Ɛ́bɛlʉʉ 7:18 - Kɑɑ Fí

¹⁸ Pɛ́ lɔk pɔ́Ꞌɔ, ḿbiitɛ ńtsɛ́t ndwɛn ndúŋ ẅí pɛ́ kɑ piitɛ ńtík ŋɡɔ pɛ́ nɛn nǔu, mbíꞋŋɡɔ yúu kɑ jɑ́k nǔu ẅîwɑ́ ndúŋ, ɛ́ pɛn mbɔɔ cẅɛ́lɛ́.

Ɛ́bɛlʉʉ 7:18 Marejeleo ya Msalaba

ŊwɑꞋnɛ-Gɑŋntúu Yɛ́su Kɛlístɔ 13:39

Mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su ɛ̂wɑ́ lɑ́, Sɛ́ líŋɛ wɛ́ ɑ pɔ́ mbi yɛ́ ḿbɔ́ ndʉ́ŋndʉŋ. Yɔ pɛn ḿbɔ́ yúu mi nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ pɔ́.

Pʉɔ-Lɔ́mɑ 3:31

Ńjí ŋɡɔ ɛ́ pɑ́Ꞌɑ ḿbɔ́ yi pɛkŋɛ lɑɑ ńzɑ́p tʉ́m nǔu Yɛ́su, mbɔ nɛpʉ́ʉ kɑ́ pɛ́t yɛcɔ́ nu pɔ́ kɛkʉ̈ɔ́? Ŋɡɑ́ŋ ɛ́ kɑ́ lɔk ḿbɔ́ pɔ́Ꞌɔ pɔ́. Tɛ ńtsʉ́Ꞌ pɔ́Ꞌɔ, mbɔ pɛkŋɛ lɔk pɔ́Ꞌɔ, ńtík nɛpʉ́ʉ kwɑꞋ nǔu zʉꞋ yɛ́.

Pʉɔ-Lɔ́mɑ 8:3

Nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ yîyɑ́ yúu pɔ́, mbíꞋŋɡɔ ŋumɛsɔŋ kɑ lɔk pɑ́Ꞌ ɑ zɑŋɛ zɑŋɛ́nɛ ńtɑɑtɛ. Lɑ́ Sɛ́ kɑ kɛ́ ŋ́ɡɛ yîyɑ́ yúu, ńtsʉ́Ꞌ nɛɡɛ, ńtúu kwɑꞋ Mɔ́ɔ nɛ ɑ shɔtnɛ ńtsʉ́Ꞌ ŋumɛsɔŋ, ḿbɔ́ ŋumɛsɔŋ ẅi ɑ ŋɡɑŋmɛfɑɑnɛ nǔu pɑ́Ꞌ ɑ ɡʉ ńcẅɛɛtɛ wɛ́ tsɛt nu kɛpɔŋ. Sɛ́ kɑ lɔk pɔ́Ꞌɔ, ńjẅí mɛtʉʉ-nu kɛpɔŋ yi ɛ́ sɑ́Ꞌnɛ pʉɔmɛsɔŋ.

Ŋɡɑlɑ̂t 3:15

Pɔ́ɔpɛ́mɑ́, ŋ ɡʉ ḿbɛ́ɛ fʉꞋ nǔu mɑt wɛkŋɛ pʉɔmɛsɔŋ, pɛkŋɛ jí ŋɡɔ ŋu pɔ́ tɛ ŋ́ŋwɑꞋnɛ yúu ńdɔk ńtík nɛvú nɛ́ nǔu ntɛ́ yi ɛ́ píkŋɛ́nɛ, ḿbɔ́ mbɔ wɛcɔ́ ŋu pɔɔ pɛn ńdut, ŋ́kɛ́ ḿbɔɔ pɛn ŋ́kẅiꞋ yɛcɔ́ yúu nǔu pɔ́.

Ŋɡɑlɑ̂t 3:17

Pʉʉ zúꞋ nu yi n dɔɔnɛ nɛcú. Sɛ́ kɑ ɡɔ́ ńzɛ ŋ́kɑꞋ nu mbɔ̌ Ábɛlɛhɑ̂m. Nɛpʉ́ʉ lɑ́Ꞌ ŋ́ɡɔ́ ńtɔ́, mbɔ ɛ́ lɛɛ mɔ́ ŋɡuꞋ ŋkʉ yɛ́nɛ́kwɑ nɛ́ mɛɡɛ́mɛ́ntɑ́t. Ɛ́ kɛ́ mbɔɔ ɡʉ nǔu kɑɑ yɔ́p Ábɛlɛhɑ̂m ḿbík yɛcɔ́ yúu pɔ́, ńdɔk pɔ́Ꞌɔ, ŋ́ɡɛ yúu mi ɑ kɑ kɑꞋnɛ mbɔ̌ wɛ́ pɔɔ lɛɛ níinɛ pɔ́.

