Ɛ́bɛlʉʉ 7:25 - Kɑɑ Fí

²⁵ Yúu mi ɛ́ pɛn ŋ́ɡɛ ɑ kuꞋ nɛɡɛ pʉɔ pi pɔ́p sɛ́ ńdɔk wɛ́ ŋ́kẅɛ́Ꞌlɛ ńtɔ́ nɛ́ nɛjɔ́ŋ-Sɛ́, pɔ́p luk pɔ tɑ́Ꞌ ŋkɑ́. Pɔ́Ꞌɔ mbíꞋŋɡɔ jʉ́ Yɛ́su pɔ́ pɔ ɡú, pɑ́Ꞌ ɑ ɡʉ ńcɛꞋlɛ Sɛ́ nǔu tú yɔ́p.

Ɛ́bɛlʉʉ 7:25 Marejeleo ya Msalaba

Jɑ̂ŋ 14:13

Pʉʉ ɡʉ ńdɔk lík yɑ́ɑ ńdɔ́ɔ kʉ̈ɔ́ mbɔ̌ Sɛ́ lɑ́, mbɔ ŋ ɡʉ ŋ́ɡɛ. Ɛ́ lɛɛ pɔ́Ꞌɔ, mɔ Mɔ́ɔ, n nyɛt nɛɡúꞋ-Tɑ̌ɑ mɔ.

Jɑ̂ŋ 14:16

Ŋ ɡɔ́ɔ ŋ́kɛ́ ḿbúꞋ mbɔ́ mbɔ̌ Tɑ̌ɑ mɔ, ɑ ɡɑ́ wɛcɔ́ Ncẅɛ́ɛntɑ́ŋ mbɔ̌ pʉʉ, ẅi pʉʉ pɛ́ pɔ́p ɡʉnɛ ńtsʉ́Ꞌ ḿbɔ́ ŋkɑ́ tsʉʉ.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Pʉɔ-Lɔ́mɑ 5:10

Pɛkŋɛ pɛ Sɛ́ kɑ zɛɛ ḿbɔ́ pɔ ɡɑŋmbuu, lɑ Sɛ́ lɔk pɑ́Ꞌ Mɔ́ɔ nɛ pfúnɛ, ḿmɛk mbuu yɛkŋɛ pɛpɔ́p. Ɛ́ ɡʉ ḿbɛn ḿbɔ́ nǔu ŋkɔ̂ɔnɛ, ɑ lɔk pɑ́Ꞌ Mɔ́ɔ nɛ pɔ́ pɔ ɡú, ŋ́ɡɛ pɛkŋɛ luk ŋɡʉ̈ɔ́Ꞌ luknɛ.

Pʉɔ-Lɔ́mɑ 5:2

Jʉ́ Yɛ́su kɑ tsɔ́Ꞌnɛ sɛ̂ndúŋ lɑ Sɛ́ ɡɑ́ fuꞋ níinɛ yɛkŋɛ pɑ́Ꞌɑ, tɛ ɛ́ tsʉ́Ꞌ ŋ́ɡɔ́ ḿbɔ́ pɔ mbɔ̌ pɛkŋɛ pɔ́Ꞌɔ ɛ́fú nǔu pɑ́Ꞌ pɛkŋɛ zɑ́pnɛ tʉ́m nǔu jʉ́ Yɛ́su. Pɛkŋɛ pɑ́Ꞌɑ tsɑ́ɑtɛ pɔ́ tʉ́m pɛkŋɛ tɛꞋ, mbíꞋŋɡɔ pɛkŋɛ nɑ́ŋ ḿbɔ́ ńzẅíꞋlɛ pɑ́Ꞌ Sɛ́ ɡʉ ŋ́ɡɛ ŋ́ɡɑp yúu mi ɛ́ nǔu nɛɡúꞋ wɛ, ŋ́ɡɑ́ yɛkŋɛ.

Pʉɔ-Lɔ́mɑ 8:34

mbɔ wɔ̌ kuꞋ nɛcú ŋɡɔ ntsɑŋ jʉ́nɛ wɔ́p? Ŋɡɑŋ kɑ pɔ́ ɡú pɔ́, mbíꞋŋɡɔ Yɛ́su Kɛlístɔ kɑ pfú nǔu tú yɔ́p, mbɔɔ ɡɔ́ŋ pɔ́Ꞌɔ pɔ́, ɑ kɑ zẅíimɛ nǔu nɛvú. A nɑ́ŋ nǔu ɡúŋ-pɔ́-Sɛ́ yi tʉʉ, ḿbɔ́ ḿbúꞋ mbɔ́ mbɔ̌ wɛ́ nǔu tú yɛkŋɛ.

