbɔ̌ pɑŋɡɛ́ ɛ̂pɑ́ ŋɡɔ: «Kɔɔ pʉʉ pɔ́k, n jí ŋɡɔ pʉʉ tɔ́ lɔɔ Yɛ́su ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́.»

Mɑ́lɛ́kúshi 16:6

Lɑ́, ɑ cú mbɔ̌ pɔ́p ŋɡɔ: «Kɔɔ pʉʉ pɔ́k, pʉʉ lɔɔ Yɛ́su mɔ́ɔ-Nɑ̌zɑlɛt ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́? A zẅíimɛ nǔu nɛvú, ɑ kɑ́ pɛ́t zɑ́Ꞌnɛ pɔ́. Pʉʉ jʉ́ɔ, yɔ zʉꞋ yí pɛ́ kɑ nɔŋnɛ pfú yɛ́ zúꞋu.

Lúkɑ́shi 2:44

Pɔ́p kɑ pɔ́ ŋ́kwɑŋɛ ŋɡɔ ɑ tsɛtsɛt ku yɔ́p, tɛ ńnɛn tɑ́Ꞌ lɛ́Ꞌ. Ńnɛn pɔ́Ꞌɔ, ńdíŋɛ wɛ́ tsɛtsɛt pʉɔ-njẅɛt ndɑ́ yɔp pɔ́p pɛsúu,

Lúkɑ́shi 24:5

Pɔ́p pɔ́k tɛ ńtsʉ́Ꞌ ńdíŋɛ pɔ sɛ́, lɑ́ pʉɔ ɛ̂pɑ́ píkŋɛ wɔ́p ŋɡɔ: «Pʉʉ tɔ́ tsɛtsɛt pɛpfú sɛ́, ńdɔ́ɔ ŋu ẅí ɑ ntʉʉ mɛlɑ́Ꞌkʉ̈ɔ́?

Jɑ̂ŋ 1:38

Yɛ́su shɔtnɛ, ńjʉ́ɔ pɑ́Ꞌ pɔ́p nzʉʉ yɛ́, ḿbíkŋɛ wɔ́p ŋɡɔ: «Pʉʉ lɔɔ kʉ̈ɔ́?» Pɔ́p pʉ̈ɔt mbɔ̌ wɛ́ ŋɡɔ: «Lɑbi (ńdɔk ŋɡɔ cícɑ), ɔ tswɛ́ ɡɔ́?»

Jɑ̂ŋ 18:4

Yɛ́su jí nu yí ɛ́ sɛ́ ńtɔ́ nǔu wɛ́, ńtɔ́ mbi pɔ́p ńcú ŋɡɔ: «Pʉʉ lɔɔ wɔ̌?»

Jɑ̂ŋ 18:7

Yɛ́su pɛn ḿbíkŋɛ wɔ́p ŋɡɔ: «Pʉʉ lɔɔ wɔ̌?» Pɔ́p cú ŋɡɔ: «Yɛ́su wɛ Nɑ̌ɑzɑlɛt.»

Jɑ̂ŋ 20:13

Pɔ́p cú mbɔ̌ wɛ́ ŋɡɔ: «Mɑ́mɔ́ɔ ɔ kíi kʉ̈ɔ́?» A pʉ̈ɔt mbɔ̌ pɔ́p ŋɡɔ: «Pɛ́ tíi pfú-Tsɑpʉɔ wɑɑ, m bɛn ḿbɔɔ ḿbɔ́ ńjí zʉꞋ yi pɛ́ lɑ́Ꞌnɛ ńzɑ́p zúꞋu pɔ́.»