Ɛ́bɛlʉʉ 9:1 - Kɑɑ Fí

¹ Nduŋmbi kɑɑ kɑ ɡẅɛɛ yɛ́ ntɛ́ mɛndɛndɑ́k yi pɛ́ kɑ pɔ́ ńnɛn nǔu lɑ ńnɔŋ pɔꞋ. Pɛ́ kɑ pɛn ŋ́ɡẅɛɛ zʉꞋ yi pɛ́ nɔŋnɛ pɔꞋ-Sɛ́ zúꞋu, ɛ́ pɔ́ pɔ ndǔ tsɛ́tsɑ́Ꞌ.

Ɛ́bɛlʉʉ 9:1 Marejeleo ya Msalaba

Lúkɑ́shi 1:6

Sɑkɑlíyɑ pɔ́p nzwɛ́ wɛ kɑ pɔ́ pʉɔ, ŋ́ɡẅɛɛ nɛpʉ́ʉ-Sɛ́ kwɑꞋ sʉ́Ꞌnɛ, ńzúꞋ ntsu-Sɛ́, ḿbɛn ŋ́ɡɛ pɔ yúu mi ɑ sɛ́ ŋ́kɔŋ tɛ lɔ́Ꞌ pɔɔ ńcẅɛt pɔ́.

Pʉɔ-Lɔ́mɑ 9:4

Pɔ́p Pɑíslɑyɛ̂l. Mbɔ Sɛ́ kɑ kɑŋ wɔ́p ńdɔk wɔ́p ŋ́ɡɛ pɔ́ɔ pɛ́, ńnyɛt wɔ́p nɛ́ nɛɡúꞋ wɛ, ŋ́ɡɛ pɔ́p pɛpɔ́p ɡwɑt kɑɑ, ɑ ɡɑ́ nɛpʉ́ʉ nɛ́ mbɔ̌ pɔ́p, ɛ́sẅíi wɔ́p nɛ́ ntɛ́ yi pɔ́p ɡʉ ńdɔk ŋ́ɡúꞋlɛ wɛ́, ŋ́kɑꞋ mɛnu mbɔ̌ pɔ́p tɛ ɛ́ zɑ́ɑ zɑ́ɑnɛ.

Kɔlɔsíyɛ̂ŋ 2:8

Pʉʉ pɑ́ɑ ŋu nɛlɔk jínu-pʉɔmɛsɔŋ yi ɛ́ pɔ́ pɔ fɑ́k fɛ̌ɛ, ɛ́fúklɛ wʉ́ʉ, pʉʉ vu nǔu ɡwɑk yɛ́. Yîyɑ́ pɔ́ pɔ cɔtnu yi ɛ́ jʉ́ɔꞋnɛ nǔu nɔŋ-pʉɔmɛsɔŋ, ḿbɛn ńjʉ́ɔꞋnɛ nǔu mɛtʉʉ mɛntɛ́ mɛntɛ́ mi ɛ́ ndǔmbí, ɛ́ kɑ́ jʉ́ɔꞋnɛ nǔu Kɛlístɔ pɔ́.

Ɛ́bɛlʉʉ 8:13

Sɛ́ kɑ lɔk pɑ́Ꞌ ɑ fúŋnɛ yɔ kɑɑ ŋɡɔ kɑɑ fí, ńdɔk ńdɛꞋlɛ ŋɡɔ nduŋmbi kɑɑ lwɛn mɔ́. Pɛkŋɛ pɛn ńjí ŋɡɔ yúu mi ɛ́ lwɛn mɔ́, tɛ ḿbɔ́ ŋ́kúnɛ tsʉ́Ꞌ ŋ́ɡʉ pɔ nɛmɛ.

Ɛ́bɛlʉʉ 8:2

A sɛ́ ɛ́fɑꞋ fɑꞋ-NɔŋpɔꞋ wɛ ɡwɛ́ kwɑꞋ zʉꞋ yi Sɛ́ zúꞋu, tsɛt kwɑꞋ ntɑp-Sɛ́. Ẅîwɑ́ ntɑp pɔ́ ẅi Tsɑpʉɔ kɑ lɔknɛ kwɑꞋ mbɔ mɛ́ ńnʉk tɛ ŋumɛsɔŋ pɔɔnɛ nʉk.

Ɛ́bɛlʉʉ 8:7

Yúu kɑ pɔ́ pɛ́Ꞌnɛ ńzɛɛ mbɔɔ jɑ́k nǔu nduŋmbi kɑɑ pɔ́, mbɔ pɛ́ ŋ́kɑɑ pɛn ŋ́ɡɛ yɛcɔ́ kɑɑ ńdɔk ŋ́kúpmɛ yîyɑ́ pɔ́.

Ɛ́bɛlʉʉ 9:24

Kɛlístɔ kɑ zɛɛ ḿbɔɔ kúu tsɛt zʉꞋ yi pɛ́ nɔŋnɛ pɔꞋ zúꞋu, ɛ́ pɔ́ yi pʉɔmɛsɔŋ kɑ lɔknɛ mbɔ́ mɔ́p ńniitɛ ńdɔk ɛ́fʉꞋ kwɑꞋ yîyɑ́ yi ɛ́ tʉ́nɛ́pú pɔ́. A kɑ kúu pɔ kwɑꞋ tʉ́nɛ́pú, lɑ́ ɑ ŋkɔ̂ɔnɛ ńdɔk yɛkŋɛ nu ḿbɔ́ nɛjɔ́ŋ Sɛ́.