Jɑ̂ŋ 12:48 - Kɑɑ Fí

⁴⁸ Ŋu lɑɑ ḿmɛꞋ wɑ́ɑ, ńdʉꞋ sẅiŋɛ yɑ́ɑ, mbɔ ŋɡɑŋ ɡẅɛɛ ŋu ẅí ɑ ɡʉ ŋ́ŋɑk wɛ́. Sẅiŋɛ yí ŋ kɑ cúnɛ ɡʉnɛ ńdɑ́Ꞌ ŋ́ŋɑk wɛ́ ndẅiknzʉʉ lɛ́Ꞌ.

Jɑ̂ŋ 12:48 Marejeleo ya Msalaba

Mɑtʉ̈ɔ 10:15

Mɔ ɛ́sẅíi wʉ́ʉ, kwɑꞋ nɛ́nẅín, lɛ́Ꞌ yi Sɛ́ ɡʉ ńdɑ́Ꞌ ḿbɔ́ ńzɑ́Ꞌ mɛtsɑŋ-pʉɔmɛsɔŋ, ŋɡʉ̈ɔ́Ꞌ-pîpɑ́ pʉɔ zɑ́ɑ ńtsɑ yɛ́ pʉɔ-Sɔdɔ́m pɔ́p yɛ́ pʉɔ-Ŋɡɔmɔ̂ɔ.

Mɑtʉ̈ɔ 21:42

Yɛ́su pɛn ńcú mbɔ̌ pɔ́p ŋɡɔ: «Pʉʉ ŋkɑɑ mɔ kɑ́ fúŋ zʉꞋ-ŋwɑꞋnɛ-Sɛ́ pɔ́ ɔɔ?» Ɛ́ cú ŋɡɔ: «ŊɡɔꞋ yí pɑpɔ́ɔndɑ́ kɑ mɛꞋnɛ, kɑ tsʉ́Ꞌnɛ ŋɡɔꞋ yí ɛ́ piꞋnɛ ndɑ́. Tsɑpʉɔ kɑ ɡɛnɛ pɔ́Ꞌɔ, ɛ́ pɔ́ mɑ́mɑ́ nu sʉ́Ꞌnɛ mík pɛkŋɛ?

Mɑtʉ̈ɔ 25:31

Mɔ́ɔ-Ŋu ɡʉ ḿbɔ́ tɛ ńtɔ́ tsɛt nɛɡúꞋ wɛ, tɛ pɔ́p pɛcʉ̈ɔ́Ꞌ pɛ́ pɔ́nɛ, ɑ nɑ́ŋ ndǔ kɔꞋ yɛ́, ḿbɔ́ fɔɔ ẅí yɛcɔ́ yúu kɑ́ tsɑ wɛ́ pɔ́.

Mɑ́lɛ́kúshi 12:10

Ɛ́ lɑɑ mbɔɔ kʉ̈ɔ́ pɔ́, mbɔ pʉʉ kɑ fúŋ mɔ́ zʉꞋ-ŋwɑꞋnɛ-Sɛ́ yi ɛ́ cúnɛ ŋɡɔ: «ŊɡɔꞋ yí pɑpɔ́ɔndɑ́ kɑ mɛꞋnɛ kɑ tsʉ́Ꞌnɛ ŋɡɔꞋ yí ɛ́ piꞋnɛ ndɑ́.»

Mɑ́lɛ́kúshi 16:16

Ŋu ẅí ɑ pɛ́mnɛ, pɛ́ nuꞋ wɛ́ ŋki, Sɛ́ ɡɛ ɑ luk. Ŋu ẅí ɑ lʉꞋnɛ nɛpɛ́m, ɑ ɡʉ ńdɑ́Ꞌ ḿvu ntsɑŋ.

