Jɑ̂ŋ 12:36 - Kɑɑ Fí

³⁶ Kyɛꞌ lɑɑ ḿbɛ́t tsɛtsɛt pʉʉ, pʉʉ zɑ́p tʉ́m nǔu kyɛꞌ, ńdɔk ńtsʉ́Ꞌ pɔ́ɔ-kyɛꞋ. Yɛ́su cú yɔ nu tɛ ɛ́ kuꞋ, ɑ ɡʉ ńdʉ̈ɔmɛ nǔu zʉꞋ yi pɔ́p kɛ́ ɡɛ ńjʉ́ɔ wɛ́ pɔ́.»

Jɑ̂ŋ 12:36 Marejeleo ya Msalaba

Mɑtʉ̈ɔ 21:17

Ńcú pɔ́Ꞌɔ, ńnɑ́ wɔ́p, ɛ́fú tʉ́sɔŋ ńcẅɛt ŋ́ɡʉ nɛ́ Mbɛtɑni, ŋ́kúu zúꞋu ńdɛ́.

Mɑtʉ̈ɔ 5:14

Pʉʉ pɔ́nɛ kyɛꞋ-ndǔ mbí. Pɛ́ lɑɑ ŋ́kút tʉ́sɔŋ ndǔ nɛŋkɔ́Ꞌ, mbɔ ɛ́ lɑɑ ḿbɔ́ ɛ́ pɔɔ lʉɔmɛ.

Lúkɑ́shi 16:8

Tɑ́fɑꞋ ɡɛ ńjʉ́ɔ ntɛ́ yi ŋɡɑŋfɑꞋ kɛpɔŋ wɛ lɔknɛ ńtɑ́ɑ zúŋ pɔ́Ꞌɔ, ńtsʉ́Ꞌ ḿbɛ́m pɛ́mnɛ ŋɡɔ jínu yɛ́ ɡú. Yɛ́su cú mbɔ̌ pɔ́p ŋɡɔ: «Ɛ́ nɛ́nẅín ŋɡɔ pʉɔ-mbí yɔ jí nɛtɑ́ɑ zúŋ ńdɔk niitɛ mɛnu tsɛtsɛt pɔ́p, ńdɛɛ pʉɔ pinɛ pɔ́p zɑ́pnɛ tʉ́m yɔ́p nǔu Sɛ́.»

Jɑ̂ŋ 1:7

A tɔ́ ḿbɔ́ jʉ́njʉ́ɔ, nɛsẅíi yúu mi ɑ jínɛ ntɛ́ kyɛꞌ ɛ̂yɑ́, nɛpɔ́ yi mbɑ wɔ̌ lɑ́ ɡʉ ńzúꞋ sẅiŋɛ-Jɑ̂ŋ, ńzɑ́p tʉ́m yɛ́ nǔu kyɛꞌ ɛ̂yɑ́.

Jɑ̂ŋ 11:54

Yɛ́su fú ŋkɑ́ yîyɑ́ mbɔɔ pɛn sɑ́ɑnɛ sɑ́ɑnɛ́nɛ ńdɛɛ tsɛtsɛt pɑyúdɑ pɔ́. A lɔk yɛcɔ́ lɑ́Ꞌ yi ɛ́ lʉɔmɛ́nɛ, shʉ́ kɔ̂ŋtɛt, ŋ́ɡʉ tsɛt yɛcɔ́ tʉ́sɔŋ yi pɛ́ fúŋnɛ ŋɡɔ Ɛ́fɛlɑyim, pɔ́p ɡɑŋku pɛ́ nɑ́ŋ zúꞋu.

Jɑ̂ŋ 12:37

Yɛ́su kɑ pɔ́ ŋ́ɡɛ mɛnu mɑɑnɛ tɛꞋ mbi pʉɔ lɑ́, pɔ́p kɛ́ mbɔɔ ńzɑ́p tʉ́m nǔu wɛ́ pɔ́.

Jɑ̂ŋ 12:46

Mɔ njʉ̈ɔ́ kyɛꞌ, ŋ kɑ tɔ́ ndǔmbí nɛpɔ́ yi ŋu lɑɑ ńzɑ́p tʉ́m nǔu mɔ, ɑ pɔɔ ɡɔ́ŋ tsɛt nzɛ́nzʉ́ʉ pɔ́.

