Jɑ̂ŋ 19:18 - Kɑɑ Fí

¹⁸ Pɔ́p kúu zúꞋu, ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ḿbɛn ŋ́kẅii pɛcɔ́ pʉɔ pɛ́pɑ́ nǔu mɔ́p mɛtʉ́ mbɑ́ŋtɛ pɑ́ŋtɛ́nɛ. Tɑ́Ꞌ pɔ́ nǔu ɡúŋ pɔ́-Yɛ́su yɛ́ tʉʉ, wɛcɔ́ pɔ́ nǔu ɡúŋ yɛ́ kẅɛpmɛ. Yɛ́su pɔ́ tsɛtsɛt.

Jɑ̂ŋ 19:18 Marejeleo ya Msalaba

Mɑtʉ̈ɔ 27:44

Ŋ́ɡʉ nǔu pɛtsɔ́ŋ pi pɛ́ kɑ kẅiinɛ wɔ́p nǔu mɛtʉ́ mbɑ́ŋtɛ pɑ́ŋtɛ́nɛ nɛjɔ́ŋ Yɛ́su pɔ́p pɛn ḿbɔ́ ńzɔɔtɛ yɔ́p wɛ́ pɔ pɔ́Ꞌɔ.

Jɑ̂ŋ 18:32

Ɛ́ lɔk ḿbuutɛ nǔu nu yí Yɛ́su kɑ tsʉ́Ꞌ nɛcú ntɛ́ yí ɑ ɡʉ ŋ́ɡɛ ḿpfú ńcú.

Jɑ̂ŋ 19:32

Pɑlʉ̈ɔ́Ꞌntsɔ ɡɔ́ɔ ŋ́kɛ́ ńtɔ́ ḿbʉ̈ɔ́Ꞌtɛ mɛfʉ́ʉ-nduŋmbi, mbɑ mɛ mbɑ́ɑtɛ ŋu ẅí pɛ́ tɛmtɛ ŋ́kẅii wɔ́p pɛ́ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 2:23

Yɔ ŋu ẅí pɛ́ kɑ níꞋnɛ mbɔ̌ pʉʉ, ɛ́ pɔ́ pɔ pɑ́Ꞌ Sɛ́ kɑ lɑ́Ꞌnɛ ŋ́kwɑŋɛ ńzɑ́p. Pʉʉ kɑ kɛ́ ŋ́ɡɛ pɑkɛ́ji Sɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ńjẅí wɛ́.

Ŋɡɑlɑ̂t 3:13

Lɑ́, pɑ́Ꞌ sɛ̂ndúŋ-nɛpʉ́ʉ ɡɛ pɛkŋɛ tíi pɔ ndɔɔ lɑ́, Kɛlístɔ kɑ tɔ́ ŋ́ɡɛ pɛkŋɛ luk ndɔɔ ɛ̂yɑ́. A kɑ jɛ́p ńtíi ḿbiꞋ, ńtsʉ́Ꞌ ŋɡɑŋ ndɔɔ mbíꞋ wɛkŋɛ. Pɛ́ cú mbíꞋŋɡɔ pɛ́ kɑ ŋwɑꞋnɛ ŋɡɔ: Ndɔɔ tú-ŋu ẅí pɛ́ kẅiinɛ wɛ́ nǔu tʉ́.

Ɛ́bɛlʉʉ 12:2

Pɛkŋɛ pɔ́ ńtík mík pɔ nǔu Yɛ́su ẅi ɑ kɑ zíꞋnɛ wɛkŋɛ nɛzɑ́p tʉ́m nǔu Sɛ́, jʉ́ pɔ́nɛ ŋu ẅi ɑ ɡʉ ńdɑ́Ꞌ ńníꞋ wɛkŋɛ nǔu mbɔ́ Sɛ́ pɔ tɑ́Ꞌ ŋkɑ́. A kɑ nɑ́ tsɑ́ɑtɛ yi ɛ́ kɑ pɔ́nɛ yɛ́, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ ɑ sʉk sʉknɛ, ɑ pɔɔ lɔk sʉ́ʉ ẅi ɛ́ nǔu nɛpfú pɔ́Ꞌɔ ɛ́fúŋ yɛcɔ́ nu pɔ́. A ŋkɔ̂ɔnɛ ńnɑ́ŋ mbʉʉ kɔꞋ-nɛfɔɔ-Sɛ́, nǔu ɡúŋ pɔ́ yɛ́ yi tʉʉ.