Ɛ́bɛlʉʉ 9:16 - Kɑɑ Fí

¹⁶ Ḿbɔ́ pɛ́ pɔɔ zɛɛ ɛ́fúŋ ŋwɑꞋnɛ yi ŋu kɑ lɔknɛ ńtík nɛvú nɛ́ kɛ́ pɔ́ yi ŋɡɑŋ pfú tɛ pɛ́ jʉ́ɔ pɔ́.

Ɛ́bɛlʉʉ 9:16 Marejeleo ya Msalaba

Pʉɔ-Lɔ́mɑ 5:12

Nu kɛpɔŋ kɑ ɡɔ́ kúu ndǔmbí, ńdɛɛ pɔ nǔu tɑ́Ꞌ ŋumɛsɔŋ wɛ́mɔ́Ꞌ, ẅi ɑ kɑ fɑɑnɛ́nɛ nu, lík yɛ́ pɔ́ ŋɡɔ Ádɑm. Nu kɛpɔŋ kɑ lɔk nɛvú ńtɔ́. Nɛvú kúu nǔu njẅɛt-ŋumɛsɔŋ tsʉʉ, mbíꞋŋɡɔ pʉɔ pɛtsʉʉ kɑ pɔ́ pɔ́Ꞌɔ, ńdɔk ɛ́fɑɑnɛ nu.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

1 Kɔlɛ̂ŋtɛ 15:22

Ndʉ́ŋndʉŋ pɑ́Ꞌ pʉɔmɛsɔŋ tsʉʉ lɔknɛ pɑ́Ꞌ pɔ́p kɑ lɛɛtɛ nǔu Ádɑm ḿpfútɛ lɑ́, pɔ́p pɛ́tsʉʉ ɡʉ ḿbɛn ńdɔk pɑ́Ꞌ pɔ́p ńdɛɛ nǔu Kɛlístɔ ńzẅíimɛ nǔu nɛvú.

Ɛ́bɛlʉʉ 1:3

Pɛ́ fú pɔ nǔu mɔ́ɔ wɔ lɑ ńjʉ́ɔ pɑ́Ꞌ nɛɡúꞋ Sɛ́ kɛ́ ndẅiklɛ pɔ́Ꞌɔ. Ɛ́ lɑɑ ḿbɔ́ yi Sɛ́ ŋɡɔ́ku ɔɔ, mbɔ mɔ́ɔ nɛ pɛn ḿbɔ́ yɛ́ pɔ kwɑꞋ pɔ́Ꞌɔ. A jʉ́ ẅi ɑ lɔk pɔ mɛtʉʉ mi ɛ́ nǔu sẅiŋɛ yɛ́, ńtɔ́ɔtɛ mbɑ kʉ̈ɔ́lɑ́ yi ɛ́ ndǔmbí tsʉʉ. A kɑ pɔ́ tɛ ŋ́ɡɛ yúu mi Sɛ́ sɛ́ ɛ́fú nǔu ńdikŋɛ mɛnu kɛpɔŋ pʉɔmɛsɔŋ tɛ ɛ́ ḿmɛ, ŋ́ɡʉ nɛ́ tʉ́nɛ́pú, ńnɑ́ŋ nǔu ɡúŋ-pɔ́-Sɛ́ yi tʉʉ, jʉ́ Sɛ́ ẅí ɑ sɑ́Ꞌnɛ mbɑ kʉ̈ɔ́lɑ́.

Ɛ́bɛlʉʉ 13:20

Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.

Ɛ́bɛlʉʉ 9:15

Yɔ yúu minɛ ɛ́ ɡɛnɛ Kɛlístɔ pɔ́ nǔu nu yɛcɔ́ kɑɑ yi ɛ́ yɛ fí, yi ɛ́ pɛn ńdɔk ḿbɔ́ pɑ́Ꞌ ŋwɑꞋnɛ lɔk ńtík nɛvú, ḿbɔ́ nɛnkɛ́m. A kɑ pfú ɛ́ pɔ́ nɛlɔk pɔ́Ꞌɔ, ɛ́fú ndɑ́tsɑ́ŋ yi mɛnu kɛpɔŋ-pʉɔmɛsɔŋ kɑ níꞋnɛ wɔ́p zúꞋu, ŋkɑ́ yi pɛ́ kɑ pɛ́t pɔ́ nǔu nu nduŋmbi kɑɑ, ńcẅɛɛtɛ wɔ́p. Ɛ́ kɛ́ fú pɔ́Ꞌɔ, pʉɔ pinɛ pɛ́ kɑ tsɔ́Ꞌnɛ wɔ́p, pɔ́p kuꞋ nɛcẅɛ́ɛ mɛyúu sʉ́Ꞌnɛ mi ɑ kɑ pʉ́nɛ, ɛ́ pɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

Ɛ́bɛlʉʉ 9:17

Ŋu zɛɛ ḿbɔ́ tɛ ḿpfú lɑ ŋwɑꞋnɛ yi ɑ lɔknɛ ńtík nɛvú nɛ́ cẅɛt, pɛ́ lɔk ɛ́fúŋ yɛcɔ́ nu. A lɑɑ ḿbɛ́t ḿbɔ́ pɔ ntʉʉ, yîyɑ́ ŋwɑꞋnɛ cẅɛt, pɛ́ pɔɔ lɔk ɛ́fúŋ yɛcɔ́ nu pɔ́.

Jɑ̂k 2:10

Ŋu lɑɑ ńzɛɛ ŋ́ɡẅɛɛ nɛpʉ́ʉ-Sɛ́ tsʉʉ, lɑ́ ŋ́ɡʉ nǔu ɛ́fɑɑnɛ pɔ ndɑꞋ tɑ́Ꞌ, mbɔ ɑ fɑɑnɛ pɔ nɛpʉ́ʉ tsʉʉ.