Ŋɡɑlɑ̂t 3:21

Pɑ́Ꞌ ɛ́ pɑ́Ꞌnɛ lɑɑ ɛ́ lɔk ḿbɔ́ ŋɡɔ nɛpʉ́ʉ-Sɛ́ kɑ pík yúu mi ɑ kɑ kɑꞋnɛ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Ɛ́ kɑ pɔ́ pɛ́Ꞌnɛ ḿbɔ́ nu nǔu nɛcɔ́ nɛpʉ́ʉ ni mbɔ ɛ́ ɡɛ pʉɔmɛsɔŋ pɔ́ ɡú, mbɔ ɛ́ lɑɑ ḿbɔ́ ŋu lɔk pɑ́Ꞌ ɑ ɡẅɛɛnɛ nɛpʉ́ʉ, ŋ́kuꞋ ŋu ẅí ɑ mbi Sɛ́ ḿbɔ́ ndʉ́ŋndʉŋ.

Ŋɡɑlɑ̂t 4:21

Pʉʉ pi pʉʉ sɛ́ ŋ́kɔŋ ŋɡɔ nɛpʉ́ʉ ɛ́sɑ́Ꞌ wʉ́ʉ, pʉʉ ɛ́sẅíi wɑ́ɑ: Pʉʉ kɑ́ pɔ́ ńzúꞋ yúu mi nɛpʉ́ʉ ɛ̂nɑ́ cúnɛ pɔ́ kíi?

Ŋɡɑlɑ̂t 4:9

Ɛ́ pɛn ŋ́ɡʉ nǔu ŋkɔ̂ɔnɛ pʉʉ sɛ́ ńjí Sɛ́ tɛ n dɑ́Ꞌ ńzɛɛ ḿbɔ́ ŋ́ɡʉ ńcú pɔ ŋɡɔ Sɛ́ sɛ́ ńjí wʉ́ʉ. Ɛ́ pɛn ŋ́ɡɛ pɑ́Ꞌɑ lɑ pʉʉ pɛn ḿbɛn nzʉʉ, tsɛt mîmɑ́ mɛyúu mi ɛ́ kɑ́ ɡẅɛɛ mɛtʉʉ pɔ́, ŋ́kɛ́ mbɔɔ yɛcɔ́ yúu ɡẅɛɛ? Pʉʉ kɔŋ nɛpɛn ḿbɛn nzʉʉ ḿbɛ́m pɛkwɑɑ mbɔ̌ pɔ́p kɛkʉ̈ɔ́?

1 Timɔtɛ́ɛ 4:8

Ŋu lɑɑ ŋ́kʉɔ ndʉ́ɔlɛ́, mbɔ ɛ́ ɡʉ ńcẅɛ́lɛ́ ndɑꞋ mbʉʉ yɛ́. Lɑ́ nɛɡɛ yúu mi ɛ́ pɔŋnɛ Sɛ́, cẅɛ́lɛ́ nǔu yúu tsʉʉ. Pɛkŋɛ fú nǔu ńjí ŋɡɔ pɛkŋɛ ɡú ŋkɔ̂ɔnɛ tɛ mbɑ nǔu ŋkɑ́ yi ɛ́ ɡʉ ŋ́ɡɛ lɑ́ ńtɔ́.

Ɛ́bɛlʉʉ 13:9

Kɔɔ pʉʉ pɛ́m pɛ́ zíꞋ wʉ́ʉ nɛ́ mɛnu ntɛ́ nɛ́ ntɛ́ mi ɛ́ kɑ́ cẅɛ́Ꞌnɛ nǔu nu yi pɛkŋɛ zɑ́pnɛ tʉ́m nǔu pɔ́, ŋ́ɡɛ pʉʉ fɑɑnɛ sɛ̂ndúŋ. Ɛ́ pɔŋ ŋɡɔ tsɑ́ɑmɛjʉ́ŋ-Sɛ́ níꞋnɛ tʉ́m-ŋu tɛ mbʉ́ʉ mi pɛ́ zɑ́pnɛ, ńcú nu nǔu yúu pɛjʉ́ pɔɔ nɑ́ŋ. Pʉɔ pi pɔ́p ɡẅɛɛnɛ mîmɑ́ mbʉ́ʉ kɑ́ pɔ́ ńjʉ́ yɛcɔ́ pii nǔu pɔ́.

Ɛ́bɛlʉʉ 7:19

Pɔ́Ꞌɔ mbíꞋŋɡɔ nɛpʉ́ʉ-Mɔ̌sɛ̂ɛ ŋkɑɑ ɡɛ tɛ yɛcɔ́ yúu kuꞋ nǔu ntɛ́ yi Sɛ́ sɛ́ ŋ́kɔŋ pɔ́. Ɛ́ ŋkɔ̂ɔnɛ, mbɔ Sɛ́ kɑ tík yɛcɔ́ ndúŋ fí, kwɑŋɛ yɛkŋɛ nɑ́ŋ ŋkɔ̂ɔnɛ ńtsʉ́Ꞌ ńtʉ́ʉ pɔ nǔu. Ɛ́ pɔŋ ńdɛɛ wɛcɔ́, mbíꞋŋɡɔ pɛkŋɛ ńdɛɛ nǔu ŋ́ɡʉ tɛ ŋ́kúu nɛjɔ́ŋ Sɛ́.