Ɛ́bɛlʉʉ 5:1 - Kɑɑ Fí

¹ Pɛ́ zɛɛ ŋ́ɡʉ pɔ tsɛtsɛt pʉɔmɛsɔŋ ńtsɔ́Ꞌ NɔŋpɔꞋ wɛ ɡwɛ́ pɔ nɛpɔ́ yi ɑ ɡʉ ɛ́fɑꞋ mbɔ̌ Sɛ́, nǔu tú-pʉɔmɛsɔŋ. Yɛ́ fɑꞋ pɔ́ nɛlɔk yúu ńtɔ́ mbi Sɛ́ ńnyɛt wɛ́, mbɑ nɛnɔŋ pɔꞋ ńdɔk ḿbúꞋ mbɔ́ mbɔ̌ wɛ́ ŋɡɔ ɑ likŋɛ mɛnu kɛpɔŋ-pʉɔmɛsɔŋ.

Ɛ́bɛlʉʉ 5:1 Marejeleo ya Msalaba

Pʉɔ-Lɔ́mɑ 15:17

N dɔk pɑ́Ꞌ dɑtnɛ mbʉʉ nǔu Yɛ́su Kɛlístɔ, ŋ́kuꞋ nɛlɔk fɑꞋ-Sɛ́ yi mɔ sɛ́ ɛ́fɑꞋ ŋ́kɑꞋmɛ.

1 Kɔlɛ̂ŋtɛ 15:3

N dyɑkŋɛ yúu mi pɛ́ kɑ zíꞋnɛ wɑ́ɑ ŋ́ɡɑ́ mbɔ̌ pʉʉ. Ɛ́ pɔ́ nǔu Ŋkʉʉ Sʉ́Ꞌnɛ ḿbɔ́ ŋɡút. Yîyɑ́ nu pɔ́ ŋɡɔ Kɛlístɔ kɑ pfú ntɛ́ nu kɛpɔŋ yɛkŋɛ, pɑ́Ꞌ ŋwɑꞋnɛ-Sɛ́ kɑ zɑ́Ꞌnɛ njí ńcú.

Ɛ́bɛlʉʉ 10:11

Ɛ́ ɡʉ nǔu nɔŋpɔꞋ wɛ ndɛn kɑɑ, mbɔ ɑ lɛ́Ꞌ tsʉʉ, ńtʉ́ʉ pɔ ntsu fɑꞋ yɛ́, ŋ́kɛ́ ńnɔŋ pɔ tɑ́Ꞌ ntɛ́ pɔꞋ ẅi ḿbɔ́ ɛ́ pɔɔ lɑ́Ꞌ yɛcɔ́ lɛ́Ꞌ ŋ́kuꞋ nɛfú nǔu ŋu ńjɛ́p mɛnu kɛpɔŋ mɛ́ pɔ́.

Ɛ́bɛlʉʉ 10:12

Lɑ́ ɛ́ kɛ́ ŋ́ɡʉ nǔu Kɛlístɔ, mbɔ ɑ kɑ nɔŋ pɔꞋ mbíꞋ mɛnu kɛpɔŋ pʉɔmɛsɔŋ, ɛ́ kuꞋ pɔ tɑ́Ꞌ ŋkɑ́ ɛ́ kuꞋ pɔ ndɑꞋ ndɑꞋ. A ɡʉ ŋ́kɔkŋɛ ńnɑ́ŋ nǔu ɡúŋ pɔ́-Sɛ́ yɛ́ tʉʉ.

Ɛ́bɛlʉʉ 11:4

Ɛ́ kɑ fú pɔ nǔu pɑ́Ꞌ Ábɛɛ kɑ zɑ́pnɛ tʉ́m yɛ́ nǔu Sɛ́, lɑ ńnɔŋ wɛ́ pɔꞋ, ɛ́ pɔŋ mbɔ̌ Sɛ́ ńdɛɛ wɛ Kɑyin. A kɑ fú pɔ nǔu, Sɛ́ líŋɛ wɛ́ tɛ ńcú ŋɡɔ, ɑ ndʉ́ŋndʉŋ mbi yɛ́, mbɔ ɑ kɑ tsʉ́Ꞌ nɛnyɛt, ḿbɛ́m yúu mi Ábɛɛ lɔknɛ ńtɔ́ mbi yɛ́. Ɛ́ kɑ fú pɔ nǔu pɑ́Ꞌ Ábɛɛ kɑ zɑ́pnɛ tʉ́m yɛ́ nǔu Sɛ́, ɛ́ pɛ́t lɔ́Ꞌnɛ ńcú nu mbɔ̌ pɛkŋɛ cúnɛ, lɑ́ mbɔ ɑ kɑ pfú mɔ́.