Mɑ́lɛ́kúshi 8:31

Ɛ́fú nǔu, ńzɛ nɛzíꞋ wɔ́p nɛ́ yúu, ńcú ŋɡɔ: «Ɛ́ sɛ́ ḿbíkŋɛ ŋɡɔ Mɔ́ɔ-Ŋu jʉ́ɔ ŋɡʉ̈ɔ́Ꞌ tɛꞋ, pɛkɛ́m-lɑ́Ꞌ mɛꞋ wɛ́, mbɑ pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, ɛ́ ɡɛ pɔ́Ꞌɔ, pɛ́ jẅí wɛ́. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Lúkɑ́shi 10:16

Yɛ́su pɛn ńcú mbɔ̌ ɡɑŋku pɛ́ ŋɡɔ: «Ŋu lɑɑ ḿbɛ́m sẅiŋɛ yʉ́ʉ, mbɔ ɑ pɛ́m pɔ sẅiŋɛ yɑ́ɑ. Ŋu lɑɑ ńdʉꞋ wʉ́ʉ, mbɔ ɑ lʉꞋ pɔ wɑ́ɑ, ńdɔk pɔ́Ꞌɔ, ńdʉꞋ ŋu ẅí ɑ kɑ ńtúunɛ wɑ́ɑ.»

Lúkɑ́shi 17:25

Lɑ́, ɛ́ ɡʉ ŋ́kɛ́ ńzɛɛ ŋ́ɡɔ ḿbɔ́ pɔ́Ꞌɔ, Mɔ́ɔ-ŋu zɛ ḿbiitɛ ńjʉ́ɔ ŋɡʉ̈ɔ́Ꞌ pɑꞋɑ tɛꞋ, pʉɔ pinɛ pɔ́p ndǔ mbí ŋkɔ̂ɔnɛ lʉꞋ wɛ́.

Lúkɑ́shi 20:17

Yɛ́su ɡɔ́ɔ ŋ́kɛ́ ńdíŋɛ wɔ́p tɛ ńcú ŋɡɔ: «Tɛ wɔ ŋkɑŋ-ŋwɑꞋnɛ ẅí ɛ́ tsɛt ŋwɑꞋnɛ-Sɛ́ pɑꞋnɛ ńdɔk ńcú ŋɡɔ kʉ̈ɔ́: ŊɡɔꞋ yi pɑpɔ́ɔ ndɑ́ kɑ mɛꞋnɛ, kɑ ńtsʉꞋnɛ ŋɡɔꞋ yi ɛ́ piꞋnɛ ndɑ́?

Lúkɑ́shi 7:30

Lɑ́ ŋ́ɡʉ nǔu Pɑ́fɑlísɑy, pɔ́p pɑkyɛ́Ꞌtɛ nɛpʉ́ʉ-Sɛ́, mbɔ pɔ́p kɑ mɛꞋ yɔ́p yîyɑ́ nu mɛꞋnɛ, lɑ ɛ́ pɔ́ yi Sɛ́ kɑ niitɛ ntɛ́ wɔ́p, ḿmɛꞋ pɔ́Ꞌɔ, ḿbɔɔ pɛ́m Jɑ̂ŋ nuꞋ wɔ́p ŋki pɔ́.

Lúkɑ́shi 9:22

ḿbɛn ńcú mbɔ̌ pɔ́p ŋɡɔ: «Ɛ́ píknɛ ŋɡɔ mɔ́ɔ-ŋu ɡɛ ńjʉ́ɔ ŋɡʉ̈ɔ́Ꞌ tɛꞋ, ŋɡɔ Pɛkɛ́m-lɑ́Ꞌ-Pɑyúdɑ pɔ́p pɛtɑ́tndɑ́-pɑnɔŋpɔꞋ mbɑ pɑkyɛ́Ꞌtɛ nɛpʉ́ʉ-Mɔ̌sɛ̂ɛ ɡɛ ńdʉꞋ wɛ́, ŋ́ɡɛ pɛ́ jẅí wɛ́, lɑ́ mbɑ́ɑtɛ lɛ́Ꞌ pɛ́tɑ́t ɑ zẅíimɛ nǔu nɛvú.»

Lúkɑ́shi 9:26

Ŋu lɑɑ ŋ́kɔ́ sʉ́ʉ nɛpɔ́ wɑ́ɑ ŋu, mbɑ nɛsẅíi nu yɑ́ɑ, mbɔ mɔ́ɔ-ŋu ɡɛ ńdɑ́Ꞌ ŋ́kɔ́ sʉ́ʉ nɛlɔk wɛ́ ŋ́ɡɛ wɛ ŋu ŋkɑ́ yi ɑ ɡɛ ńdɑ́Ꞌ ḿbɛn nzʉʉ nɛ́ nɛɡúꞋ wɛ ẅí ɛ́ wɛ Sɛ́ lɑ́, mbɑ pɛcʉ̈ɔ́Ꞌ pɛ́.

