Ɛ́bɛlʉʉ 8:8 - Kɑɑ Fí

⁸ Pɛ́ kɑ ɡẅɛɛ nɛkúpmɛ, mbíꞋŋɡɔ Sɛ́ kɑ sɑ́Ꞌ pʉɔ pɛ́ ńcú ŋɡɔ: «Ɛ́ kɛ́ lɑɑ ḿbɔ́, yɛcɔ́ ŋkɑ́ sɛ́ ńtɔ́, mɔ Tsɑpʉɔ cúnɛ ḿbɔ́ ŋkɑ́ yi mɔ ŋ́ɡɛ ŋ́ɡwɑt kɑɑ fí tsɛtsɛt pɛkŋɛ pɛ́ pʉɔ-Íslɑyɛ̂l pɔ́p pʉɔ-Jẅídɑ.»

Ɛ́bɛlʉʉ 8:8 Marejeleo ya Msalaba

Mɑtʉ̈ɔ 26:28

MbíꞋŋɡɔ yɔ mɛci mɑ́ɑ, ɛ́ mɛci mí Sɛ́ lɔknɛ ŋ́ɡwɑt kɑɑ, ɛ́ mi ɛ́ tswɛtnɛ nǔu tú-pʉɔ tɛ ńzɑ́ɑ, pɑ́Ꞌ Sɛ́ ɡʉ ńdɔk ńdikŋɛ mɛnu kɛpɔŋ mɔ́p.

Mɑ́lɛ́kúshi 14:24

A cú mbɔ̌ pɔ́p ŋɡɔ: «Yɔ mɛci mɑ́ɑ, ɛ́ mɛci mi Sɛ́ lɔknɛ ŋ́ɡwɑt kɑɑ, ɛ́ tswɛtnɛ nǔu tú-pʉɔ tɛ ńzɑ́ɑ.

Lúkɑ́shi 17:22

Yɛ́su pɛn ńcú mbɔ̌ ɡɑŋku pɛ́ zɛ́nɛ pɔ́p ŋɡɔ: «Yɛcɔ́ ŋkɑ́ ɡʉ ŋ́ɡɛ ḿbɔ́ pʉʉ tsɑ́ɑ pɑꞋ pʉʉ pɛ́ Mɔ́ɔ-ŋu ɡʉ ḿbɛn ńjúk pɔ ndɑꞋ tɑ́Ꞌ lɛ́Ꞌ,kɛ́ ḿbɔɔ wɛ́ jʉ́ɔ.»

Lúkɑ́shi 22:20

Pɔ́p kɑ kwɛ́t yúujʉ́ tɛ ḿmɛk, Yɛ́su tíi ntúꞋ mɛluꞋ ńcú ŋɡɔ: «NtúꞋ yɔ pɑꞋnɛ ḿbɔ́ kɑɑ fí yi Sɛ́ lɔknɛ mɛci mɑ́ɑ ŋ́ɡwɑt. Ɛ́ tswɛtnɛ ntɛ́ wʉ́ʉ.»

Lúkɑ́shi 5:38

Ɛ́ sɛ́ ḿbíkŋɛ ŋɡɔ pɛ́ níꞋ mɛluꞋ fí pɔ tsɛt kɑ́Ꞌlɛ fí.

1 Kɔlɛ̂ŋtɛ 11:25

Pɔ́p jʉ́ yúu tɛ ḿbɔ́tnɛ ńnɑ́ŋ, ɑ pɛn ńtíi ntúꞋ ńcú ŋɡɔ: «NtúꞋ yɔ pɑ́Ꞌɑ ḿbɔ́ kɑɑ fí yi Sɛ́ lɔknɛ mɛci mɑ́ɑ ŋ́ɡwɑt. Pʉʉ tsʉ́Ꞌ ḿbɔ́ ŋ́ɡɛ pɑ́Ꞌɑ, ńdɔk ŋ́kẅíitɛ wɑ́ɑ ŋkɑ́ tsʉʉ yi pʉʉ ɡʉ ŋ́ɡɛ ḿbɔ́ ńnɔ́.»