Ɛ́bɛlʉʉ 2:17

Ɛ́ kɑ pɔ́ pɔ́Ꞌɔ, ḿbɔ́ ḿbíkŋɛ ŋɡɔ ɑ ɡʉ nǔu mbɑ kʉ̈ɔ́ lɑ́ ḿbɔ́ pɑ́Ꞌ pɔ́ɔpɛ́mɑ́ pɛ́, ɛ́ lɛɛ pɔ́Ꞌɔ, ɑ pɔ́ nɔŋpɔꞋ wɛ ɡwɛ́ ẅí ɑ nɑ́ŋnɛ ńtsɑ́ɑ mɛjʉ́ŋ-pʉɔ, ńjí yɛ́ pɔ ndɑꞋ nɛfɑꞋ mbɔ̌ Sɛ́, nɛpɔ́ yi ɑ ɡʉ ŋ́ɡɛ Sɛ́ likŋɛ mɛfɑɑnɛ-pʉɔmɛsɔŋ.

Ɛ́bɛlʉʉ 7:27

A kɑ́ pɔ́ pɑ́Ꞌ pɛcɔ́ pɑnɔŋpɔꞋ pɛɡwɛ́ pi pɔ́p kɑ ɡẅɛɛnɛ nɛnɔŋ pɔꞋ lɛ́Ꞌ tsʉʉ pɔ́. Pɔ́p kɑ pɔ́ ḿbiitɛ ńnɔŋ pɔꞋ nǔu mɔ́p mɛnu kɛpɔŋ, lɑ ḿbɛn ńnɔŋ pɔꞋ nǔu mɛnu kɛpɔŋ pɛcɔ́ pʉɔ. A kɑ nɔŋ wɛ́ pɔꞋ pɔ tɑ́Ꞌ ŋkɑ́, ɛ́ pɔ́ pɑ́Ꞌ ɑ kɑ ɡɑ́nɛ túmbʉʉ yɛ́ nǔu tʉ́ mbɑ́ŋtɛ pɑ́ŋtɛ́nɛ, ɛ́ kuꞋ pɔ́Ꞌɔ.

Ɛ́bɛlʉʉ 8:3

Pɛ́ zɛɛ ńzɑ́p NɔŋpɔꞋ wɛ ɡwɛ́ pɔ nɛpɔ́ yi ɑ ɡʉ ńdɔk yúu ńtɔ́ mbi Sɛ́ ńnyɛt wɛ́ mbɑ pɑ́Ꞌ ɑ ɡʉ ńnɔŋ pɔꞋ mbi Sɛ́. Ɛ́ yúu mi ɛ́ ɡɛnɛ ɛ́ pɔ́ ḿbíkŋɛ ŋɡɔ wɛkŋɛ NɔŋpɔꞋ wɛ ɡwɛ́ pɛn ŋ́ɡẅɛɛ yɛ́ yúu mi ɑ ɡʉ ŋ́ɡɑ́ mbɔ̌ Sɛ́.

Ɛ́bɛlʉʉ 8:4

Kɛlístɔ kɑ pɔ́ pɛ́Ꞌnɛ ḿbɔ́ ndǔ tsɛ́tsɑ́Ꞌ, mbɔ ɑ zɛɛ mbɔɔ nɔŋpɔꞋ pɔ́, mbíꞋŋɡɔ pɑnɔŋpɔꞋ nǔu pɑ́Ꞌ nɛpʉ́ʉ-Mɔ̌sɛ̂ɛ sɛ́ ḿbíkŋɛ, kɑ lɑ́Ꞌ mɔ́ ḿbɔ́ ɡú.

Ɛ́bɛlʉʉ 9:9

Ɛ́ mbɔ̌ pɛkŋɛ nǔu ŋkɔ̂ɔnɛ ḿbɔ́ lii yi pɛ́ lɔknɛ nyɛt wɛkŋɛ nɛ nu. Yîyɑ́ nu pɔ́ ŋɡɔ: Yúu mi pɛ́ ɡɑ́nɛ mbɔ̌ Sɛ́ pɔ́p pɔꞋ ẅi pɛ́ nɔŋnɛ mbi yɛ́, ḿbɔ́ ɛ́ pɔɔ ɡɛ tɛ tʉ́m-ŋu ẅí ɑ ɡúꞋlɛ́nɛ Sɛ́ nǔu yîyɑ́ ntɛ́, kɛ́ ḿbɛ́t ḿbɔ́ ŋ́ŋɑk wɛ́ ŋɑknɛ pɔ́.