1 Kɔlɛ̂ŋtɛ 1:21

Ɛ́ pɔ́Ꞌɔ, pɑ́Ꞌɑ mbíꞋŋɡɔ pʉɔmɛsɔŋ ŋkɑɑ lɔk yɔ́p jínu ńjí Sɛ́ pɔ́, tɛ mbɑ pɑ́Ꞌ Sɛ́ sɑ́ɑnɛ sɑ́ɑnɛ́nɛ ńnyɛt jínu yɛ́. Ɛ́ yúu mi ɛ́ kɑ ɡɛnɛ Sɛ́ zɑ́p ŋɡɔ ɑ ɡʉ ŋ́ɡɛ pʉɔ pi pɔ́p zɑ́pnɛ tʉ́m nǔu wɛ́ luk, ɛ́fú nǔu yɔ nu yi pɛkŋɛ sɛ́ ńcú lɑ́, pʉɔ pɔ́ ńjʉ́ɔ ŋɡɔ ɛ́ pɔ́ pɔ mɛnu pɑ́lɛ́ lɑɑ.

Ɛ́fɛ̂zɛ 2:18

Pɔ́Ꞌɔ, pʉʉ tɛ mbɑ pɛk pɑyúdɑ lɛɛ pɔ nǔu jʉ́ Kɛlístɔ, ŋ́ɡʉ nɛjɔ́ŋ Sɛ́ Tɑ́t, tɑ́Ꞌ Zẅikŋɛ Lɛ́ɛnɛ́nɛ wɛ́mɔ́Ꞌ kɛ́nɛ ńcẅɛ́lɛ wɛkŋɛ.

Ɛ́fɛ̂zɛ 3:12

Pɑ́Ꞌ pɛkŋɛ lɑtnɛ mbʉʉ, ḿbɛn ḿbɔ́ ńzɑ́p tʉ́m nǔu jʉ́ Kɛlístɔ lɑ́, pɛkŋɛ ɡẅɛɛ pɑ́Ꞌ mbɔ pɛkŋɛ ɡʉ nɛjɔ́ŋ Sɛ́ tɛ yɛcɔ́ yúu pɔɔ wɛkŋɛ tɔꞋ, pɛkŋɛ kɛ́ ḿbɔɔ pɔ́k.

Ɛ́fɛ̂zɛ 3:20

Jʉ́ Sɛ́, kuꞋ nɛɡɛ mbɑ kʉ̈ɔ́ lɑ́ nǔu pɛkŋɛ, ŋ́ɡɛ tɛ ńtsuŋ ńdɛɛ pɑ́Ꞌ pɛkŋɛ sɛ́ ńdɔ́ɔ, mbɑ pɑ́Ꞌ pɛkŋɛ sɛ́ ŋ́kwɑŋɛ. A ɡɔ́ ŋ́ɡɛ ńdɔk pɔ mɛtʉʉ mɛ́ mi ɛ́ fɑꞋnɛ tsɛt mɛtʉ́m mɛkŋɛ.

Filipɛ 3:21

A ɡʉ ŋ́ɡɛ ńtɔ́ ɛ́shɔt yɔ mbɑp-mbʉʉ yi ɛ́ pɔ́t pɔ́tnɛ lɑɑ, ɛ́ tsʉ́Ꞌ pɑ́Ꞌ yɛ́ yi ɛ́ ɡẅɛɛnɛ nɛŋwɑ́ŋɛ. Ɛ́ pɔ́ pɔ́Ꞌɔ, ńdɔk mɛtʉʉ mi ɑ ɡẅɛɛnɛ nɛlɔk ŋ́ɡɛ mbɑ kʉ̈ɔ́ lɑ́ tsʉ́Ꞌ ńzúꞋ pɔ ntsu wɛ́.

1 Timɔtɛ́ɛ 2:5

Sɛ́ zɛɛ ḿbɔ́ pɔ wɛ́mɔ́Ꞌ. Nɛnkɛ́m pɔ́ pɔ wɛ́mɔ́Ꞌ tsɛtsɛt Sɛ́ pɔ́p pʉɔmɛsɔŋ. A Yɛ́su Kɛlístɔ, ḿbɔ́ yɛ́ ŋumɛsɔŋ.