2 Kɔlɛ̂ŋtɛ 3:6

Jʉ́ kɑ ɡɛnɛ pɛk kuꞋ nɛpɔ́ pɑfɑꞋ fɑꞋ, nǔu kɑɑ yɛ́ fí. Yîyɑ́ kɑɑ kɑ́ pɔ́ fú pɔ nǔu nɛpʉ́ʉ ni pɛ́ kɑ ŋwɑꞋnɛ́nɛ pɔ́, ɛ́ fú pɔ nǔu Zẅikŋɛ-Sɛ́. Nɛpʉ́ʉ ni pɛ́ kɑ ŋwɑꞋnɛ́nɛ, ɛ́ ɡɛ ŋu pfú pfúnɛ, Zẅikŋɛ ɡɛ ŋu pɔ́ pɔ ɡú.

Ɛ́bɛlʉʉ 12:24

Pʉʉ kɑ kẅɛ́Ꞌlɛ mbʉʉ yʉʉ ńtɔ́ nɛ́ nɛjɔ́ŋ Yɛ́su ẅí ɑ kɑ tswɛt mɛci mɛ́ nɛlɔk ɛ́suk lɔ́Ꞌ nǔu pɛkŋɛ, ɑ nɛnkɛ́m nǔu kɑɑ yi ɛ́ yi fí, mɛci mɛ́ ɡẅɛɛ nu yi ɛ́ cú mbɔ̌ pɛkŋɛ, ɛ́ cúnɛ ńdɛɛ nu yi mɛci Ábɛɛ cúnɛ.

Ɛ́bɛlʉʉ 7:22

Ɛ́ kɑ fú nǔu, Sɛ́ lɔk Yɛ́su ŋ́ɡɛ nɛlẅíi yɔ kɑɑ fí yi ɛ́ pɔŋnɛ ńdɛɛ yɛcɔ́.

Ɛ́bɛlʉʉ 8:13

Sɛ́ kɑ lɔk pɑ́Ꞌ ɑ fúŋnɛ yɔ kɑɑ ŋɡɔ kɑɑ fí, ńdɔk ńdɛꞋlɛ ŋɡɔ nduŋmbi kɑɑ lwɛn mɔ́. Pɛkŋɛ pɛn ńjí ŋɡɔ yúu mi ɛ́ lwɛn mɔ́, tɛ ḿbɔ́ ŋ́kúnɛ tsʉ́Ꞌ ŋ́ɡʉ pɔ nɛmɛ.

Ɛ́bɛlʉʉ 8:6

Lɑ́ ɛ́ ŋkɔ̂ɔnɛ, mbɔ Kɛlístɔ kɑ kɛ́mɔ́ ŋ́ɡẅɛɛ yɛ́ fɑꞋ ɛ́ lɛɛ yɛ́ pɑnɔŋpɔꞋ ɛ̂pɑ́ tɛꞋ, mbíꞋŋɡɔ ɑ zɛɛ ḿbɔ́ nɛnkɛ́m nǔu nu-kɑɑ yi ɛ́ pɔŋnɛ ńdɛɛ yi ŋkɑ́mbi, Sɛ́ kɑ pɔ́ ŋ́ɡwɑt yɔ kɑɑ, ŋ́kɑꞋ mɛnu mbɔ̌ pɛkŋɛ, ɛ́ pɔŋ tɛ ńdɛɛ.

Ɛ́bɛlʉʉ 9:15

Yɔ yúu minɛ ɛ́ ɡɛnɛ Kɛlístɔ pɔ́ nǔu nu yɛcɔ́ kɑɑ yi ɛ́ yɛ fí, yi ɛ́ pɛn ńdɔk ḿbɔ́ pɑ́Ꞌ ŋwɑꞋnɛ lɔk ńtík nɛvú, ḿbɔ́ nɛnkɛ́m. A kɑ pfú ɛ́ pɔ́ nɛlɔk pɔ́Ꞌɔ, ɛ́fú ndɑ́tsɑ́ŋ yi mɛnu kɛpɔŋ-pʉɔmɛsɔŋ kɑ níꞋnɛ wɔ́p zúꞋu, ŋkɑ́ yi pɛ́ kɑ pɛ́t pɔ́ nǔu nu nduŋmbi kɑɑ, ńcẅɛɛtɛ wɔ́p. Ɛ́ kɛ́ fú pɔ́Ꞌɔ, pʉɔ pinɛ pɛ́ kɑ tsɔ́Ꞌnɛ wɔ́p, pɔ́p kuꞋ nɛcẅɛ́ɛ mɛyúu sʉ́Ꞌnɛ mi ɑ kɑ pʉ́nɛ, ɛ́ pɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.