Jɑ̂ŋ 19:17 - Kɑɑ Fí

¹⁷ Ŋ́ɡɔ́ ɛ́fú tʉ́sɔŋ ńcẅɛt, kwɑꞋ jʉ́ tíinɛ tʉ́ mbɑ́ŋtɛ pɑ́ŋtɛ́nɛ yɛ́, pɔ́p pɛ́ pɔ́p pɔ́ ŋ́ɡʉ nɛ́ yɛcɔ́ zʉꞋ, pɛ́ fúŋ ŋɡɔ tsẅíi-tú. Ɛ́ pɔ́ nǔu sẅíŋɛ-pʉɔ-Hɛbɛlʉ́, ḿbɔ́ Ŋɡɔlŋɡɔ́tɑ.

Jɑ̂ŋ 19:17 Marejeleo ya Msalaba

Mɑtʉ̈ɔ 10:38

Ŋu lɑɑ mbɔɔ tíi yɛ́ tʉ́ mbɑ́ŋtɛ pɑ́ŋtɛ́nɛ, ńdɔk ḿbɛ́m nɛpfú lɑ ńcʉ́ɔ nzʉʉ mɔ pɔ́, mbɔ ḿbɔ́ ɑ pɔɔ kuꞋ nɛpɔ́ ŋɡɑŋku wɑɑ pɔ́.

Mɑtʉ̈ɔ 16:24

Yɛ́su pɛn ńcú mbɔ̌ ɡɑŋku pɛ́ ŋɡɔ: Ŋu lɑɑ ŋ́ɡʉ ḿbɔ́ wɑ́ɑ ŋu, ɑ ɡwɑ́k túmbʉʉ yɛ́, ńtíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ ńcʉ́ɔ nzʉʉ mɔ.

Mɑtʉ̈ɔ 27:37

Pɛ́ ŋwɑꞋnɛ yúu mi ɑ fɑɑnɛ́nɛ ŋ́kẅii tʉ́ nǔu zʉꞋ yi tú yɛ́ ḿbɔ́nɛ zúꞋu ŋɡɔ: «Yɔ Yɛ́su, fɔɔ-pɑyúdɑ.»

Mɑ́lɛ́kúshi 10:21

Yɛ́su pɛn ńdíŋɛ wɛ́, nu yɛ́ pɔŋ wɛ́, ɑ cú mbɔ̌ wɛ́ ŋɡɔ: «Tɑ́Ꞌ yúu wɛ́mɔ́Ꞌ pɛ́t ńjɑ́k yi ɔ ɡʉ ŋ́ɡɛ. Gʉ, ɛ́fɛn yúu pú tsʉʉ, ŋ́ɡɑp ŋkɑ́p mbɔ̌ pɑkɛ́yúu, ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Mɑ́lɛ́kúshi 15:26

Pɛ́ kɑ ŋwɑꞋnɛ yúu mi ɑ fɑɑnɛ́nɛ, ŋ́kiɛtnɛ nǔu tʉ́ mbɑ́ŋtɛ pɑ́ŋtɛ́nɛ. Ɛ́ cú ŋɡɔ fɔɔ-pɑyúdɑ.

Mɑ́lɛ́kúshi 15:32

Nzɑ́Ꞌŋkʉ wí Sɛ́ kɑ kɑꞋnɛ, fɔɔ-pɑíslɑyɛ̂l, fú nǔu tʉ́ mbɑ́ŋtɛ pɑ́ŋtɛ́nɛ ŋkɔ̂ɔnɛ ḿpfúu, pɛk jʉ́ɔ, ńzɑ́p tʉ́m yʉ́k nǔu wɛ́.» Pʉɔ pínɛ pɛ́ kɑ tɛmtɛ́nɛ wɔ́p pɛpɔ́p ŋ́kẅii nǔu mɛtʉ́ mbɑ́ŋtɛ pɑ́ŋtɛ́nɛ kɑ pɛn ḿbɔ́ ńzɔɔtɛ yɔ́p wɛ́ zɔɔtɛnɛ.

Mɑ́lɛ́kúshi 8:34

Ŋ́ɡɔ́ɔ ŋ́kɛ́ ɛ́fúŋ lɑ́Ꞌ mbɑ ɡɑŋku pɛ́, ńcú mbɔ̌ pɔ́p ŋɡɔ: «Ŋu lɑɑ ŋ́ɡʉ ḿbɔ́ wɑɑ ŋu, ɑ ɡwɑ́k túmbʉʉ yɛ́, ńtíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ́ ńcʉ́ɔ nzʉʉ mɔ.»

Lúkɑ́shi 14:27

Ŋu lɑɑ ḿbɔɔ tíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ ńcʉ́ɔ nzʉʉ mɔ pɔ́, mbɔ ḿbɔ́ ɑ pɔɔ kuꞋ nɛpɔ́ ŋɡɑŋku wɑɑ pɔ́.»

