Ɛ́bɛlʉʉ 9:11 - Kɑɑ Fí

¹¹ Ɛ́ kɛ́ ḿbɔ́ nǔu ŋkɔ̂ɔnɛ, mbɔ Kɛlístɔ kɑ tɔ́ ḿbɔ́ nɔŋpɔꞋ wɛ ɡwɛ́ nǔu yúu sʉ́Ꞌnɛ yi ɛ́ sɛ́ ńtɔ́. A kɑ ɡɔ́ ńtɔ́, ńjɛ́Ꞌ tsɛt yɛcɔ́ ntɑp, ɛ́ pɔ́ ẅi ɛ́ tsuŋ ŋ́ɡúꞋ ńdɛɛ wɛcɔ́ wɑ́, yɛcɔ́ yúu pɛn ŋ́kɛ́ ḿbɔɔ ńjɑ́k nǔu pɔ́, ɛ́ ŋ́kɑɑ pɔ́ ẅi pʉɔ kɑ lɔknɛ mbɔ́ mɔ́p ńniitɛ pɔ́, ɛ́ lɔk ḿbɔ́ ŋɡɔ ẅîwɑ́ ntɑp kɑ́ pɔ́ tsɛt yɔ mbí yi pɛ́ kɑ niitɛ niitɛ́nɛ pɔ́.

Ɛ́bɛlʉʉ 9:11 Marejeleo ya Msalaba

Mɑtʉ̈ɔ 11:3

ɑ Nzɑ́Ꞌŋkʉ ẅí pɛ́ sɛ́ ńzẅíꞋlɛ wɛ́ lɑ́ kɛ pɔ́p ḿbɛn ńzẅíꞋlɛ pɔ wɛcɔ́ ŋu ndɛꞋ ɔɔ?

Mɑtʉ̈ɔ 2:6

“Ɛ́ ɡʉ nǔu ɡu Mbɛ́tɛlɛhɛ̂m, tsɛt pɑk-ŋɡɔŋ-Judɛ̂, ɔ kɑ́ pɔ́ tsɛtsɛt mɛtʉ́sɔŋ-pɑyúdɑ ŋ́ɡɔ́ɔ ḿbɔ́ pɔ ndẅiknzʉʉ pɔ́, mbíꞌŋɡɔ fɔɔ ẅí ɑ ɡʉ ńdɑ́Ꞌ ɛ́sɑ́Ꞌ pʉɔ pɑ́ɑ pɑíslɑyɛ̂l ɡʉ ńdɑ́Ꞌ ńcẅɛt pɔ tsɛtsɛt pʉʉ.”»

Mɑ́lɛ́kúshi 14:58

A ɡʉ ńdɑ́Ꞌ ŋ́kɛm zʉꞋ-nɔŋpɔꞋ yí pʉɔmɛsɔŋ kɑ lɔknɛ mbɔ́ mɔ́p ŋ́kút, ńdɔk lɛ́Ꞌ pɛtɑ́t ŋ́kút wɛ ndɛꞋ, tɛ ɛ́ pɔɔ pɛn ḿbɔ́ yi pʉɔmɛsɔŋ lɔknɛ mbɔ́ mɔ́p ŋ́kút pɔ́.»

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 4:25

Mɑŋɡɛ́ ɛ̂wɑ́ cú mbɔ̌ wɛ́ ŋɡɔ: «N jí ŋɡɔ Nzɑ́Ꞌŋkʉ Sɛ́ kɑ kɑꞋnɛ ẅí pɛ́ fúŋnɛ ŋɡɔ Kɛlístɔ sɛ́ ńtɔ́. A ɡʉ ńtɔ́, ŋ́kyɛ́Ꞌtɛ mbɑ kʉ̈ɔ́ lɑ́ ɛ́sẅíi wɛ́k.»

ŊwɑꞋnɛ-Gɑŋntúu Yɛ́su Kɛlístɔ 7:48

Ɛ́ kɛ́ ḿbɔɔ ńdɔk ńcú ŋɡɔ Sɛ́ ẅi ɑ piꞋnɛ mbɑ kʉ̈ɔ́ lɑ́ lɑɑ ḿbɔ́ ɑ nɑ́ŋ tsɛt zʉꞋ yi pʉɔmɛsɔŋ kútnɛ pɔ́. Wɛcɔ́ Ncẅiŋkʉʉ wɛ kɑ zɛɛ ńcú ŋɡɔ:

2 Kɔlɛ̂ŋtɛ 4:18

Pɛk kɑ́ pɔ́ ɛ́fɑꞋ pɔ yúu mi pɛ́ lɔknɛ mík ńjʉ́ɔ pɔ́, pɛk sɛ́ ɛ́fɑꞋ pɔ yi pɛ́ kɑ́ pɔ́ ńjʉ́ɔ nɛ́ mík pɔ́. Ɛ́ zɛɛ ŋ́ɡɔ ḿbɔ́, yúu mi pɛ́ lɔknɛ mík ńjʉ́ɔ ɛ́ kɑ́ ńnɑ́ŋ tɛꞋ pɔ́, lɑ́ yi pɛ́ kɑ́ pɔ́ ńdɔk mík ńjʉ́ɔ pɔ́, ɛ́ ŋ́kɛ́ ńdɑ́Ꞌ ḿbɔ́ pɔ ɡú.