Jɑ̂ŋ 3:21

Lɑ́, ŋu ẅí ɑ sɛ́ ńnɛn nǔu sɛ̂ndúŋ-nu-nɛ́nẅín, ɑ ńtɔ́ zʉꞋ yí kyɛꞌ zúꞋu, ńjí ŋɡɔ pɛ́ ɡʉ ńjʉ́ɔ ŋɡɔ ŋɡɛnɛ mɛnu mɛ́ fú pɔ nǔu pɑ́Ꞌ ɑ sɛ́ ńzúꞋ ntsu-Sɛ́.

Jɑ̂ŋ 8:12

Yɛ́su pɛn ńzɛ nɛzíꞋ yúu mbɔ̌ lɑ́Ꞌ, ńcú ŋɡɔ: «Kyɛꞌ yi ɛ́ kyɛꞋnɛ zʉꞋ ŋ́ɡɑ́ mbɔ̌ pʉɔmɛsɔŋ ndǔmbí ɑ pɔ́ mɔ. Ŋu lɑɑ ńcʉ́ɔ nzʉʉ mɔ, mbɔ ŋɡɑŋ kɛ́ lɑ́Ꞌ ńnɛn tsɛt nzɛ́nzʉ́ʉ pɔ́. Mbɔ ɑ ɡẅɛɛ kyɛꞌ yi ɛ́ kyɛꞋnɛ sɛ̂ndúŋ kwɑꞋ luk.»

Jɑ̂ŋ 8:59

Pɔ́p zúꞋ pɔ́Ꞌɔ, ńdɑk mɛŋɡɔꞋ nɛlɔk ńtɛ́mtɛ Yɛ́su ńjẅí. A sɔ́ ḿbɛ́, ɛ́sɔ́ ɛ́fú tsɛt ndɑ́-nɔŋpɔꞋ ńcẅɛt.

Ɛ́fɛ̂zɛ 5:8

Pʉʉ kɑ pɔ́ yɛcɔ́ ŋkɑ́ ḿbɔ́ pɔ tsɛt nzɛ́nzʉ́ʉ. Ɛ́ lɛɛ nǔu pɑ́Ꞌ pʉʉ lɑtnɛ mbʉʉ yʉʉ nǔu Tsɑpʉɔ, pʉʉ tsʉ́Ꞌ ḿbɔ́ ŋkɔ̂ɔnɛ ḿbɔ́ pɔ zʉꞋ fúknɛ. Pɔ́Ꞌɔ lɑ́, pʉʉ ɡɔ́ ŋ́ɡɛ mbɑ kʉ̈ɔ́ lɑ́ yʉ́ʉ, ŋ́ɡɛ pɑ́Ꞌ pʉɔ pi pɔ́p nǔu zʉꞋ fúknɛ.

1 Tɛsɑlɔník 5:5

Pʉʉ pɛtsʉʉ zɛɛ ḿbɔ́ pɔ pʉɔ pi pɔ́p nɛnnɛ nǔu zʉꞋ yi ɛ́ yi kyɛꞋnɛ, ḿbɔ́ pʉɔ pi pɔ́p nɛnnɛ pɔ nɛnɛm. Pɛkŋɛ kɑ́ pɔ́ pʉɔ pi pɔ́p nɛnnɛ nɛtúꞋ pɔ́, ŋ́kɛ́ ḿbɔɔ pɔ́ pʉɔ pi pɔ́p nɛnnɛ nɛ́ nzɛ́nzʉ́ʉ pɔ́.

1 Tɛsɑlɔník 5:8

Lɑ́ ŋ́ɡʉ nǔu pɛkŋɛ pi pɛkŋɛ nɛnnɛ nɛnɛm, mbɔ ɛ́ sɛ́ ḿbíkŋɛ ŋɡɔ pɛkŋɛ ɡuutɛ mbʉʉ yɛkŋɛ, ŋkɔŋɛ mbɑ nɛzɑ́p tʉ́m nǔu Sɛ́ pɔ́ yɛkŋɛ ndẅí-ntsɔ yi pɛ́ lɔknɛ tʉ́n ńniitɛ. NɛzẅíꞋlɛ lɛ́Ꞌ yi Sɛ́ ɡʉ ŋ́ɡɛ pɛkŋɛ luk, ɛ́ pɔ́ yɛkŋɛ cɔꞋ-ntsɔ yi pɛ́ lɔknɛ tʉ́n ńniitɛ.