Ɛ́bɛlʉʉ 9:25 - Kɑɑ Fí

²⁵ A ŋ́kɑɑ kúu zúꞋu pɑ́Ꞌ ɑ ɡʉ ńdɔk tú yɛ́ nɔŋ pɔꞋ mɛŋkɑ́ tɛ ńzɑ́ɑ, pɑ́Ꞌ nɔŋpɔꞋ wɛ ɡwɛ́ kɑ pɔ́ ŋ́kúu tsɛt kwɑꞋ zʉꞋ-Sɛ́, mɛŋɡuꞋ mɛŋɡuꞋ, ńdɔk mɛci-nɑɑ ńnɔŋ pɔꞋ pɔ́.

Ɛ́bɛlʉʉ 9:25 Marejeleo ya Msalaba

Ɛ́bɛlʉʉ 10:10

Kɛlístɔ kɑ ɡɛ yúu mi Sɛ́ sɛ́ ŋ́kɔŋ. A kɑ ɡɑ́ túmbʉʉ yɛ́ tɑ́Ꞌ ŋkɑ́ ɛ́ kuꞋ. A lɔk pɔ́Ꞌɔ, ŋ́ɡɛ pɛkŋɛ kuꞋ pʉɔ-Sɛ́.

Ɛ́bɛlʉʉ 10:19

Pɔ́ɔpɛ́mɑ́ pɑ́ɑ, pɑ́Ꞌ ɛ́ pɔ́Ꞌɔ lɑ́, pɛkŋɛ ŋkɔ̂ɔnɛ, ńtsuŋ ḿbɔ́ ńjí sʉ́Ꞌnɛ ŋɡɔ yɛcɔ́ yúu kɑ́ pɔ́ ńtɔꞋ wɛkŋɛ nɛlɛɛ ŋ́kúu nǔu kwɑꞋ zʉꞋ-Sɛ́ pɔ́, pɔ́Ꞌɔ, ńdɛɛtɛ nǔu pɑ́Ꞌ Yɛ́su kɑ tswɛtnɛ mɛci mɛ́.

Ɛ́bɛlʉʉ 9:12

Kɛlístɔ kɑ kúu kwɑꞋ tsɛt zʉꞋ yi Sɛ́ zúꞋu. A kɑ kúu pɔ tɑ́Ꞌ ŋkɑ́ ɛ́ kuꞋ. A kɑ ɡɔ́ ŋ́kúu, mbɔɔ ɡẅɛɛ mɛci pʉ̈ɔp, kɛ mɛ́ pɔ́ɔ-fɔŋ nɛnyɛt mbɔ̌ Sɛ́ pɔ́. A kɑ lɔk pɔ kwɑꞋ mɛci mɛ́ ŋ́kúu. Yɔ pɑ́Ꞌ ɑ kɑ cẅɛɛtɛ́nɛ wɛkŋɛ ndɑ́tsɑ́ŋ pɔ́Ꞌɔ, tɑꞋ ŋkɑ́.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.

Ɛ́bɛlʉʉ 9:2

Mbɔ pɛ́ kɑ zuŋɛ mɑ́mɑ́ ntɑp, ńdɔk yúu ndẅí ńzɑ́Ꞌ nji yɛpɑ́, ɛ́fúŋ lûm wɛ píi ŋɡɔ tsɛt zʉꞋ yi Sɛ́ zúꞋu, wɛcɔ́ ntɛ́ mɑ́mɑ́ túlkɑ́ŋ pɔ́ zúꞋu, ŋ́ɡẅɛɛ mɛntyɑk sɑɑmbɑ́, tɑ́pɛlɛ pɛn ḿbɔ́ zúꞋu, mbɛlɛ̂ɛt yi pɛ́ ɡɑ́nɛ mbɔ̌ Sɛ́ pɔ́ ndǔ.

Ɛ́bɛlʉʉ 9:26

MbíꞋŋɡɔ ɛ́ kɑ pɔ́ pɛ́Ꞌnɛ ḿbɔ́ pɔ́Ꞌɔ, mbɔ tɛ fú pɑ́Ꞌ Sɛ́ kɑ niitɛ́nɛ ndǔmbí, Kɛlístɔ kɑ ɡẅɛɛ nɛnɑ́ŋ ńjʉ́ɔ ŋɡʉ̈ɔ́Ꞌ, ḿpfú ḿbɛn ḿpfú. Lɑ́ pɛkŋɛ jí ŋɡɔ ŋkɑ́ kɑ pɔ́ tɛ ŋ́kuꞋ, ɑ cẅɛt pɔ tɑ́Ꞌ ŋkɑ́, ɛ́ kuꞋ pɔ́Ꞌɔ, ɑ lɔk túmbʉʉ yɛ́ ńnɔŋ pɔꞋ nɛlɔk ḿbík nu kɛpɔŋ.

Ɛ́bɛlʉʉ 9:7

Lɑ́ ŋ́ɡʉ nǔu lûm wɛ tsɛtú, nɔŋpɔꞋ wɛ ɡwɛ́ zɛ́nɛ jʉ́ kúunɛ zúꞋu tɑ́Ꞌ ŋkɑ́ nǔu ŋɡuꞋlɑ́Ꞌ, ŋ́kɛ́ ḿbɔɔ ŋ́kúu zúꞋu kɛ́ ɡẅɛɛ mɛci mi ɑ lɔknɛ ńtɔ́ mbi Sɛ́ nɛnyɛt ntɛ́ mɛnu kɛpɔŋ mɛ́ ɡúu, mbɑ mɛ́ pɛcɔ́ pʉɔ pɔ́.