Jɑ̂ŋ 1:48 - Kɑɑ Fí

⁴⁸ Nɑtɑnɑyɛ̂l píkŋɛ Yɛ́su ŋɡɔ: «Ɔ jí wɑ́ɑ ɡɔ́?» Yɛ́su pʉ̈ɔt mbɔ̌ wɛ́ ŋɡɔ: «Filîp lɑ́Ꞌ ŋ́ɡɔ ɛ́fúŋ wú pɑ́Ꞌɑ m bɔ́ ńjʉ́ɔ wú jʉ́ɔnɛ. Ɔ lɑ́Ꞌ ńnɑ́ŋ nɛtsɛ́n-tʉ́-ŋɡɛ̌m.»

Jɑ̂ŋ 1:48 Marejeleo ya Msalaba

Mɑtʉ̈ɔ 10:3

ŋ́ɡɛ Filîp pɔ́p Pɑtɛlɛmî, ŋ́ɡɛ Tɔ́mɑ́shi pɔ́p Mɑtʉ̈ɔ, ẅi ɑ ḿbɔ́nɛ ńcẅɛ́ɛntsup Pɑlɔ́mɑ ŋ́ɡɛ Jɑ̂k mɔ́ɔ-Alfɛ̂ pɔ́p Tɑdɛ́ɛ,

Mɑtʉ̈ɔ 6:6

Lɑ́ ŋ́ɡʉ nǔu pʉʉ, mbɔ ŋu lɑɑ ḿbɔ́ ŋ́ɡʉ ńcɛꞋlɛ Sɛ́, ɑ kúu tsɛt lûmndɑ́ lʉɔmɛ́nɛ, ŋ́kẅíipɛ ntsundɑ́, ńnɑ́ŋ pɔ ndʉɔmɛ lʉɔmɛ́nɛ lɑ́ ńcɛꞋlɛ Tɑ́t wɛ ẅí pɛ́ ńjʉ́ɔ wɛ́ pɔ́. Tɑ́t wu ẅí ɑ jʉ́ɔnɛ yúu mi ɔ ɡɛnɛ zʉꞋ lʉɔmɛ́nɛ, ɑ ɡʉ ŋ́ɡɛ ńtsɔ́Ꞌ fɑꞋ yú.

Jɑ̂ŋ 1:44

Filîp ɛ̂wɑ́ kɑ pɔ́ ŋu-Mbɛtsɑyídɑ, tʉ́sɔŋ pɛ́ Ndɛlɛ́yɑ pɔ́p Pyɛ̂.

Jɑ̂ŋ 12:21

Pɔ́p tɔ́ ńjʉ́ɔ Filîp, ŋu-Mbɛtsɑyídɑ nǔu pɑk-ŋɡɔŋ-Ŋɡɑlílíyɑ, ńcú mbɔ̌ yɛ́ ŋɡɔ: Ndɛ, pɛk sɛ́ ńtsɑ́ɑ nɛjʉ́ɔ Yɛ́su.

Jɑ̂ŋ 14:8

Filîp zúꞋ, ńcú mbɔ̌ Yɛ́su ŋɡɔ: «Tsɑpʉɔ, nyɛt wɛ́k nɛ́ Tɑ́t wu ɛ̂wɑ́ ɛ́ kuꞋ pɔ́Ꞌɔ.»

Jɑ̂ŋ 2:25

A ŋkɑɑ pɔ́ ńtsɑ́ɑ ŋɡɔ pɛ́ kyɛ́Ꞌtɛ kyɛ́Ꞌtɛ́nɛ ɛ́sẅíi wɛ́ pɔ́. KwɑꞋ jʉ́ ḿbɔ́ ńjí yúu mi ɛ́ tsɛt tʉ́m-ŋumɛsɔŋ.

Jɑ̂ŋ 6:5

Yɛ́su nɑ́ŋ tɛ ḿbʉꞋ tú yɛ́ ńjʉ́ɔ mɑ́mɑ́ nɔɔ-lɑ́Ꞌ pɔ́ ńtɔ́ nɛ́ nɛjɔ́ŋ yɛ́, ɑ cú mbɔ̌ Filîp ŋɡɔ: «Pɛkŋɛ ɡʉ ŋ́ɡʉ ɡɔ́ ńzúu mbɛlɛ̂ɛt lɑ ńdɔk ńzẅík wɔ́p?»

Jɑ̂ŋ 6:7

Filîp pʉ̈ɔt ŋɡɔ: «Pɛ́ lɑɑ ńzúu mbɛlɛ̂ɛt pɔ yɛ́ mɛndɛ́níɛ ŋkʉ yɛ́pɑ́, ŋu wɔp kwɛ́t mbɔ ɛ́ ŋ́kúu nǔu lʉ́m yɛ́?»

1 Kɔlɛ̂ŋtɛ 14:25

Yúu mi ɛ́ ńzɛɛnɛ ḿbɔ́ tsɛt tʉ́m yɛ́ yi lʉɔmɛ́nɛ, cẅɛt mɑ́ntɑ́ɑ, ɑ kẅíꞋlɛ sɛ́, ɛ́sɔp shʉ́ wɛ́ sɛ́, ŋ́ɡɔ ḿbɔ́ ŋ́ɡúꞋlɛ Sɛ́, ḿbɔ́ ńcú ŋɡɔ: «Ɛ́ nɛ́nẅín Sɛ́ tsuŋ ḿbɔ́ tsɛtsɛt pʉʉ.»

1 Kɔlɛ̂ŋtɛ 4:5

N dɔk pɔ́Ꞌɔ, ɛ́sẅíi wʉ́ʉ ŋɡɔ kɔɔ pʉʉ zɑ́Ꞌ njí ńcú nu nǔu fɑꞋ-ŋu kɛ́ pɔ́ yi ŋkɑ́ kuꞋ. Kɛ́ pɔ́ yi Tsɑpʉɔ tɔ́ mɔ́. Jʉ́ ŋ́ɡɛnɛ ŋ́kyɛꞋ mbɑ kʉ̈ɔ́ lɑ́ yi ɛ́ tsɛt nzɛ́nzʉ́ʉ. A ŋ́ɡɛ ŋ́ɡɛ pɛ́ jʉ́ɔ mɛŋkwɑŋɛ mi ɛ́ tsɛt mɛtʉ́m-pʉɔ. Pɔ́Ꞌɔ lɑ́, Sɛ́ kɛ́ ŋ́ɡɑ́ tsɔ́ꞋfɑꞋ mbɑ wɔ̌ lɑ́ nǔu ntɛ́ yi ɛ́ sɛ́ ḿbíkŋɛ ŋɡɔ ŋɡɑŋ ɡẅɛɛ.