2 Kɔlɛ̂ŋtɛ 5:1

Pɛk zɛɛ ḿbɔ́ ńjí ŋɡɔ ntɑp wɔ ẅi pɛkŋɛ tsɛtú, ɛ́ pɔ́ mbʉʉ yɛkŋɛ lɑɑnɛ, ɛ́ lɑɑ ńzɛɛ ḿbɔ́ yɛcɔ́ lɛ́Ꞌ ŋ́kɛmɛ kɛmɛ́nɛ, mbɔ pɛkŋɛ ɡẅɛɛ ndɑ́ tʉ́nɛ́pú, ɛ́ pɔ́ yi ɛ́ ɡʉ ńdɑ́Ꞌ ḿbɔ́ pɔ ɡú. Pʉɔmɛ́sɔŋ ŋkɑɑnɛ pɔ́ɔ, Sɛ́ kɑ pɔ́ɔnɛ.

Kɔlɔsíyɛ̂ŋ 2:11

Pʉʉ pɛ Kɛlístɔ kɑ pɔ́ tɛ ńtɛmtɛ, Sɛ́ ɡɛ lii nǔu pʉʉ. Ɛ́ pɔ́ yi ɛ́ nyɛtnɛ ŋɡɔ pʉʉ pʉɔ pɛ́. A kɑ pɔ́ yɛcɔ́ ŋkɑ́ ńcú mbɔ̌ pɑyúdɑ ŋɡɔ pɔ́p ɡɛ pɛ́ púꞋ wɔ́p, ɛ́ pɔ́ lii, lɑ́ ɛ́ kɛ́ ŋ́ɡʉ nǔu pʉʉ, mbɔ lii yi ɑ ɡɛnɛ nǔu pʉʉ, ɛ́ kɑ́ pɔ́ ɛ́fú mbɔ̌ pʉɔmɛsɔŋ pɔ́, ɛ́ fú pɔ mbɔ̌ Kɛlístɔ. Ńdɔk ńcẅɛɛtɛ nu kɛpɔŋ yi ɛ́ ḿbɔ́nɛ mbʉʉ pʉʉ.

Ɛ́bɛlʉʉ 10:1

Mɛndɛ́ndɑ́k mi ɛ́ nǔu Nɛpʉ́ʉ-Mɔ̌sɛ̂ɛ zɛɛ ḿbɔ́ pɔ jʉ́jʉ́ŋ-mɛyúu sʉ́Ꞌnɛ mi Sɛ́ kɑ ɡɛnɛ pɑ́Ꞌ ɛ́ ɡʉ ńdɑ́Ꞌ ńtɔ́, ɛ́ kɑ́ lɔk ḿbɔ́ kwɑꞋ mîmɑ́ mɛyúu pɔ́. Ɛ́ yúu mi ɛ́ ŋ́ɡɛ, mbɔ nɛpʉ́ʉ ɛ̂nɑ́ pɔɔ lɔk nu pɔꞋ ẅí ɛ́ ḿbɔ́ ḿbíkŋɛ ŋɡɔ pɛ́ lɔk ńtɔ́ mbi Sɛ́ ŋɡuꞋ tsʉʉ, ɛ́ kɛ́ ḿbɔ́ pɔ tɑ́Ꞌ ntɛ́, ńdɔk ŋ́ɡɛ pʉɔ pi pɔ́p sɛ́ ńtsɑ́ɑ nɛkẅɛ́Ꞌlɛ ńtɔ́ nɛ́ nɛjɔ́ŋ Sɛ́, kuꞋ nɛpɔ́ pʉɔ kɛ́ lɔ́Ꞌ pɔ́.