Lúkɑ́shi 23:26

Pɛ́ lɔk Yɛ́su ńcʉ́ɔ sɛ̂ndúŋ, ńnɛn tɛ ḿbuutɛ wɛcɔ́ ŋu-silɛɛnɛ, ẅí pɛ́ kɑ pɔ́ ɛ́fúŋ wɛ́ nɛ́ Símɔ̂ŋ, ɑ pɔ́ ɛ́fú ŋkɑ́Ꞌ. Pɑlʉ̈ɔꞋntsɔ ɡẅɛɛ wɛ́, ńdɔk tʉʉ ŋ́ɡɑ́ tʉ́ Mbɑŋtɛ pɑ́ŋtɛ́nɛ-Yɛ́su ŋɡɔ ɑ tíi ńdɔk ńcʉ́ɔ nzʉʉ pɔ́p.

Lúkɑ́shi 23:33

Ŋ́ɡʉ tɛ ŋ́kúu nǔu yɛcɔ́ zʉꞋ yi pɛ́ kɑ pɔ́ ɛ́fúŋ ŋɡɔ kɑ́ɑtú, ŋ́kẅii Yɛ́su nǔu tʉ́ mbɑ́ŋtɛ pɑ́ŋtɛ́nɛ, ḿbɛn ŋ́kẅii mbɑ pɛtsɔ́ŋ pɑ́ pɛ́pɑ́, nǔu mɔ́p mɛtʉ́ Mbɑŋtɛ pɑ́ŋtɛ́nɛ. Tɑ́Ꞌ pɔ́ nǔu ɡúŋ-pɔ́-Yɛ́su yi tʉʉ, wɛcɔ́ pɔ́ nǔu ɡúŋ-pɔ́ ŋkẅɛpmɛ.

Lúkɑ́shi 23:38

Pɛ́ kɑ ŋwɑꞋnɛ ntɔŋ-nɛvú wɛ́ ŋ́kẅii tú yɛ́.

Lúkɑ́shi 9:23

Yɛ́su ɡɛ ńcú mbɔ̌ pʉɔ pɛ́tsʉʉ ŋɡɔ: «Ŋu lɑɑ ńtsɑ́ɑ nɛpɔ́ wɑɑ ŋu, ɑ mɛꞋ túmbʉʉ yɛ́, ńtíi yɛ́ tʉ́ mɛkʉ́Ꞌ ńdɔk ḿbɛ́m nɛpfú, lɑ́ ńcʉ́ɔ nzʉʉ mɔ.

Jɑ̂ŋ 19:13

Pilɑ́tɔ zúꞋ pɔ́Ꞌɔ, ńdɔk Yɛ́su ɛ́fú ntɔ́Ꞌ ńcẅɛt, ńnɑ́ŋ ndǔ kɔꞋ-nzɑ́Ꞌntsɑŋ, zʉꞋ yí pɛ́ kɑ lɔknɛ mɛŋɡɔꞋ ńnɔŋ, pɛ́ fúŋ nǔu sẅiŋɛ-pʉɔ-Hɛbɛlʉ́ʉ ŋɡɔ Ŋɡɑbɑ́tɑ.

Jɑ̂ŋ 5:2

Ɛ́ ɡɔ́ ḿbɔ́, yɛcɔ́ ɡʉ́ɔ-ŋki suk mbʉʉ pɔ́ Yɛlúsɑlɛm, pɛ́ fúŋ nǔu sẅiŋɛ pʉɔ-Hɛbɛlʉ́ ŋɡɔ Bɛtɛ́sdɑ, ɛ́ pɔ́ mbʉʉ ntsundɑ́-mɛnjinjɔ, mbɔ pɛ́ kɑ lɔk mɛŋɡɔꞋ ḿbɔ́ɔ mɛmbɔp-ndúŋ mɛ́ntɑɑ ńdɔk ńzɛmɛ ŋki ɛ̂wɑ́.

ŊwɑꞋnɛ-Gɑŋntúu Yɛ́su Kɛlístɔ 7:58

ɛ́shuŋ wɛ́, ńdɔk wɛ́ ɛ́fú tʉ́sɔŋ ńcẅɛt, ńzɛ nɛlɔk mɛŋɡɔꞋ ńtɛ́mtɛ wɛ́ nɛjẅí wɛ́. Ɛ́ ɡɔ́ ḿbɔ́, mbɔ pʉɔ pi pɔ́p lɑ́Ꞌnɛ ńzúꞋ sẅiŋɛ-Ɛtiyɛ̂n, lɑ́Ꞌ ɛ́sɔt mɛndẅí-fɑ́k mɔ́p, ńdẅɛꞋ mbɔ̌ wɛcɔ́ mɔ́ɔsuu ẅí pɛ́ fúŋnɛ wɛ́ ŋɡɔ Sɔ̂l.