Jɑ̂ŋ 14:10 - Kɑɑ Fí

¹⁰ Ɔ kɑ́ pɔ́ ḿbɛ́m ŋɡɔ mɔ nɛ́ Tɑ̌ɑ mɔ, pɛkŋɛ tɛmtɛ ḿbɔ́ pɔ tɑ́Ꞌ yúu pɔ́ Kɛ? Nu yí ɛ sẅíinɛ wʉ́ʉ kɑ́ pɔ́ ɛ́fú mbɔ̌ mɔ pɔ́. Tɑ̌ɑ mɔ ẅí ɑ nɛ́ mɔ jʉ́ lɔknɛ wɑ́ɑ ɛ́fɑꞋ mɛfɑꞋ mɛ́.

Jɑ̂ŋ 14:10 Marejeleo ya Msalaba

Jɑ̂ŋ 10:30

Pɛk Tɑ̌ɑ mɔ pɔ́ pɔ tɑ́Ꞌ ŋu.

Jɑ̂ŋ 10:38

Lɑ́ ḿbɔ́ yi n dɑɑ fɑꞋ, ɛ́ zɛɛ ḿbɔ́ ŋɡɔ pʉʉ kɛ́ zɑ́p tʉ́m nǔu mɔ pɔ́, pʉʉ pɛ́m mɛfɑꞋ ɛ̂mɑ́. Ɛ́ lɛɛ pɔ́Ꞌɔ, pʉʉ jí sʉ́Ꞌnɛ ŋɡɔ Tɑ̌ɑ mɔ nɛ́ mɔ, m bɔ́ nɛ́ jʉ́.

Jɑ̂ŋ 11:26

Ŋu ẅí ɑ pɛ́tnɛ ntʉʉ, ńzɑ́p tʉ́m yɛ́ nǔu mɔ, ɑ kíi ńdɑ́Ꞌ ḿpfú pɔ́. Tɛ ɔ pɛ́m yɔ nu?»

Jɑ̂ŋ 12:49

Ɛ́ mbíꞋŋɡɔ mɔ ŋkɑɑ cú pɔ nu yí ɛ́ fúnɛ mbɔ̌ mɔ pɔ́, ŋ kɑ cú pɔ nu yí Tɑ̌ɑ mɔ ẅí ɑ kɑ túunɛ wɑ́ɑ kɑ cúnɛ ŋɡɔ n cú, mbɑ nu yí ŋ ɡʉ ńcú nu nǔu.

Jɑ̂ŋ 14:11

Ɛ sẅíi wʉ́ʉ ŋɡɔ mɔ nɛ́ Tɑ̌ɑ mɔ, pɛkŋɛ tɛmtɛ ḿbɔ́ pɔ tɑ́Ꞌ yúu, pʉʉ pɛ́m ŋɡɔ ɛ́ pɔ́Ꞌɔ, ńzɛɛ ḿbɔ́ yi pʉʉ kɛ́ pɛ́m nu yí n cúnɛ pɔ́, pʉʉ zɛɛ ńdíŋɛ pɔ mɛfɑꞋ mí pʉʉ jʉ́ɔnɛ ɛ fɑꞋ, ḿbɛ́m.»

Jɑ̂ŋ 14:20

Ɛ́ pɔ́ lɛ́Ꞌ ɛ̂yɑ́, pʉʉ jí ŋɡɔ pɛk Tɑ̌ɑ mɔ tɛmtɛ ḿbɔ́ pɔ tɑ́Ꞌ yúu, ḿbɛn ńjí ŋɡɔ pʉʉ nɛ́ mɔ, m bɔ́ tʉ́m pʉʉ.

Jɑ̂ŋ 14:24

Ŋu lɑɑ mbɔɔ wɑ́ɑ ŋ́kɔŋ, mbɔ ɑ kɛ́ ɡẅɛɛ sẅiŋɛ yɑ́ɑ pɔ́. Sẅiŋɛ yi pʉʉ zúꞋnɛ lɑɑ zɛɛ ḿbɔɔ fú pɔ mbɔ̌ mɔ pɔ́. Ɛ́ fú pɔ mbɔ̌ Tɑ̌ɑ mɔ ẅí ɑ kɑ túunɛ wɑ́ɑ.»

Jɑ̂ŋ 17:8

Ŋ kɑ kɛ́ ńcú mɛnu tsʉʉ mí ɔ kɑ níꞋnɛ mbɔ̌ mɔ mbɔ̌ pɔ́p, pɔ́p pɛ́m, ńtsuŋ ńjí ŋɡɔ ɛ fú nɛjɔ́ŋ ɡu, ḿbɛn ńjí ŋɡɔ ɡu kɑ túunɛ wɑ́ɑ.

Jɑ̂ŋ 3:2

A ɡɛ ńtɔ́ yɛcɔ́ nɛtúꞋ, ńjʉ́ɔ Yɛ́su, ńcú mbɔ̌ wɛ́ ŋɡɔ: «Cícɑ, pɛk jí ŋɡɔ Sɛ́ kɑ túunɛ wú ŋɡɔ ɔ ɡʉ ńzíꞋ pʉɔ nɛ́ yúu. MbíꞋŋɡɔ ɛ́ lɑɑ ḿbɔ́ ŋu pɔɔ ɡɛ mɛnu mɑ̌ɑmɑɑnɛ mi ɔ ɡɛnɛ lɑɑ kɛ́ pɔ́ yi Sɛ́ túunɛ wɛ́ pɔ́.»