Ɛ́bɛlʉʉ 12:27

Yɔ nu lɔk ńcú ŋɡɔ: Ɛ́ ɡʉ ńdɑ́Ꞌ yɛcɔ́ ŋkɑ́ pɛ́ pɑꞋnɛ yúu pi ɑ kɑ pɔ́ ńnʉꞋnɛ ɛ́ zɔŋɛ, ŋ́ɡɑ́ nzʉʉ ɛ́ ḿmɛ, mbíꞋŋɡɔ ɛ́ yúu pi pɛ́ kɑ niitɛ niitɛ́nɛ, ɛ́ ŋ́ɡɛ pɔ́Ꞌɔ, ńjí ŋɡɔ yúu mi pɛ́ ńnʉꞋnɛ́nɛ kɛ́ zɔŋŋɛ, ɛ́ ɡʉ ńtsʉ́Ꞌ ḿbɔ́ pɔ ɡú.

Ɛ́bɛlʉʉ 13:14

MbíꞋŋɡɔ tʉ́sɔŋ yɛkŋɛ yɛ́ ndǔ tsɛ́tsɑ́Ꞌ zɑꞋnɛ kɑ́ pɔ́ yi ɛ́ ɡʉ ńdɑ́Ꞌ ḿbɔ́ pɔ ɡú pɔ́, lɑ́ pɛkŋɛ kɛ́ ḿbɔ́ ńdɔɔ yi ɛ́ ŋ́ɡɛ lɑ ńtɔ́.

Ɛ́bɛlʉʉ 2:17

Ɛ́ kɑ pɔ́ pɔ́Ꞌɔ, ḿbɔ́ ḿbíkŋɛ ŋɡɔ ɑ ɡʉ nǔu mbɑ kʉ̈ɔ́ lɑ́ ḿbɔ́ pɑ́Ꞌ pɔ́ɔpɛ́mɑ́ pɛ́, ɛ́ lɛɛ pɔ́Ꞌɔ, ɑ pɔ́ nɔŋpɔꞋ wɛ ɡwɛ́ ẅí ɑ nɑ́ŋnɛ ńtsɑ́ɑ mɛjʉ́ŋ-pʉɔ, ńjí yɛ́ pɔ ndɑꞋ nɛfɑꞋ mbɔ̌ Sɛ́, nɛpɔ́ yi ɑ ɡʉ ŋ́ɡɛ Sɛ́ likŋɛ mɛfɑɑnɛ-pʉɔmɛsɔŋ.

Ɛ́bɛlʉʉ 3:1

Pɔ́Ꞌɔ lɑ, pɔ́ɔpɛ́mɑ́ pɑ́ɑ pʉɔ-Kɛlístɔ, Sɛ́ wi kwɑꞋ jʉ́ kɑ fúŋnɛ wʉ́ʉ nǔu nu yɛ́, mbɑ wɔ̌ lɑ́ tɔ́ nǔu yɛ́ yúu. Pʉʉ sɑ́ŋ nu nǔu ŋu ẅí Yɛ́su jʉ́, ɑ jʉ́ ẅí Sɛ́ kɑ túunɛ ŋɡɔ ɑ pɔ́ wɛkŋɛ nɔŋpɔꞋ wɛ ɡwɛ́ nǔu nu-Sɛ́ ẅi pɛkŋɛ tʉ́ʉnɛ nǔu.

Ɛ́bɛlʉʉ 4:15

Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.

Ɛ́bɛlʉʉ 7:1

Mɛlkisɛdɛk ɛ̂wɑ́ kɑ pɔ́ fɔɔ-pʉɔ-Sɑlɛm, ḿbɛn ḿbɔ́ nɔŋpɔꞋ-Sɛ́, Sɛ́ ẅí ɑ piꞋnɛ mbɑ kʉ̈ɔ́lɑ́. Ábɛlɛhɑ̂m kɑ pɔ́ yɛcɔ́ lɛ́Ꞌ yi ɑ kɑ ɡʉnɛ ntsɔ, ńtɔ́ ńdʉ̈ɔ́Ꞌ pɛfɔɔ tɛ ńzɑ́ɑ, ńjʉ́ wɔ́p, ḿbɔ́ ḿbɛn nzʉʉ, Mɛlkisɛdɛk ɡʉ ńzɑ́Ꞌ wɛ́, ńníꞋ mbɔ́tnɛ nǔu wɛ́.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

2 Jɑ̂ŋ 1:7

Pɑcɔtnu sɑt mɔ́ ndǔmbí tɛ ńzɑ́ɑ. Pɔ́p kɑ́ pɔ́ ḿbɛ́m ŋɡɔ Yɛ́su Kɛlístɔ kɑ tsuŋ ɛ́shɔtnɛ ńtsʉ́Ꞌ ŋumɛsɔŋ pɔ́, pɔ́p kwɑꞋ ɡɑŋcɔtnu, ḿbɔ́ pɛɡɑŋmbuu-Kɛlístɔ.