Jɑ̂ŋ 11:24

Mɑ́ktɑ pʉ̈ɔt ŋɡɔ: «N jí ŋɡɔ ɑ ɡʉ ŋ́ɡɛ ńzẅíimɛ nǔu ndẅiknzʉʉ lɛ́Ꞌlɑ́Ꞌ pɑ́Ꞌ pɛpfú ɡʉ ńdɑ́Ꞌ ḿbɔ́ ńzẅíimɛ.»

Jɑ̂ŋ 5:45

Kɔɔ pʉʉ kwɑŋɛ ŋɡɔ ŋ ɡʉnɛ ńdɑ́Ꞌ ńtʉ́ʉ mbi Tɑ̌ɑ, ńzɑ́p nu tú pʉʉ. Nzɑ́pnu tú pʉʉ ɡʉ ńdɑ́Ꞌ ḿbɔ́ pɔ Mɔ̌sɛ̂ɛ ẅí pʉʉ kwɑŋɛ yʉ́ʉ kʉ̈ɔ́ lɑ́ ńtík pɔ nǔu wɛ́.

Jɑ̂ŋ 6:39

Yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, ɛ́ pɔ́ pɔ ŋɡɔ kɔɔ mɔ nɑ́ tɛ wɛcɔ́ tɑ́Ꞌ nǔu pʉɔ pí ɑ kɑ ɡɑ́nɛ mbɔ̌ mɔ pɛ́. Ndẅiknzʉʉ lɛ́Ꞌlɑ́Ꞌ ńdɑ́Ꞌ ḿbɔ́, n zẅíimɛ wɔ́p nǔu nɛvú.

Jɑ̂ŋ 8:47

Ŋu ẅí ɑ ŋu-Sɛ́ ɑ zẅíꞋlɛ sẅíŋɛ-Sɛ́. Pʉʉ pɛn ḿbɔɔ ńzẅíꞋlɛ sẅiŋɛ yɑ́ɑ pɔ́, mbíꞋŋɡɔ pʉʉ kɑ́ pɔ́ pʉɔ-Sɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 17:31

Ɛ́ zɛɛ ŋ́ɡɔ ḿbɔ́ pɔ́Ꞌɔ, mbɔ Sɛ́ zɑ́p lɛ́Ꞌ yi ɑ ɡʉ ńdɑ́Ꞌ ńdɔk ŋu ẅí ɑ kɑ tsɔ́Ꞌnɛ wɛ́, ŋ́ŋɑk mbí, ŋ́kɛ́ ŋ́ŋɑk pɔ nǔu ntɛ́ yi ɛ́ ndʉ́ŋndʉŋ. A kɑ zẅíimɛ ŋɡɑŋ nǔu nɛvú nɛlɔk ńnyɛt mbɔ̌ pʉɔtsʉʉ ŋɡɔ ɑ ɡʉ ńdɑ́Ꞌ ŋ́ɡɛ pɔ́Ꞌɔ.»

ŊwɑꞋnɛ-Gɑŋntúu Yɛ́su Kɛlístɔ 3:23

Ɛ́ ɡʉ nǔu ŋu ẅí ɑ kɛ́ lɑ́Ꞌ ńzúꞋ ntsu ẅîwɑ́ Ŋɡɛ́mdʉ̈ɔ́Ꞌ-Sɛ́ pɔ́, pɛ́ fú tsɛtsɛt pʉɔ pi Sɛ́ kɑ tsɔ́Ꞌnɛ, ńcẅɛɛtɛ wɛ́, ńjẅí wɛ́.

Pʉɔ-Lɔ́mɑ 2:16

Yɔ pɑ́Ꞌ Ŋkʉʉ Sʉ́Ꞌnɛ-Sɛ́ ẅí mɔ sɛ́ ńdɛꞋlɛ ńcúnɛ pɑ́Ꞌ Sɛ́ ɡʉ ńdɑ́Ꞌ ńzɑ́Ꞌ ntsɑŋ mbɑ wɔ̌ lɑ́. Ɛ́ ɡʉ ńdɑ́Ꞌ ḿbɔ́ yîyɑ́ lɛ́Ꞌ, Sɛ́ cú mbɔ̌ Yɛ́su Kɛlístɔ, ɑ ŋɑk pʉɔ nǔu kʉ̈ɔ́ lɑ́ yi ɛ́ lʉɔmɛ́nɛ tsɛt tʉ́m pɔ́p.