2 Timɔtɛ́ɛ 1:12

Yɛ́tɛ ɡɛnɛ n jʉ́ɔ yɔ ntɛ́ ŋɡʉ̈ɔ́Ꞌ ŋkɔ̂ɔnɛ pɑ́Ꞌɑ mbíꞋ pɔ pɔ́Ꞌɔ. Lɑ́, sʉ́ʉ kɛ́ ḿbɔɔ ŋ́kɔ́ wɑ́ɑ nǔu pɔ́, mbíꞋŋɡɔ mɔ sɛ́ ńjí ŋu ẅi n zɑ́pnɛ tʉ́m nǔu wɛ́. N tsuŋ ḿbɔ́ ńjí ŋɡɔ ŋɡɑŋ ɡẅɛɛ mɛtʉʉ nɛlɔk ŋ́kúꞋlɛ nu yi ɑ kɑ lẅɛꞋnɛ mbɔ̌ mɔ, tɛ ŋ́kúu lɛ́Ꞌ yi Yɛ́su ńdɑ́Ꞌ ńtɔ́.

Ɛ́bɛlʉʉ 11:6

Pɛ́ lɔk ńjʉ́ɔ ŋɡɔ ŋu lɑɑ mbɔɔ zɑ́p tʉ́m nǔu Sɛ́ pɔ́, mbɔ shʉ́ pɑ́Ꞌ ḿbɔ́ nu yɛ́ pɔŋ Sɛ́ kɑ́ pɔ́ ɡú pɔ́. Ŋu lɑɑ ḿbɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́ ɑ ɡẅɛɛ nɛzɛɛ ḿbiitɛ ḿbɛ́m ŋɡɔ Sɛ́ ɡú, ḿbɛn ḿbɔ́ ńtsɔ́Ꞌ fɑꞋ pʉɔ pi pɔ́p sɛ́ ńdɔɔ wɛ́.

Ɛ́bɛlʉʉ 13:15

Pɛkŋɛ lɛɛ nzʉʉ Yɛ́su, ɛ́ pɔ́ ŋkɑ́ tsʉʉ, pɛkŋɛ lɔk nɛɡúꞋlɛ Sɛ́, ńdɔk ńnɔŋ pɔꞋ, ńdɔk pɔ́Ꞌɔ, ḿbɔ́ pɔꞋ-pʉɔ pi pɔ́p ŋ́ɡɑ́ mɛkuꞋ nǔu lík yɛ́.

Ɛ́bɛlʉʉ 2:18

Ɛ́ zɛɛ fú nǔu pɑ́Ꞌ Yɛ́su nɛ́ túmbʉʉ yɛ́ kɑ jʉ́ɔnɛ ŋɡʉ̈ɔ́Ꞌ, ŋkwɑꞋnɛ pɛn ŋ́kúu wɛ́, ɑ kuꞋ nɛcẅɛ́lɛ pʉɔ pi ŋkwɑꞋnɛ sɛ́ ŋ́kúu wɔ́p ɡúu.

Ɛ́bɛlʉʉ 2:9

Lɑ́, yúu mi pɛkŋɛ sɛ́ ńjʉ́ɔ ŋkɔ̂ɔnɛ pɔ́ pɔ ŋɡɔ Yɛ́su ẅí Sɛ́ kɑ kɔknɛ wɛ́ ŋ́ɡɑ́ sɛ́ tɛ pɛcʉ̈ɔ́Ꞌ-Sɛ́ lɛɛ wɛ́ mɔ́zʉꞋ, Sɛ́ kɑ kɛ́ tɔꞋ cɔꞋ-nɛfɔɔ tú yɛ́, yɛ́tɛ́ ɡɛnɛ ɑ ɡẅɛɛ nɛɡúꞋ, ḿbɛn ńníꞋ mɛkuꞋ mɛ́, mbíꞋŋɡɔ ɑ kɑ pɛ́m nɛjʉ́ɔ ŋɡʉ̈ɔ́Ꞌ lɑ ḿpfú. Yɛ́su lɑɑ ḿpfú nǔu tú-pʉɔmɛsɔŋ tsʉʉ, mbɔ ɛ́ fú pɔ nǔu pɑ́Ꞌ Sɛ́ tsɑ́ɑnɛ mɛjʉ́ŋ pʉɔ tɛꞋ.

Ɛ́bɛlʉʉ 5:7

A pɛn ḿbɔ́ pɔ jʉ́ Yɛ́su ẅí ɑ kɑ pɔ́nɛ ŋkɑ́ yi ɑ kɑ pɛ́tnɛ ndǔ tsɛ́tsɑ́Ꞌ, ńcɛꞋlɛ Sɛ́ ẅi ḿbɔ́ ɑ ɡɛ tɛ ɑ pɔɔ pfú, ḿbúꞋ mbɔ́ mbɔ̌ wɛ́ lɑ́ ḿbɔ́ ŋ́ɡɑ́ ɡwɑ́t ŋ́kíi. Sɛ́ fú nǔu pɑ́Ꞌ Yɛ́su zẅíꞋlɛ mbɑ kʉ̈ɔ́lɑ́ pɔ mbɔ̌ wɛ́, ńzúꞋ cɛꞋlɛ yɛ́.

