Jɑ̂ŋ 13:27 - Kɑɑ Fí

²⁷ Jẅidɑ pɔ́ tɛ ńcẅɛ́ɛ, Sɑ́ttɑ kúu tsɛt tʉ́m yɛ́. Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «ɛ́fɛ́Ꞌnɛ ŋ́ɡwɛtnɛ ŋ́ɡɛ yúu mi ɔ ɡẅɛɛnɛ nɛɡɛ.»

Jɑ̂ŋ 13:27 Marejeleo ya Msalaba

Mɑtʉ̈ɔ 12:45

mbɔ ɑ ɡʉ ŋ́ɡʉ ŋ́ɡúu mɛcɔ́ mɛzẅikŋɛ kɛpɔŋ sɑɑmbɑ́, ɛ́ pɔ́ mi pɔ́p zɑ́ɑnɛ sɔ́ɔ tɛ ńtsɑ wɛ́, pɔ́p pɛ́pɔ́p pɛn nzʉʉ ŋ́kúu nǔu ŋu ɛ̂wɑ́, ńdɔk wɛ́ ŋ́ɡɛ ndɑ́ yɔp. Pɔ́Ꞌɔ, ŋɡʉ̈ɔ́Ꞌ-ŋɡɑŋ zɑ́ɑ ńtsɑ pɑ́Ꞌ ɛ́ kɑ zɛɛnɛ ḿbɔ́. Ɛ́ ɡʉ ńdɑ́Ꞌ ḿbɛn ḿbɔ́ pɔ ndʉ́ŋndʉŋ pɔ́Ꞌɔ, nǔu nu-pʉɔ pínɛ pɔ́p ndǔ mbí ŋkɔ̂ɔnɛ ḿbɔ́ pɛ́ kɛpɔŋ.

Mɑtʉ̈ɔ 4:10

Yɛ́su cú mbɔ̌ wɛ́ ŋɡɔ: «Sɑ́ttɑ, fú nɛjɔ́ŋ mɔ kẅɛ́Ꞌlɛ, mbíꞋŋɡɔ pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: “Ŋu ɡúꞋlɛ pɔ ndɑꞋ Tsɑpʉɔ Sɛ́ wɛ zɛnɛ́jʉ́ ḿbɛn ńzúꞋ pɔ ndɑꞋ ntsu wɛ́.”»

Mɑ́lɛ́kúshi 6:25

Mɔ́ɔ kʉ̈ɔ́ ŋ́ɡʉ nɛjɔ́ŋ fɔɔ ńcú mbɔ̌ wɛ́ ŋɡɔ: «Ŋ kɔŋ tú-Jɑ̂ŋ Mbɑptíshi, tsɛt pɑk-kɑ́ŋ, pɔ ŋkɔ̂ɔnɛ.»

Lúkɑ́shi 22:3

Sɑ́ttɑ kúu tsɛt tʉ́m Jẅídɑ, ɑ pɔ́ wɛcɔ́ tɑ́Ꞌ ŋu nǔu pʉɔ ntsɔ̌ppɑ́ nɛ́ nɛɡɛ́m, ẅi yɛcɔ́ lík yɛ́ kɑ pɛnnɛ ḿbɔ́ ŋɡɔ Iskɑlyɔt.

Jɑ̂ŋ 13:2

Ntsuŋkẅɛ́Ꞌ ɡɛ ḿbɔ́, pɔ́p pɛ́ pɔ́p nɑ́ŋ sɛ́ nɛjʉ́ yúu. Ɛ́ ɡɔ́ ḿbɔ́, mbɔ Sɑ́ttɑ lɑ́Ꞌ mɔ ńníꞋ kwɑŋɛ nɛfɛn Yɛ́su tsɛt tʉ́m Júdɑs Iskɑlyɔt, mɔ́ɔ-Símɔ.

Jɑ̂ŋ 13:28

Sɑ̌ɑ ŋu nǔu pʉɔ pí pɔ́p pɛ́pɔ́p ḿbɔ́nɛ ńjʉ́ yúu, pɔɔ zúꞋ nu yí Yɛ́su lɔɔnɛ nɛcú pɔ́.

Jɑ̂ŋ 6:70

Yɛ́su pʉ̈ɔt mbɔ̌ pɔ́p ŋɡɔ: «Pʉʉ wɔ ntsɔ̌ppɑ́ nɛ́ nɛɡɛ́m, mɔ ŋkɑɑ nɛ tsɔ́Ꞌ wʉ́ʉ pɔ́ ɔɔ? Wɛcɔ́ ŋu kɛ́ ḿbɔ́ tsɛtsɛt pʉʉ, ḿbɔ́ ŋu-Sɑ́ttɑ.»

ŊwɑꞋnɛ-Gɑŋntúu Yɛ́su Kɛlístɔ 5:3

Pyɛ̂ píkŋɛ wɛ́ ŋɡɔ: «Anɑníyɑs, mɛlɑ́Ꞌ kʉ̈ɔ́ ɔ pɛ́m Sɑ́ttɑ jʉ́ wú tɛ ɔ fu Zẅikŋɛ-Sɛ́? Mɛlɑ́Ꞌ kʉ̈ɔ́ ɔ fɛn ŋkɑ́Ꞌ wú, ŋ́ɡẅɛɛ yɛcɔ́ ɡúŋ-ŋkɑ́p?