2 Kɔlɛ̂ŋtɛ 4:3

Ɛ́ lɑɑ ḿbɛn ḿbɔ́ yi Ŋkʉʉ Sʉ́Ꞌnɛ ẅi pɛk cẅinɛ, ɛ́ mbɔ̌ pɛcɔ́ pʉɔ ḿbɛ́t pɔ tsɛt ŋkwɑ́, mbɔ ŋkwɑ́ pɔ́ pɔ́Ꞌɔ, pɔ mbɔ̌ pʉɔ pi pɔ́p sɛ́ ŋ́kʉɔ Sɛ́, lɑ́ ŋ́ɡɛ ḿbɛ́ pɛ́nɛ,

2 Tɛsɑlɔník 1:8

A ɡʉ ńdɑ́Ꞌ ŋ́ɡɔ ńtɔ́ pɛkŋɛ jʉ́ɔ múk tʉ̈ɔ́Ꞌlɛ wɛ́ ńníꞋ sɔŋ, ɑ ɡɛ pʉɔ pi pɔ́p kɑ jí Sɛ́ pɔ́ ḿbɛn ńdʉꞋ Ŋkʉʉ Sʉ́ꞌnɛ wɛ́ jʉ́ɔ ŋɡʉ̈ɔ́Ꞌ.

Ɛ́bɛlʉʉ 10:25

Kɔɔ pɛkŋɛ nɑ́ nɛ́ kɛ́ ḿbɔ́ ńtɔ́ mɛcúꞋlɛ-mɛkŋɛ tɔ́nɛ, tɛ mbɑ pɑ́Ꞌ nɛtẅí cúꞋlɛ tsʉ́Ꞌ pɔ mɑt mbɔ̌ pɛcɔ́ pʉɔ lɑ́, tɛ ńtsʉ́Ꞌ pɔ́Ꞌɔ, ŋu wɛkŋɛ níꞋ mɛtʉʉ mɔ́ɔmɑ́ wɛ, ḿbɛn ńní kwɑꞋ mɛ́ ɡúu, mbíꞋŋɡɔ pʉʉ sɛ́ ńjʉ́ɔ pɑ́Ꞌ lɛ́Ꞌlɑ́Ꞌ-Tsɑpʉɔ sɛ́ ḿbɑ́ɑtɛ.

Ɛ́bɛlʉʉ 12:25

Pɔ́Ꞌɔ lɑ́, pʉʉ pɑ́ɑ nɛlʉꞋ nɛzẅíꞋlɛ nu yi ɛ́ cẅɛtnɛ ntsu-ŋu ẅí ɑ sɛ́ ńcú nu mbɔ̌ pʉʉ, mbíꞋŋɡɔ ḿbɔ́ yi pɛ́ kɑ níꞋ ntsɑŋ tú-pʉɔ pi pɔ́p kɑ lʉꞋnɛ nɛzúꞋ nu yi Mɔ̌sɛ̂ɛ kɑ pɔ́ ndǔ tsɛ́tsɑ́Ꞌ ḿbɔ́ ŋ́kɑ́k nɛtúutɛ nɔ́p nǔu, mbɔ pɛkŋɛ lɑɑ tɛ́m ŋkwɛn mbɔ̌ Sɛ́ ẅí ɑ tʉ́nɛ́pú, ḿbɔ́ ɛ́sẅíi wɛkŋɛ nɛ nu, mbɔ ɛ́ ŋ́ɡɛ pɑ́Ꞌ lɑ́ pɛkŋɛ pɔɔ kúu pɔ ŋɡʉ̈ɔ́Ꞌ yi ɛ́ lɛɛ yîyɑ́ pɔ́.

