Jɑ̂ŋ 16:21 - Kɑɑ Fí

²¹ Mɑŋɡɛ́ pɔ́ tɛ ḿbɔ́ ńnɛ́mɛ, ńzɛ nɛzúꞋ kɛpɔŋ, mbíꞋŋɡɔ ŋkɑ́ ŋɡʉ̈ɔ́Ꞌ kuꞋ. Lɑ́, ŋ́kɛ́ ḿbɔ́ tɛ ḿbí mbɔɔ pɛn ŋ́kẅíitɛ ŋkɑ́ yi mɔ́ɔ kɑ pɔ́ ńnɛ́m wɛ́ pɔ́, mbʉʉ yɛ́ tsʉꞋ ḿbɔŋ pɔŋnɛ ntɛ́ pɑ́Ꞌ tɑ́Ꞌ ŋumɛsɔŋ tɔ́nɛ ndǔ tsɛ́tsɑ́Ꞌ.

Jɑ̂ŋ 16:21 Marejeleo ya Msalaba

Ŋɡɑlɑ̂t 4:27

ŊwɑꞋnɛ-Sɛ́ zɛɛ ńcú ŋɡɔ: Nɑ́ŋ nɛ́ tsɑ́ɑtɛ, n dɑꞋ mbɔ̌ ɡu ẅí ɔ ŋkɛ́n! Tsɑ́ɑtɛ tɛ ŋɡi yú kɔ́Ꞌ tʉ́, n dɑꞋ mbɔ̌ ɡu ẅí ɔ kɑ́ jí pɑ́Ꞌ mɑŋɡɛ́ lɔ ńnɛ́mɛ pɔ́Ꞌɔ lɑ́ ḿbí pɔ́! MbíꞋŋɡɔ mbɔ́ŋkʉ̈ɔ́-mɑŋɡɛ́ ẅí pɛ́ kɑ mɛꞋnɛ wɛ́ ŋ́ɡɛ ńzɑ́ɑ ńdɛɛ pɛ́ mɑŋɡɛ́ ẅí ɑ ɡẅɛɛnɛ ndúu.

1 Tɛsɑlɔník 5:3

Pʉɔmɛ́sɔŋ ɡʉ ńdɑ́Ꞌ ḿbɔ́ tɛ ḿbɔ́ ńcú ŋɡɔ: Mbɔ́tnɛ tsɛt lɑ́Ꞌ, pɔ́p pɔɔ pɛn ḿbɔ́ ńcʉ̈ɔꞋ pɔ́, lɑ́ mɑ́mɑ́ ŋɡʉ̈ɔ́Ꞌ ɡɔ́ɔ ŋ́kɛ́ ńtɔ́ nǔu pɔ́p pɑ́Ꞌ mɔ́ɔ nɑŋnɛ tɛ ńnɛ́m mɑŋɡɛ́ shǔutɛ lɑ́. Ŋu wɔp pɔɔ lʉ́ɔꞋlɛ tɛ ńduk pɔ́.