Jɑ̂ŋ 14:22 - Kɑɑ Fí

²² Jẅidɛ, pɛ́ kɛ́ ḿbɔɔ ńcú Iskɑlyɔt pɔ́, cú mbɔ̌ Yɛ́su ŋɡɔ: «Tsɑpʉɔ, ɛ́ ɡʉ ḿbɔ́ ŋɡɔ ku lɑ ɔ ɡɛ ndɑꞋ pɛk jʉ́ɔnɛ wú, pʉɔ tsʉʉ pɔɔ jʉ́ɔ wú pɔ́ ɔɔ?»

Jɑ̂ŋ 14:22 Marejeleo ya Msalaba

Mɑtʉ̈ɔ 10:3

ŋ́ɡɛ Filîp pɔ́p Pɑtɛlɛmî, ŋ́ɡɛ Tɔ́mɑ́shi pɔ́p Mɑtʉ̈ɔ, ẅi ɑ ḿbɔ́nɛ ńcẅɛ́ɛntsup Pɑlɔ́mɑ ŋ́ɡɛ Jɑ̂k mɔ́ɔ-Alfɛ̂ pɔ́p Tɑdɛ́ɛ,

Mɑ́lɛ́kúshi 3:18

Yɛ́su pɛn ńtsɔ́Ꞌ Ndɛlɛ́yɑ, pɔ́p Filîp, ŋ́ɡɛ Pɑtɛlɛmî nɛ́ Mɑtʉ̈ɔ, pɔ́p Tɔ́mɑ́shi, ŋ́ɡɛ Jɑ̂k mɔ́ɔ-Alfɛ̂, ŋ́ɡɛ Tɑdɛ́ɛ nɛ́ Símɔ nzɔŋlɑ́Ꞌ,

Lúkɑ́shi 6:16

ŋ́ɡɛ Jẅidɛ mɔ́ɔ-Jɑ̂k, ŋ́ɡɛ Jẅídɑ Iskɑlyɔt ẅí ɑ kɑ tɑ́ɑnɛ ɛ́fɛn Yɛ́su.

Jɑ̂ŋ 3:4

Nikɔdɛ̂m cú mbɔ̌ Yɛ́su ŋɡɔ: «Ɛ́ lɑɑ ḿbɔ́ ŋu pɔ́ ndʉ́m pɛ́ pɛn ḿbí wɛ́ ŋɡɔ́ku? Tɛ ɛ́ lɑɑ ḿbɔ́ ɑ pɛn ŋ́kúu nɛpɛm-mɑ́ wɛ pɛ́ pɛn ḿbí wɛ́?»

Jɑ̂ŋ 3:9

Nikɔdɛ̂m ɡɔ́ɔ ŋ́kɛ́ ḿbíkŋɛ Yɛ́su ŋɡɔ: «Ɛ́ ɡɔ́ ḿbɔ́ pɔ́Ꞌɔ, ńdɛɛ ŋɡɔ́ku?»

Jɑ̂ŋ 4:11

Mɑŋɡɛ́ ɛ̂wɑ́ cú mbɔ̌ Yɛ́su ŋɡɔ: «Ndɛ, ɔ zɛɛ mbɔɔ luŋɡɑ́ɑ ɡẅɛɛ, ŋki pɛn ḿbɔ́ tsɛt sɛ́ tɛꞋ pɑ́Ꞌɑ, ẅîwɑ́ ŋki ẅí ɛ́ ɡɑ́nɛ luk pɛn ɛ́fú pɔ ɡɔ́?

Jɑ̂ŋ 6:52

Ńcú pɔ́Ꞌɔ, pɑsɑ́Ꞌlɑ́Ꞌ-Pɑyúdɑ pɔ́ ńzɔŋ tsɛtsɛt pɔ́p tɛꞋ ńcú ŋɡɔ: «Ŋu wɑ́ ɡʉ ŋ́ɡɛ ŋɡɔ́ku lɑ́ ŋ́ɡɑ́ mbɑp-mbʉʉ yɛ pɛkŋɛ kwɛ́t?»

Jɑ̂ŋ 6:60

Gɑŋku-Yɛ́su zúꞋ sẅiŋɛ yɛ́, nɛzɑ́ɑ pʉɔ zɛ nɛcú ŋɡɔ: «Sẅiŋɛ yɑ́ tɛn tɛ ńtsɑ! Ɛ́ lɑɑ ḿbɔ́ wɔ̌ zẅíꞋlɛ?»

ŊwɑꞋnɛ-Gɑŋntúu Yɛ́su Kɛlístɔ 1:13

Pɔ́p ŋ́kúu Yɛlúsɑlɛm, ŋ́kɔ́Ꞌ ndǔ ndɛ̂k wɛ tʉ́, ŋ́kúu tsɛt lûmndɑ́ ẅi pɔ́p kɑ pɔ́ ńcúꞋlɛ zúꞋu. Yɔ m̄bɔ́ Pyɛ̂, ŋ́ɡɛ Jɑ̂ŋ pɔ́p Jɑ̂k, ŋ́ɡɛ Ndɛlɛ́yɑ. Yɔ pɔ́ Filîp, ŋ́ɡɛ Tɔ́mɑ́shi, pɔ́p Pɑtɛlɛmî mbɑ Mɑtʉ̈ɔ. Yɔ pɔ́ Jɑ̂k mɔ́ɔ-Alfɛ̂, ŋ́ɡɛ Símɔ̂ŋ ẅi pɛ́ kɑ pɔ́ ɛ́fúŋ wɛ́ ŋɡɔ mɔ́ɔ-ŋɡɔŋ, pɔ́p Jẅidɛ mɔ́ɔ-Jɑ̂k.

Jẅidɛ 1:1

Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.