Ɛ́bɛlʉʉ 7:16

A kɑ́ ɡɔ́ ḿbɔ́ nɔŋpɔꞋ pɑ́Ꞌɑ, ɛ́ fú nǔu nɛcɔ́ nɛpʉ́ʉ ni pɛ́ kɑ zɑ́pnɛ ŋɡɔ pʉɔmɛsɔŋ nɛn nǔu pɔ́. Ɛ́ fú pɔ nǔu mɛtʉʉ mi ɛ́ nǔu yɛ luk. Ẅîwɑ́ nɛpɔ́ pɔ́ luk kɛ́mɛ,

Ɛ́bɛlʉʉ 7:19

Pɔ́Ꞌɔ mbíꞋŋɡɔ nɛpʉ́ʉ-Mɔ̌sɛ̂ɛ ŋkɑɑ ɡɛ tɛ yɛcɔ́ yúu kuꞋ nǔu ntɛ́ yi Sɛ́ sɛ́ ŋ́kɔŋ pɔ́. Ɛ́ ŋkɔ̂ɔnɛ, mbɔ Sɛ́ kɑ tík yɛcɔ́ ndúŋ fí, kwɑŋɛ yɛkŋɛ nɑ́ŋ ŋkɔ̂ɔnɛ ńtsʉ́Ꞌ ńtʉ́ʉ pɔ nǔu. Ɛ́ pɔŋ ńdɛɛ wɛcɔ́, mbíꞋŋɡɔ pɛkŋɛ ńdɛɛ nǔu ŋ́ɡʉ tɛ ŋ́kúu nɛjɔ́ŋ Sɛ́.

Ɛ́bɛlʉʉ 7:24

Lɑ́ ɛ́ kɛ́ ŋ́ɡʉ nǔu Yɛ́su, mbɔ yɑ́ fɑꞋ-nɔŋpɔꞋ kɑ́ pɔ́ yi mbɔ wɛcɔ́ ŋu ndɛꞋ fɑꞋ pɔ́, mbíꞋŋɡɔ jʉ́ Yɛ́su ɡʉ ńdɑ́Ꞌ ḿbɔ́ pɔ ɡú, nǔu mɛŋɡuꞋ mɛŋɡuꞋ.

Ɛ́bɛlʉʉ 7:8

PɑnɔŋpɔꞋ pi pɔ́p lɔknɛ ḿbɔ́ njẅɛt-Lɛ́vi, pi pɔ́p cẅɛ́ɛnɛ tɑ́Ꞌ nji nǔu yúu nji nɛɡɛ́m, pɔ́p pʉɔ pi pɔ́p nɑ́ŋnɛ ḿpfútɛ. Lɑ́ ŋ́ɡʉ nǔu Mɛlkisɛdɛk ẅí ɑ kɑ cẅɛ́ɛnɛ tɑ́Ꞌ nji nǔu nji nɛɡɛ́m, ɑ ŋu ẅí ɑ ḿbɔ́ pɔ ɡú, pɑ́Ꞌ ŋwɑꞋnɛ-Sɛ́ sɛ́ ɛ́sẅíi wɛkŋɛ pɔ́Ꞌɔ.

Ɛ́bɛlʉʉ 9:24

Kɛlístɔ kɑ zɛɛ ḿbɔɔ kúu tsɛt zʉꞋ yi pɛ́ nɔŋnɛ pɔꞋ zúꞋu, ɛ́ pɔ́ yi pʉɔmɛsɔŋ kɑ lɔknɛ mbɔ́ mɔ́p ńniitɛ ńdɔk ɛ́fʉꞋ kwɑꞋ yîyɑ́ yi ɛ́ tʉ́nɛ́pú pɔ́. A kɑ kúu pɔ kwɑꞋ tʉ́nɛ́pú, lɑ́ ɑ ŋkɔ̂ɔnɛ ńdɔk yɛkŋɛ nu ḿbɔ́ nɛjɔ́ŋ Sɛ́.

Jẅidɛ 1:24

Gúꞌlɛ pɔ́ mbɔ̌ ŋu ẅí ɑ kuꞋ nɛtʉ̈ɔ́Ꞌlɛ wʉ́ʉ tɛ pʉʉ pɔɔ vu, jʉ́ ẅi ɑ kuꞋ nɛɡɛ pʉʉ cẅɛt ńtʉ́ʉ nǔu zʉꞋ-nɛɡúꞋ yi kwɑꞋ jʉ́ ɑ zúꞋu tɛ lɔ́Ꞌ pɔɔ nǔu pʉʉ pɔ́, ḿbɔ́ ńtsɑ́ɑtɛ tsɑ́ɑtɛ́nɛ,