Ɛ́bɛlʉʉ 2:3

Pɑ́Ꞌ ɛ́ kɑ pɔ́ pɔ́Ꞌɔ lɑ́, pɛkŋɛ lɑɑ ŋ́ɡwɑ́k nu nǔu mɑ́mɑ́ nu yi Sɛ́ kɑ ɡɛnɛ pɛkŋɛ luk, mbɔ Sɛ́ ŋ́ɡɛ pɑ́Ꞌ tɛ ńnɑ́ wɛkŋɛ? Tsɑpʉɔ Yɛ́su nɛ́ túmbʉʉ yɛ́ kɑ piitɛ ńzɛ nɛcú nu ɛ̂yɑ́. Pʉɔ pi pɔ́p kɑ zúꞋnɛ ntsu wɛ́, ɡʉ ńtsuŋ ɛ́sẅíi wɛkŋɛ ŋɡɔ ɛ́ kwɑꞋ mɑ́mɑ́ nu.

Ɛ́bɛlʉʉ 4:12

Sẅiŋɛ-sɛ́ tɛntɛ sʉ́Ꞌnɛ lɑ ńtsuŋ ɛ́fɑꞋ mɛfɑꞋ, tú yɛ́ shẅítnɛ tɛ ńdɛɛ mbɑ yɛ́ mbɑ yɛ́tɛ́ ntɛ́ níi-ntsɔ lɑ́ yi ɛ́ ɡẅɛɛnɛ mɛɡʉ́ŋ mɛ́mbɑ́, ɛ́ sɔ́ ŋ́kúu nǔu ŋu kúunɛ tɛ ńdɛɛ nǔu zʉꞋ yi zẅikŋɛ-ŋɡɑŋ pɔ́p tʉ́m yɛ́, zʉꞋ kwɑŋɛ yɛ́ zúꞋu, tɛmtɛ́nɛ, tɛ ńdɛɛ nǔu zʉꞋ yi mɛzuŋ-mbʉʉ-ŋɡɑŋ pɔ́p mɛfɔ́ɔ mi ɛ́ tsɛt mɛtsẅíi mɛ́ zúꞋu. Ɛ́ ŋɑk ŋu nǔu yúu mi ŋɡɑŋ sɛ́ ńtsɑ́ɑ mbɑ nǔu yi ɑ sɛ́ ŋ́kwɑŋɛ tʉ́m wɛ́.

1 Pyɛ̂ 1:5

ɛ́ yúu yʉ́ʉ, pʉʉ pʉɔ pi Sɛ́ sɛ́ ńdɔk mɛtʉʉ mɛ́ ḿbyɛ́p wʉ́ʉ, ɛ́ pɔ́ pɑ́Ꞌ pʉʉ sɛ́ ńzɑ́p tʉ́m nǔu wɛ́. Jʉ́ pyɛ́pnɛ wʉ́ʉ pɑ́Ꞌ pʉʉ ɡʉ ŋ́ɡɛ ŋ́ɡẅɛɛ luk yi ɛ́ ɡʉ ńdɑ́Ꞌ ndẅiknzʉʉ lɛ́Ꞌ ŋ́ɡɛ pɛ́ jʉ́ɔ.

2 Pyɛ̂ 3:3

Pʉʉ zɛɛ ḿbiitɛ ńjí ŋɡɔ, ɛ́ ŋ́ɡɛ ḿbɔ́ nǔu ndẅiknzʉʉ mɛlɛ́Ꞌlɑ́Ꞌ, pɛcɔ́ pʉɔ cẅɛt, ŋ́ɡɛ yɔ́p pɔ yúu mi mɛtʉʉ mɔ́p sɛ́ ńtsʉ́ʉnɛ wɔ́p ŋɡɔ pɔ́p ɡɛ. Pɔ́p ŋ́ɡɛ ŋ́ɡwɛ wʉ́ʉ,

2 Pyɛ̂ 3:7

ŋ́ɡʉ nǔu nɛfɑŋ ŋkɔ̂ɔnɛ, mbɑ tsɛ́tsɑ́Ꞌ ŋkɔ̂ɔnɛ, mbɔ yîyɑ́ Sẅiŋɛ lẅɛꞋ wɔ́p lẅɛꞋnɛ ńdɔk ńzẅíꞋlɛ lɛ́Ꞌ yi Sɛ́ ɡʉ ŋ́ɡɛ ŋ́ŋɑk pɛɡɑŋmbuu pɛ́. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́, múk ɡɛ tʉ́nɛ́pú pɔ́p tsɛ́tsɑ́Ꞌ tɛmtɛ ńdɑ́kŋɛ.