Jɑ̂ŋ 5:17

Yɛ́su tsɔ́Ꞌ mbɔ̌ pɔ́p ŋɡɔ: «Tɑ̌ɑ mɔ pɛ́t ɛ́fɑꞋ pɔ fɑꞋnɛ tɛ ŋ́kúu ŋkɔ̂ɔnɛ, mbɑ mɔ yɑ́ɑ m bɛn ḿbɔ́ ɛ́fɑꞋ pɔ fɑꞋnɛ.»

Jɑ̂ŋ 5:19

Yɛ́su pɛn ńcú mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, mɔ́ɔ-Sɛ́ kɑ́ ɡɛ yɛcɔ́ yúu pɔ nɛ́ yɛ́ tú pɔ́, ɑ ɡɛ pɔ yúu mi ɑ sɛ́ ńjʉ́ɔ Tɑ́t wɛ ɡɛ. Kʉ̈ɔ́ lɑ́ yi Tɑ̌ɑ ɡɛnɛ, Mɔ́ɔ pɛn ŋ́ɡɛ pɔ yɛ́tɛ́.

Jɑ̂ŋ 7:16

Yɛ́su tsɔ́Ꞌ mbɔ̌ pɔ́p ŋɡɔ: «Yúu mi n zíꞋnɛ pʉɔ kɑ́ fú mbɔ̌ mɔ pɔ́, ɛ́ fú pɔ mbɔ̌ Sɛ́ ẅí ɑ kɑ túunɛ wɑ́ɑ.»

Jɑ̂ŋ 8:28

Yɛ́su cú mbɔ̌ pɔ́p ŋɡɔ: Pʉʉ lɑɑ ŋ́ɡɛ ŋ́kɑꞋ Mɔ́ɔ-Ŋu tɛ ŋ́ɡɑ́ tʉ́ nǔu tʉ́ mɛkʉ́Ꞌ, mbɔ pʉʉ ɡʉ ŋ́kɛ́ ńjí ŋɡɔ Mɔ ŋu ẅí «mɔ jʉ́», ɑ pɔ́ mɔ, ḿbɛn ńjí ŋɡɔ mɔ ŋ́ɡɛ yɛcɔ́ yúu pɔ nɛ́ yɑ́ɑ tú pɔ́. N cú pɔ yúu mi Tɑ̌ɑ mɔ kɑ zíꞋnɛ wɑ́ɑ.

Jɑ̂ŋ 8:38

Mɔ, n cú pɔ yúu mi ŋ kɑ jʉ́ɔnɛ mbɔ̌ Tɑ̌ɑ mɔ, lɑ́ pʉʉ pɛn ŋ́ɡɛ yʉ́ʉ pɔ yúu mi pʉʉ kɑ zúꞋnɛ mbɔ̌ tɑ̌ɑ wʉʉ.»

Jɑ̂ŋ 8:40

Ɛ sẅíi wʉ́ʉ nɛ́ nu nɛ́nẅín yi ŋ kɑ zúꞋnɛ mbɔ̌ Sɛ́, pʉʉ pɛn ḿbɔ́ ŋkɔ̂ɔnɛ ḿbɔ́ ńdɔɔ nɛjẅí wɑ́ɑ, mbɑ Ábɛlɛhɑ̂m ŋkɑɑ pɔ́Ꞌɔ ɡɛ.

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

2 Kɔlɛ̂ŋtɛ 5:19

Sɛ́ kɑ zɛɛ ḿbɔ́ ŋ́ɡɑ́ Kɛlístɔ, ḿbɔ́ ḿmik mbuu yí pɔ́p pʉɔmɛsɔŋ ndǔmbí ɡẅɛɛnɛ, pɔ́Ꞌɔ, kɛ́ pɛn sɑ́ŋ mɛnu kɛpɔŋ mɔ́p, ŋ́ɡɛ ńdẅiklɛ sẅiŋɛ lɔk ḿmik mbuu mbɔ̌ pɛk.

Kɔlɔsíyɛ̂ŋ 1:19

Ɛ́ nɛ́nẅín, mbɔ Sɛ́ kɑ kɔŋnɛ ŋɡɔ kɔɔ yɛcɔ́ yúu mi ɛ́ nǔu wɛ́ jɑ́k nǔu Mɔ́ɔ nɛ,

Kɔlɔsíyɛ̂ŋ 2:9

MbíꞋŋɡɔ kʉ̈ɔ́ lɑ́ yi ɛ́ nǔu Sɛ́ ɔɔ, pɛ́ jʉ́ɔ nǔu Kɛlístɔ.

1 Jɑ̂ŋ 5:7

ɛ́ lɔk ḿbɔ́ mɛnu mɛ́ntɑ́t mi ɛ́ lɛ́Ꞌlɛ́nɛ wɛkŋɛ nɛ́ nu nǔu Yɛ́su.